अकर्तरि तृतीयायाः (*५,४।४६) इत्य् एव । हीयमानेन पापेन च योगो यस्य तद् वाचिनः शब्दात् परा या तृतीया विभक्तिर् अकर्तरि तदन्ताद् वा तसिः प्रत्ययो भवति । वृत्तेन हीयते वृत्ततो हीयते । चारित्रेण हीयते चारित्रतो हीयते । पापयोगात् - वृत्तेन पापः वृत्ततः पापः । चारित्रेण पापः चारित्रतः पापः । क्षेपस्य च अविवक्षायां तत् त्व् आख्यायाम् इदम् उदाहरणम् । क्षेपे हि पूर्वेण+एव सिद्धम् । अकर्तरि इत्य् एव, देवदत्तेन हीयते ॥ षष्ठ्या व्याश्रये
akartari tṛtīyāyāḥ (*5,4.46) ity eva / hīyamānena pāpena ca yogo yasya tad vācinaḥ śabdāt parā yā tṛtīyā vibhaktir akartari tadantād vā tasiḥ pratyayo bhavati / vṛttena hīyate vṛttato hīyate / cāritreṇa hīyate cāritrato hīyate / pāpayogāt - vṛttena pāpaḥ vṛttataḥ pāpaḥ / cāritreṇa pāpaḥ cāritrataḥ pāpaḥ / kṣepasya ca avivakṣāyāṃ tat tv ākhyāyām idam udāharaṇam / kṣepe hi pūrveṇa+eva siddham / akartari ity eva, devadattena hīyate // ṣaṣṭhyā vyāśraye
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.