MBT 2.11.32
काकतालीययोगेनेत्य् अनेन क्रियाक्रमादेः शैथिल्यं सूचितम् । काकतालीयेन परमात्मविचारणनिमित्तबुद्धियोगः । तावत् तु क्रियाक्रमादिर् अवश्यम् अनुष्ठेयः । तस्यापि लेशतः तं प्रत्य् उपायत्वात् । न च तत्रैव मङ्क्तव्यम् । सद्गुरूपासादेर् अन्यस्य मुख्यस्योपायस्यापि सत्त्वात् इत्य् अलम्
kākatālīyayogenety anena kriyākramādeḥ śaithilyaṃ sūcitam | kākatālīyena paramātmavicāraṇanimittabuddhiyogaḥ | tāvat tu kriyākramādir avaśyam anuṣṭheyaḥ | tasyāpi leśataḥ taṃ praty upāyatvāt | na ca tatraiva maṅktavyam | sadgurūpāsāder anyasya mukhyasyopāyasyāpi sattvāt ity alam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.