तनु विस्तारे इत्य् एवम् आदिभ्यो धातुभ्यः कृञश् च उ-प्रत्ययो भवति । शपो ऽपवादः । तनोति । सनोति । क्षणोति । कृञः खल्व् अपि - करोति । तनादि-पाठाद् एव उ-प्रत्यये सिद्धे करोतेर् उपादानं नियम-अर्थम्, अन्यत् तन्-आदि-कार्यं मा भूत् इति । तन्-आदिभ्यस् त-थासोः (*२,४।७९) । इति विभाषा सिचो लुग् न भवति । अकृत । अकृथाः ॥ धिन्वि-कृण्व्योर् अ च
tanu vistāre ity evam ādibhyo dhātubhyaḥ kṛñaś ca u-pratyayo bhavati / śapo 'pavādaḥ / tanoti / sanoti / kṣaṇoti / kṛñaḥ khalv api - karoti / tanādi-pāṭhād eva u-pratyaye siddhe karoter upādānaṃ niyama-artham, anyat tan-ādi-kāryaṃ mā bhūt iti / tan-ādibhyas ta-thāsoḥ (*2,4.79) / iti vibhāṣā sico lug na bhavati / akṛta / akṛthāḥ // dhinvi-kṛṇvyor a ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.