कर्णशब्दे उत्तरपदे लक्षणवाचिनो दीर्घो भवति विष्ट अष्टन् पञ्चन् मणि भिन्न छिन्न छिद्र स्रुव स्वस्तिक इत्य् एतान् वर्जयित्वा । दात्राकर्णः । द्विगुणाकर्णः । त्रिगुणाकर्णः । द्व्यङ्गुलाकर्णः । अङ्गुलाकर्णः । यत् पशूनां स्वामिविशेषसम्बन्धज्ञापनार्थं दात्राकारादि क्रियते तद् इह लक्षणं गृह्यते । लक्षणस्य इति किम् ? शोभनकर्णः । अविष्टादीनाम् इति किम् ? विष्टकर्णः । अष्टकर्णः । पञ्चकर्णः । मणिकर्णः । भिन्नकर्णः । छिन्नकर्णः । छिद्रकर्णः । स्रुवकर्णः । स्वस्तिककर्णः ॥ नहि-वृति-वृषि-व्यधि-रुचि-सहि-तनिषु क्वौ
karṇaśabde uttarapade lakṣaṇavācino dīrgho bhavati viṣṭa aṣṭan pañcan maṇi bhinna chinna chidra sruva svastika ity etān varjayitvā / dātrākarṇaḥ / dviguṇākarṇaḥ / triguṇākarṇaḥ / dvyaṅgulākarṇaḥ / aṅgulākarṇaḥ / yat paśūnāṃ svāmiviśeṣasambandhajñāpanārthaṃ dātrākārādi kriyate tad iha lakṣaṇaṃ gṛhyate / lakṣaṇasya iti kim ? śobhanakarṇaḥ / aviṣṭādīnām iti kim ? viṣṭakarṇaḥ / aṣṭakarṇaḥ / pañcakarṇaḥ / maṇikarṇaḥ / bhinnakarṇaḥ / chinnakarṇaḥ / chidrakarṇaḥ / sruvakarṇaḥ / svastikakarṇaḥ // nahi-vṛti-vṛṣi-vyadhi-ruci-sahi-taniṣu kvau
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.