अन्नदस्यान्नवृक्षाश्च सर्वकामफलप्रदाः । भवन्ति चेह नामुत्रनृपतेर्नात्रसंशयः
annadasyānnavṛkṣāśca sarvakāmaphalapradāḥ / bhavanti ceha nāmutranṛpaternātrasaṃśayaḥ
Sanskrit only: no published translation is held for this verse.
Bhrgu-Samhita 35
आशंसते हि पितरस्सुवृष्टिमिव कर्षकाः । अस्माकमपि पुत्रो वा पौत्रो वान्नं प्रदास्यति
āśaṃsate hi pitarassuvṛṣṭimiva karṣakāḥ / asmākamapi putro vā pautro vānnaṃ pradāsyati
Sanskrit only: no published translation is held for this verse.
ब्राह्मणोहि महद्भूतं स्वयं देहीति याचते । अकामोवा सकामो वा दत्वा पुण्यमवाप्नुयात्
brāhmaṇohi mahadbhūtaṃ svayaṃ dehīti yācate / akāmovā sakāmo vā datvā puṇyamavāpnuyāt
Sanskrit only: no published translation is held for this verse.
ब्राह्मणस्सर्वभूतानामतिधिः प्रसृताग्रभुक् । विप्रा यमधिगच्छन्ति भिक्षमाणा गृहं सदा
brāhmaṇassarvabhūtānāmatidhiḥ prasṛtāgrabhuk / viprā yamadhigacchanti bhikṣamāṇā gṛhaṃ sadā
Sanskrit only: no published translation is held for this verse.
सत्कृताच्च निवर्तन्ते तदतीव प्रवर्थते । महाभोगे कुले प्रेत्य जन्म चाप्नोति नित्यशः
satkṛtācca nivartante tadatīva pravarthate / mahābhoge kule pretya janma cāpnoti nityaśaḥ
Sanskrit only: no published translation is held for this verse.
दत्वात्वन्नं नरो लोके यथास्थानमनुत्तमम् । नित्यं मृष्टान्नदायी तु स्वर्गे वसति सत्कृतः
datvātvannaṃ naro loke yathāsthānamanuttamam / nityaṃ mṛṣṭānnadāyī tu svarge vasati satkṛtaḥ
Sanskrit only: no published translation is held for this verse.
अन्नं प्राणा नराणांहि सर्वमन्ने प्रतिष्ठितम् । अन्नदः पशुमान् पुत्री धनवान् भोगवानपि
annaṃ prāṇā narāṇāṃhi sarvamanne pratiṣṭhitam / annadaḥ paśumān putrī dhanavān bhogavānapi
Sanskrit only: no published translation is held for this verse.
प्राणवांश्चापि भवति रूपवांश्च तथा भवेत् । अन्नदःप्राणदो लोके सर्वदः प्रोच्यते तु सः
prāṇavāṃścāpi bhavati rūpavāṃśca tathā bhavet / annadaḥprāṇado loke sarvadaḥ procyate tu saḥ
Sanskrit only: no published translation is held for this verse.
अन्नं हिदत्वातिथये ब्राह्मणाय यथाविधि । प्रदाता सुखमाप्नोति दैवतैश्चापि पूज्यते
annaṃ hidatvātithaye brāhmaṇāya yathāvidhi / pradātā sukhamāpnoti daivataiścāpi pūjyate
Sanskrit only: no published translation is held for this verse.
ब्राह्मणो हि महद्भूतं क्षेत्रभूतमिहोच्यते । उप्यते यत्र तद्बीजं तद्धि पुण्यफलं महत्
brāhmaṇo hi mahadbhūtaṃ kṣetrabhūtamihocyate / upyate yatra tadbījaṃ taddhi puṇyaphalaṃ mahat
Sanskrit only: no published translation is held for this verse.
प्रत्यक्षप्रीतिजननं भोक्तुर्दातुर्भवत्युत । सर्वाण्यन्यानि दानानि परोक्षफलवन्त्युत
pratyakṣaprītijananaṃ bhokturdāturbhavatyuta / sarvāṇyanyāni dānāni parokṣaphalavantyuta
Sanskrit only: no published translation is held for this verse.
अन्नाद्धि प्रसवं यान्ति रतिरन्नाद्धि जायते । धक्मार्थावन्नतो विद्यात् रोगनाशस्तथान्नतः
annāddhi prasavaṃ yānti ratirannāddhi jāyate / dhakmārthāvannato vidyāt roganāśastathānnataḥ
Sanskrit only: no published translation is held for this verse.
अन्नं ह्यद्भुतमित्याह पुरा कल्पे प्रजापतिः । अन्नं भुवं दिवं खं च सर्वमन्ने प्रतिष्ठितम्
annaṃ hyadbhutamityāha purā kalpe prajāpatiḥ / annaṃ bhuvaṃ divaṃ khaṃ ca sarvamanne pratiṣṭhitam
Sanskrit only: no published translation is held for this verse.
अन्न प्रणाशे भिद्यन्ते शरीरे पञ्च धातवः । बलं बलवतो ऽपीह प्रणश्यत्यन्नहानितः
anna praṇāśe bhidyante śarīre pañca dhātavaḥ / balaṃ balavato 'pīha praṇaśyatyannahānitaḥ
Sanskrit only: no published translation is held for this verse.
आवाहाश्च विवाहाश्च यज्ञाश्चान्नकृते तथा । निवर्तन्ते विशेषेण ब्रह्म चात्र प्रदीयते
āvāhāśca vivāhāśca yajñāścānnakṛte tathā / nivartante viśeṣeṇa brahma cātra pradīyate
Sanskrit only: no published translation is held for this verse.
अन्नतस्सर्वमेतद्धि यत्किञ्चित् स्थाणु जङ्गमम् । त्रिषुलोकेषु धर्मार्थमन्नं देयं ततो बुधैः
annatassarvametaddhi yatkiñcit sthāṇu jaṅgamam / triṣulokeṣu dharmārthamannaṃ deyaṃ tato budhaiḥ
Sanskrit only: no published translation is held for this verse.
अन्नदस्य मनुष्यस्य बलमोजो यशांसि च । आयुश्च वर्धते तद्वत्तेषु लोकेषु निश्चितम्
annadasya manuṣyasya balamojo yaśāṃsi ca / āyuśca vardhate tadvatteṣu lokeṣu niścitam
Sanskrit only: no published translation is held for this verse.
मेघादूर्ध्वं सन्निधत्तेप्राणानां पवनः पतिः । यच्च मेघगतं वारि शक्रो वर्षति हर्षितः
meghādūrdhvaṃ sannidhatteprāṇānāṃ pavanaḥ patiḥ / yacca meghagataṃ vāri śakro varṣati harṣitaḥ
Sanskrit only: no published translation is held for this verse.
आदत्ते च रसान् भौमान् आदित्यस्स्वगभस्तिभिः । वायुरादित्यतप्तांश्च रसान् देवःप्रवर्षति
ādatte ca rasān bhaumān ādityassvagabhastibhiḥ / vāyurādityataptāṃśca rasān devaḥpravarṣati
Sanskrit only: no published translation is held for this verse.
तद्यथा मेघतो वारि पतितं भवति क्षितौ । तदा वसुमती देवी स्निग्धा भवति भाविता
tadyathā meghato vāri patitaṃ bhavati kṣitau / tadā vasumatī devī snigdhā bhavati bhāvitā
Sanskrit only: no published translation is held for this verse.
ततस्सस्यानि रोहन्ति येन वर्तयते जगत् । मांसमेदो ऽस्थिशुक्राणां प्रादुर्भावस्ततः पुनः
tatassasyāni rohanti yena vartayate jagat / māṃsamedo 'sthiśukrāṇāṃ prādurbhāvastataḥ punaḥ
Sanskrit only: no published translation is held for this verse.
संभवन्ति ततश्शुक्रात्प्राणिनः पृधिवीतले । अग्निष्टोमौ हि तच्छ्रक्रं सृजतः पुष्यतश्च ह
saṃbhavanti tataśśukrātprāṇinaḥ pṛdhivītale / agniṣṭomau hi tacchrakraṃ sṛjataḥ puṣyataśca ha
Sanskrit only: no published translation is held for this verse.
एवमन्नाद्धि सूर्यश्च पवनश्शुक्रमेवच । एक एव स्मृतो राशिस्ततो भूतानि जङ्गिरे
evamannāddhi sūryaśca pavanaśśukramevaca / eka eva smṛto rāśistato bhūtāni jaṅgire
Sanskrit only: no published translation is held for this verse.
प्राणान् ददाति भूतानां तेजश्च सततप्रभम् । गृहमभ्यागतायाथ यो दद्यादन्नमर्थिने
prāṇān dadāti bhūtānāṃ tejaśca satataprabham / gṛhamabhyāgatāyātha yo dadyādannamarthine
Sanskrit only: no published translation is held for this verse.
अन्नदानाद्धि येलोकास्तांश्रुणुध्वं समाहिताः । भवनानि प्रकाशन्ते दिवि तेषां महात्मनाम्
annadānāddhi yelokāstāṃśruṇudhvaṃ samāhitāḥ / bhavanāni prakāśante divi teṣāṃ mahātmanām
Sanskrit only: no published translation is held for this verse.
तारासंस्थानरूपाणि नाना स्तंभान्वितानि च । चन्द्रमण्डलशुभ्राणि किङ्किणीजालवन्ति च
tārāsaṃsthānarūpāṇi nānā staṃbhānvitāni ca / candramaṇḍalaśubhrāṇi kiṅkiṇījālavanti ca
Sanskrit only: no published translation is held for this verse.
तरुणादित्यवर्णानि स्थावराणि चराणिच । अनेकशतभौमानि सांतर्जलचराणि च
taruṇādityavarṇāni sthāvarāṇi carāṇica / anekaśatabhaumāni sāṃtarjalacarāṇi ca
Sanskrit only: no published translation is held for this verse.
वैडूर्यार्कप्रकाशानि रौक्मरूप्यमयानि च । सर्वकामफलाश्चापि वृक्षा भवनसंस्थिताः
vaiḍūryārkaprakāśāni raukmarūpyamayāni ca / sarvakāmaphalāścāpi vṛkṣā bhavanasaṃsthitāḥ
Sanskrit only: no published translation is held for this verse.
वाप्यो वीथ्यः सभाः कूपादीर्घि काश्चैव सर्वशः । घोषवन्त्यथ यानानि मुक्तान्यथ सहस्रशः
vāpyo vīthyaḥ sabhāḥ kūpādīrghi kāścaiva sarvaśaḥ / ghoṣavantyatha yānāni muktānyatha sahasraśaḥ
Sanskrit only: no published translation is held for this verse.
भक्ष्यभोज्यमयाश्शैला वासांस्याभरणानि च । क्षीरं स्रवन्ति सरितस्तथा चैवान्न पर्वताः
bhakṣyabhojyamayāśśailā vāsāṃsyābharaṇāni ca / kṣīraṃ sravanti saritastathā caivānna parvatāḥ
Sanskrit only: no published translation is held for this verse.
प्रासादाः पाण्डुराभ्राभाश्शय्याश्च कनकोज्ज्वलाः । तान्यन्नदाः प्रपद्यन्ते तस्मादन्नं ददेत्सदा
prāsādāḥ pāṇḍurābhrābhāśśayyāśca kanakojjvalāḥ / tānyannadāḥ prapadyante tasmādannaṃ dadetsadā
Sanskrit only: no published translation is held for this verse.
दद्यादद्यात्सदैवान्नं विष्णवे विनिवेदितम् । हविःपात्रादि सौवर्णं राजतं ताम्रमेव वा
dadyādadyātsadaivānnaṃ viṣṇave viniveditam / haviḥpātrādi sauvarṇaṃ rājataṃ tāmrameva vā
Sanskrit only: no published translation is held for this verse.
कांस्यं वाप्यथ यो दद्यादर्घ्य पात्रादिकानपि । कलशान् करकान् कुंभानन्यांश्चैव परिच्छदान्
kāṃsyaṃ vāpyatha yo dadyādarghya pātrādikānapi / kalaśān karakān kuṃbhānanyāṃścaiva paricchadān
Sanskrit only: no published translation is held for this verse.
शक्तिलोभमकृत्वैव तस्य पुण्यफलं महत् । सौवर्णान्येवयो दद्यात्सारूप्यं लभते फलम्
śaktilobhamakṛtvaiva tasya puṇyaphalaṃ mahat / sauvarṇānyevayo dadyātsārūpyaṃ labhate phalam
Sanskrit only: no published translation is held for this verse.
राजतान्यथ योदद्यात्सामीप्यं फलमाप्नुयात् । दद्यात्ताम्राणि कांस्यानि सारोक्यं पदमेति सः
rājatānyatha yodadyātsāmīpyaṃ phalamāpnuyāt / dadyāttāmrāṇi kāṃsyāni sārokyaṃ padameti saḥ
Sanskrit only: no published translation is held for this verse.
ध्वचान्विचित्रान् यो दद्यान्नानावर्ण समायुतान् । सर्वेषामुत्तमो भूत्वा कुलकेतुर्भविष्यति
dhvacānvicitrān yo dadyānnānāvarṇa samāyutān / sarveṣāmuttamo bhūtvā kulaketurbhaviṣyati
Sanskrit only: no published translation is held for this verse.
श्वेतं वितानं रक्तं वा कृष्णं पीतं च श्यामलम् । दुकूलेनाथ पट्टेन तन्तुनान्येन वा कृतम्
śvetaṃ vitānaṃ raktaṃ vā kṛṣṇaṃ pītaṃ ca śyāmalam / dukūlenātha paṭṭena tantunānyena vā kṛtam
Sanskrit only: no published translation is held for this verse.
यो दद्याद्देवदेवस्य स गच्छेद्वैष्णवं पदम् । सोपधानां सतल्पां च खट्वां दद्याच्च योहरेः
yo dadyāddevadevasya sa gacchedvaiṣṇavaṃ padam / sopadhānāṃ satalpāṃ ca khaṭvāṃ dadyācca yohareḥ
Sanskrit only: no published translation is held for this verse.
कुबेरलोकमासाद्य तत्र सम्मोदते चिरम् । आतपत्रं तथा हैमं मुक्तादामविभूषितम्
kuberalokamāsādya tatra sammodate ciram / ātapatraṃ tathā haimaṃ muktādāmavibhūṣitam
Sanskrit only: no published translation is held for this verse.
हैमदण्डयुतं दद्यादिन्द्रलोकं स गच्छति । राज्यकामी तु राजा स्यात्सार्वभौमो ऽपि जायते
haimadaṇḍayutaṃ dadyādindralokaṃ sa gacchati / rājyakāmī tu rājā syātsārvabhaumo 'pi jāyate
Sanskrit only: no published translation is held for this verse.
मयूरच्छत्रदानात्तु वारुणं लोकमाप्नुयात् । चामरं हेमदण्डं च व्यजनं रत्नभूषितम्
mayūracchatradānāttu vāruṇaṃ lokamāpnuyāt / cāmaraṃ hemadaṇḍaṃ ca vyajanaṃ ratnabhūṣitam
Sanskrit only: no published translation is held for this verse.
केवलं हेमदण्डं वा भक्त्या शक्त्या च संयुतम् । अर्पयेद्धरये यस्तु देवलोके महीयते
kevalaṃ hemadaṇḍaṃ vā bhaktyā śaktyā ca saṃyutam / arpayeddharaye yastu devaloke mahīyate
Sanskrit only: no published translation is held for this verse.
मयूरव्यजनं तद्वद्रुक्मदण्डं च शक्तितः । भक्त्यैव यो हरेर्दद्याद्वायुलोके महीयते
mayūravyajanaṃ tadvadrukmadaṇḍaṃ ca śaktitaḥ / bhaktyaiva yo harerdadyādvāyuloke mahīyate
Sanskrit only: no published translation is held for this verse.
विमानं हैवसंच्छन्नं विष्णोर्यः कारयेन्नरः । अशक्यं तत्फलं वक्तुं सर्वैरपि सुरासुरैः
vimānaṃ haivasaṃcchannaṃ viṣṇoryaḥ kārayennaraḥ / aśakyaṃ tatphalaṃ vaktuṃ sarvairapi surāsuraiḥ
Sanskrit only: no published translation is held for this verse.
सौवर्मं विष्णुरूपन्तु यो भक्त्यैव तु कारयेत् । तस्यापि यत्फलं सर्वमनन्तमिति नश्श्रुतम्
sauvarmaṃ viṣṇurūpantu yo bhaktyaiva tu kārayet / tasyāpi yatphalaṃ sarvamanantamiti naśśrutam
Sanskrit only: no published translation is held for this verse.
मण्डपं वा प्रपां वाथ रत्नमुक्तोपशोभितम् । हेमलंब? समायुक्तं हैमस्तंभपरिष्कृतम्
maṇḍapaṃ vā prapāṃ vātha ratnamuktopaśobhitam / hemalaṃba? samāyuktaṃ haimastaṃbhapariṣkṛtam
Sanskrit only: no published translation is held for this verse.
कल्पयेद्विष्णुसालोक्यं प्राप्नोत्यमरदुर्लभम् । हैमं सिंहासनं श्रेष्ठं यो भक्त्यैवार्ऽपयेद्धरेः
kalpayedviṣṇusālokyaṃ prāpnotyamaradurlabham / haimaṃ siṃhāsanaṃ śreṣṭhaṃ yo bhaktyaivār'payeddhareḥ
Sanskrit only: no published translation is held for this verse.
सिंहासनं समास्थाय माहेन्द्रीं संपदं व्रजेत् । हैमीर्याश्शिबिकाश्चैव रङ्गादीन्यश्च कारयेत्
siṃhāsanaṃ samāsthāya māhendrīṃ saṃpadaṃ vrajet / haimīryāśśibikāścaiva raṅgādīnyaśca kārayet
Sanskrit only: no published translation is held for this verse.
हैमं यानं तथारुह्य विष्णुलोकं स गच्छति । अशक्तोदारवान् वाथरङ्गादीन् शिबिकास्तथा
haimaṃ yānaṃ tathāruhya viṣṇulokaṃ sa gacchati / aśaktodāravān vātharaṅgādīn śibikāstathā
Sanskrit only: no published translation is held for this verse.
सिंहासनं वा यो दद्यात्सोमलोकं स गच्छति । यश्च कांस्यमयीं घण्टांहृद्यध्वनियुतां ददेत्
siṃhāsanaṃ vā yo dadyātsomalokaṃ sa gacchati / yaśca kāṃsyamayīṃ ghaṇṭāṃhṛdyadhvaniyutāṃ dadet
Sanskrit only: no published translation is held for this verse.
हृद्यवाक्सुस्वरो हृद्यो वाग्मी स तु भवेन्नरः । शङ्खभेर्यादिदानेन शक्रलोके स पूज्यते
hṛdyavāksusvaro hṛdyo vāgmī sa tu bhavennaraḥ / śaṅkhabheryādidānena śakraloke sa pūjyate
Sanskrit only: no published translation is held for this verse.
नृत्तगेयादिभिर्वाद्यैर्घोषणं कारयेत्तु यः । नर्तयेदप्सरोभिर्वा गान्धर्वं लोकमाप्नुयात्
nṛttageyādibhirvādyairghoṣaṇaṃ kārayettu yaḥ / nartayedapsarobhirvā gāndharvaṃ lokamāpnuyāt
Sanskrit only: no published translation is held for this verse.
वीणावेणुविनादैश्च शक्त्या यः पूजयेद्धरिम् । भुक्त्वात्रमहदैश्वर्यं वैष्णवं पदमाप्नुयात्
vīṇāveṇuvinādaiśca śaktyā yaḥ pūjayeddharim / bhuktvātramahadaiśvaryaṃ vaiṣṇavaṃ padamāpnuyāt
Sanskrit only: no published translation is held for this verse.
यद्यद्द्रव्यं मुदा युक्तो दद्यात्तु हरये नरः । तदग्रे पूजकेभ्यश्च गुरवे च विशेषतः
yadyaddravyaṃ mudā yukto dadyāttu haraye naraḥ / tadagre pūjakebhyaśca gurave ca viśeṣataḥ
Sanskrit only: no published translation is held for this verse.
तत्प्रीत्यै चेतरेभ्यश्च ब्राह्मणेभ्यो विधानतः । समृद्धिं तस्य तस्यैव द्रव्यस्याप्नोत्यसंशयम्
tatprītyai cetarebhyaśca brāhmaṇebhyo vidhānataḥ / samṛddhiṃ tasya tasyaiva dravyasyāpnotyasaṃśayam
Sanskrit only: no published translation is held for this verse.
यं कामयित्वा दद्याद्यत्तत्सर्वं स लभेन्नरः । यद्यत्कर्म तदर्थं स्यात्परिचर्या च तस्य या
yaṃ kāmayitvā dadyādyattatsarvaṃ sa labhennaraḥ / yadyatkarma tadarthaṃ syātparicaryā ca tasya yā
Sanskrit only: no published translation is held for this verse.
तस्योपचारं यत्कर्म करोति श्रद्धया तु यः । सर्वयज्ञफलं प्राप्य नामीप्यं पदमाप्नु यात्
tasyopacāraṃ yatkarma karoti śraddhayā tu yaḥ / sarvayajñaphalaṃ prāpya nāmīpyaṃ padamāpnu yāt
Sanskrit only: no published translation is held for this verse.
तस्मादत्र प्रतिष्ठाप्य देवदेवस्य मन्दिरम् । शक्तिलोभमकृत्वैव विभवानाञ्चभक्तितः
tasmādatra pratiṣṭhāpya devadevasya mandiram / śaktilobhamakṛtvaiva vibhavānāñcabhaktitaḥ
Sanskrit only: no published translation is held for this verse.
बहुधा बहुलां वृत्तिं कल्पयेच्चेत्तदुत्तमम् । अथार्ऽचने फलं वक्ष्ये विशेषेण मधुद्विषः
bahudhā bahulāṃ vṛttiṃ kalpayeccettaduttamam / athār'cane phalaṃ vakṣye viśeṣeṇa madhudviṣaḥ
Sanskrit only: no published translation is held for this verse.
भक्त्याप्रदक्षिणं कुर्वन्नित्यं विष्ण्वालये नरः । सायं प्रातश्च देवेशं नमस्यन्नथ चिन्तयन्
bhaktyāpradakṣiṇaṃ kurvannityaṃ viṣṇvālaye naraḥ / sāyaṃ prātaśca deveśaṃ namasyannatha cintayan
Sanskrit only: no published translation is held for this verse.
यः प्रमामं मुहुः कुर्यात्स तु यज्ञफलं लभेत् । उपचारविशेषाणाद्वक्ष्यते फलम्
yaḥ pramāmaṃ muhuḥ kuryātsa tu yajñaphalaṃ labhet / upacāraviśeṣāṇādvakṣyate phalam
Sanskrit only: no published translation is held for this verse.
ध्यानमावाहनं कृत्वा सर्वान् कामानवाप्नुयात् । अष्टाङ्गयोगमार्गेण मनसा भावयन् हरिम्
dhyānamāvāhanaṃ kṛtvā sarvān kāmānavāpnuyāt / aṣṭāṅgayogamārgeṇa manasā bhāvayan harim
Sanskrit only: no published translation is held for this verse.
संचिन्त्य मनसा पूर्वं पूतकायो महामनाः । यः कुर्यात्पूजनं विष्णोस्तत्र देवो वसेद्ध्रुवम्
saṃcintya manasā pūrvaṃ pūtakāyo mahāmanāḥ / yaḥ kuryātpūjanaṃ viṣṇostatra devo vaseddhruvam
Sanskrit only: no published translation is held for this verse.
अर्चकस्य तपोयोगात्पूजाया श्चातिशायनात् । आभिरूप्याच्च बिंबस्य सन्निधेः प्रोच्यते हरेः
arcakasya tapoyogātpūjāyā ścātiśāyanāt / ābhirūpyācca biṃbasya sannidheḥ procyate hareḥ
Sanskrit only: no published translation is held for this verse.
आसनं हरये दत्वा प्रतिष्ठां लभते चिरम् । स्वागतेनानुमानेन यः पूजयति माधवम्
āsanaṃ haraye datvā pratiṣṭhāṃ labhate ciram / svāgatenānumānena yaḥ pūjayati mādhavam
Sanskrit only: no published translation is held for this verse.
सर्वैरनुमतो भूत्वा स्वागतं सो ऽभिपद्यते । पाद्यमाचमनीयं च समर्प्य हरये नरः
sarvairanumato bhūtvā svāgataṃ so 'bhipadyate / pādyamācamanīyaṃ ca samarpya haraye naraḥ
Sanskrit only: no published translation is held for this verse.
बाह्यमाभ्यन्तरं यत्तु पापं तेन विमुच्यते । नित्यं पुष्पाणि पुण्यानि भक्त्या यस्तु समर्चयेत्
bāhyamābhyantaraṃ yattu pāpaṃ tena vimucyate / nityaṃ puṣpāṇi puṇyāni bhaktyā yastu samarcayet
Sanskrit only: no published translation is held for this verse.
सूर्यकोटिनिभं दिव्यं विमानमधिरुह्यसः । विष्णुलोकं गतस्सत्यं विष्णुवन्मोदते चिरम्
sūryakoṭinibhaṃ divyaṃ vimānamadhiruhyasaḥ / viṣṇulokaṃ gatassatyaṃ viṣṇuvanmodate ciram
Sanskrit only: no published translation is held for this verse.
देवेशं पुष्पमालाद्यैरलङ्कुर्याच्च यो बुधः । तस्यानन्तफलं प्रोक्त मनन्तो भगवान् हरिः
deveśaṃ puṣpamālādyairalaṅkuryācca yo budhaḥ / tasyānantaphalaṃ prokta mananto bhagavān hariḥ
Sanskrit only: no published translation is held for this verse.
चंपकाशोकपुन्नाग जातीमलयपङ्कजम् । समर्प्य देवदेवाय शुभानामाश्रयो भवेत्
caṃpakāśokapunnāga jātīmalayapaṅkajam / samarpya devadevāya śubhānāmāśrayo bhavet
Sanskrit only: no published translation is held for this verse.
दमनोशीरलामज्जा केतक्युत्पलमर्पयेत् । मङ्गलं तस्य निश्छिद्रं भवेदेव न संशयः
damanośīralāmajjā ketakyutpalamarpayet / maṅgalaṃ tasya niśchidraṃ bhavedeva na saṃśayaḥ
Sanskrit only: no published translation is held for this verse.
तुलसीमर्पयेद्विद्वान् पादयोर्भक्तितो हरेः । स चान न्तफलं प्राप्य मोदते विष्णुसन्नेधौ
tulasīmarpayedvidvān pādayorbhaktito hareḥ / sa cāna ntaphalaṃ prāpya modate viṣṇusannedhau
Sanskrit only: no published translation is held for this verse.
सुगन्धिपुष्पदानेन सुगन्धिर्जायते नरः । बहुपुष्पप्रदानेन बहुधा तुष्यते?हरिः
sugandhipuṣpadānena sugandhirjāyate naraḥ / bahupuṣpapradānena bahudhā tuṣyate?hariḥ
Sanskrit only: no published translation is held for this verse.
बहुजातिसुमानां च दानेन प्रीयते स वै । पादयोरर्पणाद्विष्णोः पुष्पाणां संचयं सकृत्
bahujātisumānāṃ ca dānena prīyate sa vai / pādayorarpaṇādviṣṇoḥ puṣpāṇāṃ saṃcayaṃ sakṛt
Sanskrit only: no published translation is held for this verse.
पदेपदे चाश्वमेधफलं प्राप्नोत्यसंशयम् । तुलसीं मूर्थ्नि देवस्य समर्प्य मधुविद्विषः
padepade cāśvamedhaphalaṃ prāpnotyasaṃśayam / tulasīṃ mūrthni devasya samarpya madhuvidviṣaḥ
Sanskrit only: no published translation is held for this verse.
नरः पापाद्विमुच्येत कर्मणा नोपलिप्यते । सर्वाङ्गेष्वर्पयन् पुष्पं सर्वगस्य नरो हरेः
naraḥ pāpādvimucyeta karmaṇā nopalipyate / sarvāṅgeṣvarpayan puṣpaṃ sarvagasya naro hareḥ
Sanskrit only: no published translation is held for this verse.
सर्वदा सर्वलोकेषु कामचोरो भविष्यति । अलङ्कृत्य फलैर्देवं पुष्पार्पणफलं लभेत्
sarvadā sarvalokeṣu kāmacoro bhaviṣyati / alaṅkṛtya phalairdevaṃ puṣpārpaṇaphalaṃ labhet
Sanskrit only: no published translation is held for this verse.
संगन्धचन्दनद्रव्यं कर्पूरादियुतं तथा । यथार्हमर्पयेदङ्गेश्लक्ष्णं सर्वाङ्गसुन्दरम्
saṃgandhacandanadravyaṃ karpūrādiyutaṃ tathā / yathārhamarpayedaṅgeślakṣṇaṃ sarvāṅgasundaram
Sanskrit only: no published translation is held for this verse.
स नरो विष्णुसालोक्यं प्रयात्यमरदुर्लभम् । स्वयमेवाहृतैः पुष्पैः पूजयेद्यस्तु माधवम्
sa naro viṣṇusālokyaṃ prayātyamaradurlabham / svayamevāhṛtaiḥ puṣpaiḥ pūjayedyastu mādhavam
Sanskrit only: no published translation is held for this verse.
स सर्वान् समवाप्नोति पुष्पार्पणफलादिकान् । सर्वेषामपि पुष्पाणां तुलसी प्रीतिदा हरेः
sa sarvān samavāpnoti puṣpārpaṇaphalādikān / sarveṣāmapi puṣpāṇāṃ tulasī prītidā hareḥ
Sanskrit only: no published translation is held for this verse.
तुलसीदलमादाय यत्र गच्छति पूजकः । अनुगच्छति तं देवो यथा गोर्वत्सला भृशम्
tulasīdalamādāya yatra gacchati pūjakaḥ / anugacchati taṃ devo yathā gorvatsalā bhṛśam
Sanskrit only: no published translation is held for this verse.
प्रत्यहं पूजयेद्यस्तु तुलस्या गरुडध्वजम् । जन्ममृत्युजराव्याधिमुक्तो मुक्तिमवाप्नुयात्
pratyahaṃ pūjayedyastu tulasyā garuḍadhvajam / janmamṛtyujarāvyādhimukto muktimavāpnuyāt
Sanskrit only: no published translation is held for this verse.
मणिकाञ्चनपुष्पाणि मुक्तावैदूर्यकानि च । तुलसीदलदानस्य कलां नार्ऽहन्ति षोडशीम्
maṇikāñcanapuṣpāṇi muktāvaidūryakāni ca / tulasīdaladānasya kalāṃ nār'hanti ṣoḍaśīm
Sanskrit only: no published translation is held for this verse.
सुमञ्जरीदलैर्युक्तैः कोमलैस्तुलसीदलैः । ये कुर्वन्ति हरेः पूजां ते कृतार्थाः कलौ युगे
sumañjarīdalairyuktaiḥ komalaistulasīdalaiḥ / ye kurvanti hareḥ pūjāṃ te kṛtārthāḥ kalau yuge
Sanskrit only: no published translation is held for this verse.
शुष्कं पर्युषितं वार्ऽद्रं काष्ठं वा तुलसीदलम् । अर्चने वासुदेवस्य लक्षकोटिगुणं भवेत्
śuṣkaṃ paryuṣitaṃ vār'draṃ kāṣṭhaṃ vā tulasīdalam / arcane vāsudevasya lakṣakoṭiguṇaṃ bhavet
Sanskrit only: no published translation is held for this verse.
तुलसीग्रहणं शस्तं विष्णोरर्चनहेतवे । वर्ज्यं पर्युषितं पुष्पं न वर्ज्यं तुलसीदलम्
tulasīgrahaṇaṃ śastaṃ viṣṇorarcanahetave / varjyaṃ paryuṣitaṃ puṣpaṃ na varjyaṃ tulasīdalam
Sanskrit only: no published translation is held for this verse.
वर्ज्यं पर्युषितं तोयं न वर्ज्यं जाह्नवीजलम् । अन्यत्पर्युषितं वर्ज्यं न वर्ज्यं पद्मपुष्पकम्
varjyaṃ paryuṣitaṃ toyaṃ na varjyaṃ jāhnavījalam / anyatparyuṣitaṃ varjyaṃ na varjyaṃ padmapuṣpakam
Sanskrit only: no published translation is held for this verse.
शुष्कैः पर्युषितैर्वापि काष्ठमूलमृदादिभिः । अर्चनाद्वासुदेवस्य मुक्तो भवति पूरुषः
śuṣkaiḥ paryuṣitairvāpi kāṣṭhamūlamṛdādibhiḥ / arcanādvāsudevasya mukto bhavati pūruṣaḥ
Sanskrit only: no published translation is held for this verse.
पुष्कराद्यानि तीर्थानि गङ्गाद्यास्सरितस्तथा । देवा दिविस्थिता ये वैतिष्ठन्ति तुलसीदले
puṣkarādyāni tīrthāni gaṅgādyāssaritastathā / devā divisthitā ye vaitiṣṭhanti tulasīdale
Sanskrit only: no published translation is held for this verse.
तावद्गर्जन्ति पुष्पाणि मालत्यादीनि गर्वतः । यावन्न प्राप्यते पुण्या तुलसी विष्णुवल्लभा
tāvadgarjanti puṣpāṇi mālatyādīni garvataḥ / yāvanna prāpyate puṇyā tulasī viṣṇuvallabhā
Sanskrit only: no published translation is held for this verse.
सकृदभ्यर्च्य गोविन्दं तुलस्या चैव मानवः । मुक्तिभागी निरातङ्कं कृष्णस्यानुचरो भवेत्
sakṛdabhyarcya govindaṃ tulasyā caiva mānavaḥ / muktibhāgī nirātaṅkaṃ kṛṣṇasyānucaro bhavet
Sanskrit only: no published translation is held for this verse.
नाक्षतैरर्चयेद्विष्णुं न शंभुं शङ्खवारिणा । नार्चयेद्दूर्वया दुर्गां न तुलस्या सुरान्तरम्
nākṣatairarcayedviṣṇuṃ na śaṃbhuṃ śaṅkhavāriṇā / nārcayeddūrvayā durgāṃ na tulasyā surāntaram
Sanskrit only: no published translation is held for this verse.
दलालाभे तुलस्यास्तु पत्रैराराधयेद्धरिम् । पत्रालाभे शिफाभिर्वा शिफाभावे शिफालवैः
dalālābhe tulasyāstu patrairārādhayeddharim / patrālābhe śiphābhirvā śiphābhāve śiphālavaiḥ
Sanskrit only: no published translation is held for this verse.
लवालाभे मृदा तत्र भक्तिमानर्चयेद्धरिम् । हरेरभ्यर्चनायां च तुलसी साधनं परम्
lavālābhe mṛdā tatra bhaktimānarcayeddharim / harerabhyarcanāyāṃ ca tulasī sādhanaṃ param
Sanskrit only: no published translation is held for this verse.
अलाभे तुलसी च तन्नामग्रहणं परम् । भगवानरविन्दाक्षस्सन्तुष्यति सहस्रधा
alābhe tulasī ca tannāmagrahaṇaṃ param / bhagavānaravindākṣassantuṣyati sahasradhā
Sanskrit only: no published translation is held for this verse.
न पद्मैर्नापि कल्हारैर्न हेमकुसुमैरपि । तथा तुष्यति गोविन्दो यथैन तुलसीदलैः
na padmairnāpi kalhārairna hemakusumairapi / tathā tuṣyati govindo yathaina tulasīdalaiḥ
Sanskrit only: no published translation is held for this verse.
संगृह्य तुलसीं भक्त्या सर्वानिष्ट । तुलस्यैव हरेः पूजां ये कुर्वन्ति सदा भुवि
saṃgṛhya tulasīṃ bhaktyā sarvāniṣṭa / tulasyaiva hareḥ pūjāṃ ye kurvanti sadā bhuvi
Sanskrit only: no published translation is held for this verse.
तस्मात्तुलस्या सदृशं स च भूतं न भावि च । तुलसीकाननामोदवापिता यत्र मारुताः
tasmāttulasyā sadṛśaṃ sa ca bhūtaṃ na bhāvi ca / tulasīkānanāmodavāpitā yatra mārutāḥ
Sanskrit only: no published translation is held for this verse.
न तत्र धरणीभागे चरन्ति यमकिङ्कराः । "तुलसी तुलसीऽऽत्येवं नामान्यावर्तयन्तिये
na tatra dharaṇībhāge caranti yamakiṅkarāḥ / "tulasī tulasī''tyevaṃ nāmānyāvartayantiye
Sanskrit only: no published translation is held for this verse.
ते विष्णुलोकमासाद्य पश्यन्ति मधुसूदनम् । दर्शनाच्छ्रवणात्स्वर्शात्स्मरणात्कीर्तनादपि
te viṣṇulokamāsādya paśyanti madhusūdanam / darśanācchravaṇātsvarśātsmaraṇātkīrtanādapi
Sanskrit only: no published translation is held for this verse.
पुनाति तुलसी पुण्या दशपूर्वान् दशावरान् । तुलसीकाननं यत्र यत्र वा हरिकीर्तनम्
punāti tulasī puṇyā daśapūrvān daśāvarān / tulasīkānanaṃ yatra yatra vā harikīrtanam
Sanskrit only: no published translation is held for this verse.
तत्रैवास्ते हरिश्श्रीमान् शङ्खचक्रगदायुधः । यः पूजयेत्फलैर्विष्णुं नुपक्वैरमृतोपमैः
tatraivāste hariśśrīmān śaṅkhacakragadāyudhaḥ / yaḥ pūjayetphalairviṣṇuṃ nupakvairamṛtopamaiḥ
Sanskrit only: no published translation is held for this verse.
पुण्यवृक्षसमुद्भूतैस्तत्फलं केन वर्ण्यते । चन्दनागुरुकोष्ठ्वाद्यैर्भूपमाघ्रापयेच्चयः
puṇyavṛkṣasamudbhūtaistatphalaṃ kena varṇyate / candanāgurukoṣṭhvādyairbhūpamāghrāpayeccayaḥ
Sanskrit only: no published translation is held for this verse.
सूर्यलोकं स गत्वैव याति विष्णोः परं पदम् । घृतेन कापिलेनैव दृढवर्तियुतं तु यः
sūryalokaṃ sa gatvaiva yāti viṣṇoḥ paraṃ padam / ghṛtena kāpilenaiva dṛḍhavartiyutaṃ tu yaḥ
Sanskrit only: no published translation is held for this verse.
दर्शयेद्देवदेवस्य दीपं दृष्टिमनोहरम् । सो ऽन्धं नैव प्रविशति नरकं नरपुङ्गवः
darśayeddevadevasya dīpaṃ dṛṣṭimanoharam / so 'ndhaṃ naiva praviśati narakaṃ narapuṅgavaḥ
Sanskrit only: no published translation is held for this verse.
यस्तु तैलेन संदीप्तं दर्शयेद्दीपमुज्ज्वलम् । विमानमतिविद्योति यात्यारुह्य तमःपरम्
yastu tailena saṃdīptaṃ darśayeddīpamujjvalam / vimānamatividyoti yātyāruhya tamaḥparam
Sanskrit only: no published translation is held for this verse.
कर्बूरदीपं यो भक्त्या दर्शयेद्धरये नरः । तस्य पापानि नश्यन्ति निर्लेपस्स भविष्यति
karbūradīpaṃ yo bhaktyā darśayeddharaye naraḥ / tasya pāpāni naśyanti nirlepassa bhaviṣyati
Sanskrit only: no published translation is held for this verse.
विधिनार्ऽघ्यं हरेर्दद्यादष्ठाङ्गं भक्तितो नरः । चन्द्रलोकं स गत्वैव याति विष्णोः परं पदम्
vidhinār'ghyaṃ harerdadyādaṣṭhāṅgaṃ bhaktito naraḥ / candralokaṃ sa gatvaiva yāti viṣṇoḥ paraṃ padam
Sanskrit only: no published translation is held for this verse.
सुगन्धि शुभमुत्पूतं स्नानतोयं च यो ददेत् । देवेशस्य विशेषण स भवेद्वीतकल्मषः
sugandhi śubhamutpūtaṃ snānatoyaṃ ca yo dadet / deveśasya viśeṣaṇa sa bhavedvītakalmaṣaḥ
Sanskrit only: no published translation is held for this verse.
ततश्च वारुणं लोकं प्राप्य तत्रैव मोदते । प्लोतवस्त्रोत्तरीयाणि विशुद्धानि मृदूनि च
tataśca vāruṇaṃ lokaṃ prāpya tatraiva modate / plotavastrottarīyāṇi viśuddhāni mṛdūni ca
Sanskrit only: no published translation is held for this verse.
देवदेवस्य दत्वा तु सौम्यं लोकमवाप्नुयात् । कार्पासमथ च क्षौमं कौशेयं राङ्कवं तथा
devadevasya datvā tu saumyaṃ lokamavāpnuyāt / kārpāsamatha ca kṣaumaṃ kauśeyaṃ rāṅkavaṃ tathā
Sanskrit only: no published translation is held for this verse.
यथाशक्ति समर्प्यैव फलं चानन्तमश्नुते । कार्पासाद्राङ्गवं तस्मात्कौ शेयं क्षौममित्यपि
yathāśakti samarpyaiva phalaṃ cānantamaśnute / kārpāsādrāṅgavaṃ tasmātkau śeyaṃ kṣaumamityapi
Sanskrit only: no published translation is held for this verse.
प्रशस्तं कथितं वस्त्रं यथा शक्त्यनुरूपतः । सौवर्णाभरणान्यत्र मुक्तामणिकृतानि वा
praśastaṃ kathitaṃ vastraṃ yathā śaktyanurūpataḥ / sauvarṇābharaṇānyatra muktāmaṇikṛtāni vā
Sanskrit only: no published translation is held for this verse.
अर्पयेद्देवदेवस्य भवेद्भूमिपतिस्स हि । जांबूनदं शातकुंभं हाटकं वैणवं तथा
arpayeddevadevasya bhavedbhūmipatissa hi / jāṃbūnadaṃ śātakuṃbhaṃ hāṭakaṃ vaiṇavaṃ tathā
Sanskrit only: no published translation is held for this verse.
श्रुङ्गी च शुक्तिजं चैव जातरूपमतः परम् । रसविद्धं तथा प्रोक्तमाकरोद्गतमित्यपि
śruṅgī ca śuktijaṃ caiva jātarūpamataḥ param / rasaviddhaṃ tathā proktamākarodgatamityapi
Sanskrit only: no published translation is held for this verse.
प्रोक्तं बहुविधं हेम पूर्वात्पूर्वात्परं परम् । प्रत्युप्तानि विशेषेण रत्नैर्नावाविधैर्हरेः
proktaṃ bahuvidhaṃ hema pūrvātpūrvātparaṃ param / pratyuptāni viśeṣeṇa ratnairnāvāvidhairhareḥ
Sanskrit only: no published translation is held for this verse.
भूषणान्यर्पयेद्भक्त्या मित्राण्यस्य नवग्रहाः । राजश्रियं च भुक्त्वा न्ते विष्णुलोकं स गच्छति
bhūṣaṇānyarpayedbhaktyā mitrāṇyasya navagrahāḥ / rājaśriyaṃ ca bhuktvā nte viṣṇulokaṃ sa gacchati
Sanskrit only: no published translation is held for this verse.
उपवीतं तु यो दद्यात्सौवर्णैस्तन्तुभिः कृताम् । द्विजोत्तमस्स्याद्विज्ञानी ब्रह्मलोकमवाप्नुयात्
upavītaṃ tu yo dadyātsauvarṇaistantubhiḥ kṛtām / dvijottamassyādvijñānī brahmalokamavāpnuyāt
Sanskrit only: no published translation is held for this verse.
सालग्रामैश्च बहुभिर्निर्मितां मालिकां तु यः । अर्पयेद्देवदेवस्य स विष्णोर्याति सन्निधिम्
sālagrāmaiśca bahubhirnirmitāṃ mālikāṃ tu yaḥ / arpayeddevadevasya sa viṣṇoryāti sannidhim
Sanskrit only: no published translation is held for this verse.
लक्ष्मीः प्रियतमा विष्णोस्सा हि नित्यानपायिनी । स्वसंकाल्पानुविद्धा च शक्तिस्सर्वात्मिका परा
lakṣmīḥ priyatamā viṣṇossā hi nityānapāyinī / svasaṃkālpānuviddhā ca śaktissarvātmikā parā
Sanskrit only: no published translation is held for this verse.