उत्पन्नस्य निमित्त उख्याभरणे निर्घातेन संयोगः। नासंयुक्तस्योत्पन्नस्य दोषनिर्घातप्रयोजनता। तस्माद् इह न दधिग्रहवद् विरोधो ऽस्ति। तेन नार्थवादः, नैमित्तिक इति। अथ यद् उक्तम्, लोकैः समानसंख्यत्वं नित्यत्वाद् उपपद्यते, नान्यथेति। तत्र ब्रूमः, त्रित्वाल् लोकानां हविषां च सामान्याद् अर्थवादो भविष्यतीति। षट्चितिः पूर्ववत्त्वात्
utpannasya nimitta ukhyābharaṇe nirghātena saṃyogaḥ. nāsaṃyuktasyotpannasya doṣanirghātaprayojanatā. tasmād iha na dadhigrahavad virodho 'sti. tena nārthavādaḥ, naimittika iti. atha yad uktam, lokaiḥ samānasaṃkhyatvaṃ nityatvād upapadyate, nānyatheti. tatra brūmaḥ, tritvāl lokānāṃ haviṣāṃ ca sāmānyād arthavādo bhaviṣyatīti. ṣaṭcitiḥ pūrvavattvāt
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.