स्वयं कृण्वानः सुगम् अप्रयावं तिग्मशृङ्गो वृषभः शोशुचानः । प्रत्नं सधस्थम् अनुपश्यमाना आ तन्तुम् अग्निर् दिव्यं ततान ॥ त्वं तन्तुर् उत सेतुर् अग्ने त्वं पन्था भवसि देवयानः । त्वयाग्ने पृष्ठं वयम् आरुहेम यत्र देवैः सधमादं मदेम ॥ अतिसर्गं ददतो मानवायोर्ध्वं पन्थाम् अनुपश्यमानाः । अजुषन्त मरुतो यज्ञम् एतं वृष्टिद्यावानम् अमृतं स्वर्विदम् ॥ आवर्तमानो भुवनस्य मध्ये प्रजाः कृण्वन् जनयन् विरूपाः । संवत्सरः परमेष्ठी धृतव्रतो यज्ञं नः पातु रजसः परस्मात् ॥ प्रजां ददातु परिवत्सरो नो धाता दधातु सुमनस्यमानः । बह्वीः साकं बहुधा विश्वरूपा एकव्रता माम् अभिसंविशन्तु
svayaṃ kṛṇvānaḥ sugam aprayāvaṃ tigmaśṛṅgo vṛṣabhaḥ śośucānaḥ / pratnaṃ sadhastham anupaśyamānā ā tantum agnir divyaṃ tatāna // tvaṃ tantur uta setur agne tvaṃ panthā bhavasi devayānaḥ / tvayāgne pṛṣṭhaṃ vayam āruhema yatra devaiḥ sadhamādaṃ madema // atisargaṃ dadato mānavāyordhvaṃ panthām anupaśyamānāḥ / ajuṣanta maruto yajñam etaṃ vṛṣṭidyāvānam amṛtaṃ svarvidam // āvartamāno bhuvanasya madhye prajāḥ kṛṇvan janayan virūpāḥ / saṃvatsaraḥ parameṣṭhī dhṛtavrato yajñaṃ naḥ pātu rajasaḥ parasmāt // prajāṃ dadātu parivatsaro no dhātā dadhātu sumanasyamānaḥ / bahvīḥ sākaṃ bahudhā viśvarūpā ekavratā mām abhisaṃviśantu
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.