Jayadeva: Gitagovinda-kavya (in pausa) 10

अत्र अन्तरे मसृण-रोष-वशाम् असीम- निःश्वास-निःसह-मुखीम् सुमुखीम् उपेत्य । सव्रीडम् ईक्षित-सखी-वदनाम् दिनान्ते सानन्द-गद्गद-पदम् हरिः इति उवाच ॥

atra antare masṛṇa-roṣa-vaśām asīma- niḥśvāsa-niḥsaha-mukhīm sumukhīm upetya / savrīḍam īkṣita-sakhī-vadanām dinānte sānanda-gadgada-padam hariḥ iti uvāca //

Sanskrit only: no published translation is held for this verse.

वदसि यदि किंचित् अपि दन्त-रुचि-कौमुदी हरति दर-तिमिरम् अतिघोरम् । स्फुरत्-अधर-सीधवे तव वदन-चन्द्रमाः रोचयतु लोचन-चकोरम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

vadasi yadi kiṃcit api danta-ruci-kaumudī harati dara-timiram atighoram / sphurat-adhara-sīdhave tava vadana-candramāḥ rocayatu locana-cakoram // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

सत्यम् एव असि यदि सुदति मयि कोपिनी देहि खर-नखर-शर-घातम् । घटय भुज-बन्धनम् जनय रद-खण्डनम् येन वा भवति सुख-जातम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

satyam eva asi yadi sudati mayi kopinī dehi khara-nakhara-śara-ghātam / ghaṭaya bhuja-bandhanam janaya rada-khaṇḍanam yena vā bhavati sukha-jātam // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

त्वम् असि मम भूषणम् त्वम् असि मम जीवनम् त्वम् असि मम भव-जलधि-रत्नम् । भवतु भवती इह मयि सततम् अनुरोधिनी तत्र मम हृदयम् अतियत्नम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

tvam asi mama bhūṣaṇam tvam asi mama jīvanam tvam asi mama bhava-jaladhi-ratnam / bhavatu bhavatī iha mayi satatam anurodhinī tatra mama hṛdayam atiyatnam // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

नील-नलिन-आभम् अपि तन्वि तव लोचनम् धारयति कोक-नद-रूपम् । कुसुमशर-बाण-भावेन यदि रञ्जयसि कृष्णम् इदम् एतत् अनुरूपम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

nīla-nalina-ābham api tanvi tava locanam dhārayati koka-nada-rūpam / kusumaśara-bāṇa-bhāvena yadi rañjayasi kṛṣṇam idam etat anurūpam // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

स्फुरतु कुच-कुम्भयोः उपरि मणि-मञ्जरी रञ्जयतु तव हृदय-देशम् । रसतु रशना अपि तव घन-जघन-मण्डले घोषयतु मन्मथ-निदेशम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

sphuratu kuca-kumbhayoḥ upari maṇi-mañjarī rañjayatu tava hṛdaya-deśam / rasatu raśanā api tava ghana-jaghana-maṇḍale ghoṣayatu manmatha-nideśam // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

स्थल-कमल-गञ्जनम् मम हृदय-रञ्जनम् जनित-रति-रङ्ग-परभागम् । भण मसृण-वाणि करवाणि पद-पङ्कजम् सरस-लसत्-अलक्तक-रागम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

sthala-kamala-gañjanam mama hṛdaya-rañjanam janita-rati-raṅga-parabhāgam / bhaṇa masṛṇa-vāṇi karavāṇi pada-paṅkajam sarasa-lasat-alaktaka-rāgam // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

स्मर-गरल-खण्डनम् मम शिरसि मण्डनम् देहि पद-पल्लवम् उदारम् । ज्वलति मयि दारुणः मदन-कदन-अरुणः हरतु तत्-उपाहित-विकारम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

smara-garala-khaṇḍanam mama śirasi maṇḍanam dehi pada-pallavam udāram / jvalati mayi dāruṇaḥ madana-kadana-aruṇaḥ haratu tat-upāhita-vikāram // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

इति चटुल-चाटु-पटु-चारु मुरवैरिणः राधिकाम् अधि वचन-जातम् । जयति पद्मावती-रमण-जयदेव-कवि- भारती-भणितम् अतिशातम् ॥ प्रिये चारु-शीले मुञ्च मयि मानम् अनिदानम् सपदि मदन-अनलः दहति मम मानसम् देहि मुख-कमल-मधु-पानम् ॥

iti caṭula-cāṭu-paṭu-cāru muravairiṇaḥ rādhikām adhi vacana-jātam / jayati padmāvatī-ramaṇa-jayadeva-kavi- bhāratī-bhaṇitam atiśātam // priye cāru-śīle muñca mayi mānam anidānam sapadi madana-analaḥ dahati mama mānasam dehi mukha-kamala-madhu-pānam //

Sanskrit only: no published translation is held for this verse.

परिहर कृत-आतङ्के शङ्काम् त्वया सततम् घन- स्तन-जघनया आक्रान्ते स्वान्ते पर-अनवकाशिनि । विशति वितनोः अन्यः धन्यः न कः अपि मम-अन्तरम् स्तन-भर-परीरम्भ-आरम्भे विधेहि विधेयताम् ॥

parihara kṛta-ātaṅke śaṅkām tvayā satatam ghana- stana-jaghanayā ākrānte svānte para-anavakāśini / viśati vitanoḥ anyaḥ dhanyaḥ na kaḥ api mama-antaram stana-bhara-parīrambha-ārambhe vidhehi vidheyatām //

Sanskrit only: no published translation is held for this verse.

मुग्धे विधेहि मयि निर्दय-दन्त-दंश- दोः-वल्लि-बन्ध-निबिड-स्तन-पीडनानि । चण्डि त्वम् एव मुदम् अञ्च न पञ्चबाण- चण्डाल-काण्ड-दलनात् असवः प्रयान्तु ॥

mugdhe vidhehi mayi nirdaya-danta-daṃśa- doḥ-valli-bandha-nibiḍa-stana-pīḍanāni / caṇḍi tvam eva mudam añca na pañcabāṇa- caṇḍāla-kāṇḍa-dalanāt asavaḥ prayāntu //

Sanskrit only: no published translation is held for this verse.

व्यथयति वृथा मौनम् तन्वि प्रपञ्चय पञ्चमम् तरुणि मधुर-आलापैः तापम् विनोदय दृष्टिभिः । सुमुखि विमुखी-भावम् तावत् विमुञ्च न मुञ्च माम् स्वयम् अतिशय-स्निग्धः मुग्धे प्रियः अहम् उपस्थितः ॥

vyathayati vṛthā maunam tanvi prapañcaya pañcamam taruṇi madhura-ālāpaiḥ tāpam vinodaya dṛṣṭibhiḥ / sumukhi vimukhī-bhāvam tāvat vimuñca na muñca mām svayam atiśaya-snigdhaḥ mugdhe priyaḥ aham upasthitaḥ //

Sanskrit only: no published translation is held for this verse.

बन्धूक-द्युति-बान्धवः अयम् अधरः स्निग्धः मधूक-छविः गण्डः चण्डि चकास्ति नील-नलिन-श्री-मोचनम् लोचनम् । नासा अभ्येति तिल-प्रसून-पदवीम् कुन्द-आभ-दन्ति प्रिये प्रायः त्वत्-मुख-सेवया विजयते विश्वम् सः पुष्पायुधः ॥

bandhūka-dyuti-bāndhavaḥ ayam adharaḥ snigdhaḥ madhūka-chaviḥ gaṇḍaḥ caṇḍi cakāsti nīla-nalina-śrī-mocanam locanam / nāsā abhyeti tila-prasūna-padavīm kunda-ābha-danti priye prāyaḥ tvat-mukha-sevayā vijayate viśvam saḥ puṣpāyudhaḥ //

Sanskrit only: no published translation is held for this verse.

दृशौ तव मद-आलसे वदनम् इन्दु-संदीपकम् गतिः जन-मनोरमा विधुत-रम्भम् ऊरु-द्वयम् । रतिः तव कलावती रुचिर-चित्र-लेखे भ्रुवौ अहो विबुध-यौवतम् वहसि तन्वि पृथ्वी-गता ॥

dṛśau tava mada-ālase vadanam indu-saṃdīpakam gatiḥ jana-manoramā vidhuta-rambham ūru-dvayam / ratiḥ tava kalāvatī rucira-citra-lekhe bhruvau aho vibudha-yauvatam vahasi tanvi pṛthvī-gatā //

Sanskrit only: no published translation is held for this verse.

रतिस् तव कलावती रुचिर-चित्र-लेखे भ्रुवाव् अहो विबुध-यौवतं वहसि तन्वि पृथ्वी-गता

ratis tava kalāvatī rucira-citra-lekhe bhruvāv aho vibudha-yauvataṃ vahasi tanvi pṛthvī-gatā

Sanskrit only: no published translation is held for this verse.

यत्र स्विद्यति मीलति क्षणम् अपि क्षिप्रं तद्-आलोकन-व्यामोहेन जितं जितं जितम् अभूत् कंसस्य कोलाहलः

yatra svidyati mīlati kṣaṇam api kṣipraṃ tad-ālokana-vyāmohena jitaṃ jitaṃ jitam abhūt kaṃsasya kolāhalaḥ

Sanskrit only: no published translation is held for this verse.