Gopalabhatta: Haribhaktivilasa 5

गीतादिभिश् च सन्तोष्य कृष्णम् अस्मै ततो ऽखिलम् । अशक्तो बहिर् अर्चायाम् अर्पयेज् जपम् आचरेत्

gītādibhiś ca santoṣya kṛṣṇam asmai tato 'khilam | aśakto bahir arcāyām arpayej japam ācaret

Sanskrit only: no published translation is held for this verse.

अथान्तर्-याग-माहात्म्यम् वैष्णव-तन्त्रे- अश्वमेध-सहस्राणि वाजपेय-शतानि च । एकस्य ध्यान-योगस्य कलां नार्हन्ति षोडशीम्

athāntar-yāga-māhātmyam vaiṣṇava-tantre- aśvamedha-sahasrāṇi vājapeya-śatāni ca | ekasya dhyāna-yogasya kalāṃ nārhanti ṣoḍaśīm

Sanskrit only: no published translation is held for this verse.

बृहन्-नारदीये (१।११।१२) श्री-वामन-प्रादुर्भावे- यन्-नामोच्चारणाद् एव सर्वे नश्यन्त्य् उपद्रवाः । स्तोत्रैर् वा अर्हणाभिर् वा किम् उ ध्यानेन कथ्यते

bṛhan-nāradīye (1.11.12) śrī-vāmana-prādurbhāve- yan-nāmoccāraṇād eva sarve naśyanty upadravāḥ | stotrair vā arhaṇābhir vā kim u dhyānena kathyate

Sanskrit only: no published translation is held for this verse.

नारद-पञ्चरात्रे श्री-भगवन्-नारद-संवादे- अयं यो मानसो यागो जरा-व्याधि-भयापहः । सर्व-पापौघ-शमनो भावाभाव-करो द्विज । सतताभ्यास-योगेन देह-बन्धाद् विमोचयेत्

nārada-pañcarātre śrī-bhagavan-nārada-saṃvāde- ayaṃ yo mānaso yāgo jarā-vyādhi-bhayāpahaḥ | sarva-pāpaugha-śamano bhāvābhāva-karo dvija | satatābhyāsa-yogena deha-bandhād vimocayet

Sanskrit only: no published translation is held for this verse.

यश् चैवं परया भक्त्या सकृत् कुर्यान् महामते । क्रमोदितेन विधिना तस्य तुष्याम्य् अहं मुने

yaś caivaṃ parayā bhaktyā sakṛt kuryān mahāmate | kramoditena vidhinā tasya tuṣyāmy ahaṃ mune

Sanskrit only: no published translation is held for this verse.

स्मरण-ध्यानयोः पूर्वं माहात्म्यं लिखितं च यत् । ज्ञेयं तद्-अधिकं चात्रान्तर्यागाङ्गतया तयोः

smaraṇa-dhyānayoḥ pūrvaṃ māhātmyaṃ likhitaṃ ca yat | jñeyaṃ tad-adhikaṃ cātrāntaryāgāṅgatayā tayoḥ

Sanskrit only: no published translation is held for this verse.

एवं यथा-सम्प्रदायं शक्त्या यावन्-मनः-सुखम् । अन्तः-पूजां विधायादाव् आरभेत बहिस् ततः

evaṃ yathā-sampradāyaṃ śaktyā yāvan-manaḥ-sukham | antaḥ-pūjāṃ vidhāyādāv ārabheta bahis tataḥ

Sanskrit only: no published translation is held for this verse.

तथा चोक्तं नारदेन- ध्यात्वा षोडश-सङ्ख्यातैर् उपचारैश् च मानसैः । सम्यग् आराधनं कृत्वा बाह्य-पूजां समाचरेत्

tathā coktaṃ nāradena- dhyātvā ṣoḍaśa-saṅkhyātair upacāraiś ca mānasaiḥ | samyag ārādhanaṃ kṛtvā bāhya-pūjāṃ samācaret

Sanskrit only: no published translation is held for this verse.

अथ बहिः-पूजा अनुज्ञां देहि भगवन् बहिर् योगे मम प्रभो । श्री-कृष्णम् इत्य् अनुज्ञाप्य बहिः पूजां समाचरेत्

atha bahiḥ-pūjā anujñāṃ dehi bhagavan bahir yoge mama prabho | śrī-kṛṣṇam ity anujñāpya bahiḥ pūjāṃ samācaret

Sanskrit only: no published translation is held for this verse.

तत्र त्व् अनेकशः सन्ति पूजा-स्थानानि तत्र च । श्री-मूर्तयो बहु-विधाः शालग्राम-शिलास् तथा

tatra tv anekaśaḥ santi pūjā-sthānāni tatra ca | śrī-mūrtayo bahu-vidhāḥ śālagrāma-śilās tathā

Sanskrit only: no published translation is held for this verse.

अथ पूजा-स्थानानि संमोहन-तन्त्रे- शालग्रामे मनौ यन्त्रे स्थण्डिले प्रतिमादिषु । हरेः पूजा तु कर्तव्या केवले भूतले न तु

atha pūjā-sthānāni saṃmohana-tantre- śālagrāme manau yantre sthaṇḍile pratimādiṣu | hareḥ pūjā tu kartavyā kevale bhūtale na tu

Sanskrit only: no published translation is held for this verse.

एकादश-स्कन्धे [भ्प् ११।११।४२-४६] श्रीमद्-उद्धव-संवादे- सूर्यो ऽग्निर् ब्राह्मणा गावो वैष्णवः खं मरुज् जलम् । भूर् आत्मा सर्व-भूतानि भद्र पूजा-पदानि मे

ekādaśa-skandhe [BhP 11.11.42-46] śrīmad-uddhava-saṃvāde- sūryo 'gnir brāhmaṇā gāvo vaiṣṇavaḥ khaṃ maruj jalam | bhūr ātmā sarva-bhūtāni bhadra pūjā-padāni me

Sanskrit only: no published translation is held for this verse.

सूर्ये तु विद्यया त्रय्या हविषाग्नौ यजेत माम् । आतिथ्येन तु विप्राग्र्ये गोष्व् अङ्ग यवसादिना

sūrye tu vidyayā trayyā haviṣāgnau yajeta mām | ātithyena tu viprāgrye goṣv aṅga yavasādinā

Sanskrit only: no published translation is held for this verse.

वैष्णवे बन्धु-सत्-कृत्या हृदि खे ध्यान-निष्ठया । वायौ मुख्य-धिया तोये द्रव्यैस् तोय-पुरः-सरैः

vaiṣṇave bandhu-sat-kṛtyā hṛdi khe dhyāna-niṣṭhayā | vāyau mukhya-dhiyā toye dravyais toya-puraḥ-saraiḥ

Sanskrit only: no published translation is held for this verse.

स्थण्डिले मन्त्र-हृदयैर् भोगैर् आत्मानम् आत्मनि । क्षेत्र-ज्ञं सर्व-भूतेषु समत्वेन यजेत माम्

sthaṇḍile mantra-hṛdayair bhogair ātmānam ātmani | kṣetra-jñaṃ sarva-bhūteṣu samatvena yajeta mām

Sanskrit only: no published translation is held for this verse.

धिष्ण्येष्व् इत्य् एषु मद्-रूपं शङ्ख-चक्र-गदाम्बुजैः । युक्तं चतुर्-भुजं शान्तं ध्यायन्न् अर्चेत् समाहितः

dhiṣṇyeṣv ity eṣu mad-rūpaṃ śaṅkha-cakra-gadāmbujaiḥ | yuktaṃ catur-bhujaṃ śāntaṃ dhyāyann arcet samāhitaḥ

Sanskrit only: no published translation is held for this verse.

अथ श्री-मूर्तयः तत्रैव [भ्प् ११।२७।१२-१४]- शैली दारुमयी लौही लेप्या लेख्या च सैकती । मनोमयी मणिमयी प्रतिमाष्ट-विधा मता

atha śrī-mūrtayaḥ tatraiva [BhP 11.27.12-14]- śailī dārumayī lauhī lepyā lekhyā ca saikatī | manomayī maṇimayī pratimāṣṭa-vidhā matā

Sanskrit only: no published translation is held for this verse.

चलाचलेति द्वि-विधा प्रतिष्ठा जीव-मन्दिरम् । उद्वासावाहने न स्तः स्थिरायाम् उद्धवार्चने

calācaleti dvi-vidhā pratiṣṭhā jīva-mandiram | udvāsāvāhane na staḥ sthirāyām uddhavārcane

Sanskrit only: no published translation is held for this verse.

अस्थिरायां विकल्पः स्यात् स्थण्डिले तु भवेद् द्वयम् । स्नपनं त्व् अविलेप्यायाम् अन्यत्र परिमार्जनम्

asthirāyāṃ vikalpaḥ syāt sthaṇḍile tu bhaved dvayam | snapanaṃ tv avilepyāyām anyatra parimārjanam

Sanskrit only: no published translation is held for this verse.

गोपाल-मन्त्रोद्दिष्टत्वात् तच्-छ्री-मूर्तिर् अपेक्षिता । तथापि वैष्णव-प्रीत्यै लेख्याः श्री-मूर्तयो ऽखिलाः

gopāla-mantroddiṣṭatvāt tac-chrī-mūrtir apekṣitā | tathāpi vaiṣṇava-prītyai lekhyāḥ śrī-mūrtayo 'khilāḥ

Sanskrit only: no published translation is held for this verse.

अथ श्री-मूर्ति-लक्षणानि श्री-हयशीर्ष-पञ्चरात्रे श्री-भगवत्-श्री-हयशीर्ष-ब्रह्म-संवादे- आदि-मूर्तिर् वासुदेवः सङ्कर्षणम् अथासृजत् । चतुर्मूर्तिः परं प्रोक्तं एकैको भिद्यते त्रिधा । केशवादि-प्रभेदेन मूर्ति-द्वादशकं स्मृतम्

atha śrī-mūrti-lakṣaṇāni śrī-hayaśīrṣa-pañcarātre śrī-bhagavat-śrī-hayaśīrṣa-brahma-saṃvāde- ādi-mūrtir vāsudevaḥ saṅkarṣaṇam athāsṛjat | caturmūrtiḥ paraṃ proktaṃ ekaiko bhidyate tridhā | keśavādi-prabhedena mūrti-dvādaśakaṃ smṛtam

Sanskrit only: no published translation is held for this verse.

पङ्कजं दक्षिणे दद्यात् पाञ्चजन्यं तथोपरि । वामोपरि गदा यस्य चक्रं चाधो व्यवस्थितम् । आदि-मूर्तेस् तु भेदो ऽयं केशवेति पर्कीर्त्यते

paṅkajaṃ dakṣiṇe dadyāt pāñcajanyaṃ tathopari | vāmopari gadā yasya cakraṃ cādho vyavasthitam | ādi-mūrtes tu bhedo 'yaṃ keśaveti parkīrtyate

Sanskrit only: no published translation is held for this verse.

अधरोत्तर-भावेन कृतम् एतत् तु यत्र वै । नारायणाख्या सा मूर्तिः स्थापिता भुक्ति-मुक्तिदा

adharottara-bhāvena kṛtam etat tu yatra vai | nārāyaṇākhyā sā mūrtiḥ sthāpitā bhukti-muktidā

Sanskrit only: no published translation is held for this verse.

सव्याधः पङ्कजं यस्य पाञ्चजन्यं तथोपरि । दक्षिणोर्ध्वे गदा यस्य चक्रं चाधो व्यवस्थितम् । आदिमूर्तेस् तु भेदो ऽयं माधवेति प्रकीर्त्यते

savyādhaḥ paṅkajaṃ yasya pāñcajanyaṃ tathopari | dakṣiṇordhve gadā yasya cakraṃ cādho vyavasthitam | ādimūrtes tu bhedo 'yaṃ mādhaveti prakīrtyate

Sanskrit only: no published translation is held for this verse.

दक्षिणाधः-स्थितं चक्रं गदा यस्योपरि स्थिता । वामोर्ध्व-संस्थितं पद्मं शङ्खं चाधो व्यवस्थितम् । सङ्कर्षणस्य भेदो ऽयं गोविन्देति प्रकीर्त्यते

dakṣiṇādhaḥ-sthitaṃ cakraṃ gadā yasyopari sthitā | vāmordhva-saṃsthitaṃ padmaṃ śaṅkhaṃ cādho vyavasthitam | saṅkarṣaṇasya bhedo 'yaṃ govindeti prakīrtyate

Sanskrit only: no published translation is held for this verse.

दक्षिणोपरि पद्मं तु गदा चाधो व्यवस्थिता । सङ्कर्षणस्य भेदो ऽयं विष्णुर् इत्य् अभिशब्द्यते

dakṣiṇopari padmaṃ tu gadā cādho vyavasthitā | saṅkarṣaṇasya bhedo 'yaṃ viṣṇur ity abhiśabdyate

Sanskrit only: no published translation is held for this verse.

दक्षिणोपरि शङ्खं च चक्रं चाधः प्रदर्श्यते । वामोपरि तथा पद्मं गदा चाधः प्रदर्श्यते । मधुसूदन-नामायं भेदः सङ्कर्षणस्य च

dakṣiṇopari śaṅkhaṃ ca cakraṃ cādhaḥ pradarśyate | vāmopari tathā padmaṃ gadā cādhaḥ pradarśyate | madhusūdana-nāmāyaṃ bhedaḥ saṅkarṣaṇasya ca

Sanskrit only: no published translation is held for this verse.

वामोर्ध्व-संस्थितं चक्रम् अधः शङ्खं प्रदर्श्यते । ब्रह्माण्डगं वाम-पादं दक्षिणं शेष-पृष्ठगम्

vāmordhva-saṃsthitaṃ cakram adhaḥ śaṅkhaṃ pradarśyate | brahmāṇḍagaṃ vāma-pādaṃ dakṣiṇaṃ śeṣa-pṛṣṭhagam

Sanskrit only: no published translation is held for this verse.

दक्षिणोर्ध्वं सहस्रारं पाञ्चजन्यम् अधः-स्थितम् । सप्त-ताल-प्रमाणेन वामनं कारयेत् सदा

dakṣiṇordhvaṃ sahasrāraṃ pāñcajanyam adhaḥ-sthitam | sapta-tāla-pramāṇena vāmanaṃ kārayet sadā

Sanskrit only: no published translation is held for this verse.

ऊर्ध्वं दक्षिणतश् चक्रम् अधः पद्मं व्यवस्थितम् । पद्मा पद्म-करा वामे पार्श्वे यस्य व्यवस्थिता

ūrdhvaṃ dakṣiṇataś cakram adhaḥ padmaṃ vyavasthitam | padmā padma-karā vāme pārśve yasya vyavasthitā

Sanskrit only: no published translation is held for this verse.

स्थितो वाप्य् उपविष्टो वा सानुरागो विलासवान् । प्रद्युम्नस्य हि भेदो ऽयं श्रीधरेति प्रकीर्त्यते

sthito vāpy upaviṣṭo vā sānurāgo vilāsavān | pradyumnasya hi bhedo 'yaṃ śrīdhareti prakīrtyate

Sanskrit only: no published translation is held for this verse.

दक्षिणोर्ध्वं महा-चक्रं कौमुदी तद्-अधः-स्थिता । वामोर्ध्वे नलिनं यस्य अधः शङ्खं विराजते । हृषीकेशेति विज्ञेयः स्थापितः सर्व-कामदः

dakṣiṇordhvaṃ mahā-cakraṃ kaumudī tad-adhaḥ-sthitā | vāmordhve nalinaṃ yasya adhaḥ śaṅkhaṃ virājate | hṛṣīkeśeti vijñeyaḥ sthāpitaḥ sarva-kāmadaḥ

Sanskrit only: no published translation is held for this verse.

दक्षिणोर्ध्वे पुण्डरीकं पाञ्चजन्यम् अधस् तथा । वामोर्ध्वे संस्थितं चक्रं कौमुदी तद्-अधः-स्थिता । पद्मनाभेति सा मूर्तिः स्थापिता मोक्ष-दायिनी

dakṣiṇordhve puṇḍarīkaṃ pāñcajanyam adhas tathā | vāmordhve saṃsthitaṃ cakraṃ kaumudī tad-adhaḥ-sthitā | padmanābheti sā mūrtiḥ sthāpitā mokṣa-dāyinī

Sanskrit only: no published translation is held for this verse.

दक्षिणोर्ध्वे पाञ्चजन्यम् अधस्तात् तु कुशेशयम् । सवोर्ध्वे कौमुदी चैव हेति-राजम् अधः-स्थितम् । अनिरुद्धस्य भेदो ऽयं दामोदर इति स्मृतः

dakṣiṇordhve pāñcajanyam adhastāt tu kuśeśayam | savordhve kaumudī caiva heti-rājam adhaḥ-sthitam | aniruddhasya bhedo 'yaṃ dāmodara iti smṛtaḥ

Sanskrit only: no published translation is held for this verse.

एतेषां तु स्त्रियौ कार्ये पद्म-वीणाधरे शुभे

eteṣāṃ tu striyau kārye padma-vīṇādhare śubhe

Sanskrit only: no published translation is held for this verse.

इति क्रमेण मार्गाधिमासाधिपाः केशवादयो द्वादश । अथ चतुर्विंशति-मूर्तयः सिद्धार्थ-संहितायाम्- वासुदेवो गदा-शङ्ख-चक्र-पद्म-धरो मतः । पद्मं शङ्खं तथा चक्रं गदां वहति केशवः

iti krameṇa mārgādhimāsādhipāḥ keśavādayo dvādaśa | atha caturviṃśati-mūrtayaḥ siddhārtha-saṃhitāyām- vāsudevo gadā-śaṅkha-cakra-padma-dharo mataḥ | padmaṃ śaṅkhaṃ tathā cakraṃ gadāṃ vahati keśavaḥ

Sanskrit only: no published translation is held for this verse.

शङ्खं पद्मं गदां चक्रं धत्ते नारायणः सदा । गदां चक्रं तथा शङ्खं पद्मं वहति माधवः

śaṅkhaṃ padmaṃ gadāṃ cakraṃ dhatte nārāyaṇaḥ sadā | gadāṃ cakraṃ tathā śaṅkhaṃ padmaṃ vahati mādhavaḥ

Sanskrit only: no published translation is held for this verse.

चक्रं पद्मं तथा शङ्खं गदां च पुरुषोत्तमः । पद्मं कौमोदकीं शङ्खं चक्रं धत्तेऽप्य् अधोक्षजः

cakraṃ padmaṃ tathā śaṅkhaṃ gadāṃ ca puruṣottamaḥ | padmaṃ kaumodakīṃ śaṅkhaṃ cakraṃ dhatte'py adhokṣajaḥ

Sanskrit only: no published translation is held for this verse.

सङ्कर्षणो गदा-शङ्ख-पद्म-चक्र-धरः स्मृतः । चक्रं गदां पद्म-शङ्खौ गोविन्दो धरते भुजैः

saṅkarṣaṇo gadā-śaṅkha-padma-cakra-dharaḥ smṛtaḥ | cakraṃ gadāṃ padma-śaṅkhau govindo dharate bhujaiḥ

Sanskrit only: no published translation is held for this verse.

गदां पद्मं तथा शङ्खं चक्रं विष्णुर् बिभर्ति यः । चक्रं शङ्खं तथा पद्मं गदां च मधुसूदनः

gadāṃ padmaṃ tathā śaṅkhaṃ cakraṃ viṣṇur bibharti yaḥ | cakraṃ śaṅkhaṃ tathā padmaṃ gadāṃ ca madhusūdanaḥ

Sanskrit only: no published translation is held for this verse.

गदां सरोजं चक्रं च शङ्खं धत्तेऽच्युतः सदा । शङ्खं कौमोदकीं चक्रम् उपेन्द्रः पद्मम् उद्वहेत्

gadāṃ sarojaṃ cakraṃ ca śaṅkhaṃ dhatte'cyutaḥ sadā | śaṅkhaṃ kaumodakīṃ cakram upendraḥ padmam udvahet

Sanskrit only: no published translation is held for this verse.

चक्र-शङ्ख-गदा-पद्म-धरः प्रद्युम्न उच्यते । पद्मं कौमोदकीं चक्रं शङ्खं धत्ते त्रिविक्रमः

cakra-śaṅkha-gadā-padma-dharaḥ pradyumna ucyate | padmaṃ kaumodakīṃ cakraṃ śaṅkhaṃ dhatte trivikramaḥ

Sanskrit only: no published translation is held for this verse.

शङ्खं चक्रं गदां पद्मं वामनो वहते सदा । पद्मं चक्रं गदां शङ्खं श्रीधरो वहते भुजैः

śaṅkhaṃ cakraṃ gadāṃ padmaṃ vāmano vahate sadā | padmaṃ cakraṃ gadāṃ śaṅkhaṃ śrīdharo vahate bhujaiḥ

Sanskrit only: no published translation is held for this verse.

चक्रं पद्मं गदां शङ्खं नरसिंहो बिभर्ति यः । पद्मं सुदर्शनं शङ्खं गदां धत्ते जनार्दनः

cakraṃ padmaṃ gadāṃ śaṅkhaṃ narasiṃho bibharti yaḥ | padmaṃ sudarśanaṃ śaṅkhaṃ gadāṃ dhatte janārdanaḥ

Sanskrit only: no published translation is held for this verse.

अनिरुद्धश् चक्र-गदा-शङ्ख-पद्म-लसद्-भुजः । हृषीकेशो गदां चक्रं पद्मं शङ्खं च धारयेत्

aniruddhaś cakra-gadā-śaṅkha-padma-lasad-bhujaḥ | hṛṣīkeśo gadāṃ cakraṃ padmaṃ śaṅkhaṃ ca dhārayet

Sanskrit only: no published translation is held for this verse.

पद्मनाभो वहेत् शङ्खं पद्मं चक्रं गदां तथा । पद्मं चक्रं गदां शङ्खं धत्ते दामोदरः सदा

padmanābho vahet śaṅkhaṃ padmaṃ cakraṃ gadāṃ tathā | padmaṃ cakraṃ gadāṃ śaṅkhaṃ dhatte dāmodaraḥ sadā

Sanskrit only: no published translation is held for this verse.

शङ्खं चक्रं सरोजं च गदां वहति यो हरिः । शङ्खं कौमोदकीं पद्मं चक्रं विष्णुर् बिभर्ति यः

śaṅkhaṃ cakraṃ sarojaṃ ca gadāṃ vahati yo hariḥ | śaṅkhaṃ kaumodakīṃ padmaṃ cakraṃ viṣṇur bibharti yaḥ

Sanskrit only: no published translation is held for this verse.

एताश् च मूर्तयो ज्ञेया दक्षिणाधः-कर-क्रमात्

etāś ca mūrtayo jñeyā dakṣiṇādhaḥ-kara-kramāt

Sanskrit only: no published translation is held for this verse.

मत्स्य-पुराणे च- एतद्-उद्देशतः प्रोक्तं प्रतिमा-लक्षणं तथा । विस्तरेण न शक्नोति बृहस्पतिर् अपि द्विजाः

matsya-purāṇe ca- etad-uddeśataḥ proktaṃ pratimā-lakṣaṇaṃ tathā | vistareṇa na śaknoti bṛhaspatir api dvijāḥ

Sanskrit only: no published translation is held for this verse.

। इति । सेवा-निष्ठा हरेः श्रीमद्-वैष्णवाः पाञ्चरात्रिकाः । प्राकट्याद् अखिलाङ्गानां श्री-मूर्तिं बहु मन्यते

| iti | sevā-niṣṭhā hareḥ śrīmad-vaiṣṇavāḥ pāñcarātrikāḥ | prākaṭyād akhilāṅgānāṃ śrī-mūrtiṃ bahu manyate

Sanskrit only: no published translation is held for this verse.

सेव्या निज-निजैर् एव मन्त्रैः स्व-स्वेष्ट-मूर्तयः । शालग्रामात्मके रूपे नियमो नैव विद्यते

sevyā nija-nijair eva mantraiḥ sva-sveṣṭa-mūrtayaḥ | śālagrāmātmake rūpe niyamo naiva vidyate

Sanskrit only: no published translation is held for this verse.

द्विभुजा जलद-श्यामा त्रिभङ्गी मधुराकृतिः । सेव्या ध्यानानुरूपैश् च मूर्तिः कृष्णस्य दैवतैः

dvibhujā jalada-śyāmā tribhaṅgī madhurākṛtiḥ | sevyā dhyānānurūpaiś ca mūrtiḥ kṛṣṇasya daivataiḥ

Sanskrit only: no published translation is held for this verse.

अन्याश् च विविधा श्रीमद्-अवतारादि-मूर्तयः । प्रादुर्भाव-विधाव् अग्रे लेख्यास् तत्-तद्-विशेषतः

anyāś ca vividhā śrīmad-avatārādi-mūrtayaḥ | prādurbhāva-vidhāv agre lekhyās tat-tad-viśeṣataḥ

Sanskrit only: no published translation is held for this verse.

नित्य-कर्म-प्रसङ्गेऽत्र मूर्ति-जन्म-प्रतिष्ठयोः । विधिर् न लिखितुं योग्यः स तु लेखिष्यतेऽग्रतः

nitya-karma-prasaṅge'tra mūrti-janma-pratiṣṭhayoḥ | vidhir na likhituṃ yogyaḥ sa tu lekhiṣyate'grataḥ

Sanskrit only: no published translation is held for this verse.

अथ शालग्राम-शिलाः गौतमीय-तन्त्रे- गण्डक्याश् चैव देशे च शालग्राम-स्थलं महत् । पाषाणं तद्-भवं यत् तत् शालग्रामम् इति स्मृतम्

atha śālagrāma-śilāḥ gautamīya-tantre- gaṇḍakyāś caiva deśe ca śālagrāma-sthalaṃ mahat | pāṣāṇaṃ tad-bhavaṃ yat tat śālagrāmam iti smṛtam

Sanskrit only: no published translation is held for this verse.

स्कन्द-पुराणे- स्निग्धा कृष्णा पाण्डरा वा पीता नीला तथैव च । वक्रा रुक्षा च रक्ता च महा-स्थूला त्व् अलाञ्छिता

skanda-purāṇe- snigdhā kṛṣṇā pāṇḍarā vā pītā nīlā tathaiva ca | vakrā rukṣā ca raktā ca mahā-sthūlā tv alāñchitā

Sanskrit only: no published translation is held for this verse.

कपिला दर्दुरा भग्ना बहु-चक्रैक-चक्रिका । बृहन्-मुखी बृहच्-चक्रा लग्न-चक्राथवा पुनः । बद्ध-चक्राथवा काचिद् भग्न-चक्रा त्व् अधोमुखी

kapilā dardurā bhagnā bahu-cakraika-cakrikā | bṛhan-mukhī bṛhac-cakrā lagna-cakrāthavā punaḥ | baddha-cakrāthavā kācid bhagna-cakrā tv adhomukhī

Sanskrit only: no published translation is held for this verse.

अथ तासां वर्णादि-भेदेन गुण-दोषौ तत्रैव- स्निग्धा सिद्धि-करी मन्त्रे कृष्णा कीर्तिं ददाति च । पाण्डरा पाप-दहनी पीता पुत्र-फल-प्रदा

atha tāsāṃ varṇādi-bhedena guṇa-doṣau tatraiva- snigdhā siddhi-karī mantre kṛṣṇā kīrtiṃ dadāti ca | pāṇḍarā pāpa-dahanī pītā putra-phala-pradā

Sanskrit only: no published translation is held for this verse.

नीला सन्दिशते लक्ष्मीं रक्ता रोग-प्रदायिका । रक्षा चोद्वेगदा नित्यं वक्रा दारिद्र्य-दायिका

nīlā sandiśate lakṣmīṃ raktā roga-pradāyikā | rakṣā codvegadā nityaṃ vakrā dāridrya-dāyikā

Sanskrit only: no published translation is held for this verse.

स्थूला निहति चैवायुर् निष्फला तु अलाञ्छिता । कपिला कर्बुरा भग्ना बहु-चक्रैक-चक्रिका

sthūlā nihati caivāyur niṣphalā tu alāñchitā | kapilā karburā bhagnā bahu-cakraika-cakrikā

Sanskrit only: no published translation is held for this verse.

बृहन्-मुखी बृहच्-चक्रा लग्न-चक्राथवा पुनः

bṛhan-mukhī bṛhac-cakrā lagna-cakrāthavā punaḥ

Sanskrit only: no published translation is held for this verse.

बद्ध-चक्राथवा या स्याद् भग्न-चक्रा त्व् अधो-मुखी । पूजयेद् यः प्रमादेन दुःखम् एव लभेत सः

baddha-cakrāthavā yā syād bhagna-cakrā tv adho-mukhī | pūjayed yaḥ pramādena duḥkham eva labheta saḥ

Sanskrit only: no published translation is held for this verse.

अग्नि-पुराणे च- तथा व्याल-मुखी भग्ना विषया बद्ध-चक्रिका । विकारावर्तनाभिश् च नारसिंही तथैव च

agni-purāṇe ca- tathā vyāla-mukhī bhagnā viṣayā baddha-cakrikā | vikārāvartanābhiś ca nārasiṃhī tathaiva ca

Sanskrit only: no published translation is held for this verse.

कपिला विभ्रमावर्ता रेखावर्ता च या शिला । दुःखदा सा तु विज्ञेया सुखदा न कदाचन

kapilā vibhramāvartā rekhāvartā ca yā śilā | duḥkhadā sā tu vijñeyā sukhadā na kadācana

Sanskrit only: no published translation is held for this verse.

स्निग्धा श्यामा तथा मुक्तामाया वा सम-चक्रिका । घोणि-मूर्तिर् अनन्ताख्या गम्भीरा सम्पुटा तथा

snigdhā śyāmā tathā muktāmāyā vā sama-cakrikā | ghoṇi-mūrtir anantākhyā gambhīrā sampuṭā tathā

Sanskrit only: no published translation is held for this verse.

सूक्ष्म-मूर्तिर् अमूर्तिश् च सम्मुखा सिद्धि-दायिका । धात्री-फल-प्रमाणा या करेणोभय-सम्पुटा । पूजनीया प्रयत्नेन शिला चैतादृशी शुभा

sūkṣma-mūrtir amūrtiś ca sammukhā siddhi-dāyikā | dhātrī-phala-pramāṇā yā kareṇobhaya-sampuṭā | pūjanīyā prayatnena śilā caitādṛśī śubhā

Sanskrit only: no published translation is held for this verse.

इष्टा तु यस्य या मूर्तिः स तां यत्नेन पूजयेत् । पूजिते फलम् आप्नोति इह-लोके परत्र च

iṣṭā tu yasya yā mūrtiḥ sa tāṃ yatnena pūjayet | pūjite phalam āpnoti iha-loke paratra ca

Sanskrit only: no published translation is held for this verse.

दोषाश् चैते स-कामार्चन-विषयाः यत उक्तं श्री-भगवता ब्राह्मे- खण्डितं स्फुटितं भग्नं पार्श्व-भिन्नं विभेदितम् । शालग्राम-समुद्भूतं शैलं दोषावहं न हि

doṣāś caite sa-kāmārcana-viṣayāḥ yata uktaṃ śrī-bhagavatā brāhme- khaṇḍitaṃ sphuṭitaṃ bhagnaṃ pārśva-bhinnaṃ vibheditam | śālagrāma-samudbhūtaṃ śailaṃ doṣāvahaṃ na hi

Sanskrit only: no published translation is held for this verse.

श्री-रुद्रेण च स्कान्दे- खण्डितं त्रुटितं भग्नं शालग्रामे न दोष-भाक् । इष्टा तु यस्य या मूर्तिः स तां यत्नेन पूजयेत्

śrī-rudreṇa ca skānde- khaṇḍitaṃ truṭitaṃ bhagnaṃ śālagrāme na doṣa-bhāk | iṣṭā tu yasya yā mūrtiḥ sa tāṃ yatnena pūjayet

Sanskrit only: no published translation is held for this verse.

तथा- चक्रं वा केवलं तत्र पद्मेन सह संयुतम् । केवला वनमाला वा हरिर् लक्ष्म्या सह स्थितः

tathā- cakraṃ vā kevalaṃ tatra padmena saha saṃyutam | kevalā vanamālā vā harir lakṣmyā saha sthitaḥ

Sanskrit only: no published translation is held for this verse.

मुख्याः स्निघ्दादयस् तत्रामुख्या रक्तादयो मताः । मुख्याभावे त्व् अमुख्या हि पूज्या इत्य् उच्यते परैः

mukhyāḥ snighdādayas tatrāmukhyā raktādayo matāḥ | mukhyābhāve tv amukhyā hi pūjyā ity ucyate paraiḥ

Sanskrit only: no published translation is held for this verse.

अथ तासाम् एव लक्षण-विशेषेण संज्ञ-विशेषः ब्राह्मे श्री-भगवद्-ब्रह्म-संवादे- निवसामि सदा ब्रह्मन् शालाग्रामाख्य-वेश्मनि । तत्रैव रथ-चक्राङ्क-भेद-नामानि मे शृणु

atha tāsām eva lakṣaṇa-viśeṣeṇa saṃjña-viśeṣaḥ brāhme śrī-bhagavad-brahma-saṃvāde- nivasāmi sadā brahman śālāgrāmākhya-veśmani | tatraiva ratha-cakrāṅka-bheda-nāmāni me śṛṇu

Sanskrit only: no published translation is held for this verse.

द्वार-देशे समे चक्रे दृश्यते नान्तरीयके । वासुदेवः स विज्ञेयः शुक्लाभश् चातिशोभनः

dvāra-deśe same cakre dṛśyate nāntarīyake | vāsudevaḥ sa vijñeyaḥ śuklābhaś cātiśobhanaḥ

Sanskrit only: no published translation is held for this verse.

द्वे चक्रे एक-लग्ने तु पूर्व-भागस् तु पुष्कलः । सङ्कर्षणाख्यो विज्ञेयो रक्ताभिश् चातिशोभनः

dve cakre eka-lagne tu pūrva-bhāgas tu puṣkalaḥ | saṅkarṣaṇākhyo vijñeyo raktābhiś cātiśobhanaḥ

Sanskrit only: no published translation is held for this verse.

प्रद्युम्नः सूक्ष्म-चक्रस् तु पीत-दीप्तिस् तथैव च । शुषिरं छिद्र-बहुलं दीर्घाकारं तु तद् भवेत्

pradyumnaḥ sūkṣma-cakras tu pīta-dīptis tathaiva ca | śuṣiraṃ chidra-bahulaṃ dīrghākāraṃ tu tad bhavet

Sanskrit only: no published translation is held for this verse.

अनिरुद्धस् तु नीलाभो वर्तुलश् चातिशोभनः । रेखा-त्रयं तु तद् द्वारि पृष्ठं पद्मेन लाञ्छितम्

aniruddhas tu nīlābho vartulaś cātiśobhanaḥ | rekhā-trayaṃ tu tad dvāri pṛṣṭhaṃ padmena lāñchitam

Sanskrit only: no published translation is held for this verse.

सौभाग्यं केशवो दद्यात् चतुष्कोणो भवेत् तु यः । श्यामं नारायणं विद्यान् नाभि-चक्रं तथोन्नतम्

saubhāgyaṃ keśavo dadyāt catuṣkoṇo bhavet tu yaḥ | śyāmaṃ nārāyaṇaṃ vidyān nābhi-cakraṃ tathonnatam

Sanskrit only: no published translation is held for this verse.

दीर्घ-रेखा-समोपेतं दक्षिणे शुषिरं पृथु । ऊर्ध्वं मुखं विजानीयात् द्वारे च हरि-रूपिणम्

dīrgha-rekhā-samopetaṃ dakṣiṇe śuṣiraṃ pṛthu | ūrdhvaṃ mukhaṃ vijānīyāt dvāre ca hari-rūpiṇam

Sanskrit only: no published translation is held for this verse.

कामदं मोक्षदं चैव अर्थदं च विशेषतः । परमेष्ठी लोहितभः पद्म-चक्र-समन्वितः

kāmadaṃ mokṣadaṃ caiva arthadaṃ ca viśeṣataḥ | parameṣṭhī lohitabhaḥ padma-cakra-samanvitaḥ

Sanskrit only: no published translation is held for this verse.

बिल्वाकृतिस् तथा पृष्ठे शुषिरं चातिपुष्कलम् । कृष्ण-वर्णस् तथा विष्णुः स्थूले चक्रे सुशोभनः । ब्रमचर्येण पूज्यो ऽसाव् अन्यथा विघ्नदो भवेत्

bilvākṛtis tathā pṛṣṭhe śuṣiraṃ cātipuṣkalam | kṛṣṇa-varṇas tathā viṣṇuḥ sthūle cakre suśobhanaḥ | bramacaryeṇa pūjyo 'sāv anyathā vighnado bhavet

Sanskrit only: no published translation is held for this verse.

क्वचिच् च- कपिलो नरसिंहो ऽथ पृथु-चक्रे च शोभने । ब्रह्मचर्याधिकारी स्यान् नान्यथा पूजनं भवेत्

kvacic ca- kapilo narasiṃho 'tha pṛthu-cakre ca śobhane | brahmacaryādhikārī syān nānyathā pūjanaṃ bhavet

Sanskrit only: no published translation is held for this verse.

नरसिंहस् त्रिबिन्दुः स्यात् कपिलः पञ्च-बिन्दुकः । ब्रह्मचर्येण पूज्यः स्याद् अन्यथा सर्व-विघ्नदः

narasiṃhas tribinduḥ syāt kapilaḥ pañca-bindukaḥ | brahmacaryeṇa pūjyaḥ syād anyathā sarva-vighnadaḥ

Sanskrit only: no published translation is held for this verse.

स्थूलं चक्र-द्वयं मध्ये गुड-लाक्षा-सवर्णकम् । द्वारोपरि तथा रेखा पद्माकारा सुशोभना

sthūlaṃ cakra-dvayaṃ madhye guḍa-lākṣā-savarṇakam | dvāropari tathā rekhā padmākārā suśobhanā

Sanskrit only: no published translation is held for this verse.

स्फुटितं विषमं चक्रं नारसिंहं तु कापिलम् । सम्पूज्य मुक्तिम् आप्नोति संग्रामे विजयी भवेत्

sphuṭitaṃ viṣamaṃ cakraṃ nārasiṃhaṃ tu kāpilam | sampūjya muktim āpnoti saṃgrāme vijayī bhavet

Sanskrit only: no published translation is held for this verse.

पाद्मे कार्त्तिक-माहात्म्ये च- यस्य दीर्घं मुखं पूर्व-कथितैर् लक्षणैर् युतम् । रेखाश् च केशराकारा नारसिंहो मतो हि सः

pādme kārttika-māhātmye ca- yasya dīrghaṃ mukhaṃ pūrva-kathitair lakṣaṇair yutam | rekhāś ca keśarākārā nārasiṃho mato hi saḥ

Sanskrit only: no published translation is held for this verse.

ब्राह्मे [पद्मप् ५।१२०।६१]- वाराहं शक्ति-लिङ्गे च चक्रे च विषमे स्मृते । इन्द्रनील-निभं स्थूलं त्रि-रेखा-लाञ्छितं शुभम्

brāhme [PadmaP 5.120.61]- vārāhaṃ śakti-liṅge ca cakre ca viṣame smṛte | indranīla-nibhaṃ sthūlaṃ tri-rekhā-lāñchitaṃ śubham

Sanskrit only: no published translation is held for this verse.

पाद्मे च तत्रैव- वराहाकृतिर् आभुग्नश् चक्र-रेखास्व् अलङ्कृतः । वाराह इति स प्रोक्तो भुक्ति-मुक्ति-फल-प्रदः

pādme ca tatraiva- varāhākṛtir ābhugnaś cakra-rekhāsv alaṅkṛtaḥ | vārāha iti sa prokto bhukti-mukti-phala-pradaḥ

Sanskrit only: no published translation is held for this verse.

ब्राह्म एव- दीर्घा काञ्चन-वर्णा या बिन्दु-त्रय-विभूषिता । मत्स्याख्या सा शिला ज्ञेया भुक्ति-मुक्ति-फल-प्रदा

brāhma eva- dīrghā kāñcana-varṇā yā bindu-traya-vibhūṣitā | matsyākhyā sā śilā jñeyā bhukti-mukti-phala-pradā

Sanskrit only: no published translation is held for this verse.

क्वचिच् च- मत्स्य-रूपं तु देवेशं दीर्घाकारं तु यद् भवेत् । बिन्दु-त्रयम् आयुक्तं कास्य-वर्णं विशोभनम्

kvacic ca- matsya-rūpaṃ tu deveśaṃ dīrghākāraṃ tu yad bhavet | bindu-trayam āyuktaṃ kāsya-varṇaṃ viśobhanam

Sanskrit only: no published translation is held for this verse.

ब्राह्म [पद्मप् ५।१२०।६३] एव- कूर्मस् तथोन्नतः पृष्ठे वर्तुलावर्त-पूरितः । हरितं वर्णम् आधत्ते कौस्तुभेन च चिह्नितः

brāhma [PadmaP 5.120.63] eva- kūrmas tathonnataḥ pṛṣṭhe vartulāvarta-pūritaḥ | haritaṃ varṇam ādhatte kaustubhena ca cihnitaḥ

Sanskrit only: no published translation is held for this verse.

पाद्मे च तत्रैव- कूर्माकारा च चक्राङ्का शिला कूर्मः प्रकीर्तितः

pādme ca tatraiva- kūrmākārā ca cakrāṅkā śilā kūrmaḥ prakīrtitaḥ

Sanskrit only: no published translation is held for this verse.

ब्राह्म [पद्मप् ५।१२०।६४] एव- हयग्रीवो ऽङ्कुशाकारो रेखा चक्र-शमीपगाः । बहु-चक्र-समायुक्तं पृष्ठे नीरद-नीलकम्

brāhma [PadmaP 5.120.64] eva- hayagrīvo 'ṅkuśākāro rekhā cakra-śamīpagāḥ | bahu-cakra-samāyuktaṃ pṛṣṭhe nīrada-nīlakam

Sanskrit only: no published translation is held for this verse.

क्वचिच् च- हयग्रीवाङ्कुशाकारे रेखाः पञ्च भवन्ति हि । बहु-बिन्दु-समाकीर्णे दृश्यन्ते नील-रूपकाः

kvacic ca- hayagrīvāṅkuśākāre rekhāḥ pañca bhavanti hi | bahu-bindu-samākīrṇe dṛśyante nīla-rūpakāḥ

Sanskrit only: no published translation is held for this verse.

पाद्मे च तत्रैव- हायग्रीवा यथा लम्बा रेखाङ्का या शिला भवेत् । तथासौ स्याद् धयग्रीवः पूजितो ज्ञानदो भवेत्

pādme ca tatraiva- hāyagrīvā yathā lambā rekhāṅkā yā śilā bhavet | tathāsau syād dhayagrīvaḥ pūjito jñānado bhavet

Sanskrit only: no published translation is held for this verse.

किं च- अश्वाकृति मुखं यस्य साक्षमालं शिरस् तथा । पद्माकृतिर् भवेद् वापि हयशीर्षस् त्व् असौ मतः

kiṃ ca- aśvākṛti mukhaṃ yasya sākṣamālaṃ śiras tathā | padmākṛtir bhaved vāpi hayaśīrṣas tv asau mataḥ

Sanskrit only: no published translation is held for this verse.

ब्राह्मे [पद्मप् ५।१२०।६५-६७] एव- वैकुण्ठम् मणि-वर्णाभं चक्रम् एकं तथा ध्वजम् । द्वारोपरि तथा रेखा पद्माकारा सुशोभना

brāhme [PadmaP 5.120.65-67] eva- vaikuṇṭham maṇi-varṇābhaṃ cakram ekaṃ tathā dhvajam | dvāropari tathā rekhā padmākārā suśobhanā

Sanskrit only: no published translation is held for this verse.

श्रीधरस् तु तथा देवश् चिह्नितो वनमालया । कदम्ब-कुसुमाकारो रेखा-पञ्चक-भूषितः

śrīdharas tu tathā devaś cihnito vanamālayā | kadamba-kusumākāro rekhā-pañcaka-bhūṣitaḥ

Sanskrit only: no published translation is held for this verse.

वर्तुलश् चातिह्रस्वश् च वामनः परिकीर्तितः । अतसी-कुसुम-प्रख्यो बिन्दुना परिशोभितः

vartulaś cātihrasvaś ca vāmanaḥ parikīrtitaḥ | atasī-kusuma-prakhyo bindunā pariśobhitaḥ

Sanskrit only: no published translation is held for this verse.

अन्यत्र च- वामनाख्यो भवेद् देवो ह्रस्वो यः स्यान् महा-द्युतिः । ऊर्ध्व-चक्रस् त्व् अधश् चक्रः सो ऽभीष्टार्थ-प्रदो ऽर्चितः

anyatra ca- vāmanākhyo bhaved devo hrasvo yaḥ syān mahā-dyutiḥ | ūrdhva-cakras tv adhaś cakraḥ so 'bhīṣṭārtha-prado 'rcitaḥ

Sanskrit only: no published translation is held for this verse.

ब्राह्मे [पद्मप् ५।१२०।६८] एव- सुदर्शनस् तथा देवः श्याम-वर्णो महा-द्युतिः । वाम-पार्श्वे गदा-चक्रे रेखे चैव तु दक्षिणे

brāhme [PadmaP 5.120.68] eva- sudarśanas tathā devaḥ śyāma-varṇo mahā-dyutiḥ | vāma-pārśve gadā-cakre rekhe caiva tu dakṣiṇe

Sanskrit only: no published translation is held for this verse.

पाद्मे कार्त्तिक-माहात्म्ये- चक्राकारेण पङ्क्तिः सा यत्र रेखा-मयी भवेत् । स सुदर्शन इत्य् एवं ख्यातः पूजा-फल-प्रदः

pādme kārttika-māhātmye- cakrākāreṇa paṅktiḥ sā yatra rekhā-mayī bhavet | sa sudarśana ity evaṃ khyātaḥ pūjā-phala-pradaḥ

Sanskrit only: no published translation is held for this verse.

ब्राह्मे [पद्मप् ५।१२०।६९]- दामोदरस् तथा स्थूलो मध्ये चक्रं प्रतिष्ठितम् । दूर्वाभं द्वार-सङ्कीर्णं पीता रेखा तथैव च

brāhme [PadmaP 5.120.69]- dāmodaras tathā sthūlo madhye cakraṃ pratiṣṭhitam | dūrvābhaṃ dvāra-saṅkīrṇaṃ pītā rekhā tathaiva ca

Sanskrit only: no published translation is held for this verse.

पाद्मे च तत्रैव- उपर्य्-अधश् च चक्रे द्वे नातिदीर्घं मुखे बिलम् । चक्रे च रेखा लम्बैका स च दामोदरः स्मृतः

pādme ca tatraiva- upary-adhaś ca cakre dve nātidīrghaṃ mukhe bilam | cakre ca rekhā lambaikā sa ca dāmodaraḥ smṛtaḥ

Sanskrit only: no published translation is held for this verse.

अन्यत्र च- स्थूलो दामोदरो ज्ञेयः सूक्ष्म-रन्ध्रो भवेत् तु यः । चक्रे च मध्य-देश-स्थे पूजितः सुखदः सदा

anyatra ca- sthūlo dāmodaro jñeyaḥ sūkṣma-randhro bhavet tu yaḥ | cakre ca madhya-deśa-sthe pūjitaḥ sukhadaḥ sadā

Sanskrit only: no published translation is held for this verse.

नाना-वर्णो ह्य् अनन्ताख्यो नाग-भोगेन चिह्नितः । अनन्तः स तु विज्ञेयः सर्व-पूजा-फल-प्रदः

nānā-varṇo hy anantākhyo nāga-bhogena cihnitaḥ | anantaḥ sa tu vijñeyaḥ sarva-pūjā-phala-pradaḥ

Sanskrit only: no published translation is held for this verse.

पाद्मे च तत्रैव- अनन्त-चक्रो बहुभिश् चिह्नैर् अप्य् उपलक्षितः । अनन्तः स तु विज्ञेयः सर्व-पूजा-फल-प्रदः

pādme ca tatraiva- ananta-cakro bahubhiś cihnair apy upalakṣitaḥ | anantaḥ sa tu vijñeyaḥ sarva-pūjā-phala-pradaḥ

Sanskrit only: no published translation is held for this verse.

दृश्यते शिखरे लिङ्गं शालग्राम-समुद्भवम् । यस्य योगेश्वरो नाम ब्रह्म-हत्यां व्यपोहति

dṛśyate śikhare liṅgaṃ śālagrāma-samudbhavam | yasya yogeśvaro nāma brahma-hatyāṃ vyapohati

Sanskrit only: no published translation is held for this verse.

आरक्तः पद्मनाभाख्यं पङ्कज-च्छत्र-संयुतम् । तुलस्या पूजयेन् नित्यं दरिद्रस् त्व् ईश्वरो भवेत्

āraktaḥ padmanābhākhyaṃ paṅkaja-cchatra-saṃyutam | tulasyā pūjayen nityaṃ daridras tv īśvaro bhavet

Sanskrit only: no published translation is held for this verse.

चन्द्राकृतिं हिरण्याख्यं रश्मि-जालं विनिर्दिशेत् । सुवर्ण-रेखा-बहुलं स्फटिक-द्युति-शोभितम्

candrākṛtiṃ hiraṇyākhyaṃ raśmi-jālaṃ vinirdiśet | suvarṇa-rekhā-bahulaṃ sphaṭika-dyuti-śobhitam

Sanskrit only: no published translation is held for this verse.

किं च- अर्ध-चन्द्राकृतिर् देवो हृषीकेश उदाहृतः । तम् अर्च्य लभते स्वर्गं विषयांश् च समीहिताम्

kiṃ ca- ardha-candrākṛtir devo hṛṣīkeśa udāhṛtaḥ | tam arcya labhate svargaṃ viṣayāṃś ca samīhitām

Sanskrit only: no published translation is held for this verse.

वाम-पार्श्वे समे चक्रे कृष्ण-वर्णः स बिन्दुकः । लक्ष्मी-नृसिंहो विख्यातो भुक्ति-मुक्ति-फल-प्रदः

vāma-pārśve same cakre kṛṣṇa-varṇaḥ sa bindukaḥ | lakṣmī-nṛsiṃho vikhyāto bhukti-mukti-phala-pradaḥ

Sanskrit only: no published translation is held for this verse.

त्रिविक्रमस् तथा देवः श्याम-वर्णो महा-द्युतिः । वाम-पार्श्वे तथा चक्रे रेखा चैव तु दक्षिणे

trivikramas tathā devaḥ śyāma-varṇo mahā-dyutiḥ | vāma-pārśve tathā cakre rekhā caiva tu dakṣiṇe

Sanskrit only: no published translation is held for this verse.

प्रदक्षिणावर्त-कृत-वनमाला-विभूषिता । या शिला कृष्ण-संज्ञा सा धन-धान्य-सुख-प्रदा

pradakṣiṇāvarta-kṛta-vanamālā-vibhūṣitā | yā śilā kṛṣṇa-saṃjñā sā dhana-dhānya-sukha-pradā

Sanskrit only: no published translation is held for this verse.

गौतमीये- बहुभिर् जन्मभिः पुण्यैर् यदि कृष्ण-शिलां लभेत् । गोष्पदेन तु चिह्नेन जनुस् तेन समाप्यते

gautamīye- bahubhir janmabhiḥ puṇyair yadi kṛṣṇa-śilāṃ labhet | goṣpadena tu cihnena janus tena samāpyate

Sanskrit only: no published translation is held for this verse.

चतस्रो यत्र दृश्यन्ते रेखाः पार्श्व-समीपगाः । द्वे चक्रे मध्य-देशे तु सा शिला तु चतुर्मुखा

catasro yatra dṛśyante rekhāḥ pārśva-samīpagāḥ | dve cakre madhya-deśe tu sā śilā tu caturmukhā

Sanskrit only: no published translation is held for this verse.

किं च, पाद्मे तत्रैव- वज्र-कीटोद्भवा रेखाः पङ्क्तीभूताश् च यत्र वै । शालग्राम-शिला या सा विष्णु-पञ्जर-संज्ञिता

kiṃ ca, pādme tatraiva- vajra-kīṭodbhavā rekhāḥ paṅktībhūtāś ca yatra vai | śālagrāma-śilā yā sā viṣṇu-pañjara-saṃjñitā

Sanskrit only: no published translation is held for this verse.

नागवत् कुण्डली-भूत-रेखा-पङ्क्तिः स शेषकः । पद्माकारे च पङ्क्ती द्वे मध्ये लम्बा च रेखिका । गरुडः स तु विज्ञेयश् चतुश् चक्रो जनार्दनः

nāgavat kuṇḍalī-bhūta-rekhā-paṅktiḥ sa śeṣakaḥ | padmākāre ca paṅktī dve madhye lambā ca rekhikā | garuḍaḥ sa tu vijñeyaś catuś cakro janārdanaḥ

Sanskrit only: no published translation is held for this verse.

चतुश् चक्रः सूक्ष्म-द्वारो वनमालाङ्कितोदरः । लक्ष्मी-नारायणः श्रीमान् भुक्ति-मुक्ति-फल-प्रदः

catuś cakraḥ sūkṣma-dvāro vanamālāṅkitodaraḥ | lakṣmī-nārāyaṇaḥ śrīmān bhukti-mukti-phala-pradaḥ

Sanskrit only: no published translation is held for this verse.

एतल् लक्षण-युक्तास् तु शालग्राम-शिलाः शुभाः । याश् च तास्व् अपि सूक्ष्माः स्युस् ताः प्रशस्त-कराः स्मृताः

etal lakṣaṇa-yuktās tu śālagrāma-śilāḥ śubhāḥ | yāś ca tāsv api sūkṣmāḥ syus tāḥ praśasta-karāḥ smṛtāḥ

Sanskrit only: no published translation is held for this verse.

तथा च श्री-भगवद्-ब्रह्म-संवादे तत्रैव- यथा यथा शिला सूक्ष्मा महत् पुण्यं तथा तथा । तस्मात् तां पूजयेन् नित्यं धर्म-कामार्थ-सिद्धये

tathā ca śrī-bhagavad-brahma-saṃvāde tatraiva- yathā yathā śilā sūkṣmā mahat puṇyaṃ tathā tathā | tasmāt tāṃ pūjayen nityaṃ dharma-kāmārtha-siddhaye

Sanskrit only: no published translation is held for this verse.