JV 1.3.52
गॄ निगरणे इति तुदादौ पठ्यते, तस्य+इदं ग्रहणम् । न तु गॄ शब्दे इति क्र्यादिपठितस्य । तस्य ह्य् अवपूर्वस्य प्रयोग एव न अस्ति । शेषात् कर्तरि पर्स्मैपदे प्राप्ते अवपूर्वाद् गिरतेर् आत्मनेपदं भवति । अवगिरते, अवगिरेते, अवगिरन्ते । अवात् इति किम् ? गिरति ॥ समः प्रतिज्ञाने
gṝ nigaraṇe iti tudādau paṭhyate, tasya+idaṃ grahaṇam / na tu gṝ śabde iti kryādipaṭhitasya / tasya hy avapūrvasya prayoga eva na asti / śeṣāt kartari parsmaipade prāpte avapūrvād girater ātmanepadaṃ bhavati / avagirate, avagirete, avagirante / avāt iti kim ? girati // samaḥ pratijñāne
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.