यदि तु दृष्टान्ते प्रत्यक्षतायाम् अपि पक्षीकृताद् इत्य् अगतेर् अप्रत्यक्षत्वात् न प्रत्यक्षदृष्टस् सम्बन्ध इत्य् उच्यते। तद् एतद् आशङ्कते तावत् -- आदित्ये ऽनुपलब्धिश् चेद् इति। इदानीं दूषयति -- नेति। कारणम् आह -- देशे ऽप्य् अधुनातन इति। देशे ऽप्य् अधुनातने -- सम्प्रति प्रमीयमाणे, अप्रत्यक्षतोपलब्धिर् एवेत्य् अर्थः। यदि त्व् अग्निधूमाकृत्योः क्वचिन् महानसादौ अप्रत्यक्षोपलब्धिर् इष्यते सा तर्हि देवदत्ते ऽपि गतेः प्रत्यक्षत्वाद् अस्तीत्य् आह -- क्वचिद् इति
yadi tu dṛṣṭānte pratyakṣatāyām api pakṣīkṛtād ity agater apratyakṣatvāt na pratyakṣadṛṣṭas sambandha ity ucyate. tad etad āśaṅkate tāvat -- āditye 'nupalabdhiś ced iti. idānīṃ dūṣayati -- neti. kāraṇam āha -- deśe 'py adhunātana iti. deśe 'py adhunātane -- samprati pramīyamāṇe, apratyakṣatopalabdhir evety arthaḥ. yadi tv agnidhūmākṛtyoḥ kvacin mahānasādau apratyakṣopalabdhir iṣyate sā tarhi devadatte 'pi gateḥ pratyakṣatvād astīty āha -- kvacid iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.