अत्रास्मिन् स्थाने । सर्गस्य प्रतिभानमात्ररूपतायाम् इति यावत् । स्वप्नपुरं स्वप्नदृष्टं पुरं । तथा तद्वत् । स्वप्नस्त्रीसुरतं स्वप्नदृष्टस्त्रीसुरतं । दृष्टान्तः भवति । कथम्भूतम् । असद् अपि प्रतीतिमात्रसारत्वेनासत्स्वरूपम् अपि । अर्थसम्पत्त्या अर्थक्रियासम्पादनेन । सत्यानुभवभास्वरम् सत्यानुभवयुक्तवस्तुवत् भासनशीलम्
atrāsmin sthāne | sargasya pratibhānamātrarūpatāyām iti yāvat | svapnapuraṃ svapnadṛṣṭaṃ puraṃ | tathā tadvat | svapnastrīsurataṃ svapnadṛṣṭastrīsurataṃ | dṛṣṭāntaḥ bhavati | kathambhūtam | asad api pratītimātrasāratvenāsatsvarūpam api | arthasampattyā arthakriyāsampādanena | satyānubhavabhāsvaram satyānubhavayuktavastuvat bhāsanaśīlam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.