द्वयोः सहयुक्तयोर् अप्रधानो यः स द्वितीयः । उपाख्यायते प्रत्यक्षत उपलभ्यते यः स उपाख्यः । उपाख्यादन्यः अनुपाख्यः अनुमेयः । तस्मिन् द्वितीये ऽनुपाख्ये सहस्य स इत्य् अयम् आदेशो भवति । साग्निः कपोतः । सपिशाचा वात्या । सराक्षसीका शाला । अग्न्यादयः साक्षाद् अनुपलभ्यमानाः कपोतादिभिर् अनुमीयमानाः अनुपाख्या भवन्ति ॥ अव्ययीभावे चाकाले
dvayoḥ sahayuktayor apradhāno yaḥ sa dvitīyaḥ / upākhyāyate pratyakṣata upalabhyate yaḥ sa upākhyaḥ / upākhyādanyaḥ anupākhyaḥ anumeyaḥ / tasmin dvitīye 'nupākhye sahasya sa ity ayam ādeśo bhavati / sāgniḥ kapotaḥ / sapiśācā vātyā / sarākṣasīkā śālā / agnyādayaḥ sākṣād anupalabhyamānāḥ kapotādibhir anumīyamānāḥ anupākhyā bhavanti // avyayībhāve cākāle
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.