इति चेद् भवान् पश्यत्य् अर्थवादा इति, कारणम् अष्टत्वादीनां ब्रह्मवर्चसादि कस्मान् न भवति। ब्रह्मवर्चसकामस्याष्टाकपालः। एवम् उत्तरेषु यथाकामम्। किम् एवं भविष्यति। पुरोडाशस्य गुणविधाने ऽप्य् आनर्थक्यं न भविष्यति न च लक्षणया द्वादशकपालस्य स्तुतिः कल्पिता भविष्यति। तस्मात् कामेभ्यो विधयो बविष्यन्ति। आनर्थक्याद् अकारणं कर्तुर् हि कारणानि गुणार्थो हि विधीयते
iti ced bhavān paśyaty arthavādā iti, kāraṇam aṣṭatvādīnāṃ brahmavarcasādi kasmān na bhavati. brahmavarcasakāmasyāṣṭākapālaḥ. evam uttareṣu yathākāmam. kim evaṃ bhaviṣyati. puroḍāśasya guṇavidhāne 'py ānarthakyaṃ na bhaviṣyati na ca lakṣaṇayā dvādaśakapālasya stutiḥ kalpitā bhaviṣyati. tasmāt kāmebhyo vidhayo baviṣyanti. ānarthakyād akāraṇaṃ kartur hi kāraṇāni guṇārtho hi vidhīyate
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.