Jayadeva: Gitagovinda-kavya (in pausa) 12

गतवति सखी-वृन्दे अमन्द-त्रपा-भर-निर्भर- स्मर-पर-वश-आकूत-स्फीत-स्मित-स्नपित-अधराम् । सरस-मनसम् दृष्ट्वा राधाम् मुहुः नव-पल्लव- प्रसव-शयने निक्षिप्त-अक्षीम् उवाच हरिः प्रियाम् ॥

gatavati sakhī-vṛnde amanda-trapā-bhara-nirbhara- smara-para-vaśa-ākūta-sphīta-smita-snapita-adharām / sarasa-manasam dṛṣṭvā rādhām muhuḥ nava-pallava- prasava-śayane nikṣipta-akṣīm uvāca hariḥ priyām //

Sanskrit only: no published translation is held for this verse.

किसलय-शयन-तले कुरु कामिनि चरण-नलिन-विनिवेशम् । तव पद-पल्लव-वैरि-पराभवम् इदम् अनुभवतु सुवेशम् ॥ क्षणम् अधुना नारायणम् अनुगतम् अनुसर राधिके ॥

kisalaya-śayana-tale kuru kāmini caraṇa-nalina-viniveśam / tava pada-pallava-vairi-parābhavam idam anubhavatu suveśam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

कर-कमलेन करोमि चरणमहम् आगमिता असि विदूरम् । क्षणम् उपकुरु शयन-उपरि माम् इव नूपुरम् अनुगत-शूरम् ॥ क्षणम् अधुना नारायणम् अनुगतम् अनुसर राधिके ॥

kara-kamalena karomi caraṇamaham āgamitā asi vidūram / kṣaṇam upakuru śayana-upari mām iva nūpuram anugata-śūram // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

वदन-सुधा-निधि-गलितम् अमृतमिव रचय वचनम् अनुकूलम् । विरहम् इव अपनयामि पयोधर-रोधकम् उरसि दुकूलम् ॥ क्षणम् अधुना नारायणम् अनुगतम् अनुसर राधिके ॥

vadana-sudhā-nidhi-galitam amṛtamiva racaya vacanam anukūlam / viraham iva apanayāmi payodhara-rodhakam urasi dukūlam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

प्रिय-परिरम्भण-रभस-वलितम् इव पुलकितम् अतिदुरवापम् । मत्-उरसि कुच-कलशम् विनिवेशय शोषय मनसिज-तापम् ॥ क्षणम् अधुना नारायणम् अनुगतम् अनुसर राधिके ॥

priya-parirambhaṇa-rabhasa-valitam iva pulakitam atiduravāpam / mat-urasi kuca-kalaśam viniveśaya śoṣaya manasija-tāpam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

अधर-सुधा-रसम् उपनय भाविनि जीवय मृतम् इव दासम् । त्वयि विनिहित-मनसम् विरह-अनल-दग्ध-वपुषम् अविलासम् ॥ क्षणम् अधुना नारायणम् अनुगतम् अनुसर राधिके ॥

adhara-sudhā-rasam upanaya bhāvini jīvaya mṛtam iva dāsam / tvayi vinihita-manasam viraha-anala-dagdha-vapuṣam avilāsam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

शशि-मुखि मुखरय मणि-रशना-गुणम् अनुगुण-कण्ठ-निनादम् । श्रुति-युगले पिक-रुत-विकले मम शमय चिरात् अवसादम् ॥ क्षणम् अधुना नारायणम् अनुगतम् अनुसर राधिके ॥

śaśi-mukhi mukharaya maṇi-raśanā-guṇam anuguṇa-kaṇṭha-ninādam / śruti-yugale pika-ruta-vikale mama śamaya cirāt avasādam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

माम् अतिविफल-रुषा विकलीकृतम् अवलोकितुम् अधुना इदम् । मीलित-लज्जितम् इव नयनम् तव विरम विसृज रति-खेदम् ॥ क्षणम् अधुना नारायणम् अनुगतम् अनुसर राधिके ॥

mām ativiphala-ruṣā vikalīkṛtam avalokitum adhunā idam / mīlita-lajjitam iva nayanam tava virama visṛja rati-khedam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

श्रीजयदेव-भणितम् इदम् अनुपद-निगदित-मधुरिपु-मोदम् । जनयतु रसिक-जनेषु मनोरम-रति-सभाव-विनोदम् ॥ क्षणम् अधुना नारायणम् अनुगतम् अनुसर राधिके ॥

śrījayadeva-bhaṇitam idam anupada-nigadita-madhuripu-modam / janayatu rasika-janeṣu manorama-rati-sabhāva-vinodam // kṣaṇam adhunā nārāyaṇam anugatam anusara rādhike //

Sanskrit only: no published translation is held for this verse.

मार-अङ्के रति-केलि-संकुल-रण-आरम्भे तया साहस- प्रायम् कान्त-जयाय किंचित् उपरि प्रारम्भि यत्-सम्भ्रमात् । निष्पन्दा जघन-स्थली शिथिला दोः-वल्लिः उत्कम्पितम् वक्षः मीलितम् अक्षि पौरुष-रसः स्त्रीणाम् कुतः सिध्यति ॥

māra-aṅke rati-keli-saṃkula-raṇa-ārambhe tayā sāhasa- prāyam kānta-jayāya kiṃcit upari prārambhi yat-sambhramāt / niṣpandā jaghana-sthalī śithilā doḥ-valliḥ utkampitam vakṣaḥ mīlitam akṣi pauruṣa-rasaḥ strīṇām kutaḥ sidhyati //

Sanskrit only: no published translation is held for this verse.

अथ कान्तम् रति-क्लान्तम् अपि मण्डन-वाञ्छया । निजगाद निराबाधा राधा स्वाधीन-भर्तृका ॥

atha kāntam rati-klāntam api maṇḍana-vāñchayā / nijagāda nirābādhā rādhā svādhīna-bhartṛkā //

Sanskrit only: no published translation is held for this verse.

कुरु यदु-नन्दन चन्दन-शिशिरतरेण करेण पयोधरे । मृगमद-पत्रकम् अत्र मनोभव-मङ्गल-कलश-सहोदरे ॥ निजगाद सा यदु-नन्दने क्रीडति हृदय-आनन्दने ॥

kuru yadu-nandana candana-śiśiratareṇa kareṇa payodhare / mṛgamada-patrakam atra manobhava-maṅgala-kalaśa-sahodare // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

अलि-कुल-गञ्जनम् अञ्जनकम् रति-नायक-सायक-मोचने । त्वत्-अधर-चुम्बन-लम्बित-कज्जलम् उज्ज्वलय प्रिय लोचने ॥ निजगाद सा यदु-नन्दने क्रीडति हृदय-आनन्दने ॥

ali-kula-gañjanam añjanakam rati-nāyaka-sāyaka-mocane / tvat-adhara-cumbana-lambita-kajjalam ujjvalaya priya locane // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

नयन-कुरङ्ग-तरङ्ग-विकास-निरास-करे श्रुति-मण्डले । मनअसिज-पाश-विलास-धरे शुभ-वेश निवेशय कुण्डले ॥ निजगाद सा यदु-नन्दने क्रीडति हृदय-आनन्दने ॥

nayana-kuraṅga-taraṅga-vikāsa-nirāsa-kare śruti-maṇḍale / manaasija-pāśa-vilāsa-dhare śubha-veśa niveśaya kuṇḍale // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

भ्रमर-चयम् रचयन्तम् उपरि रुचिरम् सुचिरम् मम संमुखे । जित-कमले विमले परिकर्मय नर्म-जनकम् अलकम् मुखे ॥ निजगाद सा यदु-नन्दने क्रीडति हृदय-आनन्दने ॥

bhramara-cayam racayantam upari ruciram suciram mama saṃmukhe / jita-kamale vimale parikarmaya narma-janakam alakam mukhe // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

मृगमद-रस-वलितम् ललितम् कुरु तिलकम् अलिक-रजनीकरे । विहित-कलङ्क-कलम् कमल-आनन विश्रमित-श्रम-शीकरे ॥ निजगाद सा यदु-नन्दने क्रीडति हृदय-आनन्दने ॥

mṛgamada-rasa-valitam lalitam kuru tilakam alika-rajanīkare / vihita-kalaṅka-kalam kamala-ānana viśramita-śrama-śīkare // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

मम रुचिरे चिकुरे कुरु मानद मानसज-ध्वज-चामरे । रति-गलिते ललिते कुसुमानि शिखण्डि-शिखण्डक-डामरे ॥ निजगाद सा यदु-नन्दने क्रीडति हृदय-आनन्दने ॥

mama rucire cikure kuru mānada mānasaja-dhvaja-cāmare / rati-galite lalite kusumāni śikhaṇḍi-śikhaṇḍaka-ḍāmare // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

सरस-घने जघने मम शम्बर-दारण-वारण-कन्दरे । मणि-रशना-वसन-आभरणानि शुभ-आशय वासय सुन्दरे ॥ निजगाद सा यदु-नन्दने क्रीडति हृदय-आनन्दने ॥

sarasa-ghane jaghane mama śambara-dāraṇa-vāraṇa-kandare / maṇi-raśanā-vasana-ābharaṇāni śubha-āśaya vāsaya sundare // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

श्रीजयदेव-वचसि रुचिरे हृदयम् सदयम् कुरु मण्डने । हरि-चरण-स्मरण-अमृत-कृत-कलि-कलुष-भव-ज्वर-खण्डने ॥ निजगाद सा यदु-नन्दने क्रीडति हृदय-आनन्दने ॥

śrījayadeva-vacasi rucire hṛdayam sadayam kuru maṇḍane / hari-caraṇa-smaraṇa-amṛta-kṛta-kali-kaluṣa-bhava-jvara-khaṇḍane // nijagāda sā yadu-nandane krīḍati hṛdaya-ānandane //

Sanskrit only: no published translation is held for this verse.

रचय कुचयोः पत्रम् चित्रम् कुरुष्व कपोलयोः घटय जघने काञ्चीम् अञ्च स्रजा कबरी-भरम् । कलय वलय-श्रेणीम् पाणौ पदे कुरु नूपुरौ इति निगदितः प्रीतः पीताम्बरः अपि तथा अकरोत् ॥

racaya kucayoḥ patram citram kuruṣva kapolayoḥ ghaṭaya jaghane kāñcīm añca srajā kabarī-bharam / kalaya valaya-śreṇīm pāṇau pade kuru nūpurau iti nigaditaḥ prītaḥ pītāmbaraḥ api tathā akarot //

Sanskrit only: no published translation is held for this verse.

यत् गान्धर्व-कलासु कौशलम् अनुध्यानम् च यत् वैष्णवम् यत् शृङ्गार-विवेक-तत्त्वम् अपि यत् काव्येषु लीलायितम् । तत् सर्वम् जयदेव-पण्डित-कवेः कृष्ण-एक-तान-आत्मनः सानन्दाः परिशोधयन्तु सुधियः श्रीगीतगोविन्दतः ॥

yat gāndharva-kalāsu kauśalam anudhyānam ca yat vaiṣṇavam yat śṛṅgāra-viveka-tattvam api yat kāvyeṣu līlāyitam / tat sarvam jayadeva-paṇḍita-kaveḥ kṛṣṇa-eka-tāna-ātmanaḥ sānandāḥ pariśodhayantu sudhiyaḥ śrīgītagovindataḥ //

Sanskrit only: no published translation is held for this verse.

श्रीभोजदेव-प्रभवस्य रामादेवी-सुत-श्रीजयदेवकस्य । पराशर-आदि-प्रिय-वर्ग-कण्ठे श्रीगीतगोविन्द-कवित्वम् अस्तु ॥

śrībhojadeva-prabhavasya rāmādevī-suta-śrījayadevakasya / parāśara-ādi-priya-varga-kaṇṭhe śrīgītagovinda-kavitvam astu //

Sanskrit only: no published translation is held for this verse.

सरस-घने जघने मम शम्बर-दारण-वारण-कन्दरे । मणि-रशना-वसनाभरणानि शुभाशय वासय सुन्दरे

sarasa-ghane jaghane mama śambara-dāraṇa-vāraṇa-kandare | maṇi-raśanā-vasanābharaṇāni śubhāśaya vāsaya sundare

Sanskrit only: no published translation is held for this verse.

श्री-जयदेव-वचसि रुचिरे सदयं हृदयं कुरु मण्डने । हरि-चरण-स्मरणामृत-निर्मित-कलि-कलुष-ज्वर-खण्डने

śrī-jayadeva-vacasi rucire sadayaṃ hṛdayaṃ kuru maṇḍane | hari-caraṇa-smaraṇāmṛta-nirmita-kali-kaluṣa-jvara-khaṇḍane

Sanskrit only: no published translation is held for this verse.

कलय वलय-श्रेणीं पाणौ पदे मणि-नूपुराव् इति निगदितः प्रीतः पिताम्बरोऽपि तथाकरोत्

kalaya valaya-śreṇīṃ pāṇau pade maṇi-nūpurāv iti nigaditaḥ prītaḥ pitāmbaro'pi tathākarot

Sanskrit only: no published translation is held for this verse.

पर्यङ्की-कृत-नाग-नायक-फणा-श्रेणी-मणीनां गणे सङ्क्रान्त-प्रतिबिम्ब-संवलनया बिभ्रद्-विभु-प्रक्रियाम् । पादाम्भो-रुह-धारि-वारिधि-सुताम् अक्ष्णां दिदृक्षुः शतैः काय-व्यूहम् इव-चरन्न् अपचितौ भूयो हरिः पातु वः

paryaṅkī-kṛta-nāga-nāyaka-phaṇā-śreṇī-maṇīnāṃ gaṇe saṅkrānta-pratibimba-saṃvalanayā bibhrad-vibhu-prakriyām | pādāmbho-ruha-dhāri-vāridhi-sutām akṣṇāṃ didṛkṣuḥ śataiḥ kāya-vyūham iva-carann apacitau bhūyo hariḥ pātu vaḥ

Sanskrit only: no published translation is held for this verse.

त्वाम् अप्राप्य मयि स्वयंवर-परां क्षीरोद-तीरोदरे शङ्के सुन्दरि कालकूटम् अपिबन् मूढो मृडानी-पतिः । इत्थं पूर्व-कथाभिर् अन्य-मनसा विक्षिप्य वक्षोऽञ्चलं राधायाः स्तन-कोरकोपरि-मिलन्-नेत्रो हरिः पातु वः

tvām aprāpya mayi svayaṃvara-parāṃ kṣīroda-tīrodare śaṅke sundari kālakūṭam apiban mūḍho mṛḍānī-patiḥ | itthaṃ pūrva-kathābhir anya-manasā vikṣipya vakṣo'ñcalaṃ rādhāyāḥ stana-korakopari-milan-netro hariḥ pātu vaḥ

Sanskrit only: no published translation is held for this verse.

यद् गान्धर्व-कलासु कौशलम् अनुध्यानं च यद् वैष्णवं यच् छृङ्गार-विवेक-तत्त्व-रचना-काव्येषु लीलायितम् । तत् सर्वं जयदेव-पण्डित-कवेः कृष्णैक-तानात्मनः सानन्दाः परिशोधयन्तु सुधियः श्री-गीत-गोविन्दतः

yad gāndharva-kalāsu kauśalam anudhyānaṃ ca yad vaiṣṇavaṃ yac chṛṅgāra-viveka-tattva-racanā-kāvyeṣu līlāyitam | tat sarvaṃ jayadeva-paṇḍita-kaveḥ kṛṣṇaika-tānātmanaḥ sānandāḥ pariśodhayantu sudhiyaḥ śrī-gīta-govindataḥ

Sanskrit only: no published translation is held for this verse.

साधूनां स्वत एव संमतिर् इह स्याद् एव भक्त्यार्थिनाम् आलोच्य ग्रथन-श्रमं च विदुसाम् अस्मिन् भवेद् आदरः । ये केचित् पर-कृत्य्-उपश्रुति-परास् तान् अर्थये मत्-कृतिं भूयो वीक्ष्य वदन्तो अवद्यम् इह चेत् सा वासना स्थास्यति

sādhūnāṃ svata eva saṃmatir iha syād eva bhaktyārthinām ālocya grathana-śramaṃ ca vidusām asmin bhaved ādaraḥ | ye kecit para-kṛty-upaśruti-parās tān arthaye mat-kṛtiṃ bhūyo vīkṣya vadanto avadyam iha cet sā vāsanā sthāsyati

Sanskrit only: no published translation is held for this verse.

श्री-भोजदेव-प्रभवस्य रामादेवी-सुत-श्री-जयदेवकस्य । पराशरादि-प्रिय-वर्ग-कण्ठे श्री-गीत-गोविन्द-कवित्वम् अस्तु

śrī-bhojadeva-prabhavasya rāmādevī-suta-śrī-jayadevakasya | parāśarādi-priya-varga-kaṇṭhe śrī-gīta-govinda-kavitvam astu

Sanskrit only: no published translation is held for this verse.

साध्वी माध्वीक चिन्ता न भवति भवतः शर्करे कर्कशासि द्राक्षे द्रक्ष्यन्ति के त्वाम् अमृत मृतम् असि क्षीर नीरं रसस्ते । माकन्द क्रन्द कान्ताधर धर न तुलां गच्छ यच्छन्ति भावं यावच् छृङ्गार-सारं शुभम् इव जयदेवस्य वैदग्ध्य-वाचः

sādhvī mādhvīka cintā na bhavati bhavataḥ śarkare karkaśāsi drākṣe drakṣyanti ke tvām amṛta mṛtam asi kṣīra nīraṃ rasaste | mākanda kranda kāntādhara dhara na tulāṃ gaccha yacchanti bhāvaṃ yāvac chṛṅgāra-sāraṃ śubham iva jayadevasya vaidagdhya-vācaḥ

Sanskrit only: no published translation is held for this verse.

इत्थं केलि-ततिर् विहृत्य यमुना-कूले समं राधया तद्-रोमावलि-मौक्तिकावलि-युगे वेणी-भ्रमं बिभ्रति । तत्राह्लादि-कुच-प्रयाग-फलयोर् लिप्सावतोर् हस्तयोर् व्यापाराः पुरुषोत्तमस्य ददतु स्फीतां मुदं सम्पदं

itthaṃ keli-tatir vihṛtya yamunā-kūle samaṃ rādhayā tad-romāvali-mauktikāvali-yuge veṇī-bhramaṃ bibhrati | tatrāhlādi-kuca-prayāga-phalayor lipsāvator hastayor vyāpārāḥ puruṣottamasya dadatu sphītāṃ mudaṃ sampadaṃ

Sanskrit only: no published translation is held for this verse.