------------------ श्येने श्रूयते - ऽदृतिनवनीतमाज्यं भवतिऽ इति । दृतौ चिरं संगृहीतं नवनीतं यस्याऽज्यस्य प्रकृतिद्रव्यं तदेतदीदृशमाज्यं मानान्तरेण पूर्वमप्राप्तत्वात्प्रधानकर्मणि विधेयम्- इति चेत् । मैवम् । प्रधानश्येनस्य सोमयागविकारत्वेनाऽज्यापेक्षाया अभावात् । अङ्गेष्विष्टिविशेषेषु चोदकप्राप्तस्याऽज्यस्य प्रकृतिद्रव्यत्वेन यथोक्तनवनीतगुणो विधीयते
------------------ śyene śrūyate - 'dṛtinavanītamājyaṃ bhavati' iti | dṛtau ciraṃ saṃgṛhītaṃ navanītaṃ yasyā'jyasya prakṛtidravyaṃ tadetadīdṛśamājyaṃ mānāntareṇa pūrvamaprāptatvātpradhānakarmaṇi vidheyam- iti cet | maivam | pradhānaśyenasya somayāgavikāratvenā'jyāpekṣāyā abhāvāt | aṅgeṣviṣṭiviśeṣeṣu codakaprāptasyā'jyasya prakṛtidravyatvena yathoktanavanītaguṇo vidhīyate
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.