अविद्यमाना सम्मतिर् अस्मिन् इत्य् असम्मतिः । सम्मननं सममतिः, सम्मतता, पूजा । प्रणाय्यः इति निपात्यते ऽसम्मतावभिधेये । प्रणाय्यश् चोरः । असम्मतौ इति किम् ? प्रणेयो ऽन्यः । यद्य् एवं कथम् एतत्, ज्येष्ठाय पुत्राय पिता ब्रह्म ब्रूयात् प्रणाय्यान्तेवासिने, न अन्यस्मै कस्मैचन इति ? सम्मतिर् अभिलाषो ऽप्य् उच्यते । तद् अभावेन निष्कामतया असम्मतिर् अन्तेवासी भवति । तस्मै निष्कामाय मोक्ष-अर्थं यतमानायान्तेवासिने प्रणाय्याय ब्रह्म ब्रूयात् इति युज्यते ॥ पाय्य-सान्-नाय्य-निकाय्य-धाय्या मान-हविर्-निवास-सामिधेनीषु
avidyamānā sammatir asmin ity asammatiḥ / sammananaṃ samamatiḥ, sammatatā, pūjā / praṇāyyaḥ iti nipātyate 'sammatāvabhidheye / praṇāyyaś coraḥ / asammatau iti kim ? praṇeyo 'nyaḥ / yady evaṃ katham etat, jyeṣṭhāya putrāya pitā brahma brūyāt praṇāyyāntevāsine, na anyasmai kasmaicana iti ? sammatir abhilāṣo 'py ucyate / tad abhāvena niṣkāmatayā asammatir antevāsī bhavati / tasmai niṣkāmāya mokṣa-arthaṃ yatamānāyāntevāsine praṇāyyāya brahma brūyāt iti yujyate // pāyya-sān-nāyya-nikāyya-dhāyyā māna-havir-nivāsa-sāmidhenīṣu
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.