प्रणीयः । उन्नीयः । उत्पूर्वाच् छिषेः क्यप् । उच्छिष्यः । मृङ् प्राणत्यागे, स्तृञ् आच्छन्दने, ध्वृ हूर्च्छने, एतेभ्यो यत् प्रत्ययः । मर्यः । स्तर्या । स्त्रियाम् एव निपातनम् । ध्वर्यः । खनेर्यत् । खन्या । एतस्माद् एव ण्यत् । खान्यः । देवशब्दे उपपदे यजेर्यत् । देवयज्या । स्त्रीलिङ्ग-निपातनम् । आङ्पूर्वात् पृच्छेः क्यप् । आपृच्छ्यः । प्रतिपूर्वत् सीव्यतेः क्यप् षत्वम् च । प्रतिषीव्यः । ब्रह्मण्युपपदे वदेर् ण्यत् । ब्रहमवाद्यम् । भवतेः स्तौतेश् च ण्यत्, आवदेशश् च भवति । भाव्यम् । स्ताव्यः । उपपूर्वस्य चिनोतेः ण्यदायादेशौ । उपचाय्यपृडम् । पृडे चोत्तरपदे निपातनमेतत् । हिरण्य इति वक्तव्यम् । हिरण्याद् अन्यत्र उपचेयपृडम् एव । निष्टर्क्ये व्यत्ययं विद्यान् निसः षत्वं निपातनात् । ण्यदायादेश इत्य् एताव् उपचाय्ये निपाततौ ॥ ण्यदेकस्माच् चतुर्घ्यः क्यप् चतुर्भ्यश् च यतो विधिः । ण्यदेकस्माद् य-शब्दश् च द्वौ क्यपौ ण्यद्विधिश् चतुः ॥ ऋ-हलोर् ण्यत्
praṇīyaḥ / unnīyaḥ / utpūrvāc chiṣeḥ kyap / ucchiṣyaḥ / mṛṅ prāṇatyāge, stṛñ ācchandane, dhvṛ hūrcchane, etebhyo yat pratyayaḥ / maryaḥ / staryā / striyām eva nipātanam / dhvaryaḥ / khaneryat / khanyā / etasmād eva ṇyat / khānyaḥ / devaśabde upapade yajeryat / devayajyā / strīliṅga-nipātanam / āṅpūrvāt pṛccheḥ kyap / āpṛcchyaḥ / pratipūrvat sīvyateḥ kyap ṣatvam ca / pratiṣīvyaḥ / brahmaṇyupapade vader ṇyat / brahamavādyam / bhavateḥ stauteś ca ṇyat, āvadeśaś ca bhavati / bhāvyam / stāvyaḥ / upapūrvasya cinoteḥ ṇyadāyādeśau / upacāyyapṛḍam / pṛḍe cottarapade nipātanametat / hiraṇya iti vaktavyam / hiraṇyād anyatra upaceyapṛḍam eva / niṣṭarkye vyatyayaṃ vidyān nisaḥ ṣatvaṃ nipātanāt / ṇyadāyādeśa ity etāv upacāyye nipātatau // ṇyadekasmāc caturghyaḥ kyap caturbhyaś ca yato vidhiḥ / ṇyadekasmād ya-śabdaś ca dvau kyapau ṇyadvidhiś catuḥ // ṛ-halor ṇyat
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.