अत्र चोदयति -- नन्व् इति। संसारावस्थायाम् अनुमानानुमेयव्यवहारः। अत्र च हेत्वादयो लोकप्रसिद्धा एव। लोक इति लौकिकसंवृतिसत्यम् अपदिशति। अतः संवृतिसत्यसिद्धेन हेत्वादिना साध्यसिद्धिर् आसीद् एव प्राक्, परमार्थावस्थायां तु सर्वाभावम् आचक्ष्मह इत्य् अवस्थाभेदाद् अदोष इति ॥ परिहरति -- यो ऽधुनेति। यदि हि तद्बाधकबलेन नास्तीत्य् उच्यते, प्राग् अपि नासीद् एव। बाधकेन तत्प्राग् अपि प्रतिक्षिप्तं रजतम् इव शुक्ताव् अवगतिक्षणाद् आरभ्य। अतः प्राग् अप्य् असतः कथं साधनत्वम् इति
atra codayati -- nanv iti. saṃsārāvasthāyām anumānānumeyavyavahāraḥ. atra ca hetvādayo lokaprasiddhā eva. loka iti laukikasaṃvṛtisatyam apadiśati. ataḥ saṃvṛtisatyasiddhena hetvādinā sādhyasiddhir āsīd eva prāk, paramārthāvasthāyāṃ tu sarvābhāvam ācakṣmaha ity avasthābhedād adoṣa iti || pariharati -- yo 'dhuneti. yadi hi tadbādhakabalena nāstīty ucyate, prāg api nāsīd eva. bādhakena tatprāg api pratikṣiptaṃ rajatam iva śuktāv avagatikṣaṇād ārabhya. ataḥ prāg apy asataḥ kathaṃ sādhanatvam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.