Kesava: Kausikapaddhati 7.7

ऽश्रद्धाया दुहिताऽ इति द्वाभ्यां मौञ्जीं मेखलां त्रिप्रवरां चतुःप्रवरां वाभिमन्त्र्य ब्रह्मचारिणः कटिप्रदेशे बध्नाति ॥ [मित्रावरुणयोस्त्वा हस्ताभ्यां प्रसूतः प्रशिषा प्रयच्छामि इति पालाशं दण्डं प्रयच्छति

'śraddhāyā duhitā' iti dvābhyāṃ mauñjīṃ mekhalāṃ tripravarāṃ catuḥpravarāṃ vābhimantrya brahmacāriṇaḥ kaṭipradeśe badhnāti || [mitrāvaruṇayostvā hastābhyāṃ prasūtaḥ praśiṣā prayacchāmi iti pālāśaṃ daṇḍaṃ prayacchati

Sanskrit only: no published translation is held for this verse.

मित्रावरुणयोस्त्वा हस्ताभ्यां प्रसूतः प्रशिषा प्रतिगृह्णामि । सुश्रवः सुश्रवसं मा कुर्ववक्रोऽविथुरोऽहं भूयासम् इति प्रतिगृह्णाति

mitrāvaruṇayostvā hastābhyāṃ prasūtaḥ praśiṣā pratigṛhṇāmi | suśravaḥ suśravasaṃ mā kurvavakro'vithuro'haṃ bhūyāsam iti pratigṛhṇāti

Sanskrit only: no published translation is held for this verse.

श्येनोऽसि (६।४८) इति च ॥ कौश्स् ७,७ ५६ ।४ ॥] ततो ऽमित्रावरुणयोस्त्वा हस्ताभ्याम्ऽ इति मन्त्रेण ऽश्येनोऽसिऽ इति च सूक्तेन पालाशदण्डमभिमन्त्र्य ब्रह्मचारिणे प्रयच्छति । ऽमित्रावरुणयोस्त्वाऽ इति ऽश्येनोऽसिऽ इति च पठित्वा ब्रह्मचारी दण्डं गृह्णाति । ऽपुनर्मैत्विन्द्रियम्ऽ (७।६७।१) इत्यृचा यज्ञोपवीतमभिमन्त्र्य परिधत्ते मन्वादिविहितम् । ऽअहं रुद्रेभिःऽ इति सूक्तं प्रत्यृचं ब्रह्मचारिणं वाचयति । अथ व्रतग्रहणं करोति । ऽब्रह्मचारिव्रतं द्वादशवार्षिकं षड्वार्षिकं वा त्रिवार्षिकं वा यथाशास्त्रविहितं यथास्मर्यमाणधर्मकम्ऽ इत्याद्युक्तमाङ्गिरसकल्पे व्रतश्रावणम् । अग्नये गुरवे च ब्रह्मचारी व्रतं निवेदयेत् ॥ [अथैनं व्रतादानीयाः समिध आधापयति

śyeno'si (6.48) iti ca || KauśS 7,7 56 .4 ||] tato 'mitrāvaruṇayostvā hastābhyām' iti mantreṇa 'śyeno'si' iti ca sūktena pālāśadaṇḍamabhimantrya brahmacāriṇe prayacchati | 'mitrāvaruṇayostvā' iti 'śyeno'si' iti ca paṭhitvā brahmacārī daṇḍaṃ gṛhṇāti | 'punarmaitvindriyam' (7.67.1) ityṛcā yajñopavītamabhimantrya paridhatte manvādivihitam | 'ahaṃ rudrebhiḥ' iti sūktaṃ pratyṛcaṃ brahmacāriṇaṃ vācayati | atha vratagrahaṇaṃ karoti | 'brahmacārivrataṃ dvādaśavārṣikaṃ ṣaḍvārṣikaṃ vā trivārṣikaṃ vā yathāśāstravihitaṃ yathāsmaryamāṇadharmakam' ityādyuktamāṅgirasakalpe vrataśrāvaṇam | agnaye gurave ca brahmacārī vrataṃ nivedayet || [athainaṃ vratādānīyāḥ samidha ādhāpayati

Sanskrit only: no published translation is held for this verse.

अग्ने व्रतपते व्रतं चरिष्यामि तच्छकेयं तत्समापेयं तन्मे राध्यतां तन्मे समृध्यतां तन्मे मा व्यनशत्तेन राध्यासं तत्ते प्रब्रवीमि तदुपाकरोमि अग्नये व्रतपतये स्वाहा

agne vratapate vrataṃ cariṣyāmi tacchakeyaṃ tatsamāpeyaṃ tanme rādhyatāṃ tanme samṛdhyatāṃ tanme mā vyanaśattena rādhyāsaṃ tatte prabravīmi tadupākaromi agnaye vratapataye svāhā

Sanskrit only: no published translation is held for this verse.

वायो व्रतपते । सूर्य व्रतपते । चन्द्र व्रतपते । आपो व्रतपत्न्यो । देवा व्रतपतयो । वेदा व्रतपतयो । व्रतानां व्रतपतयो व्रतमचारिषं तदशकं तत्समाप्तं तन्मे राद्धं तन्मे समृद्धं तन्मे मा व्यनशत्तेन राद्धोऽस्मि तद्वः प्रब्रवीमि तदुपाकरोमि व्रतेभ्यो व्रतपतिभ्यः स्वाहा इति ॥ कौश्स् ७,७ ५६ ।७ ॥] ऽअग्ने व्रतपतेऽ इति प्रत्यृचं ब्रह्मचारी अष्टौ समिध आदधाति । पाठयित्वा अष्टौ मन्त्रान् ॥ [अथैनं बद्धमेखलमाहितसमित्कं सावित्रीं वाचयति

vāyo vratapate | sūrya vratapate | candra vratapate | āpo vratapatnyo | devā vratapatayo | vedā vratapatayo | vratānāṃ vratapatayo vratamacāriṣaṃ tadaśakaṃ tatsamāptaṃ tanme rāddhaṃ tanme samṛddhaṃ tanme mā vyanaśattena rāddho'smi tadvaḥ prabravīmi tadupākaromi vratebhyo vratapatibhyaḥ svāhā iti || KauśS 7,7 56 .7 ||] 'agne vratapate' iti pratyṛcaṃ brahmacārī aṣṭau samidha ādadhāti | pāṭhayitvā aṣṭau mantrān || [athainaṃ baddhamekhalamāhitasamitkaṃ sāvitrīṃ vācayati

Sanskrit only: no published translation is held for this verse.

पच्छः प्रथमम्

pacchaḥ prathamam

Sanskrit only: no published translation is held for this verse.

ततोऽर्धर्चशः

tato'rdharcaśaḥ

Sanskrit only: no published translation is held for this verse.

ऽअथैनं भूतेभ्यःऽ इत्यादिभिर्व्रीहियवशमीमभिमन्त्र्य मूर्ध्नि दद्यात् ॥ [स्वस्ति चरतादिह इति मयि रमन्तां ब्रह्मचारिणः इत्यनुगृह्णीयात्

'athainaṃ bhūtebhyaḥ' ityādibhirvrīhiyavaśamīmabhimantrya mūrdhni dadyāt || [svasti caratādiha iti mayi ramantāṃ brahmacāriṇaḥ ityanugṛhṇīyāt

Sanskrit only: no published translation is held for this verse.