मुण्ड मिश्र श्लक्ष्ण लवण व्रत वस्त्र हल कल कृत तूस्त इत्य् एतेभ्यः करणे णिच् प्रत्ययो भवति । मुण्डं करोति मुण्डयति । मिश्रयति । श्लक्ष्णयति । लवणयति । व्रतात् भोजने तन्निवृत्तौ च - पयो व्रतयति । वृषलान्नं व्रतयति । वस्त्रात् समाच्छादने - संवस्त्रयति । हलिं गृह्णाति हलयति । कलिं गृह्णाति कलयति । हलिकल्योर् अदन्तत्व-निपातनं सन्वद्भाव-प्रतिषेधार्यम् । अजहलत् । अचकलत् । कृतं गृह्णाति कृतयति । तूस्तानि विहन्ति वितूस्तयति केशान् । विशदीकरोति इत्य् अर्थः ॥ धातोर् एक-अचो हल-आदेः क्रियासमभिहारे यङ्
muṇḍa miśra ślakṣṇa lavaṇa vrata vastra hala kala kṛta tūsta ity etebhyaḥ karaṇe ṇic pratyayo bhavati / muṇḍaṃ karoti muṇḍayati / miśrayati / ślakṣṇayati / lavaṇayati / vratāt bhojane tannivṛttau ca - payo vratayati / vṛṣalānnaṃ vratayati / vastrāt samācchādane - saṃvastrayati / haliṃ gṛhṇāti halayati / kaliṃ gṛhṇāti kalayati / halikalyor adantatva-nipātanaṃ sanvadbhāva-pratiṣedhāryam / ajahalat / acakalat / kṛtaṃ gṛhṇāti kṛtayati / tūstāni vihanti vitūstayati keśān / viśadīkaroti ity arthaḥ // dhātor eka-aco hala-ādeḥ kriyāsamabhihāre yaṅ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.