युञ्जते मनः ॥ युजे वां ब्रह्म पूर्व्यं नमोभिर् वि श्लोक एतु पथ्येव सूरिः । शृण्वन्तु विश्वे अमृतस्य पुत्रा आ ये धामानि दिव्यानि तस्थुः ॥ यस्य प्रयाणम् अन्व् अन्य इद् ययुर् देवा देवस्य महिमानम् अर्चतः । यः पार्थिवानि विममे स एतशो रजांसि देवः सविता महित्वना ॥ देव सवितः ॥ इमं मे देव सवितर् यज्ञं प्रणय देवायुवम् । वसुविदं सत्राजितं धनजितं स्वर्विदम् । ऋचा स्तोमं समर्धय गायत्रेण रथन्तरम् । बृहद् गायत्रवर्तनि ॥ देवस्य त्वा सवितुः प्रसवे ऽश्विनोर् बाहुभ्यां पूष्णो हस्ताभ्याम् आददे नारिर् असि गायत्रेण छन्दसा पृथिव्याः सधस्थाद् अग्निं पुरीष्यम् अङ्गिरस्वद् आभर त्रैष्टुभेन छन्दसाभ्रिर् असि नारिर् असि त्वया वयम् अग्निं शकेम खनितुं सधस्था आ जागतेन छन्दसा ॥ आभर : फ़्न् एमेन्देद्। एद्।: आभरा हस्त आधाय सविता बिभ्रद् अभ्रिं हिरण्ययीम् । अग्निं ज्योतिर् निचाय्य पृथिव्या अध्य् आभरत् ॥ आनुष्टुभेन छन्दसा
yuñjate manaḥ // yuje vāṃ brahma pūrvyaṃ namobhir vi śloka etu pathyeva sūriḥ / śṛṇvantu viśve amṛtasya putrā ā ye dhāmāni divyāni tasthuḥ // yasya prayāṇam anv anya id yayur devā devasya mahimānam arcataḥ / yaḥ pārthivāni vimame sa etaśo rajāṃsi devaḥ savitā mahitvanā // deva savitaḥ // imaṃ me deva savitar yajñaṃ praṇaya devāyuvam / vasuvidaṃ satrājitaṃ dhanajitaṃ svarvidam / ṛcā stomaṃ samardhaya gāyatreṇa rathantaram / bṛhad gāyatravartani // devasya tvā savituḥ prasave 'śvinor bāhubhyāṃ pūṣṇo hastābhyām ādade nārir asi gāyatreṇa chandasā pṛthivyāḥ sadhasthād agniṃ purīṣyam aṅgirasvad ābhara traiṣṭubhena chandasābhrir asi nārir asi tvayā vayam agniṃ śakema khanituṃ sadhasthā ā jāgatena chandasā // ābhara : FN emended. Ed.: ābharā hasta ādhāya savitā bibhrad abhriṃ hiraṇyayīm / agniṃ jyotir nicāyya pṛthivyā adhy ābharat // ānuṣṭubhena chandasā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.