बत निश्चये । हे महामते । मुक्तिमतः निर्वाणप्रकरणश्रवणद्वारेण मुक्तियुक्तस्य पुरुषस्य । हृदयस्य प्रविततः भावप्रधानो निर्देशः । तेन हृदयस्य प्रविततेति अर्थः । सा हरिहराब्जजलक्षशतैर् अपि तुलनं मापनविषयतां न एति । यतः अवस्तुनः अवस्तुभूतस्य हरिहराब्जादिरूपस्य भाववृन्दस्य प्रवितता । नूनं निश्चये । नास्ति । न चावस्तुना वस्तुमापनं युक्तं । तथा च नोक्तदेशप्रसङ्ग इति भावः । इति शिवम्
bata niścaye | he mahāmate | muktimataḥ nirvāṇaprakaraṇaśravaṇadvāreṇa muktiyuktasya puruṣasya | hṛdayasya pravitataḥ bhāvapradhāno nirdeśaḥ | tena hṛdayasya pravitateti arthaḥ | sā hariharābjajalakṣaśatair api tulanaṃ māpanaviṣayatāṃ na eti | yataḥ avastunaḥ avastubhūtasya hariharābjādirūpasya bhāvavṛndasya pravitatā | nūnaṃ niścaye | nāsti | na cāvastunā vastumāpanaṃ yuktaṃ | tathā ca noktadeśaprasaṅga iti bhāvaḥ | iti śivam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.