नन्व् असत्य् अप्य् एकदेशत्वे एककालतया संसर्गो भविष्यतीत्य् अत आह -- त्रैलोक्येनेति। त्रैलोक्यं हि ज्ञानेन समकालतया संस्पृष्टं संसर्गजन्माकारं प्रतिभासयेत्। न चैवम् अस्ति। तस्माद् अतिव्याप्तेर् नैककालतया संसर्ग इति। नन्व् आर्जवावस्थानं ज्ञानार्थयोः संसर्गो भविष्यतीति अत आह -- न चेति। निर्मुखस्यार्जवाभावाद् न ज्ञानेनार्थस्यार्जवावस्थानम्। सर्वतोदिक्पदार्थबोधेन सर्वतोमुखत्वे वा सर्वार्थसंसर्गप्रसङ्गात् सर्वाकारोपलब्धिः। न हि सर्वतोमुखं कस्यचिद् एकस्याभिमुखं युक्तम् इति
nanv asaty apy ekadeśatve ekakālatayā saṃsargo bhaviṣyatīty ata āha -- trailokyeneti. trailokyaṃ hi jñānena samakālatayā saṃspṛṣṭaṃ saṃsargajanmākāraṃ pratibhāsayet. na caivam asti. tasmād ativyāpter naikakālatayā saṃsarga iti. nanv ārjavāvasthānaṃ jñānārthayoḥ saṃsargo bhaviṣyatīti ata āha -- na ceti. nirmukhasyārjavābhāvād na jñānenārthasyārjavāvasthānam. sarvatodikpadārthabodhena sarvatomukhatve vā sarvārthasaṃsargaprasaṅgāt sarvākāropalabdhiḥ. na hi sarvatomukhaṃ kasyacid ekasyābhimukhaṃ yuktam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.