Manava-Grhyasutra 2.8

इति द्वितीयपुरुषे सप्तमः खण्डः ॥७॥ अष्टमः खण्डः तिस्रो ऽष्टकाः

iti dvitīyapuruṣe saptamaḥ khaṇḍaḥ //7// aṣṭamaḥ khaṇḍaḥ tisro 'ṣṭakāḥ

Sanskrit only: no published translation is held for this verse.

ऊर्ध्वमाग्रहायण्याः प्राक् फाल्गुन्यास्तमिश्राणामष्टम्यः

ūrdhvamāgrahāyaṇyāḥ prāk phālgunyāstamiśrāṇāmaṣṭamyaḥ

Sanskrit only: no published translation is held for this verse.

तासु नाधीयीत

tāsu nādhīyīta

Sanskrit only: no published translation is held for this verse.

तासु पयसि स्थालीपाकं श्रपयित्वा तस्य जुहोति-- या देव्यष्टकेष्वपसापस्तमास्तपा अवया असि । त्वं यज्ञे वरुणस्यावया असि तस्यै त एना विधेम ॥ उलूखला ग्रावाणो घोषमकुर्वत हविः कृण्वन्तः परिवत्सरीयम् एकाष्टके सुप्रजसः सुवीरा ज्योग्जीवेम बलिहृदो वयं ते ॥ यां जनाः प्रतिनन्दन्ति रात्रीं धेनुमिवायतीम् । संवत्सरस्य या पत्नी सा नो अस्तु सुमङ्गली ॥ संवत्सरस्य प्रतिमां ये त्वा रात्रीमुपासते । तेषामायुष्मतीं प्रजांरायस्पोषेण संसृजस्व ॥ इति चतस्रः स्थालीपाकस्य

tāsu payasi sthālīpākaṃ śrapayitvā tasya juhoti-- yā devyaṣṭakeṣvapasāpastamāstapā avayā asi / tvaṃ yajñe varuṇasyāvayā asi tasyai ta enā vidhema // ulūkhalā grāvāṇo ghoṣamakurvata haviḥ kṛṇvantaḥ parivatsarīyam ekāṣṭake suprajasaḥ suvīrā jyogjīvema balihṛdo vayaṃ te // yāṃ janāḥ pratinandanti rātrīṃ dhenumivāyatīm / saṃvatsarasya yā patnī sā no astu sumaṅgalī // saṃvatsarasya pratimāṃ ye tvā rātrīmupāsate / teṣāmāyuṣmatīṃ prajāṃrāyaspoṣeṇa saṃsṛjasva // iti catasraḥ sthālīpākasya

Sanskrit only: no published translation is held for this verse.

अष्ठकार्यै सुराधसे स्वादेति सर्वत्रानुषजति

aṣṭhakāryai surādhase svādeti sarvatrānuṣajati

Sanskrit only: no published translation is held for this verse.

हेमन्तो वसन्ते ग्रीष्मऋतवः शिवानः शिवानो वर्षा अभयाश्चिरं नः वैश्वानरो ऽधिरतिः प्राणादो नो अहोरात्रे कृणुतां दीर्घमायुः ॥ शान्ता पृथिवी शिवमन्तरिक्षं द्यौर् नो देव्यभयं कृणोतु । शिवा दिशः प्रदिश आदिशो न आपो विद्युतः परिपान्त्वायुः ॥ आपो मरीचीः परिपान्तु विश्वतो धाता समुद्रो अभयं कृणोतु । भूतं भविष्यदुत भद्रमस्तु मे ब्रह्मभिगूर्त्तं स्वराक्षाणः ॥ कविरग्निरिन्द्रः सोमः सूर्यो वायुरस्तु मे अग्निर्वैश्वानरो अपहन्तु पापम् । बृहस्पतिः सविता शर्म यच्छतु श्रियं विराजं मयि पूषा दधातु ॥ इति पञचाज्यस्य

hemanto vasante grīṣmaṛtavaḥ śivānaḥ śivāno varṣā abhayāściraṃ naḥ vaiśvānaro 'dhiratiḥ prāṇādo no ahorātre kṛṇutāṃ dīrghamāyuḥ // śāntā pṛthivī śivamantarikṣaṃ dyaur no devyabhayaṃ kṛṇotu / śivā diśaḥ pradiśa ādiśo na āpo vidyutaḥ paripāntvāyuḥ // āpo marīcīḥ paripāntu viśvato dhātā samudro abhayaṃ kṛṇotu / bhūtaṃ bhaviṣyaduta bhadramastu me brahmabhigūrttaṃ svarākṣāṇaḥ // kaviragnirindraḥ somaḥ sūryo vāyurastu me agnirvaiśvānaro apahantu pāpam / bṛhaspatiḥ savitā śarma yacchatu śriyaṃ virājaṃ mayi pūṣā dadhātu // iti pañacājyasya

Sanskrit only: no published translation is held for this verse.

जयान्हुत्वेडामग्न इति स्विष्टकृदिति

jayānhutveḍāmagna iti sviṣṭakṛditi

Sanskrit only: no published translation is held for this verse.

एवं सर्वासु

evaṃ sarvāsu

Sanskrit only: no published translation is held for this verse.