किंयत्तदः इति वर्तते निर्धारने, एकस्य इति च । बहूनाम् इति निर्धारने षष्ठी । बहुनां मध्ये एकस्य निर्धारने गम्यमाने जातिपरिप्रश्नविषयेभ्यः किमादिभ्यः वा डतमच् प्रत्ययो भवति । कतमो भवतां कठः । यतमो भवताम् कठः, ततम आगच्छतु । वावचनम् अकजर्थम् । यको भवतां कठः, सक आगच्छतु । महाविभाषा च प्रत्ययविकलोपार्था अनुवर्तते एव । को भवतां कठः । यो भवतां कठः, स आगच्छतु । जातिपरिप्रश्ने इति किम् ? को भवताम् देवदत्तः । परिप्रश्नग्रहणं च किम एव विशेषणं, न यत्तदोः, असम्भवात् । जातिग्रहणं तु सर्वैर् एव सम्बद्यते । किमो ऽस्मिन् विषये डतरम् अपि इच्छन्ति केचित्, कतरो भवतां कालापः इति । तत्र कतरकतमौ जातिअपरिप्रश्ने (*२,१।६३) इति वचनात् सिद्धम् ॥ एकाच् च प्राचाम्
kiṃyattadaḥ iti vartate nirdhārane, ekasya iti ca / bahūnām iti nirdhārane ṣaṣṭhī / bahunāṃ madhye ekasya nirdhārane gamyamāne jātiparipraśnaviṣayebhyaḥ kimādibhyaḥ vā ḍatamac pratyayo bhavati / katamo bhavatāṃ kaṭhaḥ / yatamo bhavatām kaṭhaḥ, tatama āgacchatu / vāvacanam akajartham / yako bhavatāṃ kaṭhaḥ, saka āgacchatu / mahāvibhāṣā ca pratyayavikalopārthā anuvartate eva / ko bhavatāṃ kaṭhaḥ / yo bhavatāṃ kaṭhaḥ, sa āgacchatu / jātiparipraśne iti kim ? ko bhavatām devadattaḥ / paripraśnagrahaṇaṃ ca kima eva viśeṣaṇaṃ, na yattadoḥ, asambhavāt / jātigrahaṇaṃ tu sarvair eva sambadyate / kimo 'smin viṣaye ḍataram api icchanti kecit, kataro bhavatāṃ kālāpaḥ iti / tatra katarakatamau jātiaparipraśne (*2,1.63) iti vacanāt siddham // ekāc ca prācām
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.