इडाम् अग्ने पुरुडंसं सनिं गोः शश्वत्तमं हवमानाय साध । स्यान् नः सूनुस् तनयो विजावाग्ने सा ते सुमतिर् भूत्व् अस्मे ॥ अयं ते ॥ चिद् असि तया देवतयाङ्गिरस्वद् ध्रुवा सीद परिचिद् असि तया देवतयाङ्गिरस्वद् ध्रुवा सीद चितः स्थ परिचितः स्थोर्ध्वश्रितः श्रयध्वम् ॥ समितं संकल्पेथां संप्रियौ रोचिष्णू सुमनस्यमानौ । इषम् ऊर्जम् अभि संवसानौ ॥ सं वां मनांसि सं व्रता सम् उ चित्तान्य् आकरम् । अग्ने पुरीष्याधिपा भव त्वं ना इषम् ऊर्जं यजमानाय धेहि ॥ त्वम् अग्ने पुरीष्यो रयिमान् पुष्टिमं असि । शिवाः कृत्वा दिशः सर्वाः स्वं योनिम् इहासदः ॥ भवतं नः ॥ मातेव पुत्रं पृथिवी पुरीष्यम् अग्निं स्वे योना अभार् उखा । तां विश्वैर् देवैर् ऋतुभिः संविदानः प्रजापतिर् विश्वकर्मा विमुञ्चतु
iḍām agne puruḍaṃsaṃ saniṃ goḥ śaśvattamaṃ havamānāya sādha / syān naḥ sūnus tanayo vijāvāgne sā te sumatir bhūtv asme // ayaṃ te // cid asi tayā devatayāṅgirasvad dhruvā sīda paricid asi tayā devatayāṅgirasvad dhruvā sīda citaḥ stha paricitaḥ sthordhvaśritaḥ śrayadhvam // samitaṃ saṃkalpethāṃ saṃpriyau rociṣṇū sumanasyamānau / iṣam ūrjam abhi saṃvasānau // saṃ vāṃ manāṃsi saṃ vratā sam u cittāny ākaram / agne purīṣyādhipā bhava tvaṃ nā iṣam ūrjaṃ yajamānāya dhehi // tvam agne purīṣyo rayimān puṣṭimaṃ asi / śivāḥ kṛtvā diśaḥ sarvāḥ svaṃ yonim ihāsadaḥ // bhavataṃ naḥ // māteva putraṃ pṛthivī purīṣyam agniṃ sve yonā abhār ukhā / tāṃ viśvair devair ṛtubhiḥ saṃvidānaḥ prajāpatir viśvakarmā vimuñcatu
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.