अपृथ्व्यादिमयः पृथ्व्यादिव्यतिरिक्तस्वरूपः । अत एव व्योमाकृतिः आकाशाकृतिः । अत एव च अदेहः आधिभौतिकदेहरहितः । स्वात्मभूः पद्मजः । सदेह इव भाति स्फुरति । सदेहकार्यनानाविधप्रपञ्चकर्तृत्वात् । स्वात्मभूः कथम्भूतः । भूतेशः सर्वभूतोत्पादकत्वेन सर्वभूतस्वामी । पुनः कथम्भूतः । पुरुषाकृतिः पुरुषवत् आकृतिः यस्य । सः तादृशः । अन्यथा शास्त्रेषु चतुर्मुखत्वकल्पनां न कुर्याद् इत्य् अर्थः
apṛthvyādimayaḥ pṛthvyādivyatiriktasvarūpaḥ | ata eva vyomākṛtiḥ ākāśākṛtiḥ | ata eva ca adehaḥ ādhibhautikadeharahitaḥ | svātmabhūḥ padmajaḥ | sadeha iva bhāti sphurati | sadehakāryanānāvidhaprapañcakartṛtvāt | svātmabhūḥ kathambhūtaḥ | bhūteśaḥ sarvabhūtotpādakatvena sarvabhūtasvāmī | punaḥ kathambhūtaḥ | puruṣākṛtiḥ puruṣavat ākṛtiḥ yasya | saḥ tādṛśaḥ | anyathā śāstreṣu caturmukhatvakalpanāṃ na kuryād ity arthaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.