Ksemendra: Bharatamanjari 19

दैत्यराजो ऽभवद्यो ऽसौ हिरण्यकशिपुः पुरा । पितृव्यवंशे शूरस्य शैनेयः सत्यको ऽभवत्

daityarājo 'bhavadyo 'sau hiraṇyakaśipuḥ purā / pitṛvyavaṃśe śūrasya śaineyaḥ satyako 'bhavat

Sanskrit only: no published translation is held for this verse.

सात्यकिस्तस्य तनयो युयुधानापराभिधः । उद्धवो विबुधाचार्यः शत्रुदेवमुखास्तथा

sātyakistasya tanayo yuyudhānāparābhidhaḥ / uddhavo vibudhācāryaḥ śatrudevamukhāstathā

Sanskrit only: no published translation is held for this verse.

शत्रुदेवस्य नैषादिरेकलव्यो ऽभवत्कुले । वत्सावते त्वपुत्राय वसुदेवः प्रतापवान्

śatrudevasya naiṣādirekalavyo 'bhavatkule / vatsāvate tvaputrāya vasudevaḥ pratāpavān

Sanskrit only: no published translation is held for this verse.

अद्भिर्ददौ सुतं वीरं शौरिः कौशिकमौरसम् । गण्डूषकायापुत्राय चारुदोष्णादिकान्हरिः

adbhirdadau sutaṃ vīraṃ śauriḥ kauśikamaurasam / gaṇḍūṣakāyāputrāya cārudoṣṇādikānhariḥ

Sanskrit only: no published translation is held for this verse.

द्वे भार्ये वसुदेवस्य रोहिणी देवकी तथा । रोहिणीतनयो रामः सारणो दुर्दमः सुभः

dve bhārye vasudevasya rohiṇī devakī tathā / rohiṇītanayo rāmaḥ sāraṇo durdamaḥ subhaḥ

Sanskrit only: no published translation is held for this verse.

शुभ्रपिण्डारदमनास्ते महावदनात्मजाः । अनुजा च सुभद्रैषा महिषी सव्यसाचिनः

śubhrapiṇḍāradamanāste mahāvadanātmajāḥ / anujā ca subhadraiṣā mahiṣī savyasācinaḥ

Sanskrit only: no published translation is held for this verse.

रामस्य निषधो नाम रेवत्यामभवत्सुतः । देवकीनन्दनः कृष्णो देवो दानवसूदनः

rāmasya niṣadho nāma revatyāmabhavatsutaḥ / devakīnandanaḥ kṛṣṇo devo dānavasūdanaḥ

Sanskrit only: no published translation is held for this verse.

वसुदेवस्य चान्यासु भार्यासु ह्यभवन्सुताः । भोजोपासङ्गविजया वृषदेवो गदस्तथा

vasudevasya cānyāsu bhāryāsu hyabhavansutāḥ / bhojopāsaṅgavijayā vṛṣadevo gadastathā

Sanskrit only: no published translation is held for this verse.

आशावहो लोमपादः कपिलो वर्धमानकः । पौण्ड्रो निषादनाथश्चेत्युग्रवीर्यपराक्रमाः

āśāvaho lomapādaḥ kapilo vardhamānakaḥ / pauṇḍro niṣādanāthaścetyugravīryaparākramāḥ

Sanskrit only: no published translation is held for this verse.

अत्रान्तरे गार्ग्यमुनिर्धनु कालायसाशनः । चचार द्वादश समा ब्रह्मचारी परं तपः

atrāntare gārgyamunirdhanu kālāyasāśanaḥ / cacāra dvādaśa samā brahmacārī paraṃ tapaḥ

Sanskrit only: no published translation is held for this verse.

त्रिगर्तराजसुतया परीक्षायै सविभ्रमम् । न चचालायसप्रख्यो ह्रियमाणशयो ऽपि यः

trigartarājasutayā parīkṣāyai savibhramam / na cacālāyasaprakhyo hriyamāṇaśayo 'pi yaḥ

Sanskrit only: no published translation is held for this verse.

स मन्युतप्तो गोपालकन्यायां रुद्रशासनात् । असृजत्कालयवनं कालं सर्वमहीभुजाम्

sa manyutapto gopālakanyāyāṃ rudraśāsanāt / asṛjatkālayavanaṃ kālaṃ sarvamahībhujām

Sanskrit only: no published translation is held for this verse.

रथे यस्य हया घोरा वृषपूर्वार्धविग्रहाः । गृहीतो यवनेन्द्रेण निष्पुत्रेण स पुत्रकः

rathe yasya hayā ghorā vṛṣapūrvārdhavigrahāḥ / gṛhīto yavanendreṇa niṣputreṇa sa putrakaḥ

Sanskrit only: no published translation is held for this verse.

युद्धार्थी दर्पसंमत्तः पप्रच्छ सुभटान्भुवि । नारदस्य गिरा ज्ञात्वा स वीरान्वृष्णियादवान्

yuddhārthī darpasaṃmattaḥ papraccha subhaṭānbhuvi / nāradasya girā jñātvā sa vīrānvṛṣṇiyādavān

Sanskrit only: no published translation is held for this verse.

मथुरानिलयाञ्जेतुमक्षौहिण्या समाद्रवत् । ते कालयवनाक्रान्ता जरासंधेन चार्दिताः

mathurānilayāñjetumakṣauhiṇyā samādravat / te kālayavanākrāntā jarāsaṃdhena cārditāḥ

Sanskrit only: no published translation is held for this verse.

वृष्णयो मथुरां त्यक्त्वा द्वारकां चक्रुरम्बुधौ । वंशस्कन्धेषु चान्येषु संभूता यादवाः परे

vṛṣṇayo mathurāṃ tyaktvā dvārakāṃ cakrurambudhau / vaṃśaskandheṣu cānyeṣu saṃbhūtā yādavāḥ pare

Sanskrit only: no published translation is held for this verse.

सात्वतस्याभवद्दैवैरुद्गीतचरितः कुले । यज्वा देवावृधो राजा बभ्रुस्तस्यात्मजो ऽभवत्

sātvatasyābhavaddaivairudgītacaritaḥ kule / yajvā devāvṛdho rājā babhrustasyātmajo 'bhavat

Sanskrit only: no published translation is held for this verse.

आपगायां सर्वर्णायां जातः कोटिसहस्रदः । संभूतास्तत्कुले वीरा भोजास्ते शान्तिकावताः

āpagāyāṃ sarvarṇāyāṃ jātaḥ koṭisahasradaḥ / saṃbhūtāstatkule vīrā bhojāste śāntikāvatāḥ

Sanskrit only: no published translation is held for this verse.

अन्धकात्कुक्कुरो जातस्तद्वंश्यो ऽप्याहुको ऽभवत् । प्रणेता वृष्णिवंशानां राजा कृतयुगोचितः

andhakātkukkuro jātastadvaṃśyo 'pyāhuko 'bhavat / praṇetā vṛṣṇivaṃśānāṃ rājā kṛtayugocitaḥ

Sanskrit only: no published translation is held for this verse.

देवकश्चोग्रसेनश्च तत्सुतौ देवकस्य तु । देववत्प्रमुकाः पुत्रा देवक्याद्यश्च कन्यकाः

devakaścograsenaśca tatsutau devakasya tu / devavatpramukāḥ putrā devakyādyaśca kanyakāḥ

Sanskrit only: no published translation is held for this verse.

याः सप्त वसुदेवाय वितीर्णा वीरमातरः । उग्रसेनसुतः कंसो न्यग्रोधप्रमुखाग्रजः

yāḥ sapta vasudevāya vitīrṇā vīramātaraḥ / ugrasenasutaḥ kaṃso nyagrodhapramukhāgrajaḥ

Sanskrit only: no published translation is held for this verse.

कंसा कंसवती तन्वी पाली कह्वा च कन्यकाः । विदूरथकुले भोजे बभूव हृदिकाभिधः

kaṃsā kaṃsavatī tanvī pālī kahvā ca kanyakāḥ / vidūrathakule bhoje babhūva hṛdikābhidhaḥ

Sanskrit only: no published translation is held for this verse.

कृतवर्ममुखास्तस्य शतधन्वादयः सुताः । क्रोष्टोर्वंशे प्रसेनो ऽभूत्सत्राजित्सेनजित्तथा । इत्येते बहवो वंशा विश्रुता यादवा यदोः

kṛtavarmamukhāstasya śatadhanvādayaḥ sutāḥ / kroṣṭorvaṃśe praseno 'bhūtsatrājitsenajittathā / ityete bahavo vaṃśā viśrutā yādavā yadoḥ

Sanskrit only: no published translation is held for this verse.

अब्धेस्तटे द्वारवत्यां निवेशे विषदं मणिम् । दिव्यं स्यमन्तकं नाम प्रसेनः किल लब्धवान्

abdhestaṭe dvāravatyāṃ niveśe viṣadaṃ maṇim / divyaṃ syamantakaṃ nāma prasenaḥ kila labdhavān

Sanskrit only: no published translation is held for this verse.

स मणिः कनकस्यन्दी व्यायिदुर्भिक्षनाशनः । शक्तेनाप्युत्सुकेनापि न हृतस्तस्य शौरिणा

sa maṇiḥ kanakasyandī vyāyidurbhikṣanāśanaḥ / śaktenāpyutsukenāpi na hṛtastasya śauriṇā

Sanskrit only: no published translation is held for this verse.

कालेन मृगयासक्तः प्रसेनो मणिभूषितः । सिंहेन निहतो युद्धे सहसा मणिहारिणा

kālena mṛgayāsaktaḥ praseno maṇibhūṣitaḥ / siṃhena nihato yuddhe sahasā maṇihāriṇā

Sanskrit only: no published translation is held for this verse.

यान्तं जवेन तं सिंहमृक्षराजो ऽथ जाम्वान् । निहत्य मणिमादाय बलवान्बिलमाविशत्

yāntaṃ javena taṃ siṃhamṛkṣarājo 'tha jāmvān / nihatya maṇimādāya balavānbilamāviśat

Sanskrit only: no published translation is held for this verse.

वृष्ण्यन्धकहतं दृष्ट्वा प्रसेनं विजने वने । मणिलोभात्कृतं सर्वं कृष्णेनेति शशङ्किरे

vṛṣṇyandhakahataṃ dṛṣṭvā prasenaṃ vijane vane / maṇilobhātkṛtaṃ sarvaṃ kṛṣṇeneti śaśaṅkire

Sanskrit only: no published translation is held for this verse.

विशुद्धभावः कृष्णो ऽपि तमन्वेष्टुं ययौ मणिम् । मिथ्याकलङ्कं यशसामपवादं सहेत कः

viśuddhabhāvaḥ kṛṣṇo 'pi tamanveṣṭuṃ yayau maṇim / mithyākalaṅkaṃ yaśasāmapavādaṃ saheta kaḥ

Sanskrit only: no published translation is held for this verse.

सास्रं प्रसेनमालोक्य स सिंहेत विदारितम् । तस्याविदूरे सिंहं च ददर्श विनिपातितम्

sāsraṃ prasenamālokya sa siṃheta vidāritam / tasyāvidūre siṃhaṃ ca dadarśa vinipātitam

Sanskrit only: no published translation is held for this verse.

मणेरलाभे विज्ञाय पदवीमृक्षशंसिनीम् । गुहां प्रविश्य गम्भीरं ददर्श विपुलं बिलम्

maṇeralābhe vijñāya padavīmṛkṣaśaṃsinīm / guhāṃ praviśya gambhīraṃ dadarśa vipulaṃ bilam

Sanskrit only: no published translation is held for this verse.

तत्र धात्र्या स शुश्राव वचनं बालसान्त्वने । तवैवासौ मणिः पुत्र मा रोदीः सुकुमारक

tatra dhātryā sa śuśrāva vacanaṃ bālasāntvane / tavaivāsau maṇiḥ putra mā rodīḥ sukumāraka

Sanskrit only: no published translation is held for this verse.

श्रुत्वेति ज्ञातवृत्तान्तो जाम्बवन्तं ददर्श सः । तेनाथ युयुधे कृष्णो दिवसानेकविंशतिम्

śrutveti jñātavṛttānto jāmbavantaṃ dadarśa saḥ / tenātha yuyudhe kṛṣṇo divasānekaviṃśatim

Sanskrit only: no published translation is held for this verse.

दशग्रीवोग्रसंग्रामशस्त्रोल्लिखितवक्षसम् । जाम्बवन्तं विजित्याथ दत्तां तेन सुतां हरिः

daśagrīvograsaṃgrāmaśastrollikhitavakṣasam / jāmbavantaṃ vijityātha dattāṃ tena sutāṃ hariḥ

Sanskrit only: no published translation is held for this verse.

बिम्बाधरां जाम्बवतीं लेभे तं च स्यमन्तकम् । ततो द्वारवतीमेत्य स्यमन्तकमुदारधीः

bimbādharāṃ jāmbavatīṃ lebhe taṃ ca syamantakam / tato dvāravatīmetya syamantakamudāradhīḥ

Sanskrit only: no published translation is held for this verse.

स प्रसेनानुजायैव ददौ सत्त्रजिते मणिम् । सत्यभामामुखास्तिस्रः सत्राजिन्मुरवैरिणः

sa prasenānujāyaiva dadau sattrajite maṇim / satyabhāmāmukhāstisraḥ satrājinmuravairiṇaḥ

Sanskrit only: no published translation is held for this verse.

प्रददौ कन्यकाः कामकुमुदाकारचन्द्रिकाः । सत्राजितं घातयित्वा भोजेन शतधन्वना

pradadau kanyakāḥ kāmakumudākāracandrikāḥ / satrājitaṃ ghātayitvā bhojena śatadhanvanā

Sanskrit only: no published translation is held for this verse.

अहरन्मणिमक्रूरो मिथः साहाय्यसंविदा । सत्यभामा स्वयं गत्वा हते पितरि दुःखिता

aharanmaṇimakrūro mithaḥ sāhāyyasaṃvidā / satyabhāmā svayaṃ gatvā hate pitari duḥkhitā

Sanskrit only: no published translation is held for this verse.

जतुवेश्मनि दग्धेषु पार्थेषु धृतराष्ट्रजैः । शार्ङ्गधन्वानमासाद्य वारणावतवासिनम्

jatuveśmani dagdheṣu pārtheṣu dhṛtarāṣṭrajaiḥ / śārṅgadhanvānamāsādya vāraṇāvatavāsinam

Sanskrit only: no published translation is held for this verse.

हतं न्यवेदयत्साश्रुः पितरं शतधन्वना । ततस्तूर्णं समभ्येत्य द्वारकां गरुडध्वजः

hataṃ nyavedayatsāśruḥ pitaraṃ śatadhanvanā / tatastūrṇaṃ samabhyetya dvārakāṃ garuḍadhvajaḥ

Sanskrit only: no published translation is held for this verse.

रामेण सहिति गत्वा युयुधे शतधन्वना । चक्रे मणिप्रदस्यापि नाक्रूरो ऽस्य सहायताम्

rāmeṇa sahiti gatvā yuyudhe śatadhanvanā / cakre maṇipradasyāpi nākrūro 'sya sahāyatām

Sanskrit only: no published translation is held for this verse.

स्वार्थकाले व्यतीते हि धूर्ता नो कस्यचिन्निजाः । अधिरुह्याशु वडवां शतयोजनगामिनीम्

svārthakāle vyatīte hi dhūrtā no kasyacinnijāḥ / adhiruhyāśu vaḍavāṃ śatayojanagāminīm

Sanskrit only: no published translation is held for this verse.

विद्रुतं शतधन्वानं मिथिलाभिमुखं जवात् । जघान कैटभारातिर्नाससाद च तं मणिम्

vidrutaṃ śatadhanvānaṃ mithilābhimukhaṃ javāt / jaghāna kaiṭabhārātirnāsasāda ca taṃ maṇim

Sanskrit only: no published translation is held for this verse.

सो ऽपह्नुतो मणिरिति क्रुद्धो ऽस्मै लाङ्गली मृषा । न द्वारकां विशामीति मिथिलां विमुखो ययौ

so 'pahnuto maṇiriti kruddho 'smai lāṅgalī mṛṣā / na dvārakāṃ viśāmīti mithilāṃ vimukho yayau

Sanskrit only: no published translation is held for this verse.

तत्र दुर्योधनस्तस्माद्गदाशिक्षामवाप्तवान् । ततः कृष्णानुगैरेत्य वृष्णिवीरैः प्रसादितः

tatra duryodhanastasmādgadāśikṣāmavāptavān / tataḥ kṛṣṇānugairetya vṛṣṇivīraiḥ prasāditaḥ

Sanskrit only: no published translation is held for this verse.

द्वारकामाययौ श्रीमाञ्जाततत्त्वो हलायुधः । अक्रूरो ऽपि मणिस्फीतो बहुयज्ञो बहुप्रदः

dvārakāmāyayau śrīmāñjātatattvo halāyudhaḥ / akrūro 'pi maṇisphīto bahuyajño bahupradaḥ

Sanskrit only: no published translation is held for this verse.

सुखं निनाय षष्ट्यब्दीं दीक्षाकवचरक्षितः । व्यक्तिं याते मणौ किंचिद्भीते रामत्सकेशवात्

sukhaṃ nināya ṣaṣṭyabdīṃ dīkṣākavacarakṣitaḥ / vyaktiṃ yāte maṇau kiṃcidbhīte rāmatsakeśavāt

Sanskrit only: no published translation is held for this verse.

अपयाते ततो ऽक्रूरे नावर्षत्पाकशासनः । ज्ञातिभेदभयात्पूर्वं कृष्णेनोपेक्षितश्चिरम्

apayāte tato 'krūre nāvarṣatpākaśāsanaḥ / jñātibhedabhayātpūrvaṃ kṛṣṇenopekṣitaściram

Sanskrit only: no published translation is held for this verse.

प्रसाद्य पनरानीतो दुर्भिक्षार्तैः सयादवैः । तस्मिन्दानपतौ प्राप्ते ववर्ष त्रिदिववेश्वरः

prasādya panarānīto durbhikṣārtaiḥ sayādavaiḥ / tasmindānapatau prāpte vavarṣa tridivaveśvaraḥ

Sanskrit only: no published translation is held for this verse.

कालेन याचितः साम्ना कृष्णेन स ददौ मणिम् । तस्मै स्वसारं चाक्रूरः प्रीतये चारुलोचनाम्

kālena yācitaḥ sāmnā kṛṣṇena sa dadau maṇim / tasmai svasāraṃ cākrūraḥ prītaye cārulocanām

Sanskrit only: no published translation is held for this verse.

विनयार्जवतुष्टस्तं केशवो ऽपि मणिं ददौ । अक्रूरायैव महतां प्रणयान्तो हि दुर्ग्रहः

vinayārjavatuṣṭastaṃ keśavo 'pi maṇiṃ dadau / akrūrāyaiva mahatāṃ praṇayānto hi durgrahaḥ

Sanskrit only: no published translation is held for this verse.

कुलावलीं यादवानां निशम्य जनमेजयः । विस्मितो जन्मना विष्णोर्वैशम्पायनमब्रवीत्

kulāvalīṃ yādavānāṃ niśamya janamejayaḥ / vismito janmanā viṣṇorvaiśampāyanamabravīt

Sanskrit only: no published translation is held for this verse.

अहो नु महदाश्चर्यमपूर्वं प्रतिभाति मे । कथं जगन्निवासो ऽभूच्चराचरगुरुर्नरः

aho nu mahadāścaryamapūrvaṃ pratibhāti me / kathaṃ jagannivāso 'bhūccarācaragururnaraḥ

Sanskrit only: no published translation is held for this verse.

यत्कुक्षिकोटरे शेते कल्पान्ते भुवनावली । सकथं मानुषीगर्भं प्रपेदे भूतभावनः

yatkukṣikoṭare śete kalpānte bhuvanāvalī / sakathaṃ mānuṣīgarbhaṃ prapede bhūtabhāvanaḥ

Sanskrit only: no published translation is held for this verse.

वैश्वरूप्यमिदं यस्य सर्वभूतान्तरात्मनः । इच्छामात्रसमुन्मेषदर्पणे प्रतिबिम्बितम्

vaiśvarūpyamidaṃ yasya sarvabhūtāntarātmanaḥ / icchāmātrasamunmeṣadarpaṇe pratibimbitam

Sanskrit only: no published translation is held for this verse.

इति पृष्टः क्षितिभुजा जगाद मुदितो मुनिः । श्रूयतामद्भुतं जन्म विष्णोर्जन्मभयच्छिदः

iti pṛṣṭaḥ kṣitibhujā jagāda mudito muniḥ / śrūyatāmadbhutaṃ janma viṣṇorjanmabhayacchidaḥ

Sanskrit only: no published translation is held for this verse.

येन यज्ञवराहेण वेदयज्ञमयं वपुः । कृत्वोद्धृता वसुमती चतुरर्णवमेखला

yena yajñavarāheṇa vedayajñamayaṃ vapuḥ / kṛtvoddhṛtā vasumatī caturarṇavamekhalā

Sanskrit only: no published translation is held for this verse.

बभौ कुवलयश्यामा दंष्टाग्रे यस्य मेदिनी । बालशेवलवल्लीव लीना पल्वलकेलिषु

babhau kuvalayaśyāmā daṃṣṭāgre yasya medinī / bālaśevalavallīva līnā palvalakeliṣu

Sanskrit only: no published translation is held for this verse.

येन केसरिणा शङ्खशुभ्राभिर्नखशुक्तिभिः । आयुषा सह निष्पीतं हिरण्यकशिपोर्यशः

yena kesariṇā śaṅkhaśubhrābhirnakhaśuktibhiḥ / āyuṣā saha niṣpītaṃ hiraṇyakaśiporyaśaḥ

Sanskrit only: no published translation is held for this verse.

उरःस्थलास्थिनिर्घर्षान्नखक्रकचपञ्जरे । यस्य दैत्यवधे कोपः प्राप कल्पाग्निकेतुताम्

uraḥsthalāsthinirgharṣānnakhakrakacapañjare / yasya daityavadhe kopaḥ prāpa kalpāgniketutām

Sanskrit only: no published translation is held for this verse.

त्रैलोक्यक्रमणे यस्य विजयध्वजतां ययौ । पादो गङ्गाजलोल्लासव्यालोलधवलांशुकः

trailokyakramaṇe yasya vijayadhvajatāṃ yayau / pādo gaṅgājalollāsavyāloladhavalāṃśukaḥ

Sanskrit only: no published translation is held for this verse.

खर्वः पूर्वमथ प्रांशुरप्रमेयस्ततो ऽभवत् । यश्च हर्षश्च देवानां मोहश्च त्रिदशद्विषाम्

kharvaḥ pūrvamatha prāṃśuraprameyastato 'bhavat / yaśca harṣaśca devānāṃ mohaśca tridaśadviṣām

Sanskrit only: no published translation is held for this verse.

यस्य कुण्डलतां कर्णे रविर्नाभौ सरोजताम् । प्राप प्रवर्धमानस्य गुल्फे कटकरत्नताम्

yasya kuṇḍalatāṃ karṇe ravirnābhau sarojatām / prāpa pravardhamānasya gulphe kaṭakaratnatām

Sanskrit only: no published translation is held for this verse.

उच्चैर्विलोकयन्तीनां तद्वपुः सुरयोषिताम् । वलिविध्वंसभीत्येव नादृश्यत वलित्रयम्

uccairvilokayantīnāṃ tadvapuḥ surayoṣitām / valividhvaṃsabhītyeva nādṛśyata valitrayam

Sanskrit only: no published translation is held for this verse.

दत्तात्रेयावतारेण धर्माचारस्य मज्जतः । वेदानां च कृतं येन स्थित्यै हस्तावलम्बनम्

dattātreyāvatāreṇa dharmācārasya majjataḥ / vedānāṃ ca kṛtaṃ yena sthityai hastāvalambanam

Sanskrit only: no published translation is held for this verse.

जामदग्न्यवपुर्भूत्वा कार्तवीर्यस्य कर्मठम् । मृणालमण्डलीलावं दोःसहस्रं लुलाव यः

jāmadagnyavapurbhūtvā kārtavīryasya karmaṭham / mṛṇālamaṇḍalīlāvaṃ doḥsahasraṃ lulāva yaḥ

Sanskrit only: no published translation is held for this verse.

यः कुठारे ऽस्थिनिष्पेषखण्डना दन्तमालिकाम् । क्षत्रियक्षयकालानां बभार गणनामिव

yaḥ kuṭhāre 'sthiniṣpeṣakhaṇḍanā dantamālikām / kṣatriyakṣayakālānāṃ babhāra gaṇanāmiva

Sanskrit only: no published translation is held for this verse.

यः पूर्वाङ्गवतीं चारुमध्यदेशां पयस्विनीम् । सपुण्ड्रकाननां प्रादात्सवत्सां कश्यपाय गाम्

yaḥ pūrvāṅgavatīṃ cārumadhyadeśāṃ payasvinīm / sapuṇḍrakānanāṃ prādātsavatsāṃ kaśyapāya gām

Sanskrit only: no published translation is held for this verse.

यो ऽभवद्भुवनाभोगभूषणं रघुनन्दनः । वीरः सुबाहमारीचघोरमेघमहानिलः

yo 'bhavadbhuvanābhogabhūṣaṇaṃ raghunandanaḥ / vīraḥ subāhamārīcaghorameghamahānilaḥ

Sanskrit only: no published translation is held for this verse.

भ्रान्तः सप्तसु लोकेषु सप्ताब्धिक्षोभसंभृतः । सप्ततालभिदो यस्य धन्विनो धनुषध्वनिः

bhrāntaḥ saptasu lokeṣu saptābdhikṣobhasaṃbhṛtaḥ / saptatālabhido yasya dhanvino dhanuṣadhvaniḥ

Sanskrit only: no published translation is held for this verse.

अद्यापि सेतुसंघट्टविस्फुटच्छुक्तिसंपुटः । सुव्यक्तमुक्तादशनो वक्ति यस्याम्बुधिर्यशः

adyāpi setusaṃghaṭṭavisphuṭacchuktisaṃpuṭaḥ / suvyaktamuktādaśano vakti yasyāmbudhiryaśaḥ

Sanskrit only: no published translation is held for this verse.

किरीटकोटिविश्रान्तं येन शुभ्रयश्ॐशुकैः । उन्मृष्टं लोकपालानामिन्द्रिजित्सैन्यजं रजः

kirīṭakoṭiviśrāntaṃ yena śubhrayaśoṃśukaiḥ / unmṛṣṭaṃ lokapālānāmindrijitsainyajaṃ rajaḥ

Sanskrit only: no published translation is held for this verse.

पतितोत्पतितैर्यस्य दशास्यवदनैर्मुहुः । बभूव कन्दुकामन्दविनोदानन्दविभ्रमः

patitotpatitairyasya daśāsyavadanairmuhuḥ / babhūva kandukāmandavinodānandavibhramaḥ

Sanskrit only: no published translation is held for this verse.

भुवो भारावताराय कृष्णो वृष्णिकुले ऽभवत् । शिशुपालादिभूपालकालः शकलितासुरः

bhuvo bhārāvatārāya kṛṣṇo vṛṣṇikule 'bhavat / śiśupālādibhūpālakālaḥ śakalitāsuraḥ

Sanskrit only: no published translation is held for this verse.

यद्वक्षसि ग्रावभिदः शृङ्गभङ्गपराभवः । असक्तिविषमोल्लेखैररिष्टस्याप्यसूच्यत

yadvakṣasi grāvabhidaḥ śṛṅgabhaṅgaparābhavaḥ / asaktiviṣamollekhairariṣṭasyāpyasūcyata

Sanskrit only: no published translation is held for this verse.

चक्रे यश्चरणः शुभ्रैर्मूर्ध्नि कालियभोगिनः । नखकान्तिफणाचक्रैः शेषस्पर्धधिरोहणम्

cakre yaścaraṇaḥ śubhrairmūrdhni kāliyabhoginaḥ / nakhakāntiphaṇācakraiḥ śeṣaspardhadhirohaṇam

Sanskrit only: no published translation is held for this verse.

मूलास्थिच्छेदनिष्पेषजातज्वालाजटाजुषा । बाणबाहुवने यस्य चक्रेण क्रकचायितम्

mūlāsthicchedaniṣpeṣajātajvālājaṭājuṣā / bāṇabāhuvane yasya cakreṇa krakacāyitam

Sanskrit only: no published translation is held for this verse.

कर्की(ल्की) विष्णुयशा यश्च भविष्यति ययुगक्षये । सत्त्वधर्मलतोद्याननवसौरभमाधवः

karkī(lkī) viṣṇuyaśā yaśca bhaviṣyati yayugakṣaye / sattvadharmalatodyānanavasaurabhamādhavaḥ

Sanskrit only: no published translation is held for this verse.

तस्याश्चर्यप्रभावस्य श्रूयतामिदमुज्ज्वलम् । चरितं पुण्यपीयूषैः किल्बिषक्षालनक्षमम्

tasyāścaryaprabhāvasya śrūyatāmidamujjvalam / caritaṃ puṇyapīyūṣaiḥ kilbiṣakṣālanakṣamam

Sanskrit only: no published translation is held for this verse.

प्रभावं तस्य तत्त्वेन वक्तुं को नु प्रगल्भते । यत्र वाचस्पतिर्मूको दूरे भोगिपतेर्गिरः

prabhāvaṃ tasya tattvena vaktuṃ ko nu pragalbhate / yatra vācaspatirmūko dūre bhogipatergiraḥ

Sanskrit only: no published translation is held for this verse.

वृत्ते वृत्रवधे पूर्वं संग्रामे तारकामये । त्रिदशाः शरणं जग्मुर्विश्वक्सेनं जनार्दनम्

vṛtte vṛtravadhe pūrvaṃ saṃgrāme tārakāmaye / tridaśāḥ śaraṇaṃ jagmurviśvaksenaṃ janārdanam

Sanskrit only: no published translation is held for this verse.

दत्तं तेनाभयं तेषां विषमे दैत्यजे भये । संहता दानवाः सर्वे विविशुः समराङ्गनम्

dattaṃ tenābhayaṃ teṣāṃ viṣame daityaje bhaye / saṃhatā dānavāḥ sarve viviśuḥ samarāṅganam

Sanskrit only: no published translation is held for this verse.

मयो मायानिधिस्तेषामग्रणीरुग्रविग्रहः । बभौ हैमं समारूढो रथमृक्षसहस्रगम्

mayo māyānidhisteṣāmagraṇīrugravigrahaḥ / babhau haimaṃ samārūḍho rathamṛkṣasahasragam

Sanskrit only: no published translation is held for this verse.

तारः क्रोशाधिकायाममायसं रथमास्थितः । युक्तं स्वरसहस्रेण धूमोत्थो ऽग्निरिवाबभौ

tāraḥ krośādhikāyāmamāyasaṃ rathamāsthitaḥ / yuktaṃ svarasahasreṇa dhūmottho 'gnirivābabhau

Sanskrit only: no published translation is held for this verse.

हयग्रीवः समारुह्य रथं हयसहस्रगम् । मत्तुकुञ्जरयुक्तं च त्वष्टा मन्दरगौरवम्

hayagrīvaḥ samāruhya rathaṃ hayasahasragam / mattukuñjarayuktaṃ ca tvaṣṭā mandaragauravam

Sanskrit only: no published translation is held for this verse.

वीरा विरोचनाद्याश्च तस्थुः समरसंमुखाः । कल्पान्तजलदब्यूहविपुलं तद्बलार्णवम्

vīrā virocanādyāśca tasthuḥ samarasaṃmukhāḥ / kalpāntajaladabyūhavipulaṃ tadbalārṇavam

Sanskrit only: no published translation is held for this verse.

विष्णुना विहिताश्वासा वीक्ष्य देवाः समाद्रवन् । ऐरावणगतस्तेषां सहस्राक्षः पुरो बभौ

viṣṇunā vihitāśvāsā vīkṣya devāḥ samādravan / airāvaṇagatasteṣāṃ sahasrākṣaḥ puro babhau

Sanskrit only: no published translation is held for this verse.

इन्द्रायुधसहस्राणि दर्शयन्वज्ररश्मिभिः । यमस्तारमहाहारः श्यामो महिषवाहनः

indrāyudhasahasrāṇi darśayanvajraraśmibhiḥ / yamastāramahāhāraḥ śyāmo mahiṣavāhanaḥ

Sanskrit only: no published translation is held for this verse.

तस्थौ लम्बाम्बुदो नीलशैलो निर्झरवानिव । श्वेताश्वो मणिमालाङ्को वरुणस्तरणिप्रभः

tasthau lambāmbudo nīlaśailo nirjharavāniva / śvetāśvo maṇimālāṅko varuṇastaraṇiprabhaḥ

Sanskrit only: no published translation is held for this verse.

रथे रराज कैलासे रत्नकूट इवोद्गतः । हेमर्क्मा हेमरथो हेमाङ्गदाधरः

rathe rarāja kailāse ratnakūṭa ivodgataḥ / hemarkmā hemaratho hemāṅgadādharaḥ

Sanskrit only: no published translation is held for this verse.

जहार धनदो मेरोः सूर्यातपजुषः श्रियम् । हिमरश्मिर्हिमशिलाशुभ्राश्वस्तुहिनायुधः

jahāra dhanado meroḥ sūryātapajuṣaḥ śriyam / himaraśmirhimaśilāśubhrāśvastuhināyudhaḥ

Sanskrit only: no published translation is held for this verse.

तस्थौ जलदवाहश्च वायुरायुः शरीरिणाम् । देवश्च स्वयमभ्यायाद्भगवान्कैटभान्तकः

tasthau jaladavāhaśca vāyurāyuḥ śarīriṇām / devaśca svayamabhyāyādbhagavānkaiṭabhāntakaḥ

Sanskrit only: no published translation is held for this verse.

दीप्तचक्रगदाशार्ङ्गनन्दनो गरुडध्वजः । चक्रं रराज तस्याजौ धाराबिम्बितदानवम्

dīptacakragadāśārṅganandano garuḍadhvajaḥ / cakraṃ rarāja tasyājau dhārābimbitadānavam

Sanskrit only: no published translation is held for this verse.

अन्तःप्रविष्टनिहतारातिव्रातमिवाभितः । प्रशान्ते ज्वलिते मेरुरिवास्य भुजगान्तकः

antaḥpraviṣṭanihatārātivrātamivābhitaḥ / praśānte jvalite merurivāsya bhujagāntakaḥ

Sanskrit only: no published translation is held for this verse.

बभासे भास्वरो वाहः प्रवाहः शत्रुतेजसाम् । तस्य दीप्ततरैः पक्षैर्बभूव पिहितं नभः

babhāse bhāsvaro vāhaḥ pravāhaḥ śatrutejasām / tasya dīptataraiḥ pakṣairbabhūva pihitaṃ nabhaḥ

Sanskrit only: no published translation is held for this verse.

अन्त्यैर्द्वादशभिः सूर्यैरिवैकघनतां गतैः । विरराज तदारूढो हरिः कौस्तुभभूषितः

antyairdvādaśabhiḥ sūryairivaikaghanatāṃ gataiḥ / virarāja tadārūḍho hariḥ kaustubhabhūṣitaḥ

Sanskrit only: no published translation is held for this verse.

वडवानलसंयुक्तो मैनाक इव रत्नसूः । रुद्रादित्यमरुद्विश्वसाध्याश्विवसुचारणाः

vaḍavānalasaṃyukto maināka iva ratnasūḥ / rudrādityamarudviśvasādhyāśvivasucāraṇāḥ

Sanskrit only: no published translation is held for this verse.

उद्ययुः क्षुब्धसैन्याब्धेः कल्लोला इव संगताः । अथोद्धूताम्बुधिध्वानडजीकृतजगत्त्रयः

udyayuḥ kṣubdhasainyābdheḥ kallolā iva saṃgatāḥ / athoddhūtāmbudhidhvānaḍajīkṛtajagattrayaḥ

Sanskrit only: no published translation is held for this verse.

ररास घोषगम्भीरः समराम्भदुन्दुभिः । पेतुः परस्परं तेषां देहे तेजस्विनां प्रभाः

rarāsa ghoṣagambhīraḥ samarāmbhadundubhiḥ / petuḥ parasparaṃ teṣāṃ dehe tejasvināṃ prabhāḥ

Sanskrit only: no published translation is held for this verse.

प्रवृत्ते समरे हेमनाराचनिचया इव । सुरासुरकरोत्सृष्टशस्त्रास्त्रनिकपोत्थिताः

pravṛtte samare hemanārācanicayā iva / surāsurakarotsṛṣṭaśastrāstranikapotthitāḥ

Sanskrit only: no published translation is held for this verse.

ज्वालाश्चक्रुर्ध्वजाग्रेषु क्षणं पीतांशुकभ्रमम् । चेरुस्त्रिदशमातङ्गदन्तोल्लिखितकङ्कटाः

jvālāścakrurdhvajāgreṣu kṣaṇaṃ pītāṃśukabhramam / cerustridaśamātaṅgadantollikhitakaṅkaṭāḥ

Sanskrit only: no published translation is held for this verse.

जातधूमानला दैत्या मेघा इव सविद्युतः । तेषां वक्षस्तटे भुग्नदन्तास्ते दिव्यकुञ्जराः

jātadhūmānalā daityā meghā iva savidyutaḥ / teṣāṃ vakṣastaṭe bhugnadantāste divyakuñjarāḥ

Sanskrit only: no published translation is held for this verse.

सिकतासेतुनिःसारानमन्यन्त कुलाचलान् । ततो दैत्यभुजोद्धूतशस्त्रनिर्विविरा दिवि

sikatāsetuniḥsārānamanyanta kulācalān / tato daityabhujoddhūtaśastranirvivirā divi

Sanskrit only: no published translation is held for this verse.

बभूवुर्निश्चलाः क्षिप्रं चित्रन्यस्ता इवामराः । इयमत्यन्तदुर्वारा दैत्यमाया महीयसी

babhūvurniścalāḥ kṣipraṃ citranyastā ivāmarāḥ / iyamatyantadurvārā daityamāyā mahīyasī

Sanskrit only: no published translation is held for this verse.

यमो ऽवि नियमेनेव बद्धस्तन्निधनेषु यत् । वायुः पङ्गुरिव क्षिप्रमप्रकाश इवांशुमान्

yamo 'vi niyameneva baddhastannidhaneṣu yat / vāyuḥ paṅguriva kṣipramaprakāśa ivāṃśumān

Sanskrit only: no published translation is held for this verse.

जयस्तु युधि दैत्येषु वह्निः शीत इवाभवत् । ततः सहस्रनयनो वज्रेणोन्म्य दैत्यजाम्

jayastu yudhi daityeṣu vahniḥ śīta ivābhavat / tataḥ sahasranayano vajreṇonmya daityajām

Sanskrit only: no published translation is held for this verse.

मायां मयमुखान्वीरान्सुरैः पुनरयोधयत् । वज्रिवज्रनिकृत्तानां दैत्यानां पततां भुवि

māyāṃ mayamukhānvīrānsuraiḥ punarayodhayat / vajrivajranikṛttānāṃ daityānāṃ patatāṃ bhuvi

Sanskrit only: no published translation is held for this verse.

गुरुभिर्विग्रहैः प्रापुरैक्यं सप्तापि ते ऽब्धयः । ते गजेन्द्र इवालिप्ता दानवा दानवारिभिः

gurubhirvigrahaiḥ prāpuraikyaṃ saptāpi te 'bdhayaḥ / te gajendra ivāliptā dānavā dānavāribhiḥ

Sanskrit only: no published translation is held for this verse.

तमोभिरावृताः पेतुः सुरेन्द्रेम विमोहिताः । बहुमायस्ततो मायां मयः समयवर्तिनीम्

tamobhirāvṛtāḥ petuḥ surendrema vimohitāḥ / bahumāyastato māyāṃ mayaḥ samayavartinīm

Sanskrit only: no published translation is held for this verse.

प्रमयायैव देवानामौर्वानलवतीं व्यधात् । ऊरुजस्तनयो वह्नेः संकल्पाद्ब्रह्मचारिणः

pramayāyaiva devānāmaurvānalavatīṃ vyadhāt / ūrujastanayo vahneḥ saṃkalpādbrahmacāriṇaḥ

Sanskrit only: no published translation is held for this verse.

लोकान्दिधक्षुः कालात्मा वार्भक्षो ब्रह्मणो वरात् । हिरण्यकशिपोः पूर्वमौर्वो भक्त्या वरप्रदः

lokāndidhakṣuḥ kālātmā vārbhakṣo brahmaṇo varāt / hiraṇyakaśipoḥ pūrvamaurvo bhaktyā varapradaḥ

Sanskrit only: no published translation is held for this verse.

जज्वाल सुरेसनासु तस्मिन्समरसंकटे । और्वेण दह्यमानास्ते ज्वालाजटिलविग्रहाः

jajvāla suresanāsu tasminsamarasaṃkaṭe / aurveṇa dahyamānāste jvālājaṭilavigrahāḥ

Sanskrit only: no published translation is held for this verse.

एकीभूतान्यमन्यन्त तेजांसि च तमांसि च । विवशास्त्रिदशाः सर्वे तेनौर्वानलपर्वणा

ekībhūtānyamanyanta tejāṃsi ca tamāṃsi ca / vivaśāstridaśāḥ sarve tenaurvānalaparvaṇā

Sanskrit only: no published translation is held for this verse.

वरुणं शीतरश्मिं च त्राणमेव व्यचिन्तयन् । अथाखण्डलनिर्दिष्टश्चन्द्रमा वरुणाग्रगः

varuṇaṃ śītaraśmiṃ ca trāṇameva vyacintayan / athākhaṇḍalanirdiṣṭaścandramā varuṇāgragaḥ

Sanskrit only: no published translation is held for this verse.

क्षिपन्हिमशिलासंघानुद्ययौ युधि दानवान् । तुषारवारिपूरैस्ते भृशं ताभ्यां समाहताः

kṣipanhimaśilāsaṃghānudyayau yudhi dānavān / tuṣāravāripūraiste bhṛśaṃ tābhyāṃ samāhatāḥ

Sanskrit only: no published translation is held for this verse.

निश्चेष्टा दानवाः प्रापुः काष्ठपाषाणतुल्यताम् । हिमस्य महती शक्तिः सा कापि दहनात्मिका

niśceṣṭā dānavāḥ prāpuḥ kāṣṭhapāṣāṇatulyatām / himasya mahatī śaktiḥ sā kāpi dahanātmikā

Sanskrit only: no published translation is held for this verse.

यया दानवसंघानामस्थिभङ्गो महानभूत् । तुषाराशनिसंछन्ना दानवानामनीकिनी

yayā dānavasaṃghānāmasthibhaṅgo mahānabhūt / tuṣārāśanisaṃchannā dānavānāmanīkinī

Sanskrit only: no published translation is held for this verse.

नासानिःश्वासविवरैर्निर्विभागमसूच्यत । मायाविनिमयं ज्ञात्वा मयः स्वजनसिद्धये

nāsāniḥśvāsavivarairnirvibhāgamasūcyata / māyāvinimayaṃ jñātvā mayaḥ svajanasiddhaye

Sanskrit only: no published translation is held for this verse.

असृजत्पार्वतीं मायां द्रुमशस्त्रशिलाघनाम् । द्रुमशैलनिरुद्धानां स्फुटितायुधवर्मणाम्

asṛjatpārvatīṃ māyāṃ drumaśastraśilāghanām / drumaśailaniruddhānāṃ sphuṭitāyudhavarmaṇām

Sanskrit only: no published translation is held for this verse.

मोहो जजृम्भे देवानामृते चक्रगदाधरम् । ततः क्षणात्तदादिष्टौ तदनु पाणितौजसा

moho jajṛmbhe devānāmṛte cakragadādharam / tataḥ kṣaṇāttadādiṣṭau tadanu pāṇitaujasā

Sanskrit only: no published translation is held for this verse.