अनेनैव प्रकारेण तृतीयादिष्व् अपि ज्ञानेष्व् आकारवृद्ध्या पूर्वपूर्वेभ्यो भिन्नता सिध्यति। इतरथा तु पूर्वस्य केवलग्राह्याकारत्वे स्वाकारसमर्पणेन विषयभावाद् उत्तरम् अपि तत्सदृशं घटात्मकम् एव भवेद् इत्य् अयुक्तम्। एवं केवलग्राहकाकारत्वे पूर्वस्योत्तरस्यापि ताद्रूप्यान् न वैलक्षण्यं सिध्येत्। निराकारत्वपक्षे ऽपि तुल्यतैव प्रसज्यते । निराकारत्वसामान्यात् प्राचीनोत्तरसंविदोः ॥ इत्य् अभिप्रायेणाह -- परेष्व् इति। एवं तावद् उत्तरोत्तरविज्ञानविशेषाद् इत्य् एतत् प्रपञ्चितम्। स्मरणाच् चानुमानिकीत्य् एतद् इदानीं प्रपञ्चयति -- ग्राह्येति। इदं च प्राग् एव व्याख्यातम् इति
anenaiva prakāreṇa tṛtīyādiṣv api jñāneṣv ākāravṛddhyā pūrvapūrvebhyo bhinnatā sidhyati. itarathā tu pūrvasya kevalagrāhyākāratve svākārasamarpaṇena viṣayabhāvād uttaram api tatsadṛśaṃ ghaṭātmakam eva bhaved ity ayuktam. evaṃ kevalagrāhakākāratve pūrvasyottarasyāpi tādrūpyān na vailakṣaṇyaṃ sidhyet. nirākāratvapakṣe 'pi tulyataiva prasajyate | nirākāratvasāmānyāt prācīnottarasaṃvidoḥ || ity abhiprāyeṇāha -- pareṣv iti. evaṃ tāvad uttarottaravijñānaviśeṣād ity etat prapañcitam. smaraṇāc cānumānikīty etad idānīṃ prapañcayati -- grāhyeti. idaṃ ca prāg eva vyākhyātam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.