अथ वा इदं जगत् । सदैवाजस्वरूपत्वात् जन्मरहितचिन्मात्रस्वरूपत्वात् । अनामयम् पूर्वोक्ताधारत्वाधेयत्वादिरोगरहितं भवति । न त्व् अभावयुक्तम् । तदभावश् च तदाक्रान्तबुद्धीन् सत्यं तद्रूपम् अपश्यतः प्रत्य् एवोक्तः । कथम्भूतम् इदं । अखण्डितं पूर्णस्वरूपं । अनाद्यन्तं आद्यन्तरहितम् । ज्ञातमात्राम्बरोदरम् । ज्ञातमात्रम् एव । न तु मुद्गरादिप्रहारैः नाशितं सत् । अम्बरोदरम् सम्यग्ज्ञानेनालोचितं हि जगत् अम्बरोदरम् एव भवति
atha vā idaṃ jagat | sadaivājasvarūpatvāt janmarahitacinmātrasvarūpatvāt | anāmayam pūrvoktādhāratvādheyatvādirogarahitaṃ bhavati | na tv abhāvayuktam | tadabhāvaś ca tadākrāntabuddhīn satyaṃ tadrūpam apaśyataḥ praty evoktaḥ | kathambhūtam idaṃ | akhaṇḍitaṃ pūrṇasvarūpaṃ | anādyantaṃ ādyantarahitam | jñātamātrāmbarodaram | jñātamātram eva | na tu mudgarādiprahāraiḥ nāśitaṃ sat | ambarodaram samyagjñānenālocitaṃ hi jagat ambarodaram eva bhavati
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.