Mahāparinirvāṇasūtra 42

तत्र भगवान् भिक्षून् आमन्(त्)रयते ॥

tatra bhagavān bhikṣūn āman(t)rayate ||

Sanskrit only: no published translation is held for this verse.

पृच्छत भिक्षवो मा विधारयत ॥ यस्य स्यात् काङ्क्षा वा विमतिर् वा बुद्धे वा धर्मे वा सङ्घे वा दुःखे वा समुदये वा निरोधे वा मार्गे वा स प्रश्नेनाहं व्याकरणेन ॥

pṛcchata bhikṣavo mā vidhārayata || yasya syāt kāṅkṣā vā vimatir vā buddhe vā dharme vā saṅghe vā duḥkhe vā samudaye vā nirodhe vā mārge vā sa praśnenāhaṃ vyākaraṇena ||

Sanskrit only: no published translation is held for this verse.

स्यात् खलु युष्माकम् एवम् ॥ कथं वयं शास्तारम् आसाद्यासाद्य प्रतिमन्त्रयिष्यामः ॥ न खल्व् एवं द्रष्टव्यम् ॥ भिक्(षु)र् (भ्)इक्षो(र् आरोच)यता(ं) सहायकः सहायकस्य स प्रश्नेनाहं व्याकरणेन ॥

syāt khalu yuṣmākam evam || kathaṃ vayaṃ śāstāram āsādyāsādya pratimantrayiṣyāmaḥ || na khalv evaṃ draṣṭavyam || bhik(ṣu)r (bh)ikṣo(r āroca)yatā(ṃ) sahāyakaḥ sahāyakasya sa praśnenāhaṃ vyākaraṇena ||

Sanskrit only: no published translation is held for this verse.

अथायुष्मान् आनन्दो भगवन्तम् इदम् अवोचत् ॥

athāyuṣmān ānando bhagavantam idam avocat ||

Sanskrit only: no published translation is held for this verse.

यथा खल्व् अहं भदन्त भ्(अगवतो भाषितस्यार्थ)म् (आ)ज्(आन्)आमि नास्ति कश्चिद् अस्यां परिषद्य् एकभिक्षुर् अपि यस्य स्यात् काङ्क्षा वा विमतिर् वा पूर्ववद् यावन् मार्गे वा ॥

yathā khalv ahaṃ bhadanta bh(agavato bhāṣitasyārtha)m (ā)j(ān)āmi nāsti kaścid asyāṃ pariṣady ekabhikṣur api yasya syāt kāṅkṣā vā vimatir vā pūrvavad yāvan mārge vā ||

Sanskrit only: no published translation is held for this verse.

साधु साध्व् आनन्द प्रसादेन त्वम् एवं वदसि ॥ त(थागतस्य त्व् अन्)उत्तरे ज्ञानदर्शनं प्रवर्तते ॥

sādhu sādhv ānanda prasādena tvam evaṃ vadasi || ta(thāgatasya tv an)uttare jñānadarśanaṃ pravartate ||

Sanskrit only: no published translation is held for this verse.

यावन्तः खलु भिक्षवो ऽस्यां परिषदि सन्निषण्णाः सन्निपतिता नास्ति कश्चिद् अत्र एकभिक्षुर् अपि य्(अस्य) स्यात् काङ्क्षा वा विमतिर् वा पूर्ववद् यावन् मार्गे वा ॥

yāvantaḥ khalu bhikṣavo 'syāṃ pariṣadi sanniṣaṇṇāḥ sannipatitā nāsti kaścid atra ekabhikṣur api y(asya) syāt kāṅkṣā vā vimatir vā pūrvavad yāvan mārge vā ||

Sanskrit only: no published translation is held for this verse.

अपि तु करणीयम् एतत् तथागतेन यथापि तत् पश्चिमां जनताम् अनुकंपमानः ॥

api tu karaṇīyam etat tathāgatena yathāpi tat paścimāṃ janatām anukaṃpamānaḥ ||

Sanskrit only: no published translation is held for this verse.

अथ भगव्(आन् स्वकायाद् उत्तरासङ्गम् एकान्)ते विवृत्य भिक्षून् आमन्त्रयते ॥

atha bhagav(ān svakāyād uttarāsaṅgam ekān)te vivṛtya bhikṣūn āmantrayate ||

Sanskrit only: no published translation is held for this verse.

अवलोकयत भिक्षवस् तथागतस्य कायम् ॥ व्यवलोकयत भिक्षवस् तथागतस्य कायम् ॥ तत् कस्माद् धेतोः ॥ दुर्लभदर्शना य्(अस्मात् तथागता) अर्हन्तः सम्यक्संबुद्धास् तद्यथोदुंबरे पुष्पम् ॥

avalokayata bhikṣavas tathāgatasya kāyam || vyavalokayata bhikṣavas tathāgatasya kāyam || tat kasmād dhetoḥ || durlabhadarśanā y(asmāt tathāgatā) arhantaḥ samyaksaṃbuddhās tadyathoduṃbare puṣpam ||

Sanskrit only: no published translation is held for this verse.

अङ्ग भिक्षवस् तूष्णीं भवत व्ययधर्माः सर्वसंस्काराः ॥

aṅga bhikṣavas tūṣṇīṃ bhavata vyayadharmāḥ sarvasaṃskārāḥ ||

Sanskrit only: no published translation is held for this verse.

इयं तत्र तथागतस्य पश्चिमा (वाचा ॥)

iyaṃ tatra tathāgatasya paścimā (vācā ||)

Sanskrit only: no published translation is held for this verse.

अथ भगव्(आन् सञ्ज्ञावेदयितनिरोधाद् व्युत्थाय नैवसञ्ज्ञानासञ्ज्ञायतनं समापन्नः ॥ नैव)स(ञ्)ज्ञान्(असञ्ज्)ञ्(आयतनाद् व्युत्थायाकिञ्चन्यायतनं समापन्नः ॥ आकिञ्चन्यायतनाड् व्युत्थाय विज्ञानानन्त्यायतनं समापन्नः ॥ विज्ञानानन्त्य्)आयतनाद् व्युत्थ्(आयाकाशानन्त्यायतनं समापन्नः ॥ आकाशानन्त्यायतनाद् व्युत्थाय चतुर्थं ध्यानं समापन्नः ॥ चतुर्थाद् ध्यानाद् व्युत्थाय तृतीयं ध्या)नं समा(पन्नः ॥ तृतीयाद् ध्यानाद् व्युत्थाय द्वितीयं ध्यानं समापन्नः ॥ द्वितीयाद् ध्यानाद् व्युत्थाय प्रथमं ध्यानं समापन्नः ॥ प्रथमाद् ध्यानाद् व्युत्थाय द्वितीयं ध्यानं समापन्नः ॥) (द्)व्(इ)त्(ई)या(द्) ध्य्(आ)न्(आद् व्युत्थाय तृतीयं ध्यानं समापन्नः ॥ तृतीयाद् ध्यानाद् व्युत्थाय चतुर्थं ध्यानं समापन्नः ॥ चतुर्थं ध्यानं समाप्य चक्षुष्मान् आनिञ्ज्यं शान्तिं) समापन्नो बुद्(ध्)ओ( भगवान् परिनिर्वृतः

atha bhagav(ān sañjñāvedayitanirodhād vyutthāya naivasañjñānāsañjñāyatanaṃ samāpannaḥ || naiva)sa(ñ)jñān(asañj)ñ(āyatanād vyutthāyākiñcanyāyatanaṃ samāpannaḥ || ākiñcanyāyatanāḍ vyutthāya vijñānānantyāyatanaṃ samāpannaḥ || vijñānānanty)āyatanād vyutth(āyākāśānantyāyatanaṃ samāpannaḥ || ākāśānantyāyatanād vyutthāya caturthaṃ dhyānaṃ samāpannaḥ || caturthād dhyānād vyutthāya tṛtīyaṃ dhyā)naṃ samā(pannaḥ || tṛtīyād dhyānād vyutthāya dvitīyaṃ dhyānaṃ samāpannaḥ || dvitīyād dhyānād vyutthāya prathamaṃ dhyānaṃ samāpannaḥ || prathamād dhyānād vyutthāya dvitīyaṃ dhyānaṃ samāpannaḥ ||) (d)v(i)t(ī)yā(d) dhy(ā)n(ād vyutthāya tṛtīyaṃ dhyānaṃ samāpannaḥ || tṛtīyād dhyānād vyutthāya caturthaṃ dhyānaṃ samāpannaḥ || caturthaṃ dhyānaṃ samāpya cakṣuṣmān āniñjyaṃ śāntiṃ) samāpanno bud(dh)o( bhagavān parinirvṛtaḥ

Sanskrit only: no published translation is held for this verse.