विदाङ्-कुर्वन्तु इत्य् एतद् अन्यतरस्यां निपात्यते । किं पुनर् इह निपात्यते ? विदेर् लोटि आम् प्रत्ययः, गुणाभावः, लोटो लुक्, कृञश् च लोट्परस्य अनुप्रयोगः । अत्र भवन्तो विदाङ्-कुर्वन्तु, विदन्तु । इति-करणः प्रदर्शन-अर्थः, न केवलं प्रथमपुरुष-बहुवचनं, किं तर्हि सर्वाण्य् एव लोड्-वचनान्य् अनुप्रयुज्यन्ते, विदाङ् करोतु, विदाङ् कुरुतात्, विदाङ् कुरुताम्, विदाङ् कुरु, विदाङ् कुरुतम् इत्य् आदि ॥ अभ्युत्सादयां-प्रजनयाम्-चिकयां-रमयाम्-अकः पावयाम्-क्रियाद् विदाम्-अक्रन्न् इति च्छन्दसि
vidāṅ-kurvantu ity etad anyatarasyāṃ nipātyate / kiṃ punar iha nipātyate ? vider loṭi ām pratyayaḥ, guṇābhāvaḥ, loṭo luk, kṛñaś ca loṭparasya anuprayogaḥ / atra bhavanto vidāṅ-kurvantu, vidantu / iti-karaṇaḥ pradarśana-arthaḥ, na kevalaṃ prathamapuruṣa-bahuvacanaṃ, kiṃ tarhi sarvāṇy eva loḍ-vacanāny anuprayujyante, vidāṅ karotu, vidāṅ kurutāt, vidāṅ kurutām, vidāṅ kuru, vidāṅ kurutam ity ādi // abhyutsādayāṃ-prajanayām-cikayāṃ-ramayām-akaḥ pāvayām-kriyād vidām-akrann iti cchandasi
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.