Gopalabhatta: Haribhaktivilasa 8

व्यजनस्य माहात्म्यं विष्णु-धर्मोत्तरे- तल-व्र्ण्त-प्रदानेन निर्वृतिं प्राप्नुयात् परम्

vyajanasya māhātmyaṃ viṣṇu-dharmottare- tala-vrṇta-pradānena nirvṛtiṃ prāpnuyāt param

Sanskrit only: no published translation is held for this verse.

वितनस्य माहात्म्यं तत्रैव- वितानक-प्रदानेन सर्व-पापैः प्रमुच्यते । परं निर्वृतिम् आप्नोति यत्र तत्राभिजायते

vitanasya māhātmyaṃ tatraiva- vitānaka-pradānena sarva-pāpaiḥ pramucyate | paraṃ nirvṛtim āpnoti yatra tatrābhijāyate

Sanskrit only: no published translation is held for this verse.

खद्गदीनां माहात्म्यं दत्त्वा निस्त्रिंशकान् मुख्यान् शत्रुभिर् नाभिभूयते । दत्त्वा तद्-बन्धनं मुख्यम् अग्न्य्-आधेय-फलं लभेत्

khadgadīnāṃ māhātmyaṃ dattvā nistriṃśakān mukhyān śatrubhir nābhibhūyate | dattvā tad-bandhanaṃ mukhyam agny-ādheya-phalaṃ labhet

Sanskrit only: no published translation is held for this verse.

किं च- पतद्-ग्रहं तथा दत्त्वा शुभदस् त्व् अभिजायते । पाद-पीठ-प्रदानेन स्थानं सर्वत्र विन्दति

kiṃ ca- patad-grahaṃ tathā dattvā śubhadas tv abhijāyate | pāda-pīṭha-pradānena sthānaṃ sarvatra vindati

Sanskrit only: no published translation is held for this verse.

दर्पणस्य प्रदानेन रूपवान् दर्पवान् भवेत् । मार्जयित्वा तथा तं च शुभगस् त्व् अभिजायते

darpaṇasya pradānena rūpavān darpavān bhavet | mārjayitvā tathā taṃ ca śubhagas tv abhijāyate

Sanskrit only: no published translation is held for this verse.

यत् किञ्चिद् देव-देवाय दद्याद् भक्ति-समन्वितः । तद् एवाक्षयम् आप्नोति स्वर्ग-लोकं स गच्छति

yat kiñcid deva-devāya dadyād bhakti-samanvitaḥ | tad evākṣayam āpnoti svarga-lokaṃ sa gacchati

Sanskrit only: no published translation is held for this verse.

किं च, वामन-पुराणे श्री-बलिं प्रति श्री-प्रह्लादोक्तौ- श्रद्दधानैर् भक्ति-परैर् यान्य् उद्दिश्य जनार्दनम् । बलि-दानानि दीयन्ते अक्षयानि विदुर् बुधः

kiṃ ca, vāmana-purāṇe śrī-baliṃ prati śrī-prahlādoktau- śraddadhānair bhakti-parair yāny uddiśya janārdanam | bali-dānāni dīyante akṣayāni vidur budhaḥ

Sanskrit only: no published translation is held for this verse.

अत्रापि केचिद् इच्छन्ति दत्त्वा पुष्पाञ्जलि-त्रयम् । पूर्वोक्त दश शङ्खाद्या मुद्राः सन्दर्शयेत्

atrāpi kecid icchanti dattvā puṣpāñjali-trayam | pūrvokta daśa śaṅkhādyā mudrāḥ sandarśayet

Sanskrit only: no published translation is held for this verse.

इति । अथ गीत-वद्य-नृत्यनि ततो विचित्रैर् ललितैः कारितैर् वा स्वयं कृतैः । गीतैर् वाद्यैश् च नृत्यैश् च श्री-कृष्णं परितोषयेत्

iti | atha gīta-vadya-nṛtyani tato vicitrair lalitaiḥ kāritair vā svayaṃ kṛtaiḥ | gītair vādyaiś ca nṛtyaiś ca śrī-kṛṣṇaṃ paritoṣayet

Sanskrit only: no published translation is held for this verse.

अथ तत्र निषिद्धं नृत्यादि कुर्वतो भक्तान् नोपविष्टो ऽवलोकयेत् । न च तिर्यग् व्रजेत् तत्र तैः सहान्तरयन् प्रभुम्

atha tatra niṣiddhaṃ nṛtyādi kurvato bhaktān nopaviṣṭo 'valokayet | na ca tiryag vrajet tatra taiḥ sahāntarayan prabhum

Sanskrit only: no published translation is held for this verse.

तथा चोक्तं- नृत्यन्तं वैष्णवं हर्साद् आसीनो यस् तु पश्यति । खञ्जो भवति राजेन्द्र सो ऽयं जन्मनि जन्मनि

tathā coktaṃ- nṛtyantaṃ vaiṣṇavaṃ harsād āsīno yas tu paśyati | khañjo bhavati rājendra so 'yaṃ janmani janmani

Sanskrit only: no published translation is held for this verse.

किं च- नृत्यतां गायतां मध्ये भक्तानां केशवस्य च । तान् ऋते यस् तिरो याति तिर्यग्-योनिं स गच्छति

kiṃ ca- nṛtyatāṃ gāyatāṃ madhye bhaktānāṃ keśavasya ca | tān ṛte yas tiro yāti tiryag-yoniṃ sa gacchati

Sanskrit only: no published translation is held for this verse.

अथ गीतदि-माहात्म्यम् अदौ समन्यतः नारसिंहे- गीत-वाद्यादिकं नाट्यम् शङ्ख-तुर्यादि-निस्वनम् । यः कारयति विष्णोस् तु सन्ध्यायां मन्दिरे नरः । सर्व-काले विशेषेण कामगः काम-रूपवान्

atha gītadi-māhātmyam adau samanyataḥ nārasiṃhe- gīta-vādyādikaṃ nāṭyam śaṅkha-turyādi-nisvanam | yaḥ kārayati viṣṇos tu sandhyāyāṃ mandire naraḥ | sarva-kāle viśeṣeṇa kāmagaḥ kāma-rūpavān

Sanskrit only: no published translation is held for this verse.

सु-सङ्गीत-विदग्धैश् च सेव्यमानो ऽप्सरो-गणैः । महार्हेण विमानेन विचित्रेण विराजता । स्वर्गात् स्वर्गम् अनुप्राप्य विष्णु-लोके महीयते

su-saṅgīta-vidagdhaiś ca sevyamāno 'psaro-gaṇaiḥ | mahārheṇa vimānena vicitreṇa virājatā | svargāt svargam anuprāpya viṣṇu-loke mahīyate

Sanskrit only: no published translation is held for this verse.

स्कान्दे विष्णु-नारद-संवादे- गीतं वाद्यं च नृत्यं च नाट्यं विष्णु-कथां मुने । यः करोति स पुण्यात्मा त्रैलोक्योपरि संस्थितः

skānde viṣṇu-nārada-saṃvāde- gītaṃ vādyaṃ ca nṛtyaṃ ca nāṭyaṃ viṣṇu-kathāṃ mune | yaḥ karoti sa puṇyātmā trailokyopari saṃsthitaḥ

Sanskrit only: no published translation is held for this verse.

बृहन्-नारदीये श्री-यम-भगीरथ-संवादे- देवतायतने यस् तु भक्ति-युक्तः प्रनृत्यति । गीतानि गायत्य् अथवा तत्-फलं शृणु भू-पते

bṛhan-nāradīye śrī-yama-bhagīratha-saṃvāde- devatāyatane yas tu bhakti-yuktaḥ pranṛtyati | gītāni gāyaty athavā tat-phalaṃ śṛṇu bhū-pate

Sanskrit only: no published translation is held for this verse.

गन्धर्व-राजतां गणैर् नृत्याद् रुद्र-गणेशताम् । प्राप्नोत्य् अष्ट-कुलैर् युक्तस् ततः स्यान् मोक्ष-भाङ् नरः

gandharva-rājatāṃ gaṇair nṛtyād rudra-gaṇeśatām | prāpnoty aṣṭa-kulair yuktas tataḥ syān mokṣa-bhāṅ naraḥ

Sanskrit only: no published translation is held for this verse.

लैङ्गे श्री-मार्कण्डेयाम्बरीष-संवादे- विष्णु-क्षेत्रे तु यो विद्वान् कारयेद् भक्ति-संयुतः । गन-नृत्यादिकं चैव विष्ण्व्-आख्यं च कथां तथा

laiṅge śrī-mārkaṇḍeyāmbarīṣa-saṃvāde- viṣṇu-kṣetre tu yo vidvān kārayed bhakti-saṃyutaḥ | gana-nṛtyādikaṃ caiva viṣṇv-ākhyaṃ ca kathāṃ tathā

Sanskrit only: no published translation is held for this verse.

जातिं स्मृतिं च मेधां च तथैव परमां स्थितिम् । प्राप्नोति विष्णु-सालोक्यं सत्यम् एतन् नाराधिप

jātiṃ smṛtiṃ ca medhāṃ ca tathaiva paramāṃ sthitim | prāpnoti viṣṇu-sālokyaṃ satyam etan nārādhipa

Sanskrit only: no published translation is held for this verse.

अन्यत्र च श्री-भगवद्-उक्तौ- विसृज्य लज्जां यो ऽधीते गायते नृत्यतेऽपि च । कुल-कोटि-समायुक्तो लभते मामकं पदम्

anyatra ca śrī-bhagavad-uktau- visṛjya lajjāṃ yo 'dhīte gāyate nṛtyate'pi ca | kula-koṭi-samāyukto labhate māmakaṃ padam

Sanskrit only: no published translation is held for this verse.

अत एवोक्तं- भारते नृत्य-गीते तु कुर्यात् स्वाभाविकेऽपि वा । स्वाभाविकेन भगवान् प्रीणातीत्य् आह शौनकः

ata evoktaṃ- bhārate nṛtya-gīte tu kuryāt svābhāvike'pi vā | svābhāvikena bhagavān prīṇātīty āha śaunakaḥ

Sanskrit only: no published translation is held for this verse.

अत एव नारदीये- विष्णोर् गीतं च नृत्यं च नटानां च विशेषतः । ब्रह्मन् ब्राह्मण-जातीनां कर्तव्यं नित्य-कर्म-वत्

ata eva nāradīye- viṣṇor gītaṃ ca nṛtyaṃ ca naṭānāṃ ca viśeṣataḥ | brahman brāhmaṇa-jātīnāṃ kartavyaṃ nitya-karma-vat

Sanskrit only: no published translation is held for this verse.

किन्तु स्मृतौ--- गीत-नृत्यानि कुर्वीत देव-द्विजादि-तुष्टये । न जीवनाय युञ्जीत विप्रो पाप-भिया क्वचित्

kintu smṛtau--- gīta-nṛtyāni kurvīta deva-dvijādi-tuṣṭaye | na jīvanāya yuñjīta vipro pāpa-bhiyā kvacit

Sanskrit only: no published translation is held for this verse.

एवं कृष्ण-प्रीणनत्वाद् गीतादेर् नित्यता परा । संसिद्धैर् अविशेषेन ज्ञेया सा हरि-वसरे

evaṃ kṛṣṇa-prīṇanatvād gītāder nityatā parā | saṃsiddhair aviśeṣena jñeyā sā hari-vasare

Sanskrit only: no published translation is held for this verse.

तथा चोक्तं- केशवाग्रे नृत्य-गीतं न करोति हरेर् दिने । वह्निना किं न दग्धो ऽसौ गतः किं न रसातलं

tathā coktaṃ- keśavāgre nṛtya-gītaṃ na karoti harer dine | vahninā kiṃ na dagdho 'sau gataḥ kiṃ na rasātalaṃ

Sanskrit only: no published translation is held for this verse.

अथ विशेषतो गीतस्य माहात्म्यं द्वारका-माहात्म्ये श्री-मर्कन्देयेन्द्रद्युम्न-संवादे- कृष्णं सन्तोषयेद् यस् तु सु-गीतैर् मधुर-स्वनैः । सर्व-वेद-फलं तस्य जायते नात्र संशयः

atha viśeṣato gītasya māhātmyaṃ dvārakā-māhātmye śrī-markandeyendradyumna-saṃvāde- kṛṣṇaṃ santoṣayed yas tu su-gītair madhura-svanaiḥ | sarva-veda-phalaṃ tasya jāyate nātra saṃśayaḥ

Sanskrit only: no published translation is held for this verse.

स्कान्दे श्री-महादेवोक्तौ- श्रुति-कोटि-समं जप्यं जप-कोटि-समं हविः । हविह्-कोटि-समं गेयं गेयं गेय-समं विदुः

skānde śrī-mahādevoktau- śruti-koṭi-samaṃ japyaṃ japa-koṭi-samaṃ haviḥ | havih-koṭi-samaṃ geyaṃ geyaṃ geya-samaṃ viduḥ

Sanskrit only: no published translation is held for this verse.

कसि-खण्डे विष्णु-दूत-शिवशर्म-संवादे- यदि गीतं क्वचिद् गीतं श्रीमद्-धरि-हराङ्कितम् । मोक्षं तु तत् फलं प्राहुह् सान्निध्यम् अथवा तयोः

kasi-khaṇḍe viṣṇu-dūta-śivaśarma-saṃvāde- yadi gītaṃ kvacid gītaṃ śrīmad-dhari-harāṅkitam | mokṣaṃ tu tat phalaṃ prāhuh sānnidhyam athavā tayoḥ

Sanskrit only: no published translation is held for this verse.

विष्णुशर्मे श्री-भगवद्-उक्तौ- रागेणाकृष्यते चेतो गान्धर्वाभिमुखं यदि । मयि बुद्धिं समास्थाय गायेथ मम सत्-कथाः

viṣṇuśarme śrī-bhagavad-uktau- rāgeṇākṛṣyate ceto gāndharvābhimukhaṃ yadi | mayi buddhiṃ samāsthāya gāyetha mama sat-kathāḥ

Sanskrit only: no published translation is held for this verse.

हरि-भक्ति-सुधोदये यो गायति सम् अनिशं भुवि भक्ता उच्चैः स द्राण् समस्त-जन-पाप-भिदेऽलम् एकः । दीपेस्व् असत्स्व् अपि ननु प्रति-गेहम् अन्तर् ध्वान्तं किम् अत्र विलसत्य् अमले द्यु-नाथे

hari-bhakti-sudhodaye yo gāyati sam aniśaṃ bhuvi bhaktā uccaiḥ sa drāṇ samasta-jana-pāpa-bhide'lam ekaḥ | dīpesv asatsv api nanu prati-geham antar dhvāntaṃ kim atra vilasaty amale dyu-nāthe

Sanskrit only: no published translation is held for this verse.

यद् आनन्द-कलं गायन् भक्तः पुण्याश्रु वर्षति । तत् सर्व-तीर्थ-सलिल-स्नानं स्व-मल-शोधनं

yad ānanda-kalaṃ gāyan bhaktaḥ puṇyāśru varṣati | tat sarva-tīrtha-salila-snānaṃ sva-mala-śodhanaṃ

Sanskrit only: no published translation is held for this verse.

वाराहे -- ब्राह्मणो वासुदेवार्थं गायमनो ऽनिशं परम् । सम्यक् ताल-प्रयोगेण सन्निपातेन वा पुनः

vārāhe -- brāhmaṇo vāsudevārthaṃ gāyamano 'niśaṃ param | samyak tāla-prayogeṇa sannipātena vā punaḥ

Sanskrit only: no published translation is held for this verse.

नव वर्ष-सहस्राणि नव वर्ष-शतानि च । कुवेर-भवनं गत्वा मोदते वै यदृच्छया

nava varṣa-sahasrāṇi nava varṣa-śatāni ca | kuvera-bhavanaṃ gatvā modate vai yadṛcchayā

Sanskrit only: no published translation is held for this verse.

कुवेर-भवनाद् भ्रष्टः स्वच्छन्द-गमनालयः । फलम् आप्नोति सुश्रोणि मम कर्म-परायणः

kuvera-bhavanād bhraṣṭaḥ svacchanda-gamanālayaḥ | phalam āpnoti suśroṇi mama karma-parāyaṇaḥ

Sanskrit only: no published translation is held for this verse.

नारायणानां विधिना गानं श्रेष्ठतमं स्मृतम् । गानेनाराधितो विष्णुह् स्व-कीर्ति-जन-वर्चसा ददाति । तुष्टः स्थानं स्वं यथास्मै कौशिकया वै

nārāyaṇānāṃ vidhinā gānaṃ śreṣṭhatamaṃ smṛtam | gānenārādhito viṣṇuh sva-kīrti-jana-varcasā dadāti | tuṣṭaḥ sthānaṃ svaṃ yathāsmai kauśikayā vai

Sanskrit only: no published translation is held for this verse.

किं च- एष वो मुनि-शार्दूलः प्रोक्तो गीत-क्रमो मुनेः । ब्राह्मणो वासुदेवाख्यं गायमानो ऽनिशं परम्

kiṃ ca- eṣa vo muni-śārdūlaḥ prokto gīta-kramo muneḥ | brāhmaṇo vāsudevākhyaṃ gāyamāno 'niśaṃ param

Sanskrit only: no published translation is held for this verse.

हरेः सालोक्यम् आप्नोति रुद्र-गानाधिको भवेत् । कर्मणा मनसा वाचा वासुदेव-परायणः । गायन् नृत्यंस् तम् आप्नोति तस्माद् गेयं परं विदुः

hareḥ sālokyam āpnoti rudra-gānādhiko bhavet | karmaṇā manasā vācā vāsudeva-parāyaṇaḥ | gāyan nṛtyaṃs tam āpnoti tasmād geyaṃ paraṃ viduḥ

Sanskrit only: no published translation is held for this verse.

प्रथम-स्कन्धे श्री-नारदोक्तौ (१।६।३३)- प्रगायतः स्व-वीर्याणि तीर्थ-पदः प्रिय-श्रवः । अहुत इव मे सिघ्रम् दर्शनं याति चेतसि

prathama-skandhe śrī-nāradoktau (1.6.33)- pragāyataḥ sva-vīryāṇi tīrtha-padaḥ priya-śravaḥ | ahuta iva me sighram darśanaṃ yāti cetasi

Sanskrit only: no published translation is held for this verse.

द्वादश-स्कन्धे (१२।१२।४९-५०) श्री-सूतोक्तौ- मृषा गिरस् ता ह्य् असतीर् असत्-कथा न कथ्यते यद् भगवान् अधोक्षजः । तद् एव सत्यं तद् उहैव मङ्गलं तद् एव पुण्यं भगवद्-गुनोदयम्

dvādaśa-skandhe (12.12.49-50) śrī-sūtoktau- mṛṣā giras tā hy asatīr asat-kathā na kathyate yad bhagavān adhokṣajaḥ | tad eva satyaṃ tad uhaiva maṅgalaṃ tad eva puṇyaṃ bhagavad-gunodayam

Sanskrit only: no published translation is held for this verse.

तद् एव रम्यं रुचिरं नवं नवं तद् एव शश्वन् मनसो महोत्सवम् । तद् एव शोकार्णव-शोषणं नॄणां यद् उत्तम-श्लोक-यशो ऽनुगीयते

tad eva ramyaṃ ruciraṃ navaṃ navaṃ tad eva śaśvan manaso mahotsavam | tad eva śokārṇava-śoṣaṇaṃ nṝṇāṃ yad uttama-śloka-yaśo 'nugīyate

Sanskrit only: no published translation is held for this verse.

विष्णु-धर्मोत्तरे- दत्त्वा च गीतं धर्म-ज्ञा गन्धर्वैः सह मोदते । स्वयं गीतेन सम्पूज्य तस्यैवानुचरो भवेत्

viṣṇu-dharmottare- dattvā ca gītaṃ dharma-jñā gandharvaiḥ saha modate | svayaṃ gītena sampūjya tasyaivānucaro bhavet

Sanskrit only: no published translation is held for this verse.

पाद्मे श्री-कृष्ण-सत्यभामा-संवादीय-कार्त्तिक-माहात्म्ये श्री-पृथु-नारद-संवादे श्री-भगवद्-उक्तौ- नाहं वसामि वैकुण्ठे न योगि-हृदयेषु वा । मद्-भक्ता यत्र गायन्ति तत्र तिष्ठामि नारद

pādme śrī-kṛṣṇa-satyabhāmā-saṃvādīya-kārttika-māhātmye śrī-pṛthu-nārada-saṃvāde śrī-bhagavad-uktau- nāhaṃ vasāmi vaikuṇṭhe na yogi-hṛdayeṣu vā | mad-bhaktā yatra gāyanti tatra tiṣṭhāmi nārada

Sanskrit only: no published translation is held for this verse.

तेषां पूजादिकं गन्ध-पद्याद्यैः क्रियते नरैः । तेन प्रीतिं परां यामि न तथा मत्-पूजनात्

teṣāṃ pūjādikaṃ gandha-padyādyaiḥ kriyate naraiḥ | tena prītiṃ parāṃ yāmi na tathā mat-pūjanāt

Sanskrit only: no published translation is held for this verse.

अत एवोक्तं- कर्माण्य् औपायिकत्वेन ब्राह्मणो ऽन्य इति स्मृतः । कारिकायाम् अतः प्रोक्तं विप्रो गीतै रमेद् इति

ata evoktaṃ- karmāṇy aupāyikatvena brāhmaṇo 'nya iti smṛtaḥ | kārikāyām ataḥ proktaṃ vipro gītai ramed iti

Sanskrit only: no published translation is held for this verse.

अथ नृत्यस्य माहात्म्यं द्वारका-माहात्म्ये तत्रैव- यो नृत्यति प्रहृष्टात्मा भावैर् बहु-सुभक्तितः । स निर्दहति पापानि जन्मान्तर-शतेष्व् अपि

atha nṛtyasya māhātmyaṃ dvārakā-māhātmye tatraiva- yo nṛtyati prahṛṣṭātmā bhāvair bahu-subhaktitaḥ | sa nirdahati pāpāni janmāntara-śateṣv api

Sanskrit only: no published translation is held for this verse.

हरि-भक्ति-सुधोदय- बहुधोत्सार्यते हर्षाद् विष्णु-भक्तस्य नृत्यतः । पद्भ्यां भूमेर् दिशो ऽक्षिभ्यां दोर्भ्यां वामङ्गलं दिवः

hari-bhakti-sudhodaya- bahudhotsāryate harṣād viṣṇu-bhaktasya nṛtyataḥ | padbhyāṃ bhūmer diśo 'kṣibhyāṃ dorbhyāṃ vāmaṅgalaṃ divaḥ

Sanskrit only: no published translation is held for this verse.

वाराहे- यश् च नृत्यति सुश्रोणि पुराणोक्तं समासतः । त्रिंशद्-वर्ष-सहस्राणि त्रिंशद्-वर्ष-शतानि च । पुष्कर-द्वीपम् आसाद्य मोदते वै यदृच्छया

vārāhe- yaś ca nṛtyati suśroṇi purāṇoktaṃ samāsataḥ | triṃśad-varṣa-sahasrāṇi triṃśad-varṣa-śatāni ca | puṣkara-dvīpam āsādya modate vai yadṛcchayā

Sanskrit only: no published translation is held for this verse.

पुष्कराच् च परिभ्रष्टः स्वच्छन्द-गमनालयः । फलम् आप्नोति सुश्रोणि मम कर्म-परायणः

puṣkarāc ca paribhraṣṭaḥ svacchanda-gamanālayaḥ | phalam āpnoti suśroṇi mama karma-parāyaṇaḥ

Sanskrit only: no published translation is held for this verse.

विष्णु-धर्मोत्तरे- नृत्यं दत्त्वा तथाप्नोति रुद्र-लोकम् असंशयम् । स्वयं नृत्येन सम्पूज्य तस्यैवानुचरो भवेत्

viṣṇu-dharmottare- nṛtyaṃ dattvā tathāpnoti rudra-lokam asaṃśayam | svayaṃ nṛtyena sampūjya tasyaivānucaro bhavet

Sanskrit only: no published translation is held for this verse.

अन्यत्र श्री-नारदोक्तौ- नृत्यतां श्रीपतेर् अग्रे तालिका-वादनैर् भृशम् । उड्डीयन्ते शरीर-स्थाः सर्वे पातक-पक्षिणः

anyatra śrī-nāradoktau- nṛtyatāṃ śrīpater agre tālikā-vādanair bhṛśam | uḍḍīyante śarīra-sthāḥ sarve pātaka-pakṣiṇaḥ

Sanskrit only: no published translation is held for this verse.

सङ्गीत-शास्त्रे- वीणा-वादन-तत्त्व-ज्ञह् श्रुति-जाति-विशारदः । तालज्ञश् चाप्रयासेन मोक्ष-मार्गं नियच्छति

saṅgīta-śāstre- vīṇā-vādana-tattva-jñah śruti-jāti-viśāradaḥ | tālajñaś cāprayāsena mokṣa-mārgaṃ niyacchati

Sanskrit only: no published translation is held for this verse.

विष्णु-धर्मोत्तरे- वाद्यं दत्त्वा तथा विप्रह् शक्र-लोकम् अवाप्नुयात् । स्वयं वद्येन सम्पूज्य तस्यैवनुचरो भवेत्

viṣṇu-dharmottare- vādyaṃ dattvā tathā viprah śakra-lokam avāpnuyāt | svayaṃ vadyena sampūjya tasyaivanucaro bhavet

Sanskrit only: no published translation is held for this verse.

वाद्यानाम् अपि देवस्य तन्त्री-वाद्यं सदा प्रियम् । तेन सम्पूज्य वरदं गाणपत्यम् अवाप्नुयात्

vādyānām api devasya tantrī-vādyaṃ sadā priyam | tena sampūjya varadaṃ gāṇapatyam avāpnuyāt

Sanskrit only: no published translation is held for this verse.

अतः सक्तौ पुनः पूज शक्तश् चेत् स-परिवारं कृष्णं गन्धादिभिः पुनः । पञ्चोपचारैर् मूलेन सम्पूज्यार्घ्यं समर्पयेत्

ataḥ saktau punaḥ pūja śaktaś cet sa-parivāraṃ kṛṣṇaṃ gandhādibhiḥ punaḥ | pañcopacārair mūlena sampūjyārghyaṃ samarpayet

Sanskrit only: no published translation is held for this verse.

अथ नीराजनं ततश् च मूल-मन्त्रेन दत्त्वा पुष्पाञ्जलि-त्रयम् । महा-नीराजनं कुर्यान् महा-वाद्य-जय-स्वनैः

atha nīrājanaṃ tataś ca mūla-mantrena dattvā puṣpāñjali-trayam | mahā-nīrājanaṃ kuryān mahā-vādya-jaya-svanaiḥ

Sanskrit only: no published translation is held for this verse.

प्रज्वलयेत् तद्-अर्थं च कर्पूरेण घृतेन वा । आरात्रिकं शुभे पात्रे विषमानेक-वर्तिकं

prajvalayet tad-arthaṃ ca karpūreṇa ghṛtena vā | ārātrikaṃ śubhe pātre viṣamāneka-vartikaṃ

Sanskrit only: no published translation is held for this verse.

अथ नीराजन-माहात्म्यम् स्कान्दे ब्रह्म-नारद-संवादे- बहु-वर्त्ति-समायुक्तं ज्वलन्तं केशवोपरि । कुर्याद् आरात्रिकं यस् तु कल्प-कोटिं वसेद् दिवि

atha nīrājana-māhātmyam skānde brahma-nārada-saṃvāde- bahu-vartti-samāyuktaṃ jvalantaṃ keśavopari | kuryād ārātrikaṃ yas tu kalpa-koṭiṃ vased divi

Sanskrit only: no published translation is held for this verse.

कर्पूरेन तु यः कुर्याद् भक्त्या केशव-मुर्धनि । आरात्रिकं मुनि-श्रेष्ठ प्रविशेद् विष्णुम् अव्ययं

karpūrena tu yaḥ kuryād bhaktyā keśava-murdhani | ārātrikaṃ muni-śreṣṭha praviśed viṣṇum avyayaṃ

Sanskrit only: no published translation is held for this verse.

तत्रैवन्यत्र- दीप्तिमन्तं स-कर्पूरम् करोत्य् आरात्रिकं नृप । कृष्णस्य वसते लोके सप्त कल्पानि मानवाः

tatraivanyatra- dīptimantaṃ sa-karpūram karoty ārātrikaṃ nṛpa | kṛṣṇasya vasate loke sapta kalpāni mānavāḥ

Sanskrit only: no published translation is held for this verse.

तत्रैव श्री-सिवोम-संवादे- मन्त्र-हीनं क्रिया-हीनम् यत् कृतं पूजनं हरेः । सर्वं सम्पूर्णताम् एति कृते नीराजने शिवे

tatraiva śrī-sivoma-saṃvāde- mantra-hīnaṃ kriyā-hīnam yat kṛtaṃ pūjanaṃ hareḥ | sarvaṃ sampūrṇatām eti kṛte nīrājane śive

Sanskrit only: no published translation is held for this verse.

हरि-भक्ति-सुधोदये- कृत्वा नीराजनं विष्णोर् दीपावल्या सुदृश्यया । तमो-विकारं जयति जिते तस्मिम्श् च को भवः

hari-bhakti-sudhodaye- kṛtvā nīrājanaṃ viṣṇor dīpāvalyā sudṛśyayā | tamo-vikāraṃ jayati jite tasmimś ca ko bhavaḥ

Sanskrit only: no published translation is held for this verse.

अन्यत्र च- कोटयो ब्रह्म-हत्यानाम् अगम्यागम-कोतयः । दहत्य् आलोक-मात्रेण विष्णोः सारात्रिकं मुखं

anyatra ca- koṭayo brahma-hatyānām agamyāgama-kotayaḥ | dahaty āloka-mātreṇa viṣṇoḥ sārātrikaṃ mukhaṃ

Sanskrit only: no published translation is held for this verse.

इति । यच् च दीपस्य माहात्म्यं पूर्वं लिखितम् अस्ति तत् । द्रस्तव्यं सर्वत्रापि प्रायेनाभेदतो ऽनयोः

iti | yac ca dīpasya māhātmyaṃ pūrvaṃ likhitam asti tat | drastavyaṃ sarvatrāpi prāyenābhedato 'nayoḥ

Sanskrit only: no published translation is held for this verse.

अतः सादरम् उत्थाय महा-नीराजनं त्व् इदम् । द्रष्टव्यं दीपवत् सर्वैर् वन्द्यम् आरात्रिकं च यत्

ataḥ sādaram utthāya mahā-nīrājanaṃ tv idam | draṣṭavyaṃ dīpavat sarvair vandyam ārātrikaṃ ca yat

Sanskrit only: no published translation is held for this verse.

तद् उक्तं श्री-पुलस्त्येन विष्णु-धर्मे- धूपं चारात्रिकं पश्येत् कराभ्यां च प्रवन्दते । कुल-कोटिं समुद्धृत्य याति विष्णोः परं पदं

tad uktaṃ śrī-pulastyena viṣṇu-dharme- dhūpaṃ cārātrikaṃ paśyet karābhyāṃ ca pravandate | kula-koṭiṃ samuddhṛtya yāti viṣṇoḥ paraṃ padaṃ

Sanskrit only: no published translation is held for this verse.

मूलागमे च- नीराजनं च यः पश्येद् देव-देवस्य चक्रिणः । सप्त जन्मानि विप्रः स्याद् अन्ते च परमं पदम्

mūlāgame ca- nīrājanaṃ ca yaḥ paśyed deva-devasya cakriṇaḥ | sapta janmāni vipraḥ syād ante ca paramaṃ padam

Sanskrit only: no published translation is held for this verse.

अथ शङ्खादि-वादन-माहात्म्यम् बृहन्-नारदीये श्री-यम-भगीरथ-संवादे- केशवायतने राजन् कुर्वन् शङ्ख-रवं नरः । सर्व-पाप-विनिर्मुक्तो ब्रह्मणा सह मोदते

atha śaṅkhādi-vādana-māhātmyam bṛhan-nāradīye śrī-yama-bhagīratha-saṃvāde- keśavāyatane rājan kurvan śaṅkha-ravaṃ naraḥ | sarva-pāpa-vinirmukto brahmaṇā saha modate

Sanskrit only: no published translation is held for this verse.

कर-शब्दं प्रकुर्वन्ति केशवायतनेषु ये । ते सर्वे पाप-निर्मुक्ता विमानेशा युग-द्वयम्

kara-śabdaṃ prakurvanti keśavāyataneṣu ye | te sarve pāpa-nirmuktā vimāneśā yuga-dvayam

Sanskrit only: no published translation is held for this verse.

तालादि-कांस्य-निनदं कुर्वन् विष्णु-गृहे नरः । यत् फलं लभते राजन् शृणुष्व गदतो मम

tālādi-kāṃsya-ninadaṃ kurvan viṣṇu-gṛhe naraḥ | yat phalaṃ labhate rājan śṛṇuṣva gadato mama

Sanskrit only: no published translation is held for this verse.

सर्व-पाप-विनिर्मुक्तो विमान-शत-सङ्कुलः । गीयमानश् च गन्धर्वैर् विष्णुना सह मोदते

sarva-pāpa-vinirmukto vimāna-śata-saṅkulaḥ | gīyamānaś ca gandharvair viṣṇunā saha modate

Sanskrit only: no published translation is held for this verse.

भेरी-मृदङ्ग-पटह-मुरजैश् च स-डिण्डिमैः । संप्रीणयन्ति देवेशं तेषां पुण्य-फलं शृणु

bherī-mṛdaṅga-paṭaha-murajaiś ca sa-ḍiṇḍimaiḥ | saṃprīṇayanti deveśaṃ teṣāṃ puṇya-phalaṃ śṛṇu

Sanskrit only: no published translation is held for this verse.

देव-स्त्री-गण-संयुक्ताः सर्व-कामैः समर्चिताः । स्वर्ग-लोकम् अनुप्राप्य मोदन्ते कल्प-पञ्चकम्

deva-strī-gaṇa-saṃyuktāḥ sarva-kāmaiḥ samarcitāḥ | svarga-lokam anuprāpya modante kalpa-pañcakam

Sanskrit only: no published translation is held for this verse.

इति । अथ स-जल-शङ्ख-नीराजनं ततश् च स-जलं शङ्खं भगवन्-मस्तकोपरि । त्रि भ्रामयित्वा कुर्वीत पुनर् नीराजनं प्रभोः

iti | atha sa-jala-śaṅkha-nīrājanaṃ tataś ca sa-jalaṃ śaṅkhaṃ bhagavan-mastakopari | tri bhrāmayitvā kurvīta punar nīrājanaṃ prabhoḥ

Sanskrit only: no published translation is held for this verse.

तन्-माहात्म्यं च द्वारका-माहात्म्ये तत्रैव- शङ्खे कृत्वा तु पानीयं भ्रामितं केशवोपरि । सन्निधौ वसते विष्णोः कल्पान्तं क्षीर-सागरे

tan-māhātmyaṃ ca dvārakā-māhātmye tatraiva- śaṅkhe kṛtvā tu pānīyaṃ bhrāmitaṃ keśavopari | sannidhau vasate viṣṇoḥ kalpāntaṃ kṣīra-sāgare

Sanskrit only: no published translation is held for this verse.

इति । नीराजन-द्वयं चैतत् ताम्बूलस्यार्पणं परम् । केचिद् इच्छन्ति केचिच् च दर्पणार्पणतः परम्

iti | nīrājana-dvayaṃ caitat tāmbūlasyārpaṇaṃ param | kecid icchanti kecic ca darpaṇārpaṇataḥ param

Sanskrit only: no published translation is held for this verse.

तथा च पञ्चरात्रे- पुनर् आचमनं दद्यात् करोद्वर्तनम् एव च । स-कर्पूरं च ताम्बूलम् कुर्यान् नीराजनं तथा

tathā ca pañcarātre- punar ācamanaṃ dadyāt karodvartanam eva ca | sa-karpūraṃ ca tāmbūlam kuryān nīrājanaṃ tathā

Sanskrit only: no published translation is held for this verse.

समर्प्य मुकुटादीनि भूषणानि विचक्षणः । आदर्शयेत् तथादर्शं प्रकल्प्य छत्र-चामरे

samarpya mukuṭādīni bhūṣaṇāni vicakṣaṇaḥ | ādarśayet tathādarśaṃ prakalpya chatra-cāmare

Sanskrit only: no published translation is held for this verse.

गारुडे च- अथ भुक्तवते दत्त्वा जलैः कर्पूर-वासितैः । आचमनं च ताम्बूलम् चन्दनैः कर-मार्जनम्

gāruḍe ca- atha bhuktavate dattvā jalaiḥ karpūra-vāsitaiḥ | ācamanaṃ ca tāmbūlam candanaiḥ kara-mārjanam

Sanskrit only: no published translation is held for this verse.

पुष्पाञ्जलिं ततः कृत्वा भक्त्यादर्शं प्रदर्शयेत् । नीराजनं पुनः कार्यं कर्पूरं विभवे सति

puṣpāñjaliṃ tataḥ kṛtvā bhaktyādarśaṃ pradarśayet | nīrājanaṃ punaḥ kāryaṃ karpūraṃ vibhave sati

Sanskrit only: no published translation is held for this verse.

अत एव वायु-पुराणे- आरात्रिकं तु निःस्नेहं निःस्नेहयति देवताम् । अतः संशमयित्वैव पुनः पूजनम् आचरेत्

ata eva vāyu-purāṇe- ārātrikaṃ tu niḥsnehaṃ niḥsnehayati devatām | ataḥ saṃśamayitvaiva punaḥ pūjanam ācaret

Sanskrit only: no published translation is held for this verse.

अत एव द्वारका-माहात्म्ये- तत्रैव कृत्वा पूजादिकं सर्वं ज्वलन्तं कृष्ण-मूर्धनि । आरात्रिकं प्रकुर्वाणो मोदते कृष्ण-सन्निधौ

ata eva dvārakā-māhātmye- tatraiva kṛtvā pūjādikaṃ sarvaṃ jvalantaṃ kṛṣṇa-mūrdhani | ārātrikaṃ prakurvāṇo modate kṛṣṇa-sannidhau

Sanskrit only: no published translation is held for this verse.

इति । केचिन् नीराजनत् पश्चाद् इच्छन्ति प्रणतिं ततः । प्रदक्षिणं ततः स्तोत्रं गीत-नृत्यादिकं ततः

iti | kecin nīrājanat paścād icchanti praṇatiṃ tataḥ | pradakṣiṇaṃ tataḥ stotraṃ gīta-nṛtyādikaṃ tataḥ

Sanskrit only: no published translation is held for this verse.

एवं भगवतः स्व-स्व-सम्प्रदायानुसारतः । प्रवर्तन्ते प्रभोर् भक्तौ भक्त्या सर्वं हि शोभनम्

evaṃ bhagavataḥ sva-sva-sampradāyānusārataḥ | pravartante prabhor bhaktau bhaktyā sarvaṃ hi śobhanam

Sanskrit only: no published translation is held for this verse.

ततो निक्षिप्य देवस्योपरि पुस्पाञ्जलि-त्रयम् । विचित्रैर् मधुरैः स्तोत्रैह् स्तुतिं कुर्वीत भक्तिमान्

tato nikṣipya devasyopari puspāñjali-trayam | vicitrair madhuraiḥ stotraih stutiṃ kurvīta bhaktimān

Sanskrit only: no published translation is held for this verse.

अथ स्तुति-विधिः महाभारते- आरिराधयिषुः कृष्णं वाचं जिगदिषामि यम् । तया व्यास-समासिन्या प्रीयतां मधुसूदनः

atha stuti-vidhiḥ mahābhārate- ārirādhayiṣuḥ kṛṣṇaṃ vācaṃ jigadiṣāmi yam | tayā vyāsa-samāsinyā prīyatāṃ madhusūdanaḥ

Sanskrit only: no published translation is held for this verse.

इति । आरम्भे च स्तुतेर् एतम् श्लोकं स्तुति-परः पठेत् । सत्यां तस्यां समाप्तौ च श्लोकं सङ्कीर्तयेद् इमम्

iti | ārambhe ca stuter etam ślokaṃ stuti-paraḥ paṭhet | satyāṃ tasyāṃ samāptau ca ślokaṃ saṅkīrtayed imam

Sanskrit only: no published translation is held for this verse.

इति विद्या-तपो-योनिर् अयोनिर् विष्णुर् ईरितः । वग्-यज्ञेनार्चितो देवः प्रीयतां मे जनार्दनः

iti vidyā-tapo-yonir ayonir viṣṇur īritaḥ | vag-yajñenārcito devaḥ prīyatāṃ me janārdanaḥ

Sanskrit only: no published translation is held for this verse.

पूर्व-तापनी-श्रुतिषु [ग्तु १।३४-४५] -- ॐ नमो विश्वरूपाय विश्व-स्थित्य्-अन्त-हेतवे । विश्वेश्वराय विश्वाय गोविन्दाय नमो नमः

pūrva-tāpanī-śrutiṣu [GTU 1.34-45] -- oṃ namo viśvarūpāya viśva-sthity-anta-hetave | viśveśvarāya viśvāya govindāya namo namaḥ

Sanskrit only: no published translation is held for this verse.

नमो विज्ञान-रूपाय परमानन्द-रूपिणे । कृष्णाय गोपीनाथाय गोविन्दाय नमो नमं

namo vijñāna-rūpāya paramānanda-rūpiṇe | kṛṣṇāya gopīnāthāya govindāya namo namaṃ

Sanskrit only: no published translation is held for this verse.

नमः कमल-नेत्राय नमः कमल-मालिने । नमः कमल-नाभाय कमला-पतये नमः

namaḥ kamala-netrāya namaḥ kamala-māline | namaḥ kamala-nābhāya kamalā-pataye namaḥ

Sanskrit only: no published translation is held for this verse.

बर्हापीडाभिरामाय रामयाकुण्ठ-मेधसे । रमा-मानस-हंसाय गोविन्दाय नमो नमं

barhāpīḍābhirāmāya rāmayākuṇṭha-medhase | ramā-mānasa-haṃsāya govindāya namo namaṃ

Sanskrit only: no published translation is held for this verse.

कंस-वंश-विनाशाय केशि-चाणूर-घातिने । वृषभ-ध्वज-वन्द्याय पार्थ-सारथये नमः

kaṃsa-vaṃśa-vināśāya keśi-cāṇūra-ghātine | vṛṣabha-dhvaja-vandyāya pārtha-sārathaye namaḥ

Sanskrit only: no published translation is held for this verse.

वेणु-वादन-शीलाय गोपालायाहि-मर्दिने । कालिन्दी-कूल-लोलाय लोल-कुण्डल-धारिणे

veṇu-vādana-śīlāya gopālāyāhi-mardine | kālindī-kūla-lolāya lola-kuṇḍala-dhāriṇe

Sanskrit only: no published translation is held for this verse.

वल्लवी-वदनाम्भोज-मालिने नृत्य-शालिने । नमः प्रणत-पालाय श्री-कृष्णाय नमो नमः

vallavī-vadanāmbhoja-māline nṛtya-śāline | namaḥ praṇata-pālāya śrī-kṛṣṇāya namo namaḥ

Sanskrit only: no published translation is held for this verse.

नमः पाप-प्रणाशाय गोवर्धन-धराय च । पूतना-जीवितान्ताय तृणावार्तासु-हारिणे

namaḥ pāpa-praṇāśāya govardhana-dharāya ca | pūtanā-jīvitāntāya tṛṇāvārtāsu-hāriṇe

Sanskrit only: no published translation is held for this verse.

निष्कलाय विमोहाय शुद्धायाशुद्ध-वैरिणे । अद्वितीयाय महते श्री-कृष्णाय नमो नमः

niṣkalāya vimohāya śuddhāyāśuddha-vairiṇe | advitīyāya mahate śrī-kṛṣṇāya namo namaḥ

Sanskrit only: no published translation is held for this verse.

प्रसीद परमानन्द प्रसीद परमेश्वर । आधिव्याधिभुजङ्गेन दष्टं माम् उद्धर प्रभो

prasīda paramānanda prasīda parameśvara | ādhivyādhibhujaṅgena daṣṭaṃ mām uddhara prabho

Sanskrit only: no published translation is held for this verse.

श्री-कृष्ण रुक्मिणी-कान्त गोपी-जन-मनोहर । संसारसागरे मग्नं माम् उद्धर जगद् गुरो

śrī-kṛṣṇa rukmiṇī-kānta gopī-jana-manohara | saṃsārasāgare magnaṃ mām uddhara jagad guro

Sanskrit only: no published translation is held for this verse.

केशव क्लेश-हरण नारायण जनार्दन । गोविन्द परमानन्द मां समुद्धर माधव

keśava kleśa-haraṇa nārāyaṇa janārdana | govinda paramānanda māṃ samuddhara mādhava

Sanskrit only: no published translation is held for this verse.

एकादश-स्कन्धे [भ्प् ११।५।३३-३४] - ध्येयं सदा परिभव-घ्नम् अभीष्ट-दोहं तीर्थास्पदं शिव-विरिञ्चि-नुतं शरण्यं भृत्यार्ति-हं प्रणत-पाल भवाब्धि-पोतं वन्दे महा-पुरुष ते चरणारविन्दम्

ekādaśa-skandhe [BhP 11.5.33-34] - dhyeyaṃ sadā paribhava-ghnam abhīṣṭa-dohaṃ tīrthāspadaṃ śiva-viriñci-nutaṃ śaraṇyaṃ bhṛtyārti-haṃ praṇata-pāla bhavābdhi-potaṃ vande mahā-puruṣa te caraṇāravindam

Sanskrit only: no published translation is held for this verse.

त्यक्त्वा सु-दुस्त्यज-सुरेप्सित-राज्य-लक्ष्मीं धर्मिष्ठ आर्य-वचसा यद् अगाद् अरण्यम् । माया-मृगं दयितयेप्सितम् अन्वधावद् वन्दे महा-पुरुष ते चरणारविन्दम्

tyaktvā su-dustyaja-surepsita-rājya-lakṣmīṃ dharmiṣṭha ārya-vacasā yad agād araṇyam | māyā-mṛgaṃ dayitayepsitam anvadhāvad vande mahā-puruṣa te caraṇāravindam

Sanskrit only: no published translation is held for this verse.

अथ वद्यस्य माहात्म्यं वैदिकानीदृशान्य् एव कृष्णे पौराणिकान्य् अपि । तान्त्रिकाणि च शास्त्राणि स्तोत्राण्य् अभिनवान्य् अपि

atha vadyasya māhātmyaṃ vaidikānīdṛśāny eva kṛṣṇe paurāṇikāny api | tāntrikāṇi ca śāstrāṇi stotrāṇy abhinavāny api

Sanskrit only: no published translation is held for this verse.

विष्णु-धर्मोत्तरे हंस-गीतयं--- अभ्रष्ट-लक्षणैः कृत्वा स्वयं विरचिताक्षरैः । स्तवं ब्राह्मण-शार्दूलस् तस्मात् कामान् अवाप्नुयात्

viṣṇu-dharmottare haṃsa-gītayaṃ--- abhraṣṭa-lakṣaṇaiḥ kṛtvā svayaṃ viracitākṣaraiḥ | stavaṃ brāhmaṇa-śārdūlas tasmāt kāmān avāpnuyāt

Sanskrit only: no published translation is held for this verse.

स्तुति-माहात्म्यं विष्णु-धर्मे- सर्व-देवेषु यत् पुण्यं सर्व-देवेषु यत् फलम् । नरस् तत् फलम् आप्नोति स्तुत्वा देवं जनार्दनम्

stuti-māhātmyaṃ viṣṇu-dharme- sarva-deveṣu yat puṇyaṃ sarva-deveṣu yat phalam | naras tat phalam āpnoti stutvā devaṃ janārdanam

Sanskrit only: no published translation is held for this verse.

विष्णु-धर्मोत्तरे- न वित्त-दान-निचयैर् बहुभिर् मधुसूउदनः । तथा तोषम् अवाप्नोति यथा स्तोत्रैर् द्विजोत्तमः

viṣṇu-dharmottare- na vitta-dāna-nicayair bahubhir madhusūudanaḥ | tathā toṣam avāpnoti yathā stotrair dvijottamaḥ

Sanskrit only: no published translation is held for this verse.

नारसिंहे- स्तोत्रैर् जपैश् च देवाग्रे यः स्तौति मधुसूदनम् । सर्व-पाप-विनिर्मुक्तो विष्णु-लोकम् अवाप्नुयात्

nārasiṃhe- stotrair japaiś ca devāgre yaḥ stauti madhusūdanam | sarva-pāpa-vinirmukto viṣṇu-lokam avāpnuyāt

Sanskrit only: no published translation is held for this verse.

हरि-भक्ति-सुधोदये- स्तुवन्न् अमेय-माहात्म्यं भक्ति-ग्रथित-रम्य-वाक् । भवेद् ब्रह्मादि-दुर्लभ्य-प्रभु-कारुण्य-भाजनम्

hari-bhakti-sudhodaye- stuvann ameya-māhātmyaṃ bhakti-grathita-ramya-vāk | bhaved brahmādi-durlabhya-prabhu-kāruṇya-bhājanam

Sanskrit only: no published translation is held for this verse.

यथा नरस्य स्तुवतो बालकस्येव तुष्यति । मुग्ध-वाक्यैर् न हि तथा विबुधानां जगत्-पिता

yathā narasya stuvato bālakasyeva tuṣyati | mugdha-vākyair na hi tathā vibudhānāṃ jagat-pitā

Sanskrit only: no published translation is held for this verse.

अबलं प्रभुर् ईप्सितोन्नतिं कृत-यत्नं स्व-यशह्-स्तवे घ्र्णी । स्वयम् उद्धरति स्तनार्थिनं पद-लग्नं जननीव बालकम्

abalaṃ prabhur īpsitonnatiṃ kṛta-yatnaṃ sva-yaśah-stave ghrṇī | svayam uddharati stanārthinaṃ pada-lagnaṃ jananīva bālakam

Sanskrit only: no published translation is held for this verse.

स्कान्दे अमृत-सरोद्धरे- श्री-कृष्ण-स्तव-रत्नौघैर् येषां जिह्वा त्व् अलङ्कृता । नमस्या मुनि-सिद्धानां वन्दनीया दिवौकसाम्

skānde amṛta-saroddhare- śrī-kṛṣṇa-stava-ratnaughair yeṣāṃ jihvā tv alaṅkṛtā | namasyā muni-siddhānāṃ vandanīyā divaukasām

Sanskrit only: no published translation is held for this verse.

तत्रैव कर्त्तिक-माहात्म्ये श्री-ब्रह्म-नारद-संवादे- स्तोत्राणां परमं स्तोत्रं विष्णोर् नाम-सहस्रकम् । हित्वा स्तोत्र-सहस्राणि पठनीयं महा-मुने

tatraiva karttika-māhātmye śrī-brahma-nārada-saṃvāde- stotrāṇāṃ paramaṃ stotraṃ viṣṇor nāma-sahasrakam | hitvā stotra-sahasrāṇi paṭhanīyaṃ mahā-mune

Sanskrit only: no published translation is held for this verse.

तेनैकेन मुनि-श्रेष्ठ पथितेन सदा हरिः । प्रीतिम् आयाति देवेशो युग-कोटि-शतानि च

tenaikena muni-śreṣṭha pathitena sadā hariḥ | prītim āyāti deveśo yuga-koṭi-śatāni ca

Sanskrit only: no published translation is held for this verse.

इति । स्नाने यत् स्तोत्र-माहात्म्यं लिखितं लेख्यम् अग्रतः । यच् च कीर्तन-माहात्म्यं सर्वं ज्ञेयं इहापि तत्

iti | snāne yat stotra-māhātmyaṃ likhitaṃ lekhyam agrataḥ | yac ca kīrtana-māhātmyaṃ sarvaṃ jñeyaṃ ihāpi tat

Sanskrit only: no published translation is held for this verse.

तन्-नित्यत विष्णु-धर्मे- नूनं तत् कण्ठ-शालूकम् अथवा प्रति-जिह्विका । रोगो वान्यो न सा जिह्वा या न स्तौति हरेर् गुणान्

tan-nityata viṣṇu-dharme- nūnaṃ tat kaṇṭha-śālūkam athavā prati-jihvikā | rogo vānyo na sā jihvā yā na stauti harer guṇān

Sanskrit only: no published translation is held for this verse.

अथ वन्दनं प्रणमेद् अथ साष्टाङ्गं तन्-मुद्रां च प्रदर्शयेत् । पठेत् प्रति-प्रणामं च प्रसीद भगवन्न् इति

atha vandanaṃ praṇamed atha sāṣṭāṅgaṃ tan-mudrāṃ ca pradarśayet | paṭhet prati-praṇāmaṃ ca prasīda bhagavann iti

Sanskrit only: no published translation is held for this verse.

तद् उक्तम् एकादशे श्री-भगवता [भ्प् ११।२७।४५]- स्तवैर् उच्चावचैः स्तोत्रैः पौराणैः प्राकृतैर् अपि । स्तुत्वा प्रसीद भगवन्न् इति वन्देत दण्ड-वत्

tad uktam ekādaśe śrī-bhagavatā [BhP 11.27.45]- stavair uccāvacaiḥ stotraiḥ paurāṇaiḥ prākṛtair api | stutvā prasīda bhagavann iti vandeta daṇḍa-vat

Sanskrit only: no published translation is held for this verse.

अथ प्रणाम-विधिः तत्रैव [भ्प् ११।२७।४६]- शिरो मत्-पादयोः कृत्वा बाहुभ्यां च परस्परम् । प्रपन्नं पाहि माम् ईश भीतं मृत्यु-ग्रहार्णवात्

atha praṇāma-vidhiḥ tatraiva [BhP 11.27.46]- śiro mat-pādayoḥ kṛtvā bāhubhyāṃ ca parasparam | prapannaṃ pāhi mām īśa bhītaṃ mṛtyu-grahārṇavāt

Sanskrit only: no published translation is held for this verse.

किं चागमे- दोर्भ्यां पद्भ्यां च जानुभ्याम् उरसा शिरसा दृशा । मनसा वचसा चेति प्रणामो ऽष्टाङ्ग ईरितः

kiṃ cāgame- dorbhyāṃ padbhyāṃ ca jānubhyām urasā śirasā dṛśā | manasā vacasā ceti praṇāmo 'ṣṭāṅga īritaḥ

Sanskrit only: no published translation is held for this verse.

जानुभ्यां चैव बाहुभ्यां शिरसा वचसा धिया । पञ्चाङ्गकः प्रणामः स्यात् पूजासु प्रवराव् इमौ

jānubhyāṃ caiva bāhubhyāṃ śirasā vacasā dhiyā | pañcāṅgakaḥ praṇāmaḥ syāt pūjāsu pravarāv imau

Sanskrit only: no published translation is held for this verse.

इति । गरुदं दक्षिने कृत्वा कुर्यात् तत्-पृष्ठतो बुधः । अवश्यं च प्रणामांस् त्रीन् शक्तश् चेद् अधिकाधिकान्

iti | garudaṃ dakṣine kṛtvā kuryāt tat-pṛṣṭhato budhaḥ | avaśyaṃ ca praṇāmāṃs trīn śaktaś ced adhikādhikān

Sanskrit only: no published translation is held for this verse.