त्रैगर्तः सुह्यसौवीरशैब्यपाण्ड्यविदेहपाः । काश्यकौसल्यगान्धारकाश्मीरयवनादयः
traigartaḥ suhyasauvīraśaibyapāṇḍyavidehapāḥ / kāśyakausalyagāndhārakāśmīrayavanādayaḥ
Sanskrit only: no published translation is held for this verse.
Library·Ksemendra: Bharatamanjari·19
Ksemendra: Bharatamanjari 19
दशार्मभगदत्ताद्यास्ते नृपा बलशालिनः । रुन्धाना मथुरां चक्रुर्जग्निर्विवरं गजैः
daśārmabhagadattādyāste nṛpā balaśālinaḥ / rundhānā mathurāṃ cakrurjagnirvivaraṃ gajaiḥ
Sanskrit only: no published translation is held for this verse.
तच्छत्त्रचामरस्फारफेनान्क्षितिपसागरान् । वीक्ष्य तान्समयं मेने प्राप्तं कालियसूदनः
tacchattracāmarasphāraphenānkṣitipasāgarān / vīkṣya tānsamayaṃ mene prāptaṃ kāliyasūdanaḥ
Sanskrit only: no published translation is held for this verse.
अक्षौहिणीनां विंशत्या मागधेन तरस्विना । मथुरायां निरुद्धायां निर्ययुर्वृष्णियादवाः
akṣauhiṇīnāṃ viṃśatyā māgadhena tarasvinā / mathurāyāṃ niruddhāyāṃ niryayurvṛṣṇiyādavāḥ
Sanskrit only: no published translation is held for this verse.
ततः प्रवृत्ते समरे लाङ्गली मुसलायुधः । शार्ङ्गपाणिः स कंसारिर्वहन्कौमोदकी गदाम्
tataḥ pravṛtte samare lāṅgalī musalāyudhaḥ / śārṅgapāṇiḥ sa kaṃsārirvahankaumodakī gadām
Sanskrit only: no published translation is held for this verse.
तालतार्क्ष्यध्वजाग्राभ्यां रथाभ्यां हेमकङ्कटाम् । वीरौ विविशतुर्वैरिसेनां रणसमाकुलाम्
tālatārkṣyadhvajāgrābhyāṃ rathābhyāṃ hemakaṅkaṭām / vīrau viviśaturvairisenāṃ raṇasamākulām
Sanskrit only: no published translation is held for this verse.
तस्मिन्नाकृष्टदेहेषु पिष्टेषु मसुलेन च । रामेण कुञ्जरेन्द्रेषु निपतत्सु रथेषु च । वृष्णिभिर्युध्यमानेषु शौर्यशालिषु राजसु
tasminnākṛṣṭadeheṣu piṣṭeṣu masulena ca / rāmeṇa kuñjarendreṣu nipatatsu ratheṣu ca / vṛṣṇibhiryudhyamāneṣu śauryaśāliṣu rājasu
Sanskrit only: no published translation is held for this verse.
शब्देनाकृष्यमाणस्य शार्ङ्गस्य मुरवैरिणः । दैत्यातमनां नरेन्द्राणां हृदयानि चकम्पिरे
śabdenākṛṣyamāṇasya śārṅgasya muravairiṇaḥ / daityātamanāṃ narendrāṇāṃ hṛdayāni cakampire
Sanskrit only: no published translation is held for this verse.
जरासंधशरासारैर्विरथौ रामकेशवौ । पद्भ्यां विचेरतुर्वीरौ कुर्वाणौ सुभटक्षयम्
jarāsaṃdhaśarāsārairvirathau rāmakeśavau / padbhyāṃ viceraturvīrau kurvāṇau subhaṭakṣayam
Sanskrit only: no published translation is held for this verse.
संकर्षणेन गदया निष्पिष्टस्यन्दनो युधि । गदापाणिर्जरासंधः स्वयं कोपात्तमाद्रवत्
saṃkarṣaṇena gadayā niṣpiṣṭasyandano yudhi / gadāpāṇirjarāsaṃdhaḥ svayaṃ kopāttamādravat
Sanskrit only: no published translation is held for this verse.
तयोर्घोरगदायुद्धे सुशिक्षाबलशालिनोः । बभूव कौतुकायातसुरनिर्विवरं नभः
tayorghoragadāyuddhe suśikṣābalaśālinoḥ / babhūva kautukāyātasuranirvivaraṃ nabhaḥ
Sanskrit only: no published translation is held for this verse.
तयोः प्राहरैः सावेगैर्गिरिसंचूर्णनोचितैः । धैर्यतुल्यानि गात्राणि दृढानि च चकम्पिरे
tayoḥ prāharaiḥ sāvegairgirisaṃcūrṇanocitaiḥ / dhairyatulyāni gātrāṇi dṛḍhāni ca cakampire
Sanskrit only: no published translation is held for this verse.
ततः समुद्यते घोरे प्रहारे जीवहारिणि । जरासंधाय रामेण प्रोच्चचार वचो दिवः
tataḥ samudyate ghore prahāre jīvahāriṇi / jarāsaṃdhāya rāmeṇa proccacāra vaco divaḥ
Sanskrit only: no published translation is held for this verse.
अलं मिथ्याप्रयासेन युधि धेनुकसूदनः । नायं वध्यस्त्वया राजा प्राजातो ऽस्यान्तकः परः
alaṃ mithyāprayāsena yudhi dhenukasūdanaḥ / nāyaṃ vadhyastvayā rājā prājāto 'syāntakaḥ paraḥ
Sanskrit only: no published translation is held for this verse.
श्रुत्वैतद्विरते रामे याति चास्तं दिवाकरे । बलयोरवहारो ऽभुद्दारितोदारवीरयोः
śrutvaitadvirate rāme yāti cāstaṃ divākare / balayoravahāro 'bhuddāritodāravīrayoḥ
Sanskrit only: no published translation is held for this verse.
याते जिते जरासंधेवीतविघ्नेषु वृष्णिषु । बालक्रीडाः स्मरन्रामः कदाचिद्गोव्रजं ययौ
yāte jite jarāsaṃdhevītavighneṣu vṛṣṇiṣu / bālakrīḍāḥ smaranrāmaḥ kadācidgovrajaṃ yayau
Sanskrit only: no published translation is held for this verse.
प्रहृष्टः पूजितस्तत्र गोपैर्गोविन्दपूर्वजः । विजहार वनान्तेषु कान्तेषु कुसुमश्रिया
prahṛṣṭaḥ pūjitastatra gopairgovindapūrvajaḥ / vijahāra vanānteṣu kānteṣu kusumaśriyā
Sanskrit only: no published translation is held for this verse.
स कदम्बतरोर्मूले निषण्णः पुष्पहासिनः । विलोलपल्लवैस्तेन व्यजनैरिव वीजितः
sa kadambatarormūle niṣaṇṇaḥ puṣpahāsinaḥ / vilolapallavaistena vyajanairiva vījitaḥ
Sanskrit only: no published translation is held for this verse.
हृष्टः पानोत्सुकः शुभ्रः कदम्बोदरनिर्गताम् । पपौ कादम्बरीं दिव्यां पुष्पामृतमयीं सुराम्
hṛṣṭaḥ pānotsukaḥ śubhraḥ kadambodaranirgatām / papau kādambarīṃ divyāṃ puṣpāmṛtamayīṃ surām
Sanskrit only: no published translation is held for this verse.
मदताम्रकपोलाग्रं संध्यारुणशशिप्रभम् । शुशुभे वदनं तस्य लीलान्दोतकुण्डलम्
madatāmrakapolāgraṃ saṃdhyāruṇaśaśiprabham / śuśubhe vadanaṃ tasya līlāndotakuṇḍalam
Sanskrit only: no published translation is held for this verse.
ततः कादम्बरी देवी दिव्याम्बरविभूषणा । कदम्बकेसरावाससंक्रान्तोदारसौरभा
tataḥ kādambarī devī divyāmbaravibhūṣaṇā / kadambakesarāvāsasaṃkrāntodārasaurabhā
Sanskrit only: no published translation is held for this verse.
व्यालोलकमलाकारमदाघूर्णितलोचना । सिषेवे रूपिणी रामं रममांणं मनोरमम्
vyālolakamalākāramadāghūrṇitalocanā / siṣeve rūpiṇī rāmaṃ ramamāṃṇaṃ manoramam
Sanskrit only: no published translation is held for this verse.
कान्तामुखोपमानस्य कान्तिश्च तुहिनद्युतेः । प्रियाभिर्गीर्भिरभ्येत्य प्रहृष्टा तमतोषयत्
kāntāmukhopamānasya kāntiśca tuhinadyuteḥ / priyābhirgīrbhirabhyetya prahṛṣṭā tamatoṣayat
Sanskrit only: no published translation is held for this verse.
श्रीश्च विग्रहिणी तस्मै ददौ हेमाम्बुजस्रजम् । कुण्डलं किरणोदारं हारं च हरिणेक्षणा
śrīśca vigrahiṇī tasmai dadau hemāmbujasrajam / kuṇḍalaṃ kiraṇodāraṃ hāraṃ ca hariṇekṣaṇā
Sanskrit only: no published translation is held for this verse.
नीलाम्बरः स विबभौ हेममालाविभूषितः । कैलास इव संसक्तविद्युद्द्योतिततोयदः
nīlāmbaraḥ sa vibabhau hemamālāvibhūṣitaḥ / kailāsa iva saṃsaktavidyuddyotitatoyadaḥ
Sanskrit only: no published translation is held for this verse.
रराजराजसस्तस्य हारस्तर्जिततारकः । दुग्धाब्धेरिव फेनैघश्चन्द्रस्येवामृतद्रवः
rarājarājasastasya hārastarjitatārakaḥ / dugdhābdheriva phenaighaścandrasyevāmṛtadravaḥ
Sanskrit only: no published translation is held for this verse.
ततः स मज्जनक्रीडाजातोत्कण्ठो मदालसः । एहीति दूराद्यमुनामुवाच स्स्वलिताक्षरम्
tataḥ sa majjanakrīḍājātotkaṇṭho madālasaḥ / ehīti dūrādyamunāmuvāca ssvalitākṣaram
Sanskrit only: no published translation is held for this verse.
सा तद्वाक्यमनादृश्य किंचिन्नोवाच निम्नगा । यदा तदा रुषा रामः समुत्थायादहे हलम्
sā tadvākyamanādṛśya kiṃcinnovāca nimnagā / yadā tadā ruṣā rāmaḥ samutthāyādahe halam
Sanskrit only: no published translation is held for this verse.
तां लोलनीलसलिलां हलाग्रेणाचकर्ष सः । संरम्भस्रस्तकबरीं मानिनीं कुपितामिव
tāṃ lolanīlasalilāṃ halāgreṇācakarṣa saḥ / saṃrambhasrastakabarīṃ māninīṃ kupitāmiva
Sanskrit only: no published translation is held for this verse.
क्षोभाकुलितहंसालीमेखलामुखरा मुहुः । संलक्ष्य पुलकश्रेणी क्वचितस्रस्तजलांशुका
kṣobhākulitahaṃsālīmekhalāmukharā muhuḥ / saṃlakṣya pulakaśreṇī kvacitasrastajalāṃśukā
Sanskrit only: no published translation is held for this verse.
क्वचित्तरङ्गभ्रूभङ्गपरिवृत्तिपराङ्मुखी । छिन्नफेनावलीहाराकीर्णशीकरमौक्तिका
kvacittaraṅgabhrūbhaṅgaparivṛttiparāṅmukhī / chinnaphenāvalīhārākīrṇaśīkaramauktikā
Sanskrit only: no published translation is held for this verse.
क्विचित्सलिलकल्लोलदुकूलग्रहणाकुला । क्विचिद्वीचीकराच्छन्नचक्रवाकोन्नतस्तनी
kvicitsalilakalloladukūlagrahaṇākulā / kvicidvīcīkarācchannacakravākonnatastanī
Sanskrit only: no published translation is held for this verse.
त्रासाकुलितवाचालविहङ्गवलया क्वचित् । आवर्तनर्तितोत्फुल्लनीलाब्जचकितेक्षणा
trāsākulitavācālavihaṅgavalayā kvacit / āvartanartitotphullanīlābjacakitekṣaṇā
Sanskrit only: no published translation is held for this verse.
क्वचिद्वारिकुहूत्कारसनिःश्वासप्रलापिनी । सावेगगमनायासविषस्खलिता क्वचित्
kvacidvārikuhūtkārasaniḥśvāsapralāpinī / sāvegagamanāyāsaviṣaskhalitā kvacit
Sanskrit only: no published translation is held for this verse.
हलेनाकृष्यमाणा सा समुद्भ्रान्ताभवन्नदी । मध्ये बृन्दावनं नीता ततः प्रत्यक्षरूपिणी
halenākṛṣyamāṇā sā samudbhrāntābhavannadī / madhye bṛndāvanaṃ nītā tataḥ pratyakṣarūpiṇī
Sanskrit only: no published translation is held for this verse.
उवाच रामं यमुना कम्पमाना कृताञ्जलिः । विस्रस्तवारिवसना कम्पण्याकुलगामिनी । फेनैर्मां प्रहसिष्यन्ति सरितः सागरान्तिके
uvāca rāmaṃ yamunā kampamānā kṛtāñjaliḥ / visrastavārivasanā kampaṇyākulagāminī / phenairmāṃ prahasiṣyanti saritaḥ sāgarāntike
Sanskrit only: no published translation is held for this verse.
स्वरूपं प्राप्तुमिच्छामि प्रसन्ने त्वयि मानद । महात्मनां निकारे ऽपि माननीया हि योषितः
svarūpaṃ prāptumicchāmi prasanne tvayi mānada / mahātmanāṃ nikāre 'pi mānanīyā hi yoṣitaḥ
Sanskrit only: no published translation is held for this verse.
इति प्रसादितो रामस्तया बालमृगीदृशा । विररामाद्भुताक्रान्तैर्चितो व्रजवासिभिः
iti prasādito rāmastayā bālamṛgīdṛśā / virarāmādbhutākrāntaircito vrajavāsibhiḥ
Sanskrit only: no published translation is held for this verse.
ततः प्राप्तः स मथुरां पूजितः कालियद्विषा । दिव्यमालाम्बरः श्रीमान्यादवानन्दकृद्बभौ
tataḥ prāptaḥ sa mathurāṃ pūjitaḥ kāliyadviṣā / divyamālāmbaraḥ śrīmānyādavānandakṛdbabhau
Sanskrit only: no published translation is held for this verse.
विचिन्त्याथ जरासंधं गतं भग्नमनोरथम् । तं दुःसहमहानीकं पुनरागमनोत्सुकम्
vicintyātha jarāsaṃdhaṃ gataṃ bhagnamanoratham / taṃ duḥsahamahānīkaṃ punarāgamanotsukam
Sanskrit only: no published translation is held for this verse.
अत्यल्पां मथुरां वीक्ष्य वर्धमानांश्च यादवान् । उग्रसेनादिभिर्वृद्धैरमन्त्र्यत केशवः
atyalpāṃ mathurāṃ vīkṣya vardhamānāṃśca yādavān / ugrasenādibhirvṛddhairamantryata keśavaḥ
Sanskrit only: no published translation is held for this verse.
सो ऽब्रवीदयमत्यन्तप्रणयोपचितः क्रमः । गुरूणां भवतामग्रे यदस्माभिरिहोच्यते
so 'bravīdayamatyantapraṇayopacitaḥ kramaḥ / gurūṇāṃ bhavatāmagre yadasmābhirihocyate
Sanskrit only: no published translation is held for this verse.
इयं नयविदां कापि प्रख्याताभिमता मतिः । तिष्ठस्तु चिन्त्यते नीतिर्यद्वीरेषु महत्स्वपि
iyaṃ nayavidāṃ kāpi prakhyātābhimatā matiḥ / tiṣṭhastu cintyate nītiryadvīreṣu mahatsvapi
Sanskrit only: no published translation is held for this verse.
जरासंधेन नस्तावत्प्रजातो बलशालिना । निःसामसीमा वैराग्निरङ्गच्छेदसमुद्भवः
jarāsaṃdhena nastāvatprajāto balaśālinā / niḥsāmasīmā vairāgniraṅgacchedasamudbhavaḥ
Sanskrit only: no published translation is held for this verse.
विरक्ताः पृथिवीपालास्ते ते तदनुयायिनः । जरासंधेन सहिता ये न जेयाः सुरैरपि
viraktāḥ pṛthivīpālāste te tadanuyāyinaḥ / jarāsaṃdhena sahitā ye na jeyāḥ surairapi
Sanskrit only: no published translation is held for this verse.
स कालयवनो म्लेच्छदरच्चीनशकाग्रगः । तथा बलनिरोधेन पुरीं नः समपीडयत्
sa kālayavano mlecchadaraccīnaśakāgragaḥ / tathā balanirodhena purīṃ naḥ samapīḍayat
Sanskrit only: no published translation is held for this verse.
स गार्ग्यस्योग्रतपसा संजातस्त्रिजगज्जयी । अवध्यः सर्वभूतानां वराद्वीरः पिनाकिनः
sa gārgyasyogratapasā saṃjātastrijagajjayī / avadhyaḥ sarvabhūtānāṃ varādvīraḥ pinākinaḥ
Sanskrit only: no published translation is held for this verse.
इयमस्मत्पुरीबन्धे तस्याश्वाकृदुद्भवा । सरिदश्वशकृत्संज्ञा लोके ख्याता प्रसर्पति
iyamasmatpurībandhe tasyāśvākṛdudbhavā / saridaśvaśakṛtsaṃjñā loke khyātā prasarpati
Sanskrit only: no published translation is held for this verse.
क्रमेण विनिपातानां भयं ते महतां द्विषाम् । नगर्यां प्राप दुर्गायां कालदेशोदयेन न
krameṇa vinipātānāṃ bhayaṃ te mahatāṃ dviṣām / nagaryāṃ prāpa durgāyāṃ kāladeśodayena na
Sanskrit only: no published translation is held for this verse.
तस्माद्द्वारवतीं दुर्गां परिखाट्टलमालिनीम् । निवेशयितुमिच्छामि पश्चिमाब्धौ कुशस्थलीम्
tasmāddvāravatīṃ durgāṃ parikhāṭṭalamālinīm / niveśayitumicchāmi paścimābdhau kuśasthalīm
Sanskrit only: no published translation is held for this verse.
इत्युक्ते शौरिणा प्राहुस्तथेति यदुपुंगवाः । श्रद्धा हि हितवाक्येषु भाविकल्याणसंपदाम्
ityukte śauriṇā prāhustatheti yadupuṃgavāḥ / śraddhā hi hitavākyeṣu bhāvikalyāṇasaṃpadām
Sanskrit only: no published translation is held for this verse.
कृष्णसर्पः ततः कृष्णः कुम्भे प्रक्षिप्य मुद्रिते । प्राहिणोद्यवनेन्द्राय दुःसहो ऽस्मीत्युदाहरन्
kṛṣṇasarpaḥ tataḥ kṛṣṇaḥ kumbhe prakṣipya mudrite / prāhiṇodyavanendrāya duḥsaho 'smītyudāharan
Sanskrit only: no published translation is held for this verse.
तं दृष्ट्वा कालयवनः प्रहस्योग्रैः पिपीलकैः । भक्षितं प्रेषयामास सर्पं सेनाढ्यतां वदन्
taṃ dṛṣṭvā kālayavanaḥ prahasyograiḥ pipīlakaiḥ / bhakṣitaṃ preṣayāmāsa sarpaṃ senāḍhyatāṃ vadan
Sanskrit only: no published translation is held for this verse.
ततः कृष्मेन सहिताः पुरीं जलधिमेखलाम् । प्रययुर्मथुरां त्यक्त्वा सर्वे यादववृष्णयः
tataḥ kṛṣmena sahitāḥ purīṃ jaladhimekhalām / prayayurmathurāṃ tyaktvā sarve yādavavṛṣṇayaḥ
Sanskrit only: no published translation is held for this verse.
ततः परिवृता वीरैर्भ्राजमाना सुरैरिव । पुरी कृष्णेन शुशुभे शक्रेणेवामरावती
tataḥ parivṛtā vīrairbhrājamānā surairiva / purī kṛṣṇena śuśubhe śakreṇevāmarāvatī
Sanskrit only: no published translation is held for this verse.
ततः कदाचिदेकाकी पादचारी जनार्दनः । आक्रष्टुं कालयवनं प्रययौ नयकोविदः
tataḥ kadācidekākī pādacārī janārdanaḥ / ākraṣṭuṃ kālayavanaṃ prayayau nayakovidaḥ
Sanskrit only: no published translation is held for this verse.
गोविन्दमागतं दृष्ट्वा प्रहृष्टो यवनाधिपः । अभ्याद्रवन्महाकायः कालः काल इवोत्कटः
govindamāgataṃ dṛṣṭvā prahṛṣṭo yavanādhipaḥ / abhyādravanmahākāyaḥ kālaḥ kāla ivotkaṭaḥ
Sanskrit only: no published translation is held for this verse.
मनोजवं जगद्वैरी स जिघृक्षुर्जनार्दनम् । वेगाभिसारी विदधे कम्पक्षुभाकुला दिशः
manojavaṃ jagadvairī sa jighṛkṣurjanārdanam / vegābhisārī vidadhe kampakṣubhākulā diśaḥ
Sanskrit only: no published translation is held for this verse.
स्वमायामिव गम्भीरां धीरो गिरिगुहां ततः । विवेश विपुलायामामचिन्त्यगतिरच्युतः
svamāyāmiva gambhīrāṃ dhīro giriguhāṃ tataḥ / viveśa vipulāyāmāmacintyagatiracyutaḥ
Sanskrit only: no published translation is held for this verse.
मान्धातुस्तनयस्तत्र मुचुकुन्दः क्षितीश्वरः । देवासुररणे कृत्वा शक्रस्य रिपुसंक्षयम्
māndhātustanayastatra mucukundaḥ kṣitīśvaraḥ / devāsuraraṇe kṛtvā śakrasya ripusaṃkṣayam
Sanskrit only: no published translation is held for this verse.
श्रान्तो निद्रां वरात्प्राप्य विदधे संविदं सुरैः । निद्राक्षयं मे यः कुर्यात्स गच्छेद्भस्मसादिति
śrānto nidrāṃ varātprāpya vidadhe saṃvidaṃ suraiḥ / nidrākṣayaṃ me yaḥ kuryātsa gacchedbhasmasāditi
Sanskrit only: no published translation is held for this verse.
सुचिरं रत्नपर्यङ्के शयानस्याथ तस्य सः । राज्ञो गुहायां गोविन्दः शीर्षन्ते समुपाविशत्
suciraṃ ratnaparyaṅke śayānasyātha tasya saḥ / rājño guhāyāṃ govindaḥ śīrṣante samupāviśat
Sanskrit only: no published translation is held for this verse.
ततः प्रविश्य सावेगं कोपप्रज्वलितः श्वसन् । सुप्तं ददर्श राजर्षिं यवनः पर्वताकृतिम्
tataḥ praviśya sāvegaṃ kopaprajvalitaḥ śvasan / suptaṃ dadarśa rājarṣiṃ yavanaḥ parvatākṛtim
Sanskrit only: no published translation is held for this verse.
पिहिताननमालोक्य तं कालयवनः क्रुधा । कृष्मो ऽयमिति संचिन्त्य पदा पस्पर्श भूमिपम्
pihitānanamālokya taṃ kālayavanaḥ krudhā / kṛṣmo 'yamiti saṃcintya padā pasparśa bhūmipam
Sanskrit only: no published translation is held for this verse.
सहसा प्रतिबुद्धो ऽथ मुचुकुन्दनृपः पदा । स्पृशन्तं दुःकहरुषा चक्षुषा भस्मसाद्व्यधात्
sahasā pratibuddho 'tha mucukundanṛpaḥ padā / spṛśantaṃ duḥkaharuṣā cakṣuṣā bhasmasādvyadhāt
Sanskrit only: no published translation is held for this verse.
निर्दग्धे कालयवने परिवृत्ताननो नृपः । निद्राकषायनयनः पुण्डरीकाक्षमैक्षत
nirdagdhe kālayavane parivṛttānano nṛpaḥ / nidrākaṣāyanayanaḥ puṇḍarīkākṣamaikṣata
Sanskrit only: no published translation is held for this verse.
स दृष्ट्वा मन्दराकारः कृष्णमत्यल्पविग्रहम् । विपुलं कालसंज्ञासीदतीतं जगतीपतिः
sa dṛṣṭvā mandarākāraḥ kṛṣṇamatyalpavigraham / vipulaṃ kālasaṃjñāsīdatītaṃ jagatīpatiḥ
Sanskrit only: no published translation is held for this verse.
को भवानिति पृष्टो ऽथ मुचुकुन्देन केशवः । न्यवेदयत्स्ववृत्तान्तमभिवाद्य कृताञ्जलिः
ko bhavāniti pṛṣṭo 'tha mucukundena keśavaḥ / nyavedayatsvavṛttāntamabhivādya kṛtāñjaliḥ
Sanskrit only: no published translation is held for this verse.
युगत्रयं गतं ज्ञात्वा निद्रायाः पृथिवीपतिः । गुल्फप्रमाणा दृष्ट्वा च प्रजा ह्रस्वत्वमागताः । न चकार मतिं राज्ये विरसे विगतस्पृहः
yugatrayaṃ gataṃ jñātvā nidrāyāḥ pṛthivīpatiḥ / gulphapramāṇā dṛṣṭvā ca prajā hrasvatvamāgatāḥ / na cakāra matiṃ rājye virase vigataspṛhaḥ
Sanskrit only: no published translation is held for this verse.
समानेषु व्यतीतेषु शून्यासु प्रेमभूमिषु । जीर्णे जगति विच्छाये सजने का रतिः सताम्
samāneṣu vyatīteṣu śūnyāsu premabhūmiṣu / jīrṇe jagati vicchāye sajane kā ratiḥ satām
Sanskrit only: no published translation is held for this verse.
स गत्वा तपसे धीमान्कन्दरं हिमभूभृतः । आरुरोह नृपः स्वर्गं स्वारोहं पुण्यसंपदाम्
sa gatvā tapase dhīmānkandaraṃ himabhūbhṛtaḥ / āruroha nṛpaḥ svargaṃ svārohaṃ puṇyasaṃpadām
Sanskrit only: no published translation is held for this verse.
कृष्णो ऽथ द्वारकां गत्वा विहितां विश्वकर्मणा । हेमप्रतोलीप्राकारां रत्नगोपुरतोरणाम्
kṛṣṇo 'tha dvārakāṃ gatvā vihitāṃ viśvakarmaṇā / hemapratolīprākārāṃ ratnagopuratoraṇām
Sanskrit only: no published translation is held for this verse.
स्फारस्फटिकहर्म्यांशुमालारचितचन्द्रिकाम् । अमृतोद्गारिणीं क्षीरसागरादिव निर्मिताम्
sphārasphaṭikaharmyāṃśumālāracitacandrikām / amṛtodgāriṇīṃ kṣīrasāgarādiva nirmitām
Sanskrit only: no published translation is held for this verse.
मणिभित्तिषु संक्रान्तकान्तावदनमालिकाम् । विजज्य बहुधात्मानं शशाङ्केनेव सेविताम्
maṇibhittiṣu saṃkrāntakāntāvadanamālikām / vijajya bahudhātmānaṃ śaśāṅkeneva sevitām
Sanskrit only: no published translation is held for this verse.
विवेश विषदोद्द्योतां सानुगां सततो ऽसवाम् । स सैन्यधनमादाय निखिलं यवनार्जितम्
viveśa viṣadoddyotāṃ sānugāṃ satato 'savām / sa sainyadhanamādāya nikhilaṃ yavanārjitam
Sanskrit only: no published translation is held for this verse.
तस्यां पोरजनं सर्वं शङ्खो नाम निधीश्वरः । कृष्णस्य शासनात्तूर्णं हेमरत्नैरपूरयत्
tasyāṃ porajanaṃ sarvaṃ śaṅkho nāma nidhīśvaraḥ / kṛṣṇasya śāsanāttūrṇaṃ hemaratnairapūrayat
Sanskrit only: no published translation is held for this verse.
विसृज्य पवनं साक्षात्त्रिदिवं देवकीसुतः । आनिनाय सुधर्माख्यां दिव्यां देवसभां विभुः
visṛjya pavanaṃ sākṣāttridivaṃ devakīsutaḥ / ānināya sudharmākhyāṃ divyāṃ devasabhāṃ vibhuḥ
Sanskrit only: no published translation is held for this verse.
सा पुरी सुभटैर्गुप्ता वृष्णिसात्वतयादवैः । मेरोरिव गुहासिंहैः शुशुभे कान्तिनिर्भरा
sā purī subhaṭairguptā vṛṣṇisātvatayādavaiḥ / meroriva guhāsiṃhaiḥ śuśubhe kāntinirbharā
Sanskrit only: no published translation is held for this verse.
दत्तेव काले विपुले समुद्रेण हरेर्गिरा । अनेकयोजनायामा पुरी साभूद्गरीयसी
datteva kāle vipule samudreṇa harergirā / anekayojanāyāmā purī sābhūdgarīyasī
Sanskrit only: no published translation is held for this verse.
अत्रान्तरे भीष्मकस्य दाक्षिणात्यस्य भूपतेः । शुश्राव रुक्मिणीं कृष्मः कन्यां रूपेम विश्रुताम्
atrāntare bhīṣmakasya dākṣiṇātyasya bhūpateḥ / śuśrāva rukmiṇīṃ kṛṣmaḥ kanyāṃ rūpema viśrutām
Sanskrit only: no published translation is held for this verse.
सापि शुश्राव कंसारिं कृष्णं कमललोचनम् । अभिलाषरसोदारं किमप्यासीन्मनस्तयोः
sāpi śuśrāva kaṃsāriṃ kṛṣṇaṃ kamalalocanam / abhilāṣarasodāraṃ kimapyāsīnmanastayoḥ
Sanskrit only: no published translation is held for this verse.
भीष्मकस्यात्मजो रुक्मी भुजशाली रणोत्कटः । वीरो बिभर्ति यः स्पर्धां भुवि भार्गवभीष्मयोः
bhīṣmakasyātmajo rukmī bhujaśālī raṇotkaṭaḥ / vīro bibharti yaḥ spardhāṃ bhuvi bhārgavabhīṣmayoḥ
Sanskrit only: no published translation is held for this verse.
अनुजां रुक्मिणीं दृप्तः स कृष्मेनार्थितां सदा । न ददौ कंसदासो ऽयमिति द्वेषादुदाहरन्
anujāṃ rukmiṇīṃ dṛptaḥ sa kṛṣmenārthitāṃ sadā / na dadau kaṃsadāso 'yamiti dveṣādudāharan
Sanskrit only: no published translation is held for this verse.
ततो जरासंधगिरा शिशुपालाय भूभुजे । तां दातुमुद्ययौ पुत्रीं भीष्मकः पुत्रसंमते
tato jarāsaṃdhagirā śiśupālāya bhūbhuje / tāṃ dātumudyayau putrīṃ bhīṣmakaḥ putrasaṃmate
Sanskrit only: no published translation is held for this verse.
वसुदेवस्वसुः पुत्रः शिशुपालो ऽथ तत्पुरीम् । कृष्णादिभिर्वृष्णिवीरैर्वारयात्राभिमन्त्रितैः
vasudevasvasuḥ putraḥ śiśupālo 'tha tatpurīm / kṛṣṇādibhirvṛṣṇivīrairvārayātrābhimantritaiḥ
Sanskrit only: no published translation is held for this verse.
दन्तवक्रजरासंधमुख्यैश्च सह राजभिः । स विवाहोत्सवे प्रायाद्भीष्मकेनाभिपूजितः
dantavakrajarāsaṃdhamukhyaiśca saha rājabhiḥ / sa vivāhotsave prāyādbhīṣmakenābhipūjitaḥ
Sanskrit only: no published translation is held for this verse.
इन्द्राणीपूजनव्यग्रां तत्र लोचनचन्द्रिकाम् । ददर्श रुक्मिणीं कृष्णः कृष्णशारायतेक्षणाम्
indrāṇīpūjanavyagrāṃ tatra locanacandrikām / dadarśa rukmiṇīṃ kṛṣṇaḥ kṛṣṇaśārāyatekṣaṇām
Sanskrit only: no published translation is held for this verse.
सुमुखीं कान्तिललितामाताम्राधरपल्लवाम् । लक्ष्मीमिव सहोत्पन्नां चन्द्रामृतसुरद्रुमैः
sumukhīṃ kāntilalitāmātāmrādharapallavām / lakṣmīmiva sahotpannāṃ candrāmṛtasuradrumaiḥ
Sanskrit only: no published translation is held for this verse.
तीं वीक्ष्य पद्मवदनां मदनोद्यानमाधवीम् । माधवो मधुसंसिक्त इव क्षणमचिन्तयत्
tīṃ vīkṣya padmavadanāṃ madanodyānamādhavīm / mādhavo madhusaṃsikta iva kṣaṇamacintayat
Sanskrit only: no published translation is held for this verse.
इयं शुभ्रांशुकोत्फुल्लफेना कान्तितरङ्गिणी । हरहुंकारदग्धस्य जीवती पुष्पधन्वनः
iyaṃ śubhrāṃśukotphullaphenā kāntitaraṅgiṇī / harahuṃkāradagdhasya jīvatī puṣpadhanvanaḥ
Sanskrit only: no published translation is held for this verse.
लज्जैव जलजस्पर्धा प्रभेयं शशिनः कुतः । उपमानं सुखस्यास्याः स्वमुखं दर्पणे यदि
lajjaiva jalajaspardhā prabheyaṃ śaśinaḥ kutaḥ / upamānaṃ sukhasyāsyāḥ svamukhaṃ darpaṇe yadi
Sanskrit only: no published translation is held for this verse.
चिन्तयन्निति वैकुण्ठः सोत्कण्ठं मन्मथाकुलः । जहार संमते भ्रातुः सहसा भीष्मकात्मजाम्
cintayanniti vaikuṇṭhaḥ sotkaṇṭhaṃ manmathākulaḥ / jahāra saṃmate bhrātuḥ sahasā bhīṣmakātmajām
Sanskrit only: no published translation is held for this verse.
रथेन रथिना तेन हृतायां वातरंहसा । उदबूत्सुभटक्षोभगम्भीरो भूभुजां रवः
rathena rathinā tena hṛtāyāṃ vātaraṃhasā / udabūtsubhaṭakṣobhagambhīro bhūbhujāṃ ravaḥ
Sanskrit only: no published translation is held for this verse.
इयं कृष्णेन कृष्णेन कन्या कन्या हृता हृता । इति व्याहरतामेव राज्ञां मोह इवाभवत्
iyaṃ kṛṣṇena kṛṣṇena kanyā kanyā hṛtā hṛtā / iti vyāharatāmeva rājñāṃ moha ivābhavat
Sanskrit only: no published translation is held for this verse.
वृष्णीनां राममुख्यानां भारं विन्यस्य दुःसहम् । तार्क्ष्यकेतौ द्रुतं याते घोरं युद्धमवर्तत
vṛṣṇīnāṃ rāmamukhyānāṃ bhāraṃ vinyasya duḥsaham / tārkṣyaketau drutaṃ yāte ghoraṃ yuddhamavartata
Sanskrit only: no published translation is held for this verse.
रामसात्यकिहार्दिक्यगदाक्रूरविदूरथैः । वक्रदेवसुनक्षत्रसारणाद्यैश्च यादवैः
rāmasātyakihārdikyagadākrūravidūrathaiḥ / vakradevasunakṣatrasāraṇādyaiśca yādavaiḥ
Sanskrit only: no published translation is held for this verse.
शिशुपालजरासंधमुख्यानां भूभुजां रणे । अकालरजनीवाभूत्क्षणं निर्विवरैः शरैः
śiśupālajarāsaṃdhamukhyānāṃ bhūbhujāṃ raṇe / akālarajanīvābhūtkṣaṇaṃ nirvivaraiḥ śaraiḥ
Sanskrit only: no published translation is held for this verse.
बलिना बलदेवेन वध्यमानेषु वैरिषु । शिशुपालेन चान्येषु संक्षयः सैन्ययोरभूत्
balinā baladevena vadhyamāneṣu vairiṣu / śiśupālena cānyeṣu saṃkṣayaḥ sainyayorabhūt
Sanskrit only: no published translation is held for this verse.
अत्रान्तरे पुरो राज्ञां स्क्मी क्रोधाग्निना ज्वलन् । पितुश्चोवाच संनद्धः श्वसन्नाग इवाहतः
atrāntare puro rājñāṃ skmī krodhāgninā jvalan / pituścovāca saṃnaddhaḥ śvasannāga ivāhataḥ
Sanskrit only: no published translation is held for this verse.
नाहत्वा मलिनाचारं कृष्णं दुर्नयकारिणम् । स्वपुरं समुपेष्यामि वीरव्रतपरिच्युतः
nāhatvā malinācāraṃ kṛṣṇaṃ durnayakāriṇam / svapuraṃ samupeṣyāmi vīravrataparicyutaḥ
Sanskrit only: no published translation is held for this verse.
इत्युक्त्वा रथमारुह्य वीरैरनुगतो नृपैः । जवोद्धूतपताकाग्रः स ययौ नादयन्दिशः
ityuktvā rathamāruhya vīrairanugato nṛpaiḥ / javoddhūtapatākāgraḥ sa yayau nādayandiśaḥ
Sanskrit only: no published translation is held for this verse.
दूरादायान्तमालोक्य रथस्थो रुक्मिणीसखः । तस्थौ हरिः परावृत्य कर्णान्ताकृष्टकार्मुकः
dūrādāyāntamālokya rathastho rukmiṇīsakhaḥ / tasthau hariḥ parāvṛtya karṇāntākṛṣṭakārmukaḥ
Sanskrit only: no published translation is held for this verse.
ततः श्रेणीकृतैः क्षिप्रं घनैः कृष्णशिलीमुखैः । आच्छाद्यमाना विबभुर्भूपालकमलाकराः
tataḥ śreṇīkṛtaiḥ kṣipraṃ ghanaiḥ kṛṣṇaśilīmukhaiḥ / ācchādyamānā vibabhurbhūpālakamalākarāḥ
Sanskrit only: no published translation is held for this verse.
शौरिरापूर्यमाणो ऽथ रुक्मिचापच्युतैः शरैः । हेमपुङ्खैरभूद्व्याप्तः सूर्यांशुभिरिवाचलः
śaurirāpūryamāṇo 'tha rukmicāpacyutaiḥ śaraiḥ / hemapuṅkhairabhūdvyāptaḥ sūryāṃśubhirivācalaḥ
Sanskrit only: no published translation is held for this verse.
अक्षयां क्षितिपैः क्षिप्तां दीप्तशस्त्रपरस्पराम् । भिन्दानः सायकैस्तूर्णं बभौ नृत्यन्निवाच्युतः
akṣayāṃ kṣitipaiḥ kṣiptāṃ dīptaśastraparasparām / bhindānaḥ sāyakaistūrṇaṃ babhau nṛtyannivācyutaḥ
Sanskrit only: no published translation is held for this verse.
ततः कृष्णशरैः क्षिप्रं छिन्नच्छत्ररथध्वजाः । बभूवुः कृत्तकोदण्डास्ते खण्डितमनोरथाः
tataḥ kṛṣṇaśaraiḥ kṣipraṃ chinnacchatrarathadhvajāḥ / babhūvuḥ kṛttakodaṇḍāste khaṇḍitamanorathāḥ
Sanskrit only: no published translation is held for this verse.
दिव्यास्त्रवर्षिणः शौरिश्छित्वा सर्वायुधान्यथ । रुक्मिणस्तीव्रनाराचैर्विव्याध हृदयं त्रिभिः
divyāstravarṣiṇaḥ śauriśchitvā sarvāyudhānyatha / rukmiṇastīvranārācairvivyādha hṛdayaṃ tribhiḥ
Sanskrit only: no published translation is held for this verse.
मूर्च्छिते पतिते तस्मिन्विद्रुते राजमण्डले । ररक्ष शौरिर्दयया रुक्मिणं रुक्मिणीगिरा
mūrcchite patite tasminvidrute rājamaṇḍale / rarakṣa śaurirdayayā rukmiṇaṃ rukmiṇīgirā
Sanskrit only: no published translation is held for this verse.
याते द्वारवतीं कृष्णे विनिवृत्तेषु वृष्णिषु । कुण्डिनाख्यं पुरं रुक्मी प्रविवेश न लज्जया
yāte dvāravatīṃ kṛṣṇe vinivṛtteṣu vṛṣṇiṣu / kuṇḍinākhyaṃ puraṃ rukmī praviveśa na lajjayā
Sanskrit only: no published translation is held for this verse.
प्रतिज्ञया परित्यक्तपुरः स विदधे परम् । पुरं भोजकटं नाम मानभङ्गं विचिन्तयन्
pratijñayā parityaktapuraḥ sa vidadhe param / puraṃ bhojakaṭaṃ nāma mānabhaṅgaṃ vicintayan
Sanskrit only: no published translation is held for this verse.
जयश्रियमिवादाय श्रियं मूर्त्यन्तरागतम् । भेजे विवाहविधिना रुक्मिणीं रुक्मिणीप्रियः
jayaśriyamivādāya śriyaṃ mūrtyantarāgatam / bheje vivāhavidhinā rukmiṇīṃ rukmiṇīpriyaḥ
Sanskrit only: no published translation is held for this verse.
स तया पुण्डरीकाक्षः फुल्लोन्दीवचतक्षुषा । विजहार सुधासारपरिपूरितमानसः
sa tayā puṇḍarīkākṣaḥ phullondīvacatakṣuṣā / vijahāra sudhāsāraparipūritamānasaḥ
Sanskrit only: no published translation is held for this verse.
तस्यमजीजनत्पुत्रान्दश त्रिदशसंनिभान् । प्रद्युम्नचारुदोष्णाद्यान्कन्यां चारुमतीं तथा
tasyamajījanatputrāndaśa tridaśasaṃnibhān / pradyumnacārudoṣṇādyānkanyāṃ cārumatīṃ tathā
Sanskrit only: no published translation is held for this verse.
ततः प्राप प्रियाः प्रेमप्रणयोद्यानवल्लरीः । अन्या जगत्पतिः पत्नीर्मूर्ता इव दिशो दश
tataḥ prāpa priyāḥ premapraṇayodyānavallarīḥ / anyā jagatpatiḥ patnīrmūrtā iva diśo daśa
Sanskrit only: no published translation is held for this verse.
कालिन्दी सत्यभामा च सत्या जाम्बवती तथा । मित्रविन्दा सुशीला च लक्ष्मणा जालवासिनी
kālindī satyabhāmā ca satyā jāmbavatī tathā / mitravindā suśīlā ca lakṣmaṇā jālavāsinī
Sanskrit only: no published translation is held for this verse.
सुदन्ता रोहिणी चेति ताश्चन्द्रवदनाः सदा । श्यामाः श्यामा इव प्रीत्या भेजिरे शेषशायिनम्
sudantā rohiṇī ceti tāścandravadanāḥ sadā / śyāmāḥ śyāmā iva prītyā bhejire śeṣaśāyinam
Sanskrit only: no published translation is held for this verse.
स षोडशसहस्राणि दिव्यानां हरिणीदृशाम् । स्वैरं कन्दर्पलीलासु विश्वरूपं सिषेविरे
sa ṣoḍaśasahasrāṇi divyānāṃ hariṇīdṛśām / svairaṃ kandarpalīlāsu viśvarūpaṃ siṣevire
Sanskrit only: no published translation is held for this verse.
तासु विश्वसृजस्तस्य लक्षसंख्यो ऽभवद्विभोः । पुत्रवर्गः सुरारातिक्षयक्षमपराक्रमः
tāsu viśvasṛjastasya lakṣasaṃkhyo 'bhavadvibhoḥ / putravargaḥ surārātikṣayakṣamaparākramaḥ
Sanskrit only: no published translation is held for this verse.
नारायणीं चन्द्रसेनां वैदर्भीं कृष्णनन्दनः । लेभे स्वयंवरे कन्यां प्रद्युम्नश्चारुलोचनः
nārāyaṇīṃ candrasenāṃ vaidarbhīṃ kṛṣṇanandanaḥ / lebhe svayaṃvare kanyāṃ pradyumnaścārulocanaḥ
Sanskrit only: no published translation is held for this verse.
तेनाजनि सुतस्तस्यामनिरुद्धः स्मरद्युतिः । रूपं यस्यायताक्षीणां दृग्वशीकरणाञ्जनम्
tenājani sutastasyāmaniruddhaḥ smaradyutiḥ / rūpaṃ yasyāyatākṣīṇāṃ dṛgvaśīkaraṇāñjanam
Sanskrit only: no published translation is held for this verse.