यत एवैवं वाक्यार्थबुद्धिस् सहार्थैर् अदृष्टेष्व् अपि वाक्येषु पदार्थमात्रविदो जायते। अतो ऽस्याः स्फुटतरम् अनुमानाद् भेदं पश्यन्तस् सौगतास् ततो ऽवतीर्यागमस्यानुमानव्यतिरेकात् बिभ्यतः पदाभेदविचारणायाम् एव क्लिष्टाः। एवं हि ३,१३६ मन्यन्ते। अस्तु तावत्पदम् अप्य् अनुमानाद् अभिन्नम्। एतावतापीह शब्दानुमानयोर् ऐक्यम् इति वाक् प्रवर्तत एवेति सोपहासम् आह -- वाक्येष्व् इति
yata evaivaṃ vākyārthabuddhis sahārthair adṛṣṭeṣv api vākyeṣu padārthamātravido jāyate. ato 'syāḥ sphuṭataram anumānād bhedaṃ paśyantas saugatās tato 'vatīryāgamasyānumānavyatirekāt bibhyataḥ padābhedavicāraṇāyām eva kliṣṭāḥ. evaṃ hi 3,136 manyante. astu tāvatpadam apy anumānād abhinnam. etāvatāpīha śabdānumānayor aikyam iti vāk pravartata eveti sopahāsam āha -- vākyeṣv iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.