इजन्तस्य एकाचः खिदन्ते उत्तरपदे अमागमो भवति, अम्प्रत्ययवच् च द्वितीयैकवचनवच् च स भवति । अम् इति हि द्विर् आवर्तते । गाम्मन्यः । स्त्रीम्मन्यः, स्त्रियम्मन्यः । श्रियम्मन्यः । भ्रुवम्मन्यः । अम्प्रत्ययवच् च इत्य् अतिदेशात् आत्वपूर्वसवर्णगुणेयङुवङादेशा भवन्ति । इचः इति किम् ? त्वङमन्यः । एकाचः इति किम् ? लेखाभ्रुम्मन्याः । अथेह कथं भवितव्यम्, श्रियम् आत्मानं ब्राह्मणकुलं मन्यते इत्य् उपक्रम्य श्रिमन्यम् इति भवितव्यम् इति भाष्ये व्यवस्थितम् ? तत्र+इदं भाष्यकारस्य दर्शनम्, अत्र विषये परित्यक्तस्वलिङ्गः श्रीशब्दो ब्राह्मणकुले वर्तते, यथा प्रष्ठादयः स्त्रियाम् । तत्र स्वमोर् नपुंसकात् (*७,१।२३) इत्य् अमो लुग् भवति ॥ वाचंयम-पुरन्दरौ च
ijantasya ekācaḥ khidante uttarapade amāgamo bhavati, ampratyayavac ca dvitīyaikavacanavac ca sa bhavati / am iti hi dvir āvartate / gāmmanyaḥ / strīmmanyaḥ, striyammanyaḥ / śriyammanyaḥ / bhruvammanyaḥ / ampratyayavac ca ity atideśāt ātvapūrvasavarṇaguṇeyaṅuvaṅādeśā bhavanti / icaḥ iti kim ? tvaṅamanyaḥ / ekācaḥ iti kim ? lekhābhrummanyāḥ / atheha kathaṃ bhavitavyam, śriyam ātmānaṃ brāhmaṇakulaṃ manyate ity upakramya śrimanyam iti bhavitavyam iti bhāṣye vyavasthitam ? tatra+idaṃ bhāṣyakārasya darśanam, atra viṣaye parityaktasvaliṅgaḥ śrīśabdo brāhmaṇakule vartate, yathā praṣṭhādayaḥ striyām / tatra svamor napuṃsakāt (*7,1.23) ity amo lug bhavati // vācaṃyama-purandarau ca
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.