पादस्य पद इत्य् अयम् आदेशो भवति आजि आति ग उपहत इत्य् एतेषु उत्तरपदेषु । पादाभ्यम् अजति इति पदाजिः । पादाभ्याम् अतति इति पदातिः । अज्यतिभ्यां, पादे च इत्य् औणादिकः इण् प्रत्ययः । तत्र अजेर् वीभवो न भवति अत एव निपातनात् । पादाभ्यां गच्छति इति पदगः । पादेन+उपहतः पदोपहतः । पादशब्दो वृषादित्वाद् आद्युदात्तः, तस्य स्थाने पदादेशः उपदेशे एव अन्तोदात्तो निपात्यते, तेन पदोपहतः इति तृतीया कर्मणि (*६,२।४८) इति पूर्वपदप्रकृतिस्वरत्वेन अन्तोदात्तत्वं भवति । पदाजिः, पदातिः, पदग इत्य् एतेषु कृत्स्वरेण समासस्य+एव अन्तोदात्तत्वम् ॥ पद् यत्य् अतदर्थे
pādasya pada ity ayam ādeśo bhavati āji āti ga upahata ity eteṣu uttarapadeṣu / pādābhyam ajati iti padājiḥ / pādābhyām atati iti padātiḥ / ajyatibhyāṃ, pāde ca ity auṇādikaḥ iṇ pratyayaḥ / tatra ajer vībhavo na bhavati ata eva nipātanāt / pādābhyāṃ gacchati iti padagaḥ / pādena+upahataḥ padopahataḥ / pādaśabdo vṛṣāditvād ādyudāttaḥ, tasya sthāne padādeśaḥ upadeśe eva antodātto nipātyate, tena padopahataḥ iti tṛtīyā karmaṇi (*6,2.48) iti pūrvapadaprakṛtisvaratvena antodāttatvaṃ bhavati / padājiḥ, padātiḥ, padaga ity eteṣu kṛtsvareṇa samāsasya+eva antodāttatvam // pad yaty atadarthe
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.