आनाय्यः इति निपात्यते अनित्ये ऽभिधेये । नयतेर् आङ्पूर्वाण् ण्यदायादेशौ निपात्येते । आनाय्यो दक्षिणाग्निः । रूढिरेषा । तस्माद् नित्य-विशेषे दक्षिण-अग्नाव् एव अवतिष्ठते । तस्य च अनित्यत्वं नित्यम् अजागरणात् । यश्च गार्हपत्याद् आनीयते दक्षिणाग्निर् आहवनीयेन सह एकयोनिः, तत्र तन् निपातनं, न दक्षिणाग्निम् आत्रे । तस्य हि योनिर् विकल्प्यते वैश्यकुलाद् वित्तवतो भ्राष्ट्राद्वा गार्हपत्याद् वा इति । आनाय्यो ऽनित्य इति चेद् दक्षिणाग्नौ कृतं भवेत् । एकयोनौ तु तं विद्याद् आनेयो ह्य् अन्यथा भवेत् ॥ प्रणाय्यो ऽसम्मतौ
ānāyyaḥ iti nipātyate anitye 'bhidheye / nayater āṅpūrvāṇ ṇyadāyādeśau nipātyete / ānāyyo dakṣiṇāgniḥ / rūḍhireṣā / tasmād nitya-viśeṣe dakṣiṇa-agnāv eva avatiṣṭhate / tasya ca anityatvaṃ nityam ajāgaraṇāt / yaśca gārhapatyād ānīyate dakṣiṇāgnir āhavanīyena saha ekayoniḥ, tatra tan nipātanaṃ, na dakṣiṇāgnim ātre / tasya hi yonir vikalpyate vaiśyakulād vittavato bhrāṣṭrādvā gārhapatyād vā iti / ānāyyo 'nitya iti ced dakṣiṇāgnau kṛtaṃ bhavet / ekayonau tu taṃ vidyād āneyo hy anyathā bhavet // praṇāyyo 'sammatau
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.