बह्वचः प्रातिपदिकात् य इञ् विहितः प्राच्य-गोत्रे भरतगोत्रे च वर्तते, तस्य बहुषु लुग् भवति । पन्नागाराः । मन्थरैषणाः । भरतेषु खल्व् अपि - युधिष्ठिराः । अर्जुनाः । बह्वचः इति किम् ? बैकयः । पौष्पयः । प्राच्यभरतेषु इति किम् ? बालाकयः । हास्तिदासयः । भरताः प्राच्या एव, तेषां पुनर् ग्रहणं ज्ञापन-अर्थम् अन्यत्र प्राग् ग्रहणे भरत-ग्रहणं न भवति इति । तेन इञः प्राचाम् (*२,४।६०) इति भरतानां युवप्रत्ययस्य लुग् न भवति । अर्जुनिः पिता । आर्जुनायनः पुत्रः ॥ न गोपवन-आदिभ्यः
bahvacaḥ prātipadikāt ya iñ vihitaḥ prācya-gotre bharatagotre ca vartate, tasya bahuṣu lug bhavati / pannāgārāḥ / mantharaiṣaṇāḥ / bharateṣu khalv api - yudhiṣṭhirāḥ / arjunāḥ / bahvacaḥ iti kim ? baikayaḥ / pauṣpayaḥ / prācyabharateṣu iti kim ? bālākayaḥ / hāstidāsayaḥ / bharatāḥ prācyā eva, teṣāṃ punar grahaṇaṃ jñāpana-artham anyatra prāg grahaṇe bharata-grahaṇaṃ na bhavati iti / tena iñaḥ prācām (*2,4.60) iti bharatānāṃ yuvapratyayasya lug na bhavati / arjuniḥ pitā / ārjunāyanaḥ putraḥ // na gopavana-ādibhyaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.