Kesava: Kausikapaddhati 4.1

अथ भैषज्यानि

atha bhaiṣajyāni

Sanskrit only: no published translation is held for this verse.

लिङ्ग्युपतापो भैषज्यम्

liṅgyupatāpo bhaiṣajyam

Sanskrit only: no published translation is held for this verse.

वचनादन्यत्

vacanādanyat

Sanskrit only: no published translation is held for this verse.

ऽविद्मा शरस्यऽ इति द्वितीयेन द्रुघ्नीं ज्याधनुषं जघने शिश्नदेश ऊर्ध्वं कृत्वा गोदोहन्यामुदकं कृत्वा यवानेकविंशतिं प्रक्षिप्य तेनोदकेन धनुष उपरि फलं सिञ्चति । यथोदकं शिश्ने पतति तथा कार्यम् ॥ [आलबिसोलं फाण्टं पाययति

'vidmā śarasya' iti dvitīyena drughnīṃ jyādhanuṣaṃ jaghane śiśnadeśa ūrdhvaṃ kṛtvā godohanyāmudakaṃ kṛtvā yavānekaviṃśatiṃ prakṣipya tenodakena dhanuṣa upari phalaṃ siñcati | yathodakaṃ śiśne patati tathā kāryam || [ālabisolaṃ phāṇṭaṃ pāyayati

Sanskrit only: no published translation is held for this verse.

ऽस्तुवानम्ऽ, ऽइदं हविःऽ इति सूक्ताभ्यां तप्तशर्करा अभिमन्त्र्य शयनं वान्तराणि वा गृहं वा ग्रामं वा एषु स्थानेषु परिकिरेत् रक्षोभये । ऽनिःसालाम्ऽ इति सूक्तेन तप्तशर्करा अभिमन्त्र्य गृहादिषु परिकिरति पिशाचभये । ऽअरायक्षयणम्ऽ इति तिसृभिः तप्तशर्करा अभिमन्त्र्य शयनराशिपल्यानि परिकिरति । यत्र पिशाचभयं तत्र परिकिरति । ऽशन्नो देवीऽ इति सूक्तेन तप्तशर्करा अभिमन्त्र्य शयनराशिपल्यानि परिकिरति । ऽआ पश्यतिऽ इति तप्तशर्करा परिकिरति । ऽतान्त्सत्यौजाःऽ, ऽत्वया पूर्वम्ऽ इति सूक्ताभ्यां तप्तशर्करा अभिमन्त्र्य शयनराशिपल्यानि परिकिरति पिशाचभये । ऽपुरस्ताद्युक्तो वहऽ इति सूक्तेन तप्तशर्करा अभिमन्त्र्य शयनराशिपल्यानि परिकिरति पिशाचभये । ऽरक्षोहणम्ऽ इत्यनुवाकेन तप्तशर्करा अभिमन्त्र्य शयनराशिपल्यानि परिकिरति पिशाचभये ॥ [अमावास्यायां सकृद्गृहीतान् यवाननपहतानप्रतीहारपिष्टानाभिचारिकं परिस्तीर्य तार्ष्टाघेध्म आवपति

'stuvānam', 'idaṃ haviḥ' iti sūktābhyāṃ taptaśarkarā abhimantrya śayanaṃ vāntarāṇi vā gṛhaṃ vā grāmaṃ vā eṣu sthāneṣu parikiret rakṣobhaye | 'niḥsālām' iti sūktena taptaśarkarā abhimantrya gṛhādiṣu parikirati piśācabhaye | 'arāyakṣayaṇam' iti tisṛbhiḥ taptaśarkarā abhimantrya śayanarāśipalyāni parikirati | yatra piśācabhayaṃ tatra parikirati | 'śanno devī' iti sūktena taptaśarkarā abhimantrya śayanarāśipalyāni parikirati | 'ā paśyati' iti taptaśarkarā parikirati | 'tāntsatyaujāḥ', 'tvayā pūrvam' iti sūktābhyāṃ taptaśarkarā abhimantrya śayanarāśipalyāni parikirati piśācabhaye | 'purastādyukto vaha' iti sūktena taptaśarkarā abhimantrya śayanarāśipalyāni parikirati piśācabhaye | 'rakṣohaṇam' ityanuvākena taptaśarkarā abhimantrya śayanarāśipalyāni parikirati piśācabhaye || [amāvāsyāyāṃ sakṛdgṛhītān yavānanapahatānapratīhārapiṣṭānābhicārikaṃ paristīrya tārṣṭāghedhma āvapati

Sanskrit only: no published translation is held for this verse.

य आगच्छेत् तं ब्रूयात् शणशुल्बेन जिह्वां निर्मृजानः शालायाः प्रस्कन्द इति

ya āgacchet taṃ brūyāt śaṇaśulbena jihvāṃ nirmṛjānaḥ śālāyāḥ praskanda iti

Sanskrit only: no published translation is held for this verse.

आज्यतन्त्रमभ्यातानान्तं कृत्वा ऽस्तुवानम्ऽ, ऽइदं हविःऽ इति सूक्ताभ्यां वीरिणतूलमिश्रमिङ्गिडं पूर्णपुटेन जुहोति । तत उत्तरतन्त्रम् । ऽनिःसालाम्ऽ इति सूक्तेन वीरिणपुष्पमिश्रितमिङ्गिडमाज्यं जुहोति पालाशपुटेनाज्यतन्त्रे । उत्तरतन्त्रम् । तन्त्रं कृत्वा ऽअरायक्षयणम्ऽ इति तिसृभिः वीरिणतूलमिश्रितमिङ्गिडं पलाशपुटेन जुहोति । उत्तरतन्त्रम् । तन्त्रं कृत्वा ऽशन्नो देवी पृश्निपर्णीऽ इति सूक्तेन वीरिणतूलमिश्रितमिङ्गिडं प्रपुटेन जुहोति । उत्तरतन्त्रम् । ग्रहस्याभिचारोऽयम् । तन्त्रं कृत्वा ऽआ पश्यतिऽ इति सूक्तेन वीरिणतूलमिश्रितमिङ्गिडं प्रपुटेन जुहोति । उत्तरतन्त्रम् । आज्यतन्त्रं कृत्वा ऽतान्त्सत्यौजाःऽ, ऽत्वया पूर्वम्ऽ इति सूक्ताभ्यां वीरिणतूलमिश्रमिङ्गिडं प्रपुटेन जुहोति । उत्तरतन्त्रम् । पिशाचस्याभिचारकर्म । तन्त्रं कृत्वा ऽपुरस्ताद्युक्तःऽ इति सूक्तेन वीरिणतूलमिश्रितमिङ्गिडं पर्णपुटेन जुहोति । उत्तरतन्त्रम् । ऽरक्षोहणम्ऽ इत्यनुवाकेन वीरिणतूलमिश्रितमिङ्गिडं प्रपुटेन जुहोत्याज्यतन्त्रे । ग्रहाभिचारः समाप्तः ॥ अथास्मिन् गृहे पिशाचोऽस्ति वा न वेति संशये इदं कर्म उच्यते - [इध्माबर्हिः शालायामासजति

ājyatantramabhyātānāntaṃ kṛtvā 'stuvānam', 'idaṃ haviḥ' iti sūktābhyāṃ vīriṇatūlamiśramiṅgiḍaṃ pūrṇapuṭena juhoti | tata uttaratantram | 'niḥsālām' iti sūktena vīriṇapuṣpamiśritamiṅgiḍamājyaṃ juhoti pālāśapuṭenājyatantre | uttaratantram | tantraṃ kṛtvā 'arāyakṣayaṇam' iti tisṛbhiḥ vīriṇatūlamiśritamiṅgiḍaṃ palāśapuṭena juhoti | uttaratantram | tantraṃ kṛtvā 'śanno devī pṛśniparṇī' iti sūktena vīriṇatūlamiśritamiṅgiḍaṃ prapuṭena juhoti | uttaratantram | grahasyābhicāro'yam | tantraṃ kṛtvā 'ā paśyati' iti sūktena vīriṇatūlamiśritamiṅgiḍaṃ prapuṭena juhoti | uttaratantram | ājyatantraṃ kṛtvā 'tāntsatyaujāḥ', 'tvayā pūrvam' iti sūktābhyāṃ vīriṇatūlamiśramiṅgiḍaṃ prapuṭena juhoti | uttaratantram | piśācasyābhicārakarma | tantraṃ kṛtvā 'purastādyuktaḥ' iti sūktena vīriṇatūlamiśritamiṅgiḍaṃ parṇapuṭena juhoti | uttaratantram | 'rakṣohaṇam' ityanuvākena vīriṇatūlamiśritamiṅgiḍaṃ prapuṭena juhotyājyatantre | grahābhicāraḥ samāptaḥ || athāsmin gṛhe piśāco'sti vā na veti saṃśaye idaṃ karma ucyate - [idhmābarhiḥ śālāyāmāsajati

Sanskrit only: no published translation is held for this verse.

अपरेद्युर्विकृते पिशाचतो रुगिति

aparedyurvikṛte piśācato rugiti

Sanskrit only: no published translation is held for this verse.

वैश्रवणाय नमस्कारं कृत्वा ऽस्तुवानम्ऽ, ऽइदं हविःऽ इति सूक्ताभ्यामुदकमभिमन्त्र्य तमाचामयति सम्प्रोक्षति च । वैश्रवणाय नमस्कारं कृत्वा ऽनिःसालाम्ऽ इति सूक्तेनोदकमभिमन्त्र्याचामयति सम्प्रोक्षति च व्याधितम् । पिशाचग्रहरक्षाकामः । वैश्रवणाय नमस्कारं कृत्वा ऽअरायक्षयणम्ऽ इति तिसृभिरुदकमभिमन्त्र्याचामयति सम्प्रोक्षति च पिशाचगृहीतं पुरुषम् । वैश्रवणाय नमस्कारं कृत्वा ऽशन्नो देवीऽ इति सूक्तेनोदकमभिमन्त्र्याचामयति सम्प्रोक्षति च । पिशाचरक्षार्थम् । वैश्रवणाय नमस्कारं कृत्वा ऽआ पश्यतिऽ इति सूक्तेनोदकमभिमन्त्र्याचामयति सम्प्रोक्षति च व्याधितं मानुषम् । वैश्रवणाय नमस्कारं कृत्वा ऽतान्त्सत्यौजाःऽ, ऽत्वया पूर्वम्ऽ इति सूक्ताभ्यामुदकमभिमन्त्र्य व्याधितमाचामयति सम्प्रोक्षति च । पिशाचभये । वैश्रवणायाञ्जलिं कृत्वा ऽपुरस्ताद्युक्तःऽ इति सूक्तेनोदकमभिमन्त्र्य व्याधितमाचामयति सम्प्रोक्षति च । पिशाचभये रक्षाकामः । वैश्रवणायाञ्जलिं कृत्वा ऽरक्षोहणम्ऽ इत्यनुवाकेनोदकमभिमन्त्र्याचामयति सम्प्रोक्षति च व्याधितम् । पिशाचभये रक्षाकामः । सर्वत्र कर्मणां विकल्पः । पिशाचगृहीतं मनुष्यमन्वारब्धे सर्वत्र होमः कार्यः । भैषज्यकर्म च । गृहे प्रयोगः ॥ रात्रिकर्माण्युच्यन्ते - [निश्युल्मुके सङ्कर्षति

vaiśravaṇāya namaskāraṃ kṛtvā 'stuvānam', 'idaṃ haviḥ' iti sūktābhyāmudakamabhimantrya tamācāmayati samprokṣati ca | vaiśravaṇāya namaskāraṃ kṛtvā 'niḥsālām' iti sūktenodakamabhimantryācāmayati samprokṣati ca vyādhitam | piśācagraharakṣākāmaḥ | vaiśravaṇāya namaskāraṃ kṛtvā 'arāyakṣayaṇam' iti tisṛbhirudakamabhimantryācāmayati samprokṣati ca piśācagṛhītaṃ puruṣam | vaiśravaṇāya namaskāraṃ kṛtvā 'śanno devī' iti sūktenodakamabhimantryācāmayati samprokṣati ca | piśācarakṣārtham | vaiśravaṇāya namaskāraṃ kṛtvā 'ā paśyati' iti sūktenodakamabhimantryācāmayati samprokṣati ca vyādhitaṃ mānuṣam | vaiśravaṇāya namaskāraṃ kṛtvā 'tāntsatyaujāḥ', 'tvayā pūrvam' iti sūktābhyāmudakamabhimantrya vyādhitamācāmayati samprokṣati ca | piśācabhaye | vaiśravaṇāyāñjaliṃ kṛtvā 'purastādyuktaḥ' iti sūktenodakamabhimantrya vyādhitamācāmayati samprokṣati ca | piśācabhaye rakṣākāmaḥ | vaiśravaṇāyāñjaliṃ kṛtvā 'rakṣohaṇam' ityanuvākenodakamabhimantryācāmayati samprokṣati ca vyādhitam | piśācabhaye rakṣākāmaḥ | sarvatra karmaṇāṃ vikalpaḥ | piśācagṛhītaṃ manuṣyamanvārabdhe sarvatra homaḥ kāryaḥ | bhaiṣajyakarma ca | gṛhe prayogaḥ || rātrikarmāṇyucyante - [niśyulmuke saṅkarṣati

Sanskrit only: no published translation is held for this verse.