जिह्वा मे भद्रं वाङ् महो मनो मन्युः स्वराड् भामः । मोदाः प्रमोदा अङ्गुलीर् अङ्गानि मित्रं मे सहः ॥ बाहू मे बलम् इन्द्रियं हस्तौ मे कर्म वीर्यम् । आत्मा क्षत्रम् उरो मम ॥ पृष्टीर् मे राष्ट्रम् उदरम् अंसौ ग्रीवाश् च श्रोण्यौ । ऊरू अरत्नी जानुनी विशो मे ऽङ्गानि सर्वतः ॥ नाभिर् मे चित्तं विज्ञानं पायुर् मे ऽपचितिर् भसत् । आनन्दनन्दा आण्डौ मे भगः सौभाग्यं पसः ॥ लोमानि प्रयतिर् मम त्वङ् मा आनतिर् आगतिः । मांसं मा उपनतिर् वस्व् अस्थि मज्जा मा आनतिः ॥ जङ्घाभ्यां पद्भ्यां धीरो ऽस्मि विशि राजा प्रतिष्ठितः । प्रति ब्रह्मन् प्रतितिष्ठामि क्षत्रे प्रत्य् अश्वेषु प्रतितिष्ठामि गोषु ॥ प्रति प्रजायां प्रतितिष्ठामि पृष्ठे प्रति प्राणेषु प्रतितिष्ठाम्य् आत्मन् द्यावापृथिव्योः प्रतितिष्ठामि यज्ञे
jihvā me bhadraṃ vāṅ maho mano manyuḥ svarāḍ bhāmaḥ / modāḥ pramodā aṅgulīr aṅgāni mitraṃ me sahaḥ // bāhū me balam indriyaṃ hastau me karma vīryam / ātmā kṣatram uro mama // pṛṣṭīr me rāṣṭram udaram aṃsau grīvāś ca śroṇyau / ūrū aratnī jānunī viśo me 'ṅgāni sarvataḥ // nābhir me cittaṃ vijñānaṃ pāyur me 'pacitir bhasat / ānandanandā āṇḍau me bhagaḥ saubhāgyaṃ pasaḥ // lomāni prayatir mama tvaṅ mā ānatir āgatiḥ / māṃsaṃ mā upanatir vasv asthi majjā mā ānatiḥ // jaṅghābhyāṃ padbhyāṃ dhīro 'smi viśi rājā pratiṣṭhitaḥ / prati brahman pratitiṣṭhāmi kṣatre praty aśveṣu pratitiṣṭhāmi goṣu // prati prajāyāṃ pratitiṣṭhāmi pṛṣṭhe prati prāṇeṣu pratitiṣṭhāmy ātman dyāvāpṛthivyoḥ pratitiṣṭhāmi yajñe
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.