अन्यद् दर्शनं - नार्थाकारो मोहाज् ज्ञाने ऽवगम्यते। किन् तु सांसर्गिको ऽयम् आकारश् चूर्णहरिद्रयोर् इवारुणिम् एति। तद् अप्य् अत एव बाह्याभ्यन्तरदेशत्वाद् अनुपपन्नम् इत्य् आह -- संसर्गेति। तद् एव प्रकटयति -- देशभेदाद् इति। अपि च, अमूर्तं ज्ञानं मूर्तो ऽर्थः कथम् अनयोः संसर्गधर्म आकारो भवेत्। घटाकाशादाव् अदर्शनाद् इत्य् आह -- मूर्तामूर्ततया तथेति
anyad darśanaṃ - nārthākāro mohāj jñāne 'vagamyate. kin tu sāṃsargiko 'yam ākāraś cūrṇaharidrayor ivāruṇim eti. tad apy ata eva bāhyābhyantaradeśatvād anupapannam ity āha -- saṃsargeti. tad eva prakaṭayati -- deśabhedād iti. api ca, amūrtaṃ jñānaṃ mūrto 'rthaḥ katham anayoḥ saṃsargadharma ākāro bhavet. ghaṭākāśādāv adarśanād ity āha -- mūrtāmūrtatayā tatheti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.