Ksemendra: Bharatamanjari 19

संसारमरुसंतापनिर्वापणसमुद्यताम् । संवित्समरसानन्दसुधास्यन्दतरङ्गिणीम्

saṃsāramarusaṃtāpanirvāpaṇasamudyatām / saṃvitsamarasānandasudhāsyandataraṅgiṇīm

Sanskrit only: no published translation is held for this verse.

रणसंरम्भसंभारगम्भीरारम्भविभ्रमाम् । निशुम्भशुम्भारवष्टम्भभीतसंभावितामराम्

raṇasaṃrambhasaṃbhāragambhīrārambhavibhramām / niśumbhaśumbhāravaṣṭambhabhītasaṃbhāvitāmarām

Sanskrit only: no published translation is held for this verse.

संध्यामवन्ध्यां विन्ध्याद्रिवासिनीं वासवानुजाम् । शशिखण्डशिखण्डाङ्कां मुण्डमण्डलमण्डिताम्

saṃdhyāmavandhyāṃ vindhyādrivāsinīṃ vāsavānujām / śaśikhaṇḍaśikhaṇḍāṅkāṃ muṇḍamaṇḍalamaṇḍitām

Sanskrit only: no published translation is held for this verse.

फुल्लोत्पलवनश्यामां फुल्लोत्पलविलोचनाम् । गम्भीरनाभिकुहरामिभकुम्भनिभस्तनीम्

phullotpalavanaśyāmāṃ phullotpalavilocanām / gambhīranābhikuharāmibhakumbhanibhastanīm

Sanskrit only: no published translation is held for this verse.

धन्यां कात्यायनीं चण्डां चामुण्डां खण्डिताहिताम् । शर्वाणीं शर्वरीं शर्वां सिद्धगन्धर्वसेविताम्

dhanyāṃ kātyāyanīṃ caṇḍāṃ cāmuṇḍāṃ khaṇḍitāhitām / śarvāṇīṃ śarvarīṃ śarvāṃ siddhagandharvasevitām

Sanskrit only: no published translation is held for this verse.

कालसंकर्षिणीं घोरां त्रिजगद्ग्रामलालसाम् । कमलासनकङ्कालमालाकलितशेखराम्

kālasaṃkarṣiṇīṃ ghorāṃ trijagadgrāmalālasām / kamalāsanakaṅkālamālākalitaśekharām

Sanskrit only: no published translation is held for this verse.

शिवां शिवप्रदां शान्तां शिवकान्तां शताननाम् । त्रिनेत्रां सौम्यवदनां मदनारिमदप्रभाम्

śivāṃ śivapradāṃ śāntāṃ śivakāntāṃ śatānanām / trinetrāṃ saumyavadanāṃ madanārimadaprabhām

Sanskrit only: no published translation is held for this verse.

स्फीतफेनसुधाम्भोधिदुकूलां रत्नमेखलाम् । कराकलितहेमाद्रिमातुलङ्गांशुपिङ्गलाम्

sphītaphenasudhāmbhodhidukūlāṃ ratnamekhalām / karākalitahemādrimātulaṅgāṃśupiṅgalām

Sanskrit only: no published translation is held for this verse.

अक्षसूत्रकृतावृत्तनक्षत्रमणिमालिकाम् । पाणिसक्तसुधाम्भोधिपूर्णब्रह्माण्डकर्पराम्

akṣasūtrakṛtāvṛttanakṣatramaṇimālikām / pāṇisaktasudhāmbhodhipūrṇabrahmāṇḍakarparām

Sanskrit only: no published translation is held for this verse.

संवित्प्रकाशविषदव्याकोशाकाशदर्पणाम् । शेषादिकुलभोगीन्द्रहारकेयूरकङ्कणाम्

saṃvitprakāśaviṣadavyākośākāśadarpaṇām / śeṣādikulabhogīndrahārakeyūrakaṅkaṇām

Sanskrit only: no published translation is held for this verse.

तारकामौक्तिकस्मेरशशिमार्तण्डमण्डलाम् । त्रिशृङ्गरत्नशैलेन्द्रविटङ्कमुकुटोज्ज्वलाम्

tārakāmauktikasmeraśaśimārtaṇḍamaṇḍalām / triśṛṅgaratnaśailendraviṭaṅkamukuṭojjvalām

Sanskrit only: no published translation is held for this verse.

कल्लोललोस्वःसिन्धुधवलोष्णीषभूषिताम् । सेन्द्रायुधक्षयाम्भोदमायूरच्छत्त्रविभ्रमाम्

kallolalosvaḥsindhudhavaloṣṇīṣabhūṣitām / sendrāyudhakṣayāmbhodamāyūracchattravibhramām

Sanskrit only: no published translation is held for this verse.

कन्दाग्रकुण्डलितनाभिमृणालदण्डहृत्पुण्डरीकनिबिडामृतपानशौण्डाम् । भृङ्गाङ्गनामिव सदोदितनादशक्तिसंवेद्यवेद्यजननीं जननीं प्रपद्ये

kandāgrakuṇḍalitanābhimṛṇāladaṇḍahṛtpuṇḍarīkanibiḍāmṛtapānaśauṇḍām / bhṛṅgāṅganāmiva sadoditanādaśaktisaṃvedyavedyajananīṃ jananīṃ prapadye

Sanskrit only: no published translation is held for this verse.

इति स्तुता भगवती भक्त्या प्रद्युम्नसूनुना । सांनिध्यमकरोत्साक्षाद्दुर्ग दशभुजा पुरः

iti stutā bhagavatī bhaktyā pradyumnasūnunā / sāṃnidhyamakarotsākṣāddurga daśabhujā puraḥ

Sanskrit only: no published translation is held for this verse.

भुजङ्गपञ्जरं घोरं पाणिना कमलत्विषा । दुर्भेद्यं स्फोटयित्वास्य वज्रप्राकारसंनिभम्

bhujaṅgapañjaraṃ ghoraṃ pāṇinā kamalatviṣā / durbhedyaṃ sphoṭayitvāsya vajraprākārasaṃnibham

Sanskrit only: no published translation is held for this verse.

निजतेजोभिरभितः स्फीतैरनुसृता मुहुः । आयूंषि दितिजेन्द्राणां कर्षन्तीवाविशन्नभः

nijatejobhirabhitaḥ sphītairanusṛtā muhuḥ / āyūṃṣi ditijendrāṇāṃ karṣantīvāviśannabhaḥ

Sanskrit only: no published translation is held for this verse.

अत्रान्तरे महावेगो भगवान्गरुडध्वजः । बाणस्य शोणितपुरं प्राप पावकरक्षितम्

atrāntare mahāvego bhagavāngaruḍadhvajaḥ / bāṇasya śoṇitapuraṃ prāpa pāvakarakṣitam

Sanskrit only: no published translation is held for this verse.

अष्टबाहुरभूद्भीमविग्रहः कालियान्तकः । शङ्खचक्रगदापद्मशरशाङ्गोसिचर्मभृत्

aṣṭabāhurabhūdbhīmavigrahaḥ kāliyāntakaḥ / śaṅkhacakragadāpadmaśaraśāṅgosicarmabhṛt

Sanskrit only: no published translation is held for this verse.

सहस्रशिखरस्फारतुषारगिरिसंनिभः । सहस्रकायवदनो बभूव च हलायुधः

sahasraśikharasphāratuṣāragirisaṃnibhaḥ / sahasrakāyavadano babhūva ca halāyudhaḥ

Sanskrit only: no published translation is held for this verse.

सनत्कुमारकल्पश्च प्रद्युम्नः समपद्यत । तेष्वेव पृथुरूपेषु पृथिवी समकम्पत

sanatkumārakalpaśca pradyumnaḥ samapadyata / teṣveva pṛthurūpeṣu pṛthivī samakampata

Sanskrit only: no published translation is held for this verse.

तार्क्ष्यपक्षानिलाक्षेपक्षुम्भ(त्)स्तब्धाब्धिमण्डलः । उदभूज्जगतां को ऽपि प्रलयारम्भसंभ्रमः

tārkṣyapakṣānilākṣepakṣumbha(t)stabdhābdhimaṇḍalaḥ / udabhūjjagatāṃ ko 'pi pralayārambhasaṃbhramaḥ

Sanskrit only: no published translation is held for this verse.

बभाषे विस्मयाविष्टस्ततः कृष्णं हलायुधः । कस्मादकस्मात्संवृत्ताः कनकद्युतयो वयम्

babhāṣe vismayāviṣṭastataḥ kṛṣṇaṃ halāyudhaḥ / kasmādakasmātsaṃvṛttāḥ kanakadyutayo vayam

Sanskrit only: no published translation is held for this verse.

तमब्रवीत्तार्क्ष्यकेतुर्बाणस्य पुररक्षिता । अग्निराहवनीयो ऽत्र पुरो ऽस्मानुद्यतः क्रुधा

tamabravīttārkṣyaketurbāṇasya purarakṣitā / agnirāhavanīyo 'tra puro 'smānudyataḥ krudhā

Sanskrit only: no published translation is held for this verse.

जगत्यकालसंध्येव तेजसास्य विभाव्यते । सुपर्णायत्तमधुना कार्यमेतद्भविष्यति

jagatyakālasaṃdhyeva tejasāsya vibhāvyate / suparṇāyattamadhunā kāryametadbhaviṣyati

Sanskrit only: no published translation is held for this verse.

इत्युक्ते शौरिणा तार्क्ष्यः पक्षाक्षेपधुताम्बुधिः । गङ्गामादाय विदधे प्रशमं जातवेदसः

ityukte śauriṇā tārkṣyaḥ pakṣākṣepadhutāmbudhiḥ / gaṅgāmādāya vidadhe praśamaṃ jātavedasaḥ

Sanskrit only: no published translation is held for this verse.

ततो विस्फारशिखराकारज्वालाजटाकुलाः । रुद्रस्यानुचरा घोरा वह्नयो ऽन्ये समुद्ययुः

tato visphāraśikharākārajvālājaṭākulāḥ / rudrasyānucarā ghorā vahnayo 'nye samudyayuḥ

Sanskrit only: no published translation is held for this verse.

तेषां मध्ये ऽङ्गिरा दीप्तशूलज्वालाविभूषणः । सुमेरुरिव मार्तण्डमण्डलाङ्कः समाबभौ

teṣāṃ madhye 'ṅgirā dīptaśūlajvālāvibhūṣaṇaḥ / sumeruriva mārtaṇḍamaṇḍalāṅkaḥ samābabhau

Sanskrit only: no published translation is held for this verse.

तस्यार्धचन्द्रेण हरिः प्रहर्तुः शूलमुत्कटम् । चिच्छेद स प्रयत्नस्य वामो विधिरिवेप्सितम्

tasyārdhacandreṇa hariḥ prahartuḥ śūlamutkaṭam / ciccheda sa prayatnasya vāmo vidhirivepsitam

Sanskrit only: no published translation is held for this verse.

स्थूलाकर्णेन निहतः स महास्त्रेण शौरिणा । पपात पातितरिपुर्निर्दग्धो ऽग्निरिवाग्निना

sthūlākarṇena nihataḥ sa mahāstreṇa śauriṇā / papāta pātitaripurnirdagdho 'gnirivāgninā

Sanskrit only: no published translation is held for this verse.

ततो भग्ने ऽग्निगहने बाणानीके ससंभ्रमे । दध्मौ निजयशः शुद्धं पाञ्चजन्यं जनार्दनः

tato bhagne 'gnigahane bāṇānīke sasaṃbhrame / dadhmau nijayaśaḥ śuddhaṃ pāñcajanyaṃ janārdanaḥ

Sanskrit only: no published translation is held for this verse.

तस्य शब्देन महता वातस्कन्धविमर्दिना । बभूव भुवनाभोगसंघट्टविषमः स्वनः

tasya śabdena mahatā vātaskandhavimardinā / babhūva bhuvanābhogasaṃghaṭṭaviṣamaḥ svanaḥ

Sanskrit only: no published translation is held for this verse.

ततः प्रविश्य बाणस्य नगरं गरुडध्वजः । अवाप युद्धसंनद्धक्षुब्धदैत्यमहार्णवम्

tataḥ praviśya bāṇasya nagaraṃ garuḍadhvajaḥ / avāpa yuddhasaṃnaddhakṣubdhadaityamahārṇavam

Sanskrit only: no published translation is held for this verse.

तदपारं हरिः सैन्यं पावकास्त्रशिलाशितैः । व्याप्तं चकार माञ्जिष्ठैर्बद्धैर्वध्यपटैरिव

tadapāraṃ hariḥ sainyaṃ pāvakāstraśilāśitaiḥ / vyāptaṃ cakāra māñjiṣṭhairbaddhairvadhyapaṭairiva

Sanskrit only: no published translation is held for this verse.

ततस्तूर्णं रणरसादवतीर्य गरुत्मतः । विबुधारातिभिर्वीरो युयुधे लाङ्गलायुधः

tatastūrṇaṃ raṇarasādavatīrya garutmataḥ / vibudhārātibhirvīro yuyudhe lāṅgalāyudhaḥ

Sanskrit only: no published translation is held for this verse.

शुद्धस्तमालमलिने स दैत्यसदने बभौ । ऐरावण इवादभ्रनीलाभ्रे नभसि भ्रमन्

śuddhastamālamaline sa daityasadane babhau / airāvaṇa ivādabhranīlābhre nabhasi bhraman

Sanskrit only: no published translation is held for this verse.

संकर्षणहलाकृष्टास्ततस्तन्मुसलाहले । निपेतुर्दानवाः सर्वे वज्रभिन्ना इवाचलाः

saṃkarṣaṇahalākṛṣṭāstatastanmusalāhale / nipeturdānavāḥ sarve vajrabhinnā ivācalāḥ

Sanskrit only: no published translation is held for this verse.

अवतीर्य सुपर्णाग्रात्प्रद्युम्नेन सहाच्युतः । जहार शरजालेन दैत्यजीवविहङ्गमान्

avatīrya suparṇāgrātpradyumnena sahācyutaḥ / jahāra śarajālena daityajīvavihaṅgamān

Sanskrit only: no published translation is held for this verse.

ते चण्डचञ्चुचरणैः पक्षाक्षेपैश्च पीडिताः । क्षपिताः पक्षिराजेन क्षणं शर्म न लेभिरे

te caṇḍacañcucaraṇaiḥ pakṣākṣepaiśca pīḍitāḥ / kṣapitāḥ pakṣirājena kṣaṇaṃ śarma na lebhire

Sanskrit only: no published translation is held for this verse.

ततो भस्मप्रहरणास्त्रिमुखस्त्रिशिखस्त्रिपात् । निद्राव्याघूर्णिताताम्रनेत्रो जृम्भालसः स्वयम्

tato bhasmapraharaṇāstrimukhastriśikhastripāt / nidrāvyāghūrṇitātāmranetro jṛmbhālasaḥ svayam

Sanskrit only: no published translation is held for this verse.

शीतोद्धतैः खरतरैर्लोमभिर्मकरोपमः । भ्रमग्लानिपरिम्लानधूसरो ऽदृश्यत ज्वरः

śītoddhataiḥ kharatarairlomabhirmakaropamaḥ / bhramaglāniparimlānadhūsaro 'dṛśyata jvaraḥ

Sanskrit only: no published translation is held for this verse.

स रौहिणेयमाहूय चित्रमण्डलचारिणम् । कम्पमानतनुः कोपात्तत्क्षये विदधे मतिम्

sa rauhiṇeyamāhūya citramaṇḍalacāriṇam / kampamānatanuḥ kopāttatkṣaye vidadhe matim

Sanskrit only: no published translation is held for this verse.

चिक्षेप दुःसहं तस्मै भस्मापस्मारसंनिभः । वक्षोवलक्षं रामस्य येन व्याप्तमभूत्क्षणात्

cikṣepa duḥsahaṃ tasmai bhasmāpasmārasaṃnibhaḥ / vakṣovalakṣaṃ rāmasya yena vyāptamabhūtkṣaṇāt

Sanskrit only: no published translation is held for this verse.

तद्वक्षसः प्रदीप्तोत्थं भस्म मेरुतटे पतत् । ददाह पृथुटाङ्कारि शिखरं सहसा ज्वलत्

tadvakṣasaḥ pradīptotthaṃ bhasma merutaṭe patat / dadāha pṛthuṭāṅkāri śikharaṃ sahasā jvalat

Sanskrit only: no published translation is held for this verse.

शेषेण दीप्तसर्वाङ्गो भस्मना विस्मृतस्मृतिः । स्खलद्गतिस्तालकेतुः परं क्षीब इवाबभौ

śeṣeṇa dīptasarvāṅgo bhasmanā vismṛtasmṛtiḥ / skhaladgatistālaketuḥ paraṃ kṣība ivābabhau

Sanskrit only: no published translation is held for this verse.

सो ऽब्रवीत्कृष्ण कृष्णाहं प्रदीप्तो न लभे धृतिम् । कुलालचक्रविभ्रान्तं पश्यामि निखिलं जगत्

so 'bravītkṛṣṇa kṛṣṇāhaṃ pradīpto na labhe dhṛtim / kulālacakravibhrāntaṃ paśyāmi nikhilaṃ jagat

Sanskrit only: no published translation is held for this verse.

इति ब्रुवाणमभ्येत्य शार्ङ्गधन्वा हलायुधम् । भस्मशान्त्यै पिरष्वज्य जग्राह ज्वरमोजसा

iti bruvāṇamabhyetya śārṅgadhanvā halāyudham / bhasmaśāntyai piraṣvajya jagrāha jvaramojasā

Sanskrit only: no published translation is held for this verse.

स तेन समरे घोरे समाक्रान्तः क्रुधा ज्वलन् । ज्वरश्चिक्षेपे मुष्टिभ्यां भस्म ज्वालाजटाकुलम्

sa tena samare ghore samākrāntaḥ krudhā jvalan / jvaraścikṣepe muṣṭibhyāṃ bhasma jvālājaṭākulam

Sanskrit only: no published translation is held for this verse.

क्षणं प्रदीप्तः कृष्णो ऽपि प्रशान्ताग्निश्च तत्क्षणात् । तुल्यं तेनाहतो दोर्भिस्त्रिभिर्नाकम्पताच्युतः

kṣaṇaṃ pradīptaḥ kṛṣṇo 'pi praśāntāgniśca tatkṣaṇāt / tulyaṃ tenāhato dorbhistribhirnākampatācyutaḥ

Sanskrit only: no published translation is held for this verse.

स कृष्णज्वरयोर्घोरः संग्रामो वज्रनिःस्वनः । बभूव सर्वभूतानां भयकृल्लोमहर्षणः

sa kṛṣṇajvarayorghoraḥ saṃgrāmo vajraniḥsvanaḥ / babhūva sarvabhūtānāṃ bhayakṛllomaharṣaṇaḥ

Sanskrit only: no published translation is held for this verse.

काञ्चनाभरणच्छाया बभूवुर्ज्रविग्रहे । विनिर्गता इव ज्वालाः कृष्णदोर्दण्डपीडनात्

kāñcanābharaṇacchāyā babhūvurjravigrahe / vinirgatā iva jvālāḥ kṛṣṇadordaṇḍapīḍanāt

Sanskrit only: no published translation is held for this verse.

निपीड्य निबिडं दोर्भिः क्षितौ क्षिपत्तः स शौरिणा । अलक्षितो ऽविशत्क्षिप्रं तच्छरीरं समीरवत्

nipīḍya nibiḍaṃ dorbhiḥ kṣitau kṣipattaḥ sa śauriṇā / alakṣito 'viśatkṣipraṃ taccharīraṃ samīravat

Sanskrit only: no published translation is held for this verse.

तेनाविष्टः श्वसञ्जृम्भाभ्रमनिद्रालसः स्खलन् । क्षणं बभूव भूतात्मा प्रोद्धूताद्भुतविप्लवः

tenāviṣṭaḥ śvasañjṛmbhābhramanidrālasaḥ skhalan / kṣaṇaṃ babhūva bhūtātmā proddhūtādbhutaviplavaḥ

Sanskrit only: no published translation is held for this verse.

अहो बताप्रतिहता वस्तुशक्तिर्गरीयसी । जगन्नाते ऽपि यद्भेजे ज्वरसंस्पर्शविक्रियाम्

aho batāpratihatā vastuśaktirgarīyasī / jagannāte 'pi yadbheje jvarasaṃsparśavikriyām

Sanskrit only: no published translation is held for this verse.

सो ऽसृजद्वैष्णवं घोरं ज्वरं पूर्वज्वरापहम् । कृष्णस्तेन ज्वरेणाशु पुनः पूर्वो ऽभवज्ज्वरः

so 'sṛjadvaiṣṇavaṃ ghoraṃ jvaraṃ pūrvajvarāpaham / kṛṣṇastena jvareṇāśu punaḥ pūrvo 'bhavajjvaraḥ

Sanskrit only: no published translation is held for this verse.

तं हन्तुमुद्यतो यावत्कालियारिः स्वयं क्रुधा । उच्चचार वचस्तावद्गगनाद्धोरनिःस्वनम्

taṃ hantumudyato yāvatkāliyāriḥ svayaṃ krudhā / uccacāra vacastāvadgaganāddhoraniḥsvanam

Sanskrit only: no published translation is held for this verse.

संरक्ष्यो भगवन्नेष रुद्रस्यानुचरो ज्वरः । श्रुत्वेति विररामाशु तद्वधान्मधुसूदनः

saṃrakṣyo bhagavanneṣa rudrasyānucaro jvaraḥ / śrutveti virarāmāśu tadvadhānmadhusūdanaḥ

Sanskrit only: no published translation is held for this verse.

कृताञ्जलिस्तमवदज्ज्वरो विष्णुज्वरार्दितः । निजं संहर विश्वेश ज्वरं मदनुकम्पया

kṛtāñjalistamavadajjvaro viṣṇujvarārditaḥ / nijaṃ saṃhara viśveśa jvaraṃ madanukampayā

Sanskrit only: no published translation is held for this verse.

माधवेन तु तद्वाक्यात्संहृते च निजे ज्वरे । प्रणनाम हरिं हर्षाज्ज्वरः शर्वपुरःसरः

mādhavena tu tadvākyātsaṃhṛte ca nije jvare / praṇanāma hariṃ harṣājjvaraḥ śarvapuraḥsaraḥ

Sanskrit only: no published translation is held for this verse.

किं ते प्रियं करोमीति वादिनं हृष्टमानसम् । तमब्रवीन्मधुरिपुः प्रसादमधुराक्षरम्

kiṃ te priyaṃ karomīti vādinaṃ hṛṣṭamānasam / tamabravīnmadhuripuḥ prasādamadhurākṣaram

Sanskrit only: no published translation is held for this verse.

भुजायुधमिदं युद्धमावयोः प्रणिपत्य माम् । ये मन्मयाः संस्मरन्ति सन्तु ते विज्वरा नराः

bhujāyudhamidaṃ yuddhamāvayoḥ praṇipatya mām / ye manmayāḥ saṃsmaranti santu te vijvarā narāḥ

Sanskrit only: no published translation is held for this verse.

त्रिपाद्भूतिप्रहरणस्त्रिशिराः सास्रुलोचनः । ध्यातः प्रीतिसुखं दद्यात्त्वदाकारः शरीरिणाम्

tripādbhūtipraharaṇastriśirāḥ sāsrulocanaḥ / dhyātaḥ prītisukhaṃ dadyāttvadākāraḥ śarīriṇām

Sanskrit only: no published translation is held for this verse.

नाद्यन्ताः कवयः पूर्वे शास्तारो ऽल्पमहात्तमाः । घ्नन्तु ज्वरांश्चानिरुद्धप्रद्युम्नबलकेशवाः

nādyantāḥ kavayaḥ pūrve śāstāro 'lpamahāttamāḥ / ghnantu jvarāṃścāniruddhapradyumnabalakeśavāḥ

Sanskrit only: no published translation is held for this verse.

इत्युक्तः शौरिणा प्रीत्या तथेत्याह हरि ज्वरः । अभ्यधान्मौलिरत्नाग्रे प्रणयावर्जिताञ्जलिः

ityuktaḥ śauriṇā prītyā tathetyāha hari jvaraḥ / abhyadhānmauliratnāgre praṇayāvarjitāñjaliḥ

Sanskrit only: no published translation is held for this verse.

अहं हरेण त्रिपुरान्तकेन विनिर्मितः कालियसूदनेन । जितस्त्वाया दानवकाननाग्रे प्रसह्य युद्धे तव किं करोमि

ahaṃ hareṇa tripurāntakena vinirmitaḥ kāliyasūdanena / jitastvāyā dānavakānanāgre prasahya yuddhe tava kiṃ karomi

Sanskrit only: no published translation is held for this verse.

इत्युक्त्वापसृते शर्वज्वरे पूर्वं रणाङ्गनात् । तार्क्ष्यमारुह्य युयुधे सात्मजः साग्रजो हरिः

ityuktvāpasṛte śarvajvare pūrvaṃ raṇāṅganāt / tārkṣyamāruhya yuyudhe sātmajaḥ sāgrajo hariḥ

Sanskrit only: no published translation is held for this verse.

विदारिताः कृष्णशरैः स्वामिसन्मानयन्त्रिताः । मानिनो दैत्यसुभटा न तस्थुर्न ययुः क्षणम्

vidāritāḥ kṛṣṇaśaraiḥ svāmisanmānayantritāḥ / mānino daityasubhaṭā na tasthurna yayuḥ kṣaṇam

Sanskrit only: no published translation is held for this verse.

ततो विघटितव्यूहा भग्नस्यन्दनकुञ्जराः । ययुस्त्यकत्वा रणं दैत्या दामोदरविदारिताः

tato vighaṭitavyūhā bhagnasyandanakuñjarāḥ / yayustyakatvā raṇaṃ daityā dāmodaravidāritāḥ

Sanskrit only: no published translation is held for this verse.

विद्रावितास्ते हरिणा हरिणा हरिणा इव । नदीवेगा इव गताः प्रतीपं न समाययुः

vidrāvitāste hariṇā hariṇā hariṇā iva / nadīvegā iva gatāḥ pratīpaṃ na samāyayuḥ

Sanskrit only: no published translation is held for this verse.

प्राणैस्तृणाग्रलघुभिः कल्पापायस्थिरं यशः । विक्रीय किं गता यूयं मृत्युः सर्वत्र देहिनाम्

prāṇaistṛṇāgralaghubhiḥ kalpāpāyasthiraṃ yaśaḥ / vikrīya kiṃ gatā yūyaṃ mṛtyuḥ sarvatra dehinām

Sanskrit only: no published translation is held for this verse.

मानपर्वतवज्रेण कीर्तिवल्ली दवाग्निना । औचित्यचित्रधूमेन भयेनाभिहताः कथम्

mānaparvatavajreṇa kīrtivallī davāgninā / aucityacitradhūmena bhayenābhihatāḥ katham

Sanskrit only: no published translation is held for this verse.

इति बाणेन बहुशः कुम्भाण्डेन च मानिना । निवार्यमाणा अपि ते जग्मुरेव दिशो दश

iti bāṇena bahuśaḥ kumbhāṇḍena ca māninā / nivāryamāṇā api te jagmureva diśo daśa

Sanskrit only: no published translation is held for this verse.

ततो रणाङ्गने रुद्रो भगवान्भगनेत्रहा । देवः पिनाकी सगुहः स्वयं योद्धुमथाययौ

tato raṇāṅgane rudro bhagavānbhaganetrahā / devaḥ pinākī saguhaḥ svayaṃ yoddhumathāyayau

Sanskrit only: no published translation is held for this verse.

तुषारनिकरस्मेरस्फारैर्गात्रांशुसंचयैः । कुर्वन्निव जगन्नाथो भूरिभूतिविभूषितम्

tuṣāranikarasmerasphārairgātrāṃśusaṃcayaiḥ / kurvanniva jagannātho bhūribhūtivibhūṣitam

Sanskrit only: no published translation is held for this verse.

वलद्वलयकेयूरकुण्डलव्यालमण्डलैः । त्रिपुरानलधूमालीभङ्गैरिव तरङ्गितः

valadvalayakeyūrakuṇḍalavyālamaṇḍalaiḥ / tripurānaladhūmālībhaṅgairiva taraṅgitaḥ

Sanskrit only: no published translation is held for this verse.

सृजन्कण्ठप्रभाचक्रैर्दिग्वधूनीलकञ्चुकैः । प्रलयारम्भसचिवान्पुष्करावर्तकानिव

sṛjankaṇṭhaprabhācakrairdigvadhūnīlakañcukaiḥ / pralayārambhasacivānpuṣkarāvartakāniva

Sanskrit only: no published translation is held for this verse.

गाढबन्धजटाजूटस्फुटच्चन्द्रकलाङ्कुरः । स्फूर्जत्फेनामरनदीरचितोष्णीषविभ्रमः

gāḍhabandhajaṭājūṭasphuṭaccandrakalāṅkuraḥ / sphūrjatphenāmaranadīracitoṣṇīṣavibhramaḥ

Sanskrit only: no published translation is held for this verse.

रथेन नन्दियुक्तेन सिंहयुक्तेन भास्वता । कोपपावकपुञ्जेन मूर्तेनेवावृताम्बरः

rathena nandiyuktena siṃhayuktena bhāsvatā / kopapāvakapuñjena mūrtenevāvṛtāmbaraḥ

Sanskrit only: no published translation is held for this verse.

तारकावजयोदारकुमारानुगतं हरम् । हरिरालोक्य निष्कम्पः सज्जं चक्रे निजं धनुः

tārakāvajayodārakumārānugataṃ haram / harirālokya niṣkampaḥ sajjaṃ cakre nijaṃ dhanuḥ

Sanskrit only: no published translation is held for this verse.

क्रुद्धस्य खण्डपरशोः समराडम्बरे स्वयम् । अभूदकाण्डप्रलयारम्भशङ्का शरीरिणाम्

kruddhasya khaṇḍaparaśoḥ samarāḍambare svayam / abhūdakāṇḍapralayārambhaśaṅkā śarīriṇām

Sanskrit only: no published translation is held for this verse.

ततः कनकनाचैर्भर्गः कृष्णमपूरयत् । तृतीयनयनोद्धूतभूरिवह्निशिखोपमैः

tataḥ kanakanācairbhargaḥ kṛṣṇamapūrayat / tṛtīyanayanoddhūtabhūrivahniśikhopamaiḥ

Sanskrit only: no published translation is held for this verse.

उग्रैरुग्रभुजोत्सृष्टैर्वेगस्पष्टीकृतैर्वृतः । स तैस्तद्वलयव्यालैर्ज्याकृष्टित्रुटितैरिव

ugrairugrabhujotsṛṣṭairvegaspaṣṭīkṛtairvṛtaḥ / sa taistadvalayavyālairjyākṛṣṭitruṭitairiva

Sanskrit only: no published translation is held for this verse.

शरधारासहस्रोग्रं विस्फूर्जद्गर्जितोर्जितम् । मुमोच भद्रं रुद्राय पर्जन्यास्त्रं जनार्दनः

śaradhārāsahasrograṃ visphūrjadgarjitorjitam / mumoca bhadraṃ rudrāya parjanyāstraṃ janārdanaḥ

Sanskrit only: no published translation is held for this verse.

अस्त्रेण त्रिपुरारातिर्व्याप्तस्तेन प्रमाथिना । आग्नेयमस्त्रं विदधे वित्रासितजगत्त्रयम्

astreṇa tripurārātirvyāptastena pramāthinā / āgneyamastraṃ vidadhe vitrāsitajagattrayam

Sanskrit only: no published translation is held for this verse.

वह्निज्वालावलयितः साग्रजो गरुडध्वजः । हेमपञ्जरबद्धस्य भेजे केसरिणः श्रियम्

vahnijvālāvalayitaḥ sāgrajo garuḍadhvajaḥ / hemapañjarabaddhasya bheje kesariṇaḥ śriyam

Sanskrit only: no published translation is held for this verse.

वारुणेन शमं नीते तस्मिन्नस्त्रे मुरारिणा । पैशाचरौद्राङ्गिरसैर्युयुधे ऽस्त्रैस्त्रिलोचनः

vāruṇena śamaṃ nīte tasminnastre murāriṇā / paiśācaraudrāṅgirasairyuyudhe 'straistrilocanaḥ

Sanskrit only: no published translation is held for this verse.

निवार्यास्त्राणि तान्याशु सौरवायव्यवासवैः । संदधे क्रोधविधुरस्त्रिपुरान्तकरं शरम्

nivāryāstrāṇi tānyāśu sauravāyavyavāsavaiḥ / saṃdadhe krodhavidhurastripurāntakaraṃ śaram

Sanskrit only: no published translation is held for this verse.

चिराच्चापप्रणयितां तस्मिन्नीते ऽन्धकद्विषा । हरिर्विजृम्भमाणास्त्रं तं विजृम्भाकुलं व्यधात्

cirāccāpapraṇayitāṃ tasminnīte 'ndhakadviṣā / harirvijṛmbhamāṇāstraṃ taṃ vijṛmbhākulaṃ vyadhāt

Sanskrit only: no published translation is held for this verse.

घोरघोषेण शार्ङ्गस्य पाञ्चजन्यस्य चासकृत् । जृम्भिते भैरवे भीमं भयं भूतानि लेभिरे

ghoraghoṣeṇa śārṅgasya pāñcajanyasya cāsakṛt / jṛmbhite bhairave bhīmaṃ bhayaṃ bhūtāni lebhire

Sanskrit only: no published translation is held for this verse.

ततः कुम्भाण्डसूतेन रथेन पृथुरंहसा । प्रत्युद्ययौ रामकृष्णप्रद्युम्नान्कुपितो गुहः

tataḥ kumbhāṇḍasūtena rathena pṛthuraṃhasā / pratyudyayau rāmakṛṣṇapradyumnānkupito guhaḥ

Sanskrit only: no published translation is held for this verse.

अनिलानलपर्जन्यैरस्त्रैरभिहतः स तैः । दीप्तास्त्रजालैर्विदधे जगत्संक्षोभविभ्रमम्

anilānalaparjanyairastrairabhihataḥ sa taiḥ / dīptāstrajālairvidadhe jagatsaṃkṣobhavibhramam

Sanskrit only: no published translation is held for this verse.

षण्मुखो ऽपि बभौ हेमपुङ्खैस्तद्विविधैर्वृतः । जन्मक्षेत्रं शरवरं प्रीत्या पुनरिवाश्रितः

ṣaṇmukho 'pi babhau hemapuṅkhaistadvividhairvṛtaḥ / janmakṣetraṃ śaravaraṃ prītyā punarivāśritaḥ

Sanskrit only: no published translation is held for this verse.

अस्त्रं ब्रह्मशिरो रौद्रमसृजत्तारकान्तकः । ज्वालाभिज्वलिता यस्य शैलाः प्रापुः सुमेरुताम्

astraṃ brahmaśiro raudramasṛjattārakāntakaḥ / jvālābhijvalitā yasya śailāḥ prāpuḥ sumerutām

Sanskrit only: no published translation is held for this verse.

तस्मिन्विश्वक्षयाक्षेपदीक्षाविक्षोभिताखिले । अस्त्रानले प्रविसृते हरिश्चक्रं समादधे

tasminviśvakṣayākṣepadīkṣāvikṣobhitākhile / astrānale pravisṛte hariścakraṃ samādadhe

Sanskrit only: no published translation is held for this verse.

तत्सर्वास्त्रहरं घोरं मार्तण्डोच्चण्डमण्डलम् । हरिदोर्दण्डसंसक्तं जहारास्त्रानलप्रभाम्

tatsarvāstraharaṃ ghoraṃ mārtaṇḍoccaṇḍamaṇḍalam / haridordaṇḍasaṃsaktaṃ jahārāstrānalaprabhām

Sanskrit only: no published translation is held for this verse.

चक्रांशुक्रकचोत्कृत्ते तस्मिन्नस्त्रप्रभावने । प्रजग्राह गुहः शक्तिं क्रूरां क्रौञ्चाद्रिदारिणीम्

cakrāṃśukrakacotkṛtte tasminnastraprabhāvane / prajagrāha guhaḥ śaktiṃ krūrāṃ krauñcādridāriṇīm

Sanskrit only: no published translation is held for this verse.

मृत्युदन्तावलीताररत्नराजिविराजिताम् । तारकासृक्कणाकारशोणपट्टविभूषिताम्

mṛtyudantāvalītāraratnarājivirājitām / tārakāsṛkkaṇākāraśoṇapaṭṭavibhūṣitām

Sanskrit only: no published translation is held for this verse.

चिक्षेप कार्तिकेयस्तां घण्टापटलराविणीम् । क्रोशन्तीं त्रिजगद्ग्रासलालसां क्षुधितामिव

cikṣepa kārtikeyastāṃ ghaṇṭāpaṭalarāviṇīm / krośantīṃ trijagadgrāsalālasāṃ kṣudhitāmiva

Sanskrit only: no published translation is held for this verse.

सा दीप्ताग्रप्रभाताभ्रभ्रूकेशश्मश्रुभीषणे । चक्रे व्योम महाकालवक्त्रे जिह्वाविजृम्भितम्

sā dīptāgraprabhātābhrabhrūkeśaśmaśrubhīṣaṇe / cakre vyoma mahākālavaktre jihvāvijṛmbhitam

Sanskrit only: no published translation is held for this verse.

स्वस्ति स्वस्त्यच्युतायेति दिवि देवैरुदीरितम् । सा कृष्णाभिमुखी शक्तिर्वेगाद्विद्युदिवाबभौ

svasti svastyacyutāyeti divi devairudīritam / sā kṛṣṇābhimukhī śaktirvegādvidyudivābabhau

Sanskrit only: no published translation is held for this verse.

सा कृष्णहुंकारहता तस्मान्निष्फलतां ययौ । आशेव बद्धा मुग्धेन लब्धे कुटिलचेतसि

sā kṛṣṇahuṃkārahatā tasmānniṣphalatāṃ yayau / āśeva baddhā mugdhena labdhe kuṭilacetasi

Sanskrit only: no published translation is held for this verse.

ततश्चक्रायुधश्चक्रे कलयन्वलयं रुषः । गुहं वीक्ष्य कटाक्षेण तद्वधे विदधे मतिम्

tataścakrāyudhaścakre kalayanvalayaṃ ruṣaḥ / guhaṃ vīkṣya kaṭākṣeṇa tadvadhe vidadhe matim

Sanskrit only: no published translation is held for this verse.

निरम्बरा मुक्तकेशी श्यामा लोहितलोचना । तस्थौ कुमाररक्षायै मूर्ता शक्तिरिवाग्रतः

nirambarā muktakeśī śyāmā lohitalocanā / tasthau kumārarakṣāyai mūrtā śaktirivāgrataḥ

Sanskrit only: no published translation is held for this verse.

अपगच्छापगच्छेति सासूयं कालियाद्विषा । निवार्यमाणाप्यसकृत्ततो नापससार सा

apagacchāpagaccheti sāsūyaṃ kāliyādviṣā / nivāryamāṇāpyasakṛttato nāpasasāra sā

Sanskrit only: no published translation is held for this verse.

अत्रान्तरे घनध्वानधीरगम्भीरनिःस्वनैः । तारतीररवैः सैन्यैर्बाणः स्वयमदृश्यत

atrāntare ghanadhvānadhīragambhīraniḥsvanaiḥ / tāratīraravaiḥ sainyairbāṇaḥ svayamadṛśyata

Sanskrit only: no published translation is held for this verse.

स कौमारमयूरस्य शुशुभे पृष्ठमास्थितः । अञ्जनाद्रितटं नीलमेघसंघ इवोच्छ्रितः

sa kaumāramayūrasya śuśubhe pṛṣṭhamāsthitaḥ / añjanādritaṭaṃ nīlameghasaṃgha ivocchritaḥ

Sanskrit only: no published translation is held for this verse.

सो ऽवदत्कृष्णमभ्येत्य बहुबाहुबलोर्जितः । प्रत्यासन्नविनाशो ऽद्य दीपवद्बत वर्धसे

so 'vadatkṛṣṇamabhyetya bahubāhubalorjitaḥ / pratyāsannavināśo 'dya dīpavadbata vardhase

Sanskrit only: no published translation is held for this verse.

हतो मया विदेशे ऽस्मिन्नविज्ञातः सुहृज्जनैः । ध्रुवं त्यक्ष्यसि कृच्छ्रेण जीवितं मृतबान्धवः

hato mayā videśe 'sminnavijñātaḥ suhṛjjanaiḥ / dhruvaṃ tyakṣyasi kṛcchreṇa jīvitaṃ mṛtabāndhavaḥ

Sanskrit only: no published translation is held for this verse.

इति बाणेन गदिते गर्वाद्गरुडलाञ्छनः । कत्थनेनैव शूरो ऽसि नूनमित्याह सस्मितः

iti bāṇena gadite garvādgaruḍalāñchanaḥ / katthanenaiva śūro 'si nūnamityāha sasmitaḥ

Sanskrit only: no published translation is held for this verse.

ततः शितशरासारैः पूरितः स मुरारिणा । असृजद्दोःसहस्रेण घोरायुधपरम्पराम्

tataḥ śitaśarāsāraiḥ pūritaḥ sa murāriṇā / asṛjaddoḥsahasreṇa ghorāyudhaparamparām

Sanskrit only: no published translation is held for this verse.

तत्कृशानुकणाकारपूरपूरितमम्बरम् । विकीर्णस्वर्णचूर्णाया लेभे मणिभुवः प्रभाम्

tatkṛśānukaṇākārapūrapūritamambaram / vikīrṇasvarṇacūrṇāyā lebhe maṇibhuvaḥ prabhām

Sanskrit only: no published translation is held for this verse.

अस्त्रं हिरण्यकशिपोरथ बाणः समादधे । यद्भीत्येव दिशः क्वापि ययुः संतमसावृताः

astraṃ hiraṇyakaśiporatha bāṇaḥ samādadhe / yadbhītyeva diśaḥ kvāpi yayuḥ saṃtamasāvṛtāḥ

Sanskrit only: no published translation is held for this verse.

तदुद्भूतास्त्रनिचयैः पूरिते गगनाङ्गने । वायोरपि गतिर्नाभूत्का कथा व्योमचारिणाम्

tadudbhūtāstranicayaiḥ pūrite gaganāṅgane / vāyorapi gatirnābhūtkā kathā vyomacāriṇām

Sanskrit only: no published translation is held for this verse.

पर्जन्यास्त्रेण हरिणा तस्मिन्नस्त्रे निवारिते । बाणबाहुवनोत्सृष्टा शरवृष्टिः समुद्ययौ

parjanyāstreṇa hariṇā tasminnastre nivārite / bāṇabāhuvanotsṛṣṭā śaravṛṣṭiḥ samudyayau

Sanskrit only: no published translation is held for this verse.

बभर्तुर्बर्हिगरुडौ युद्धे चञ्चुनखायुधौ । मिश्रीभूताविव मुहुर्नीलशैलसुराचलौ

babharturbarhigaruḍau yuddhe cañcunakhāyudhau / miśrībhūtāviva muhurnīlaśailasurācalau

Sanskrit only: no published translation is held for this verse.

ततस्तार्क्ष्येण पक्षाग्रक्षेपविक्षेपकारिणा । आकृष्णाभिहतो मूर्ध्नि मयूरो ऽद्रिरिवापतत्

tatastārkṣyeṇa pakṣāgrakṣepavikṣepakāriṇā / ākṛṣṇābhihato mūrdhni mayūro 'dririvāpatat

Sanskrit only: no published translation is held for this verse.

दैत्येन्द्रे निहते नन्दी प्रेरितस्त्रिपुरारिणा । रौद्रं रथं समादाय सज्जो ऽभूत्समरे पुनः

daityendre nihate nandī preritastripurāriṇā / raudraṃ rathaṃ samādāya sajjo 'bhūtsamare punaḥ

Sanskrit only: no published translation is held for this verse.

बाणस्तूर्णं समारुह्य मानी मन्युविषाकुलः । चकार ब्रह्मशिरसा महास्त्रेण जगत्क्षयम्

bāṇastūrṇaṃ samāruhya mānī manyuviṣākulaḥ / cakāra brahmaśirasā mahāstreṇa jagatkṣayam

Sanskrit only: no published translation is held for this verse.

ततश्चक्रं सहस्रारं संहारं त्रिदशद्विषाम् । उद्यम्य ग्रस्तदैत्यास्त्रं हरिर्दैत्येन्द्रमाद्रवत्

tataścakraṃ sahasrāraṃ saṃhāraṃ tridaśadviṣām / udyamya grastadaityāstraṃ harirdaityendramādravat

Sanskrit only: no published translation is held for this verse.

पुनः संन्यस्तवसना काली कुवलयेक्षणा । पुरो बभूव रक्षार्थं बाणस्य प्राणसंशये

punaḥ saṃnyastavasanā kālī kuvalayekṣaṇā / puro babhūva rakṣārthaṃ bāṇasya prāṇasaṃśaye

Sanskrit only: no published translation is held for this verse.

दृष्ट्वा तामवदत्कुष्णस्त्राणं वः कथमङ्गना । बाण संशयकालेषु नेदं वीरव्रतोचितम्

dṛṣṭvā tāmavadatkuṣṇastrāṇaṃ vaḥ kathamaṅganā / bāṇa saṃśayakāleṣu nedaṃ vīravratocitam

Sanskrit only: no published translation is held for this verse.