Ksemendra: Bharatamanjari 19

पप्रच्छ चित्रलेखाख्या कुम्भाण्डदुहितासखी । कुतस्ते भयमुत्पन्नं किं लतेव प्रकम्पसे

papraccha citralekhākhyā kumbhāṇḍaduhitāsakhī / kutaste bhayamutpannaṃ kiṃ lateva prakampase

Sanskrit only: no published translation is held for this verse.

तनया ह्यसि बाणस्य जम्भारिभयकारिणः । इत्युषा सहसा सख्या पृष्टा तां प्रत्यभाषत

tanayā hyasi bāṇasya jambhāribhayakāriṇaḥ / ityuṣā sahasā sakhyā pṛṣṭā tāṃ pratyabhāṣata

Sanskrit only: no published translation is held for this verse.

मुकेन्दौ लाञ्छनच्छायां कुर्वाणामञ्जनास्रुभिः । कथं नु दूषिता नाम पूज्यासि जनमानिनी

mukendau lāñchanacchāyāṃ kurvāṇāmañjanāsrubhiḥ / kathaṃ nu dūṣitā nāma pūjyāsi janamāninī

Sanskrit only: no published translation is held for this verse.

उत्सहे जीवितं जातु कलङ्कितकुला सती । इति प्रलापमुखरां सखीं तामवदन्मुदा

utsahe jīvitaṃ jātu kalaṅkitakulā satī / iti pralāpamukharāṃ sakhīṃ tāmavadanmudā

Sanskrit only: no published translation is held for this verse.

स्वप्नसङ्गेन दूष्यन्ते न मुग्धे कुलयोषितः । किं न स्मरसि यद्गौर्या सूचितं केलिकानने । स्वप्ने हृदयचौरस्ते भविता भीरु वल्लभः

svapnasaṅgena dūṣyante na mugdhe kulayoṣitaḥ / kiṃ na smarasi yadgauryā sūcitaṃ kelikānane / svapne hṛdayacauraste bhavitā bhīru vallabhaḥ

Sanskrit only: no published translation is held for this verse.

इति संस्मारिता स्वैरं सहसा चित्रलेखया । प्रदध्यौ वलल्भं हर्षान्मनसामृतदीधितिम्

iti saṃsmāritā svairaṃ sahasā citralekhayā / pradadhyau valalbhaṃ harṣānmanasāmṛtadīdhitim

Sanskrit only: no published translation is held for this verse.

अभिलाषरसस्तस्या नवः को ऽपि व्यवर्धत । सहसा येन जज्वाल प्रबलो मन्मथानलः

abhilāṣarasastasyā navaḥ ko 'pi vyavardhata / sahasā yena jajvāla prabalo manmathānalaḥ

Sanskrit only: no published translation is held for this verse.

तां वीक्ष्य संततोच्छ्वासधूसराधरपल्लवाम् । लतामिवातपक्लान्तां चित्रलेखावदत्सखीम्

tāṃ vīkṣya saṃtatocchvāsadhūsarādharapallavām / latāmivātapaklāntāṃ citralekhāvadatsakhīm

Sanskrit only: no published translation is held for this verse.

सखि को ऽयमनालेख्यचित्रत्रकौतुकविभ्रमः । स्वप्नदृष्टजने रागः स्वपुष्पोत्तंसशेखरः

sakhi ko 'yamanālekhyacitratrakautukavibhramaḥ / svapnadṛṣṭajane rāgaḥ svapuṣpottaṃsaśekharaḥ

Sanskrit only: no published translation is held for this verse.

दर्पणप्रतिमालाभस्तारकाचन्द्रयाचनम् । हेवाकः स्वप्नदृष्टे च बाले बालमनोरथः

darpaṇapratimālābhastārakācandrayācanam / hevākaḥ svapnadṛṣṭe ca bāle bālamanorathaḥ

Sanskrit only: no published translation is held for this verse.

न जानीमः स कः क्वास्ते कथं वा केन लभ्यते । अवश्यमेव भविता स्वयं ते तत्समागमः

na jānīmaḥ sa kaḥ kvāste kathaṃ vā kena labhyate / avaśyameva bhavitā svayaṃ te tatsamāgamaḥ

Sanskrit only: no published translation is held for this verse.

अथवा सुरगन्धर्वकिन्नरोरगरक्षसाम् । वपूंषि भूमिपानां च त्रैलोक्यान्तरवर्तिनाम्

athavā suragandharvakinnaroragarakṣasām / vapūṃṣi bhūmipānāṃ ca trailokyāntaravartinām

Sanskrit only: no published translation is held for this verse.

पटान्ते निर्विशेषाणि लिखित्वा सखि मायया । दर्शयामि तव क्षिप्रं ततो जानीहि वल्लभम्

paṭānte nirviśeṣāṇi likhitvā sakhi māyayā / darśayāmi tava kṣipraṃ tato jānīhi vallabham

Sanskrit only: no published translation is held for this verse.

इत्युक्त्वा सप्तरात्रेण लिखित्वा सकलान्पटे । अचित्रयच्चित्रलेखा सख्याः सर्वानुकारिणी

ityuktvā saptarātreṇa likhitvā sakalānpaṭe / acitrayaccitralekhā sakhyāḥ sarvānukāriṇī

Sanskrit only: no published translation is held for this verse.

चित्रपट्टगतान्वीक्ष्य सुरभोगिनृमानुषान् । ददर्श वृष्णिवीराणां मध्ये गोविन्दसुन्दरम्

citrapaṭṭagatānvīkṣya surabhoginṛmānuṣān / dadarśa vṛṣṇivīrāṇāṃ madhye govindasundaram

Sanskrit only: no published translation is held for this verse.

अनिरुद्धं तमालोक्य विस्मयानन्दनिर्भरा । उषा बभाषे कौमारव्रतचौरो ममैष सः

aniruddhaṃ tamālokya vismayānandanirbharā / uṣā babhāṣe kaumāravratacauro mamaiṣa saḥ

Sanskrit only: no published translation is held for this verse.

सखि प्राज्यभुजः कान्तः को ऽयं कमललोचनः । प्रसह्यापहृतं येन धैर्यं मे मनसा सह

sakhi prājyabhujaḥ kāntaḥ ko 'yaṃ kamalalocanaḥ / prasahyāpahṛtaṃ yena dhairyaṃ me manasā saha

Sanskrit only: no published translation is held for this verse.

चित्रलेखा निशम्यैतदुवाच रुचिरस्मिता । अयं सखि मुरारातेः कृष्णस्य तनयात्मजः

citralekhā niśamyaitaduvāca rucirasmitā / ayaṃ sakhi murārāteḥ kṛṣṇasya tanayātmajaḥ

Sanskrit only: no published translation is held for this verse.

वीरो ऽनिरुद्धस्ते देव्यादिष्टो हृदयवल्लभः । स्वप्ने त्वां रतिमन्वेष्टुं नूनं कामो ऽयमागतः

vīro 'niruddhaste devyādiṣṭo hṛdayavallabhaḥ / svapne tvāṃ ratimanveṣṭuṃ nūnaṃ kāmo 'yamāgataḥ

Sanskrit only: no published translation is held for this verse.

विस्मितैर्विक्रमेणास्य संग्रामेषु सुरासुरैः । खर्वीक्रियन्ते सुभटाः सबान्धवमनोरथाः

vismitairvikrameṇāsya saṃgrāmeṣu surāsuraiḥ / kharvīkriyante subhaṭāḥ sabāndhavamanorathāḥ

Sanskrit only: no published translation is held for this verse.

श्रुत्वैतन्मन्मथाविष्टा प्रतिमान्यस्तलोचना । उषावदद्विना कान्तं नाहं जीवितुमुत्सहे

śrutvaitanmanmathāviṣṭā pratimānyastalocanā / uṣāvadadvinā kāntaṃ nāhaṃ jīvitumutsahe

Sanskrit only: no published translation is held for this verse.

यदि तेर्ऽथो मम प्राणैर्यदि ते ऽहं प्रिया सखी । तदनेन कुरु क्षिप्रं कान्तेन मम संगमम्

yadi ter'tho mama prāṇairyadi te 'haṃ priyā sakhī / tadanena kuru kṣipraṃ kāntena mama saṃgamam

Sanskrit only: no published translation is held for this verse.

इति ब्रुवाणामसकृच्चित्रलेखा जगाद ताम् । पितुस्ते शोणितपुरं यथा सुभटरक्षितम्

iti bruvāṇāmasakṛccitralekhā jagāda tām / pituste śoṇitapuraṃ yathā subhaṭarakṣitam

Sanskrit only: no published translation is held for this verse.

तथैव द्वारका वीरैर्वृष्णिबिः परिपालिता । आगम्या च परस्यापि विकटाट्टालमालिनी

tathaiva dvārakā vīrairvṛṣṇibiḥ paripālitā / āgamyā ca parasyāpi vikaṭāṭṭālamālinī

Sanskrit only: no published translation is held for this verse.

ततः सखि कथं नाम वीरं ते जीवितेश्वरम् । प्रसह्याहर्तुमबलाजनो जातु प्रगल्भते

tataḥ sakhi kathaṃ nāma vīraṃ te jīviteśvaram / prasahyāhartumabalājano jātu pragalbhate

Sanskrit only: no published translation is held for this verse.

तथापि त्वत्प्रियायैषां गच्छामि गगने ऽग्रगा । सिद्धिस्तु देव्यैवादिष्टा त्वद्भाग्येषु सखि स्थिता

tathāpi tvatpriyāyaiṣāṃ gacchāmi gagane 'gragā / siddhistu devyaivādiṣṭā tvadbhāgyeṣu sakhi sthitā

Sanskrit only: no published translation is held for this verse.

इत्युक्त्वा खं विवेशाशु सा रत्नाभरणांशुभिः । घनश्रीरिव कुर्वाणा शक्रचापचिता दिशः

ityuktvā khaṃ viveśāśu sā ratnābharaṇāṃśubhiḥ / ghanaśrīriva kurvāṇā śakracāpacitā diśaḥ

Sanskrit only: no published translation is held for this verse.

मुहूर्ते बाणनगरात्तृतीये सा गता जवात् । क्षणेन द्वारकां प्राप कान्त्या कैलासहासिनीम्

muhūrte bāṇanagarāttṛtīye sā gatā javāt / kṣaṇena dvārakāṃ prāpa kāntyā kailāsahāsinīm

Sanskrit only: no published translation is held for this verse.

तत्रोरुरत्नवललक्षीप्रभाप्रोद्भासिताम्बरम् । अनिरुद्धस्य भवनं विवेशालक्षिताकृतिः

tatroruratnavalalakṣīprabhāprodbhāsitāmbaram / aniruddhasya bhavanaṃ viveśālakṣitākṛtiḥ

Sanskrit only: no published translation is held for this verse.

तत्र बालमृगाक्षीभिः कान्ताभिः परिवारितम् । अनिरुद्धं मनोजन्मलीलाललितचेष्टितम्

tatra bālamṛgākṣībhiḥ kāntābhiḥ parivāritam / aniruddhaṃ manojanmalīlālalitaceṣṭitam

Sanskrit only: no published translation is held for this verse.

ददर्श स्निग्धललना कटाक्षशबलद्युतिम् । रतिकर्णोत्पलाघातलग्नच्छदमि वस्मरन्

dadarśa snigdhalalanā kaṭākṣaśabaladyutim / ratikarṇotpalāghātalagnacchadami vasmaran

Sanskrit only: no published translation is held for this verse.

अङ्गनालिङ्गनालीनस्तनपत्त्रलताङ्कितम् । धम्मिल्लकुसुमैर्व्याप्तं पारिजातमिवापरम्

aṅganāliṅganālīnastanapattralatāṅkitam / dhammillakusumairvyāptaṃ pārijātamivāparam

Sanskrit only: no published translation is held for this verse.

तं वीक्ष्य विक्रमोदारं शृङ्गारललिताकृतिम् । अचिन्तयच्चित्रलेखा मुहूर्तं जातसाध्वसा

taṃ vīkṣya vikramodāraṃ śṛṅgāralalitākṛtim / acintayaccitralekhā muhūrtaṃ jātasādhvasā

Sanskrit only: no published translation is held for this verse.

अहो बत महत्यस्मिन्नुद्याताहं ससंशये । कार्ये प्रियसखीप्रीत्या प्रेम्णि वा किं विचिन्त्यते

aho bata mahatyasminnudyātāhaṃ sasaṃśaye / kārye priyasakhīprītyā premṇi vā kiṃ vicintyate

Sanskrit only: no published translation is held for this verse.

इति ध्यात्वा मुहुर्वीरा सा तमोविद्यया पुरः । आच्छाद्य स्त्रीगणं सर्वं प्र(प्रा)द्युम्न(म्नि)मनयत्क्षणात्

iti dhyātvā muhurvīrā sā tamovidyayā puraḥ / ācchādya strīgaṇaṃ sarvaṃ pra(prā)dyumna(mni)manayatkṣaṇāt

Sanskrit only: no published translation is held for this verse.

संकल्पशक्तिरिव सा मायया क्षिप्रगामिनी । प्रविश्य शोणितपुरं हर्म्यस्थां प्रययौ सखीम्

saṃkalpaśaktiriva sā māyayā kṣipragāminī / praviśya śoṇitapuraṃ harmyasthāṃ prayayau sakhīm

Sanskrit only: no published translation is held for this verse.

उषापि वल्लभावाप्तिमनोरथशताकुला । सहसा दयितं वीक्ष्य सख्यातीतं विहायसा

uṣāpi vallabhāvāptimanorathaśatākulā / sahasā dayitaṃ vīkṣya sakhyātītaṃ vihāyasā

Sanskrit only: no published translation is held for this verse.

पीयूषप्लावितेवाशु हर्षलज्जाभयाकुला । किं करोमीति संभ्रान्ता कम्पमाना लतेव सा

pīyūṣaplāvitevāśu harṣalajjābhayākulā / kiṃ karomīti saṃbhrāntā kampamānā lateva sā

Sanskrit only: no published translation is held for this verse.

अनिर्वाच्यदशां याता शिञ्जानमणिभूषणा । प्रहृष्टा सा तमादाय दयितं गुह्यमन्दिरम्

anirvācyadaśāṃ yātā śiñjānamaṇibhūṣaṇā / prahṛṣṭā sā tamādāya dayitaṃ guhyamandiram

Sanskrit only: no published translation is held for this verse.

विवेश जनसंचारभीता तरललोचना । स्रस्तया बाणभीत्येव त्यक्ता मेखलया स्वयम्

viveśa janasaṃcārabhītā taralalocanā / srastayā bāṇabhītyeva tyaktā mekhalayā svayam

Sanskrit only: no published translation is held for this verse.

तत्र सुस्फारमन्दारशेखरं लोलकुण्डलम् । तारतारावलीचारुहारं ताराधिपप्रभम्

tatra susphāramandāraśekharaṃ lolakuṇḍalam / tāratārāvalīcāruhāraṃ tārādhipaprabham

Sanskrit only: no published translation is held for this verse.

शृङ्गारदीक्षागुरुणा तेन साङ्गस्मरत्विषा । उषा सस्मार संभोगसौभाग्यविभवं रतेः

śṛṅgāradīkṣāguruṇā tena sāṅgasmaratviṣā / uṣā sasmāra saṃbhogasaubhāgyavibhavaṃ rateḥ

Sanskrit only: no published translation is held for this verse.

शृङ्गारदीक्षागुरुणा तेन साङ्गस्मरत्विषा । उषा सस्मार संभोगासौभाग्यविभवं रतेः

śṛṅgāradīkṣāguruṇā tena sāṅgasmaratviṣā / uṣā sasmāra saṃbhogāsaubhāgyavibhavaṃ rateḥ

Sanskrit only: no published translation is held for this verse.

अनिरुद्धो ऽपि तां प्राप्य वल्लभां भुवि दुर्लभाम् । मेने भाजनमात्मानं स्मरसाम्रज्यसंपदाम्

aniruddho 'pi tāṃ prāpya vallabhāṃ bhuvi durlabhām / mene bhājanamātmānaṃ smarasāmrajyasaṃpadām

Sanskrit only: no published translation is held for this verse.

रममाणस्तया गूढं तत्र प्रद्युम्नसंभवः । लक्षणैर्बहुभिर्ज्ञातः कन्यान्तःपुररक्षिभिः

ramamāṇastayā gūḍhaṃ tatra pradyumnasaṃbhavaḥ / lakṣaṇairbahubhirjñātaḥ kanyāntaḥpurarakṣibhiḥ

Sanskrit only: no published translation is held for this verse.

तनयादूषणरुषा निर्दिष्टा बलिसूनुना । बाणेन किंकरा घोराः प्राद्युम्निं हन्तुमाययुः

tanayādūṣaṇaruṣā nirdiṣṭā balisūnunā / bāṇena kiṃkarā ghorāḥ prādyumniṃ hantumāyayuḥ

Sanskrit only: no published translation is held for this verse.

दंष्ट्राविकटवक्त्रोग्रबद्धभ्रुकुटिभीषणान् । वीरो ऽनिरुद्धस्तान्दृष्ट्वा कृष्टघोरासिकार्मुकान्

daṃṣṭrāvikaṭavaktrograbaddhabhrukuṭibhīṣaṇān / vīro 'niruddhastāndṛṣṭvā kṛṣṭaghorāsikārmukān

Sanskrit only: no published translation is held for this verse.

उत्थाय समरारम्भनिःसंरम्भपराक्रमः । उत्थाय द्वारपरिघं मृगान्सिंह इवाद्रवत्

utthāya samarārambhaniḥsaṃrambhaparākramaḥ / utthāya dvāraparighaṃ mṛgānsiṃha ivādravat

Sanskrit only: no published translation is held for this verse.

कान्ताकटाक्षदृष्टस्य तस् शौर्यनिधेर्वपुः । वीरशृङ्गाररभसं बभौ मन्मथरूपिणः

kāntākaṭākṣadṛṣṭasya tas śauryanidhervapuḥ / vīraśṛṅgārarabhasaṃ babhau manmatharūpiṇaḥ

Sanskrit only: no published translation is held for this verse.

शस्त्रवृष्टिं तदुत्सृष्टां पुष्पमालामिवोरसा । आदाय दानवभटाञ्जघान घननिःस्वनः

śastravṛṣṭiṃ tadutsṛṣṭāṃ puṣpamālāmivorasā / ādāya dānavabhaṭāñjaghāna ghananiḥsvanaḥ

Sanskrit only: no published translation is held for this verse.

ते तत्प्रहाराभिहता भग्नभीषणविग्रहाः । हतशेषा ययुर्भीता यत्र बाणो रणोत्कटः

te tatprahārābhihatā bhagnabhīṣaṇavigrahāḥ / hataśeṣā yayurbhītā yatra bāṇo raṇotkaṭaḥ

Sanskrit only: no published translation is held for this verse.

पुरंदरपुरध्वंससाक्षिणां को ऽयमागतः । संभ्रमः कोपसंमोहजनकः कातरोचितः

puraṃdarapuradhvaṃsasākṣiṇāṃ ko 'yamāgataḥ / saṃbhramaḥ kopasaṃmohajanakaḥ kātarocitaḥ

Sanskrit only: no published translation is held for this verse.

क्रियतामादर शौर्ये यशःकुसुममाधवे । त्रासो ऽयमभिमानाद्रिवज्रपातो हि दुःसहः

kriyatāmādara śaurye yaśaḥkusumamādhave / trāso 'yamabhimānādrivajrapāto hi duḥsahaḥ

Sanskrit only: no published translation is held for this verse.

वचोभिरिति वीराणां ते बाणस्य च शासनात् । अनिरुद्धं सुमहता सैन्येन पुनराद्रवन्

vacobhiriti vīrāṇāṃ te bāṇasya ca śāsanāt / aniruddhaṃ sumahatā sainyena punarādravan

Sanskrit only: no published translation is held for this verse.

आमुक्तहेमकवचैः प्रदीप्तविविधायुधैः । निशि दीप्तौषधिवनैर्गिरीन्द्रैरिव जङ्गमैः

āmuktahemakavacaiḥ pradīptavividhāyudhaiḥ / niśi dīptauṣadhivanairgirīndrairiva jaṅgamaiḥ

Sanskrit only: no published translation is held for this verse.

युयुधे युधि संरब्धैश्चक्रायुधसुतात्मजः । सोत्कम्पकुचविन्यस्तहस्तामालोक्यन्प्रियाम्

yuyudhe yudhi saṃrabdhaiścakrāyudhasutātmajaḥ / sotkampakucavinyastahastāmālokyanpriyām

Sanskrit only: no published translation is held for this verse.

आदाय तत्समुत्सृष्टं खड्गं चर्म च भास्वरम् । मण्डलानि चरन्वीरः स चकर्त रणे रिपून्

ādāya tatsamutsṛṣṭaṃ khaḍgaṃ carma ca bhāsvaram / maṇḍalāni caranvīraḥ sa cakarta raṇe ripūn

Sanskrit only: no published translation is held for this verse.

तेन कृत्तशिरःस्कन्धभुजजानुकरोदराः । पेतुर्महाघनाः कल्पवातेनोन्मथिता इव

tena kṛttaśiraḥskandhabhujajānukarodarāḥ / peturmahāghanāḥ kalpavātenonmathitā iva

Sanskrit only: no published translation is held for this verse.

विद्रुते दानवानीके भग्नस्यन्दनकुञ्जरे । निवर्तितबलाम्भोधिर्बाणः स्वयमदृश्यत

vidrute dānavānīke bhagnasyandanakuñjare / nivartitabalāmbhodhirbāṇaḥ svayamadṛśyata

Sanskrit only: no published translation is held for this verse.

कुम्भाण्डाहितवल्गेन सहस्राश्वेन भास्वता । रथेन भीमनादेन सहस्राश्वेन भाश्वता । रथेन भीमनादेन युक्तस्त्रिदशमर्दिना

kumbhāṇḍāhitavalgena sahasrāśvena bhāsvatā / rathena bhīmanādena sahasrāśvena bhāśvatā / rathena bhīmanādena yuktastridaśamardinā

Sanskrit only: no published translation is held for this verse.

दोःसहस्रसमुद्भ्रान्तदीप्तायुधवरोत्कटः । फणरत्नोग्रभुजगव्याप्तशृङ्ग इवाचलः

doḥsahasrasamudbhrāntadīptāyudhavarotkaṭaḥ / phaṇaratnograbhujagavyāptaśṛṅga ivācalaḥ

Sanskrit only: no published translation is held for this verse.

मुकुटेनार्कवर्णेन रत्नज्वालाजटाजुषा । तर्जयन्निव तेजांसि सितपट्टाट्टहासिना

mukuṭenārkavarṇena ratnajvālājaṭājuṣā / tarjayanniva tejāṃsi sitapaṭṭāṭṭahāsinā

Sanskrit only: no published translation is held for this verse.

मार्तण्डमण्डलोच्चण्डकुण्डलोदग्रवर्चसा । भ्रूभङ्गभीमवक्त्रेण संत्रासितजगत्त्रयः

mārtaṇḍamaṇḍaloccaṇḍakuṇḍalodagravarcasā / bhrūbhaṅgabhīmavaktreṇa saṃtrāsitajagattrayaḥ

Sanskrit only: no published translation is held for this verse.

निशाकरकरोदारतारहारतरङ्गितः । विस्फारनिर्झरोद्गार इव नीलधराधरः

niśākarakarodāratārahārataraṅgitaḥ / visphāranirjharodgāra iva nīladharādharaḥ

Sanskrit only: no published translation is held for this verse.

उत्तप्तकाञ्चनच्छायश्मश्रुकेशविभूषणः । क्रोधनिर्घृष्टदन्ताग्रजातज्वाल इवादितः

uttaptakāñcanacchāyaśmaśrukeśavibhūṣaṇaḥ / krodhanirghṛṣṭadantāgrajātajvāla ivāditaḥ

Sanskrit only: no published translation is held for this verse.

गर्जन्तं तिष्ठ तिष्ठेति प्रलयाम्भोजनिःस्वनम् । तमापतन्तमालोक्य प्राद्युम्निर्न व्यकम्पत

garjantaṃ tiṣṭha tiṣṭheti pralayāmbhojaniḥsvanam / tamāpatantamālokya prādyumnirna vyakampata

Sanskrit only: no published translation is held for this verse.

बाणबाहुवनोन्मुक्तैर्बाणजालैर्निरन्तरैः । छादितोर्ऽक इवाम्भोदैर्निर्विभागैर्बभूव सः

bāṇabāhuvanonmuktairbāṇajālairnirantaraiḥ / chāditor'ka ivāmbhodairnirvibhāgairbabhūva saḥ

Sanskrit only: no published translation is held for this verse.

तयोर्हरिहरण्याक्षरणस्मरणहेतुताम् । भुवनाकम्पनाकम्पमगमद्युद्धमुद्धतम्

tayorhariharaṇyākṣaraṇasmaraṇahetutām / bhuvanākampanākampamagamadyuddhamuddhatam

Sanskrit only: no published translation is held for this verse.

अनिरुद्धो ऽथ खड्गेन बाणबाणपरम्पराम् । छित्त्वास्य लघुसंचारी चिच्छेद रथकूबरम्

aniruddho 'tha khaḍgena bāṇabāṇaparamparām / chittvāsya laghusaṃcārī ciccheda rathakūbaram

Sanskrit only: no published translation is held for this verse.

ज्वालाकुलां ततः शक्तिं शोणपट्टङ्कितामिव । चिक्षेप दानवपतिस्तस्मै भोगिवधूमिव

jvālākulāṃ tataḥ śaktiṃ śoṇapaṭṭaṅkitāmiva / cikṣepa dānavapatistasmai bhogivadhūmiva

Sanskrit only: no published translation is held for this verse.

हस्तेन कालदंष्ट्राभां तामेवादाय धैर्यभूः । प्राहिणोद्दानवेन्द्राय दाशार्हे ऽद्भुतविक्रमः

hastena kāladaṃṣṭrābhāṃ tāmevādāya dhairyabhūḥ / prāhiṇoddānavendrāya dāśārhe 'dbhutavikramaḥ

Sanskrit only: no published translation is held for this verse.

बाणस्य भित्त्वा सा देहं विवेश धरणीतलम् । शक्त्या विदारितं दृष्ट्वा कुम्भाण्डो बाणमब्रवीत्

bāṇasya bhittvā sā dehaṃ viveśa dharaṇītalam / śaktyā vidāritaṃ dṛṣṭvā kumbhāṇḍo bāṇamabravīt

Sanskrit only: no published translation is held for this verse.

मायामाश्रित्य युध्यस्व दुर्जयो ऽयमुपेक्षितः । निःसंशयजयावाप्तिर्द्युते युद्धे च मायिनाम्

māyāmāśritya yudhyasva durjayo 'yamupekṣitaḥ / niḥsaṃśayajayāvāptirdyute yuddhe ca māyinām

Sanskrit only: no published translation is held for this verse.

इति कुम्भाण्डवचसा बाणो मायां विमोहनीम् । आदाय तामसीं घोरां सहसान्तरधीयत

iti kumbhāṇḍavacasā bāṇo māyāṃ vimohanīm / ādāya tāmasīṃ ghorāṃ sahasāntaradhīyata

Sanskrit only: no published translation is held for this verse.

अदृश्यः स महाभागैर्बाणैर्भुजगविग्रहैः । नभोगतस्तं विदधे विष्टिताङ्गं विषोल्बणैः

adṛśyaḥ sa mahābhāgairbāṇairbhujagavigrahaiḥ / nabhogatastaṃ vidadhe viṣṭitāṅgaṃ viṣolbaṇaiḥ

Sanskrit only: no published translation is held for this verse.

रुफुरत्फणामणिज्वालाज्वलितैर्वेष्टितो ऽहिभिः । स बभौ शबलच्छायश्चन्दनद्रुमविभ्रमः

ruphuratphaṇāmaṇijvālājvalitairveṣṭito 'hibhiḥ / sa babhau śabalacchāyaścandanadrumavibhramaḥ

Sanskrit only: no published translation is held for this verse.

नागपाशनिरुद्धस्य धैर्यनिष्कम्पचेतसः । अनिरुद्धस्य विदधे वधे दैत्यपतिर्मतिम्

nāgapāśaniruddhasya dhairyaniṣkampacetasaḥ / aniruddhasya vidadhe vadhe daityapatirmatim

Sanskrit only: no published translation is held for this verse.

महाप्रभावः को ऽप्येष नाज्ञातो वधमर्हति । इति कुम्भाण्डवचसा विरराम बडेः(लेः) सुतः

mahāprabhāvaḥ ko 'pyeṣa nājñāto vadhamarhati / iti kumbhāṇḍavacasā virarāma baḍeḥ(leḥ) sutaḥ

Sanskrit only: no published translation is held for this verse.

अत्रान्तरे द्वारकायां तारमन्तःपुरोदरे । हृतो ऽनिरुद्धः केनापि प्रोच्चचारेति निःस्वनः

atrāntare dvārakāyāṃ tāramantaḥpurodare / hṛto 'niruddhaḥ kenāpi proccacāreti niḥsvanaḥ

Sanskrit only: no published translation is held for this verse.

मुहुर्विमोहविवशास्तत्र त्रस्ता मृगीदृशः । अनिरुद्धस्य दयिताः शुशुचुः शोकविह्वलाः

muhurvimohavivaśāstatra trastā mṛgīdṛśaḥ / aniruddhasya dayitāḥ śuśucuḥ śokavihvalāḥ

Sanskrit only: no published translation is held for this verse.

अथ वृष्णिप्रवीराणां कैटभारिसभान्तरे । भेरीनिनादहूतानां समाजः सुमहानभूत्

atha vṛṣṇipravīrāṇāṃ kaiṭabhārisabhāntare / bherīninādahūtānāṃ samājaḥ sumahānabhūt

Sanskrit only: no published translation is held for this verse.

ततो निवातनिष्कम्पसप्तसागरसंनिभम् । ददृशुः साश्रुनेत्रास्ते चिन्तास्तिमितमच्युतम्

tato nivātaniṣkampasaptasāgarasaṃnibham / dadṛśuḥ sāśrunetrāste cintāstimitamacyutam

Sanskrit only: no published translation is held for this verse.

शोकमोहविषाक्रान्ते मूके यादवमण्डले । उवाच विपृथुर्धीमान्विष्णुं जिष्णुं सुरद्विषाम्

śokamohaviṣākrānte mūke yādavamaṇḍale / uvāca vipṛthurdhīmānviṣṇuṃ jiṣṇuṃ suradviṣām

Sanskrit only: no published translation is held for this verse.

को ऽयं तवापि भगवन्भुवनाभयदायिनः । अचिन्त्यमहासश्चितासंतापप्रसरो नवः

ko 'yaṃ tavāpi bhagavanbhuvanābhayadāyinaḥ / acintyamahāsaścitāsaṃtāpaprasaro navaḥ

Sanskrit only: no published translation is held for this verse.

न हि नाम महाम्भोधिगम्भीरोदारचेतसाम् । भवन्ति सुखदुःखेषु हर्षशोकपरिप्लवाः

na hi nāma mahāmbhodhigambhīrodāracetasām / bhavanti sukhaduḥkheṣu harṣaśokapariplavāḥ

Sanskrit only: no published translation is held for this verse.

यदि देव त्वमप्येवं चिन्तासंतापितो ऽच्युतः । तदिदानां निरालम्बा धैर्यस्य स्खलिता गतिः

yadi deva tvamapyevaṃ cintāsaṃtāpito 'cyutaḥ / tadidānāṃ nirālambā dhairyasya skhalitā gatiḥ

Sanskrit only: no published translation is held for this verse.

त्रैलोक्यरक्षां निक्षिप्य त्वद्भुजे जम्भसूदनः । शेते शचीकुचाभोगसभोगानन्दनिर्वृतः

trailokyarakṣāṃ nikṣipya tvadbhuje jambhasūdanaḥ / śete śacīkucābhogasabhogānandanirvṛtaḥ

Sanskrit only: no published translation is held for this verse.

इति तेनोक्तमाकर्ण्य कृष्णो गम्भीरमन्थरम् । समादधे गिरं वैरियशोहंसकुलाम्बुदः

iti tenoktamākarṇya kṛṣṇo gambhīramantharam / samādadhe giraṃ vairiyaśohaṃsakulāmbudaḥ

Sanskrit only: no published translation is held for this verse.

परावज्ञा निकारेण करोति हृदये पदम् । चिन्ताभीमानिनां सत्यमविद्येव शरीरिणाम्

parāvajñā nikāreṇa karoti hṛdaye padam / cintābhīmānināṃ satyamavidyeva śarīriṇām

Sanskrit only: no published translation is held for this verse.

अयं यदुकुलस्याद्य केनाप्युत्सिक्तचेतसा । पातितश्चरणो मूर्ध्नि रथ्यापङ्कपरिप्लुतः

ayaṃ yadukulasyādya kenāpyutsiktacetasā / pātitaścaraṇo mūrdhni rathyāpaṅkapariplutaḥ

Sanskrit only: no published translation is held for this verse.

अनिरुद्धे हृते यातः पुरोमन्ये महीभुजाम् । उपहासकथामात्रपात्रतां नः पराक्रमः

aniruddhe hṛte yātaḥ puromanye mahībhujām / upahāsakathāmātrapātratāṃ naḥ parākramaḥ

Sanskrit only: no published translation is held for this verse.

अविज्ञातेन विहिते निकारे ऽस्मिन्विदारणे । किं कुर्मः कोपतुल्योग्रदण्डैर्गगनताडनम्

avijñātena vihite nikāre 'sminvidāraṇe / kiṃ kurmaḥ kopatulyogradaṇḍairgaganatāḍanam

Sanskrit only: no published translation is held for this verse.

चाराश्चरन्तु सर्वत्र बाह्याभ्यन्तरचारिणः । आहुकस्याज्ञया तूर्णमनिरुद्धोपलब्धये

cārāścarantu sarvatra bāhyābhyantaracāriṇaḥ / āhukasyājñayā tūrṇamaniruddhopalabdhaye

Sanskrit only: no published translation is held for this verse.

इत्युक्ते कंसरिपुणा देवर्षिस्तत्र नारदः । अदृश्यत निधिर्धाम्नां कलिकेलिविशारदः

ityukte kaṃsaripuṇā devarṣistatra nāradaḥ / adṛśyata nidhirdhāmnāṃ kalikeliviśāradaḥ

Sanskrit only: no published translation is held for this verse.

स चिन्तास्तिमितं दृष्ट्वा जगन्नाथमचिन्तयत् । अहो नु बालशफरोत्फालेनाकुलितो ऽम्बुधिः

sa cintāstimitaṃ dṛṣṭvā jagannāthamacintayat / aho nu bālaśapharotphālenākulito 'mbudhiḥ

Sanskrit only: no published translation is held for this verse.

इत्याकलयतस्तस्य पाद्यासनपुरः सराम् । पूजां जनार्दनश्चक्रे पूजितः सो ऽप्यभाषत

ityākalayatastasya pādyāsanapuraḥ sarām / pūjāṃ janārdanaścakre pūjitaḥ so 'pyabhāṣata

Sanskrit only: no published translation is held for this verse.

अहो बत विमोहो वः प्रतिपक्षः पराक्रमे । लक्ष्यते येन जानीध्वमनिरुद्धस्य चेष्टितम्

aho bata vimoho vaḥ pratipakṣaḥ parākrame / lakṣyate yena jānīdhvamaniruddhasya ceṣṭitam

Sanskrit only: no published translation is held for this verse.

अनिरुद्धस्य बाणेन बलिना बलिसूनुना । वृत्तः प्रवृत्तशस्त्रास्त्रभैरवः समरोत्सवः

aniruddhasya bāṇena balinā balisūnunā / vṛttaḥ pravṛttaśastrāstrabhairavaḥ samarotsavaḥ

Sanskrit only: no published translation is held for this verse.

कृष्ण पौत्रो ऽनिरुद्धस्ते हृतो दैत्येन्द्रकन्यया । मन्ये मुह्यति यां दृष्ट्वा स्मरो ऽपि स्मरपीडितः

kṛṣṇa pautro 'niruddhaste hṛto daityendrakanyayā / manye muhyati yāṃ dṛṣṭvā smaro 'pi smarapīḍitaḥ

Sanskrit only: no published translation is held for this verse.

सहस्रबाहोर्बाणस्य बलिसूनोः सुरद्विषः । उषा नामाम्बुजाक्षी सा लावण्यनलिनी सुता

sahasrabāhorbāṇasya balisūnoḥ suradviṣaḥ / uṣā nāmāmbujākṣī sā lāvaṇyanalinī sutā

Sanskrit only: no published translation is held for this verse.

स स्वैरकामुकं पुत्र्या ज्ञात्वा हृदयनन्दनम् । दृष्ट्वा च दुर्जयं युद्धे बबन्ध फणिमण्डलैः

sa svairakāmukaṃ putryā jñātvā hṛdayanandanam / dṛṣṭvā ca durjayaṃ yuddhe babandha phaṇimaṇḍalaiḥ

Sanskrit only: no published translation is held for this verse.

तदितः शोणितपुरं बाणस्य गगनाग्रगम् । गन्तव्यं भवता योद्धुं सामसाध्या न दानवाः

taditaḥ śoṇitapuraṃ bāṇasya gaganāgragam / gantavyaṃ bhavatā yoddhuṃ sāmasādhyā na dānavāḥ

Sanskrit only: no published translation is held for this verse.

अमर्त्यभूमिर्दुर्लङ्घ्या तार्क्ष्यमारुह्य गम्यताम् । यस्यां त्रिदशहृद्बाणो बाणो नामाशनिर्द्विषाम्

amartyabhūmirdurlaṅghyā tārkṣyamāruhya gamyatām / yasyāṃ tridaśahṛdbāṇo bāṇo nāmāśanirdviṣām

Sanskrit only: no published translation is held for this verse.

उक्त्वेति याते देवर्षौ देवो ऽपि मधुसूदनः । हर्षविस्मयकोपानां तुल्यां प्राप विधेयताम्

uktveti yāte devarṣau devo 'pi madhusūdanaḥ / harṣavismayakopānāṃ tulyāṃ prāpa vidheyatām

Sanskrit only: no published translation is held for this verse.

ततः प्रदध्यौ भगवान्गरुडं गरुडध्वजः । स च ध्यातोर्ऽकलंक्षाभः सहसा प्रत्यदृश्यत

tataḥ pradadhyau bhagavāngaruḍaṃ garuḍadhvajaḥ / sa ca dhyātor'kalaṃkṣābhaḥ sahasā pratyadṛśyata

Sanskrit only: no published translation is held for this verse.

तमारुरोह विश्वात्मा हर्म्यारोहणलीलया । बलदेवसखः श्रीमान्रुक्मिणीतनयानुगः

tamāruroha viśvātmā harmyārohaṇalīlayā / baladevasakhaḥ śrīmānrukmiṇītanayānugaḥ

Sanskrit only: no published translation is held for this verse.

स बभौ विषदश्यामः कौस्तुभाभरणो विभुः । मध्यावतीर्णसूर्यस्य नभसो ऽभिभवन्प्रभाम्

sa babhau viṣadaśyāmaḥ kaustubhābharaṇo vibhuḥ / madhyāvatīrṇasūryasya nabhaso 'bhibhavanprabhām

Sanskrit only: no published translation is held for this verse.

चतुर्भुजस्य विभभुस्तस्य प्राज्यभुजद्रुमाः । चक्रप्रभापल्लविताः पाञ्चजन्यांशुपुष्पिताः

caturbhujasya vibhabhustasya prājyabhujadrumāḥ / cakraprabhāpallavitāḥ pāñcajanyāṃśupuṣpitāḥ

Sanskrit only: no published translation is held for this verse.

व्रजन्स पवनोद्धूतपीताम्बरमनोहरः । तार्क्ष्यपक्षप्रबाचक्रैश्चक्रे हेमप्रभं नभः

vrajansa pavanoddhūtapītāmbaramanoharaḥ / tārkṣyapakṣaprabācakraiścakre hemaprabhaṃ nabhaḥ

Sanskrit only: no published translation is held for this verse.

सर्वाभरणरत्नोषु बिम्बितैः कौतुकागतैः । सिषेवे व्योमतटनीवर्तितोष्णीषपल्लवैः

sarvābharaṇaratnoṣu bimbitaiḥ kautukāgataiḥ / siṣeve vyomataṭanīvartitoṣṇīṣapallavaiḥ

Sanskrit only: no published translation is held for this verse.

सुरविद्याधरवधूपाणिपद्मवनोज्झितैः । मन्दारवृन्दैरभवंस्तस्य स्रग्दामविभ्रमाः

suravidyādharavadhūpāṇipadmavanojjhitaiḥ / mandāravṛndairabhavaṃstasya sragdāmavibhramāḥ

Sanskrit only: no published translation is held for this verse.

रुद्धो ऽनिरुद्धः समरे यदा वीरः सहोषया । भुजङ्गपाशैः स्वपुरे बाणेन बलशालिना

ruddho 'niruddhaḥ samare yadā vīraḥ sahoṣayā / bhujaṅgapāśaiḥ svapure bāṇena balaśālinā

Sanskrit only: no published translation is held for this verse.

दुर्गसंतारिणीं दुर्गां तदा स शरणं गतः । महेन्द्रोपेन्द्रभगिनीं दिव्यैस्तुष्टाव नामभिः

durgasaṃtāriṇīṃ durgāṃ tadā sa śaraṇaṃ gataḥ / mahendropendrabhaginīṃ divyaistuṣṭāva nāmabhiḥ

Sanskrit only: no published translation is held for this verse.

नौमि कंसासुरैश्वर्यतमःपटलचन्द्रिकाम् । पूर्णचन्द्राननां देवीं दुष्टसंमोहनक्षमाम्

naumi kaṃsāsuraiśvaryatamaḥpaṭalacandrikām / pūrṇacandrānanāṃ devīṃ duṣṭasaṃmohanakṣamām

Sanskrit only: no published translation is held for this verse.

दीप्तशूलप्रभाजालभीषणां ललिताकृतिम् । वेल्लद्विषोल्बणव्यालामिव चन्दनवल्लरीम्

dīptaśūlaprabhājālabhīṣaṇāṃ lalitākṛtim / velladviṣolbaṇavyālāmiva candanavallarīm

Sanskrit only: no published translation is held for this verse.

महिषन्यस्तचरणां श्यामां हारविभूषिताम् । सकालियह्रदां फेनहासिनीं यमुनामिव

mahiṣanyastacaraṇāṃ śyāmāṃ hāravibhūṣitām / sakāliyahradāṃ phenahāsinīṃ yamunāmiva

Sanskrit only: no published translation is held for this verse.

पाणिसंसक्तभुजगाभोगनीलासिवल्लरीम् । एकपद्मोदरोद्गच्छदलिमालामिवाब्जिनीम्

pāṇisaṃsaktabhujagābhoganīlāsivallarīm / ekapadmodarodgacchadalimālāmivābjinīm

Sanskrit only: no published translation is held for this verse.

मयूरपक्षाभरणैः शबलैर्मेचकप्रभैः । सेवितां प्रावृषमिव स्फुरदिन्द्रायुधैर्घनैः

mayūrapakṣābharaṇaiḥ śabalairmecakaprabhaiḥ / sevitāṃ prāvṛṣamiva sphuradindrāyudhairghanaiḥ

Sanskrit only: no published translation is held for this verse.

करालकेशविस्फारशुद्धसंचारलालसाम् । हिमाद्रिशिखरोद्भूतां कालागुरुलतामिव

karālakeśavisphāraśuddhasaṃcāralālasām / himādriśikharodbhūtāṃ kālāgurulatāmiva

Sanskrit only: no published translation is held for this verse.

कवीन्द्रमानसावासराजहंसीं सरस्वतीम् । विचित्रमधुरोदारशब्दां चारुपदक्रमाम्

kavīndramānasāvāsarājahaṃsīṃ sarasvatīm / vicitramadhurodāraśabdāṃ cārupadakramām

Sanskrit only: no published translation is held for this verse.