Jayadeva: Gitagovinda-kavya (in pausa) 5

अहम् इह निवसामि याहि राधाम् अनुनय मत्-वचनेन च आनयेथाः । इति मधुरिपुणा सखी नियुक्ता स्वयम् इदम् एत्य पुनः जगाद राधाम् ॥

aham iha nivasāmi yāhi rādhām anunaya mat-vacanena ca ānayethāḥ / iti madhuripuṇā sakhī niyuktā svayam idam etya punaḥ jagāda rādhām //

Sanskrit only: no published translation is held for this verse.

वहति मलय-समीरे मदनम् उपनिधाय । स्फुटति कुसुम-निकरे विरहि-हृदय-दलनाय ॥ तव विरहे वनमाली सखि सीदति ॥

vahati malaya-samīre madanam upanidhāya / sphuṭati kusuma-nikare virahi-hṛdaya-dalanāya // tava virahe vanamālī sakhi sīdati //

Sanskrit only: no published translation is held for this verse.

दहति शिशिर-मयूखे मरणम् अनुकरोति । पतति मदन-विशिखे विलपति विकलतरः अति ॥ तव विरहे वनमाली सखि सीदति ॥

dahati śiśira-mayūkhe maraṇam anukaroti / patati madana-viśikhe vilapati vikalataraḥ ati // tava virahe vanamālī sakhi sīdati //

Sanskrit only: no published translation is held for this verse.

ध्वनति मधुप-समूहे श्रवणम् अपिदधाति । मनसि वलित-विरहे निशि निशि रुजम् उपयाति ॥ तव विरहे वनमाली सखि सीदति ॥

dhvanati madhupa-samūhe śravaṇam apidadhāti / manasi valita-virahe niśi niśi rujam upayāti // tava virahe vanamālī sakhi sīdati //

Sanskrit only: no published translation is held for this verse.

वसति विपिन-विताने त्यजति ललित-धाम । लुठति धरणि-शयने बहु विलपति तव नाम ॥ तव विरहे वनमाली सखि सीदति ॥

vasati vipina-vitāne tyajati lalita-dhāma / luṭhati dharaṇi-śayane bahu vilapati tava nāma // tava virahe vanamālī sakhi sīdati //

Sanskrit only: no published translation is held for this verse.

भणति कवि-जयदेवे विरहि-विलसितेन । मनसि रभस-विभवे हरिः उदयतु सुकृतेन ॥ तव विरहे वनमाली सखि सीदति ॥

bhaṇati kavi-jayadeve virahi-vilasitena / manasi rabhasa-vibhave hariḥ udayatu sukṛtena // tava virahe vanamālī sakhi sīdati //

Sanskrit only: no published translation is held for this verse.

पूर्वम् यत्र समम् त्वया रतिपतेः आसादिताः सिद्धयः तस्मिन् एव निकुञ्ज-मन्मथ-महा-तीर्थे पुनः माधवः । ध्यायन् त्वाम् अनिशम् जपन् अपि तव एव आलाप-मन्त्र-आवलीम् भूयः त्वत्-कुच-कुम्भ-निर्भर-परीरम्भ-अमृतम् वाञ्छति ॥

pūrvam yatra samam tvayā ratipateḥ āsāditāḥ siddhayaḥ tasmin eva nikuñja-manmatha-mahā-tīrthe punaḥ mādhavaḥ / dhyāyan tvām aniśam japan api tava eva ālāpa-mantra-āvalīm bhūyaḥ tvat-kuca-kumbha-nirbhara-parīrambha-amṛtam vāñchati //

Sanskrit only: no published translation is held for this verse.

रति-सुख-सारे गतम् अभिसारे मदन-मनोहर-वेशम् । न कुरु नितम्बिनि गमन-विलम्बनम् अनुसर तम् हृदय-ईशम् ॥ धीर-समीरे यमुना-तीरे वसति वने वनमाली ॥

rati-sukha-sāre gatam abhisāre madana-manohara-veśam / na kuru nitambini gamana-vilambanam anusara tam hṛdaya-īśam // dhīra-samīre yamunā-tīre vasati vane vanamālī //

Sanskrit only: no published translation is held for this verse.

नाम-समेतम् कृत-सङ्केतम् वादयते मृदु-वेणुम् । बहु मनुते ननु ते तनु-संगत-पवन-चलितम् अपि रेणुम् ॥ धीर-समीरे यमुना-तीरे वसति वने वनमाली ॥

nāma-sametam kṛta-saṅketam vādayate mṛdu-veṇum / bahu manute nanu te tanu-saṃgata-pavana-calitam api reṇum // dhīra-samīre yamunā-tīre vasati vane vanamālī //

Sanskrit only: no published translation is held for this verse.

पतति पतत्रे विचलति पत्रे शङ्कित-भवत्-उपयानम् । रचयति शयनम् सचकित-नयनम् पश्यति तव पन्थानम् ॥ धीर-समीरे यमुना-तीरे वसति वने वनमाली ॥

patati patatre vicalati patre śaṅkita-bhavat-upayānam / racayati śayanam sacakita-nayanam paśyati tava panthānam // dhīra-samīre yamunā-tīre vasati vane vanamālī //

Sanskrit only: no published translation is held for this verse.

मुखरम् अधीरम् त्यज मञ्जीरम् रिपुम् इव केलि-सुलोलम् । चल सखि कुञ्जम् सतिमिर-पुञ्जम् शीलय नील-निचोलम् ॥ धीर-समीरे यमुना-तीरे वसति वने वनमाली ॥

mukharam adhīram tyaja mañjīram ripum iva keli-sulolam / cala sakhi kuñjam satimira-puñjam śīlaya nīla-nicolam // dhīra-samīre yamunā-tīre vasati vane vanamālī //

Sanskrit only: no published translation is held for this verse.

उरसि मुरारेः उपहित-हारे घने इव तरल-बलाके । तडित् इव पीते रति-विपरीते राजसि सुकृत-विपाके ॥ धीर-समीरे यमुना-तीरे वसति वने वनमाली ॥

urasi murāreḥ upahita-hāre ghane iva tarala-balāke / taḍit iva pīte rati-viparīte rājasi sukṛta-vipāke // dhīra-samīre yamunā-tīre vasati vane vanamālī //

Sanskrit only: no published translation is held for this verse.

विगलित-वसनम् परिहृत-रसनम् घटय जघनम् अपिधानम् । किसलय-शयने पङ्कज-नयने निधिम् इव हर्ष-निदानम् ॥ धीर-समीरे यमुना-तीरे वसति वने वनमाली ॥

vigalita-vasanam parihṛta-rasanam ghaṭaya jaghanam apidhānam / kisalaya-śayane paṅkaja-nayane nidhim iva harṣa-nidānam // dhīra-samīre yamunā-tīre vasati vane vanamālī //

Sanskrit only: no published translation is held for this verse.

हरिः अभिमानी रजनिः इदानीम् इयम् अपि याति विरामम् । कुरु मम वचनम् सत्वर-रचनम् पूरय मधुरिपु-कामम् ॥ धीर-समीरे यमुना-तीरे वसति वने वनमाली ॥

hariḥ abhimānī rajaniḥ idānīm iyam api yāti virāmam / kuru mama vacanam satvara-racanam pūraya madhuripu-kāmam // dhīra-samīre yamunā-tīre vasati vane vanamālī //

Sanskrit only: no published translation is held for this verse.

श्रीजयदेवे कृत-हरि-सेवे भणति परम-रमणीयम् । प्रमुदित-हृदयम् हरिम् अतिसदयम् नमत सुकृत-कमनीयम् ॥ धीर-समीरे यमुना-तीरे वसति वने वनमाली ॥

śrījayadeve kṛta-hari-seve bhaṇati parama-ramaṇīyam / pramudita-hṛdayam harim atisadayam namata sukṛta-kamanīyam // dhīra-samīre yamunā-tīre vasati vane vanamālī //

Sanskrit only: no published translation is held for this verse.

विकिरति मुहुः श्वासान् आशाः पुरः मुहुः ईक्षते प्रविशति मुहुः कुञ्जम् गुञ्जन् मुहुः बहु ताम्यति । रचयति मुहुः शय्याम् पर्याकुलम् मुहुः ईक्षते मदन-कदन-क्लान्तः कान्ते प्रियः तव वर्तते ॥

vikirati muhuḥ śvāsān āśāḥ puraḥ muhuḥ īkṣate praviśati muhuḥ kuñjam guñjan muhuḥ bahu tāmyati / racayati muhuḥ śayyām paryākulam muhuḥ īkṣate madana-kadana-klāntaḥ kānte priyaḥ tava vartate //

Sanskrit only: no published translation is held for this verse.

त्वत्-वाम्येन समम् समग्रम् अधुना तिग्मांशुः अस्तम् गतः गोविन्दस्य मनोरथेन च समम् प्राप्तम् तमः सान्द्रताम् । कोकानाम् करुण-स्वनेन सदृशी दीर्घा मत्-अभ्यर्थना तत् मुग्धे विफलम् विअलम्बनम् असौ रम्यः अभिसार-क्षणः ॥

tvat-vāmyena samam samagram adhunā tigmāṃśuḥ astam gataḥ govindasya manorathena ca samam prāptam tamaḥ sāndratām / kokānām karuṇa-svanena sadṛśī dīrghā mat-abhyarthanā tat mugdhe viphalam vialambanam asau ramyaḥ abhisāra-kṣaṇaḥ //

Sanskrit only: no published translation is held for this verse.

आश्लेषात् अनु चुम्बनात् अनु नख-उल्लेखात् अनु स्वान्तज- प्रोद्बोधात् अनु संभ्रमात् अनु रत-आरम्भात् अनु प्रीतयोः । अन्य-अर्थम् गतयोः भ्रमात् मिलितयोः संभाषणैः जानतोः दम्पत्योः इह कः न कः न तमसि व्रीडा-विमिश्रः रसः ॥

āśleṣāt anu cumbanāt anu nakha-ullekhāt anu svāntaja- prodbodhāt anu saṃbhramāt anu rata-ārambhāt anu prītayoḥ / anya-artham gatayoḥ bhramāt militayoḥ saṃbhāṣaṇaiḥ jānatoḥ dampatyoḥ iha kaḥ na kaḥ na tamasi vrīḍā-vimiśraḥ rasaḥ //

Sanskrit only: no published translation is held for this verse.

सभय-चकितम् विन्यस्यन्तीम् दृशम् तिमिरे पथि प्रतितरु मुहुः स्थित्वा मन्दम् पदानि वितन्वतीम् । कथम् अपि रहः प्राप्ताम् अङ्गैः अनङ्ग-तरङ्गिभिः सुमुखि सुभगः पश्यन् सः त्वाम् उपैतु कृत-अर्थताम् ॥

sabhaya-cakitam vinyasyantīm dṛśam timire pathi pratitaru muhuḥ sthitvā mandam padāni vitanvatīm / katham api rahaḥ prāptām aṅgaiḥ anaṅga-taraṅgibhiḥ sumukhi subhagaḥ paśyan saḥ tvām upaitu kṛta-arthatām //

Sanskrit only: no published translation is held for this verse.

राधा-मुग्ध-मुखारविन्द-मधुपस् त्रैलोक्य-मौलि-स्थली नेपथ्योचित-नील-रत्नम् अवनी-भारावतारान्तकः । स्वच्छन्दं व्रज-सुन्दरी-जन-मनस्-तोष-प्रदोषोदयः कंस-ध्वंसन-धूम-केतुर् अवतु त्वां देवकी-नन्दनः

rādhā-mugdha-mukhāravinda-madhupas trailokya-mauli-sthalī nepathyocita-nīla-ratnam avanī-bhārāvatārāntakaḥ | svacchandaṃ vraja-sundarī-jana-manas-toṣa-pradoṣodayaḥ kaṃsa-dhvaṃsana-dhūma-ketur avatu tvāṃ devakī-nandanaḥ

Sanskrit only: no published translation is held for this verse.