अवर्णपूर्वयोः व्योः पदान्तयोर् लोपो भवति उञि च पदे परतः । स उ एकविंशवर्तनिः । स उ एकाग्निः । पदे इति किम् ? तन्त्र उतम्, तन्त्रयुतम् । वेञः सम्प्रसारणे कृते उञिति भूतपूर्वेण ञकारेण शक्यते प्रतिपत्तुम् इति । अथ उञ् इत्य् एवं रूपो निपातः प्रतिपदोक्तो ऽस्ति ? तदा लाक्षणिकत्वाद् वेञादेशस्य ग्रहणम् इह न अस्ति, उत्तरार्थं पदग्रहणं क्रियते ॥ हलि सर्वेषां
avarṇapūrvayoḥ vyoḥ padāntayor lopo bhavati uñi ca pade parataḥ / sa u ekaviṃśavartaniḥ / sa u ekāgniḥ / pade iti kim ? tantra utam, tantrayutam / veñaḥ samprasāraṇe kṛte uñiti bhūtapūrveṇa ñakāreṇa śakyate pratipattum iti / atha uñ ity evaṃ rūpo nipātaḥ pratipadokto 'sti ? tadā lākṣaṇikatvād veñādeśasya grahaṇam iha na asti, uttarārthaṃ padagrahaṇaṃ kriyate // hali sarveṣāṃ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.