नस् इत्य् एतस्य नकारस्य णकारादेशो भवति धातुस्थान् निमित्ताद् उत्तरस्य उरुशब्दात् षुशब्दाच् च छन्दसि विषये । धातुस्थात् तावत् - अग्ने रक्षा नः । शिक्षा णो अस्मिन् । उरुशब्दात् - उरु णस्कृधि । षुशब्दात् - अभी षु णः सखीनाम् । ऊर्ध्व ऊ षु ण ऊतये । अस्मदादेशो ऽयं नस्शब्दः बहुवचनस्य वस्नसौ (*८,१।२१) इति ॥ उपसर्गाद् बहुलम्
nas ity etasya nakārasya ṇakārādeśo bhavati dhātusthān nimittād uttarasya uruśabdāt ṣuśabdāc ca chandasi viṣaye / dhātusthāt tāvat - agne rakṣā naḥ / śikṣā ṇo asmin / uruśabdāt - uru ṇaskṛdhi / ṣuśabdāt - abhī ṣu ṇaḥ sakhīnām / ūrdhva ū ṣu ṇa ūtaye / asmadādeśo 'yaṃ nasśabdaḥ bahuvacanasya vasnasau (*8,1.21) iti // upasargād bahulam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.