अथ खलु भगवान् शाक्यमुनिः पुनरपि शुद्धावासभवनमवलोक्य मञ्जुश्रियं कुमारभूतमामन्त्रयते स्म । अस्ति मञ्जुश्रीः त्वदीये कल्पविसरे सर्वसाधनोपयिके मन्त्रचर्याभियुक्तस्य साधनकाले सर्वमन्त्राणां सर्वकल्पविस्तरेषु राहुरागमनसुराणामधिपतेः सर्वग्रहानायकस्य ग्रहसंज्ञा चन्द्रदिवाकरादिषु नक्षत्रयोगेन दृश्यन्ते । त शृणु साधु च सुष्ठु च मनसि कुरु ते भाषिष्ये ॥ एवमुक्ते भगवता शाक्यमुनिना सम्यक् सम्बुद्धेन मञ्जुश्रीः कुमारभूतः उत्तरासङ्गं कृत्वा भगवतस्त्रिःप्रदक्षिणीकृत्य दक्षिणं जानुमण्डलं पृथिव्यां प्रतिष्ठाप्य येन भगवां तेनाञ्जलि प्रगृह्य भगवतश्चरणयोर्निपत्य पुनरेवोत्थाय भगवन्तमनिमिषं व्यवलोकयमानः उत्फुल्लनयनो भूत्वा हृष्टतुष्टो भगवन्तमेवमाह - तत् साधु भगवां निर्दिशतु राहोरागमनम् ; यत्र सत्त्वानां मन्त्रचर्याभियुक्तानां सिद्धिकालं भवेयुरिति सर्वसत्त्वानां च सुखोदयं शुभाशुभनिमित्तं वा; तं निर्दिशतु भगवां । यस्येदानीं कालं मन्यसे ॥ अथ खलु भगवान् शाक्यमुनिः मञ्जुश्रियस्य कुमारभूतस्य साधुकारमदात् । साधु मञ्जुश्रीः यस्त्वं तथागतमेतमथ परिप्रश्नसे सर्वसत्त्वानां च हितायोद्युक्तः । तेन हि मञ्जुश्रीः शृणु भाषिष्ये । सर्वसत्त्वानां निर्दिशश्चेति ॥ आदौ ताव ग्रहैः क्रूरैः राहोश्चन्द्रमण्डले । आगमोदिते काले यथावन्तं निबोधिता
atha khalu bhagavān śākyamuniḥ punarapi śuddhāvāsabhavanamavalokya mañjuśriyaṃ kumārabhūtamāmantrayate sma / asti mañjuśrīḥ tvadīye kalpavisare sarvasādhanopayike mantracaryābhiyuktasya sādhanakāle sarvamantrāṇāṃ sarvakalpavistareṣu rāhurāgamanasurāṇāmadhipateḥ sarvagrahānāyakasya grahasaṃjñā candradivākarādiṣu nakṣatrayogena dṛśyante / ta śṛṇu sādhu ca suṣṭhu ca manasi kuru te bhāṣiṣye // evamukte bhagavatā śākyamuninā samyak sambuddhena mañjuśrīḥ kumārabhūtaḥ uttarāsaṅgaṃ kṛtvā bhagavatastriḥpradakṣiṇīkṛtya dakṣiṇaṃ jānumaṇḍalaṃ pṛthivyāṃ pratiṣṭhāpya yena bhagavāṃ tenāñjali pragṛhya bhagavataścaraṇayornipatya punarevotthāya bhagavantamanimiṣaṃ vyavalokayamānaḥ utphullanayano bhūtvā hṛṣṭatuṣṭo bhagavantamevamāha - tat sādhu bhagavāṃ nirdiśatu rāhorāgamanam ; yatra sattvānāṃ mantracaryābhiyuktānāṃ siddhikālaṃ bhaveyuriti sarvasattvānāṃ ca sukhodayaṃ śubhāśubhanimittaṃ vā; taṃ nirdiśatu bhagavāṃ / yasyedānīṃ kālaṃ manyase // atha khalu bhagavān śākyamuniḥ mañjuśriyasya kumārabhūtasya sādhukāramadāt / sādhu mañjuśrīḥ yastvaṃ tathāgatametamatha paripraśnase sarvasattvānāṃ ca hitāyodyuktaḥ / tena hi mañjuśrīḥ śṛṇu bhāṣiṣye / sarvasattvānāṃ nirdiśaśceti // ādau tāva grahaiḥ krūraiḥ rāhoścandramaṇḍale / āgamodite kāle yathāvantaṃ nibodhitā
Sanskrit only: no published translation is held for this verse.
यदा देवासुरं युद्धं वर्तते च महद् भयम् । तदासौ दैत्यराजा वै दानवेन्द्रो महर्द्धिकः
yadā devāsuraṃ yuddhaṃ vartate ca mahad bhayam / tadāsau daityarājā vai dānavendro maharddhikaḥ
Sanskrit only: no published translation is held for this verse.
महाभयः प्रमाणा वै समन्तादुच्छ्रितो महां । + + + + + + + + + + सुमेरोरधिको भवेत्
mahābhayaḥ pramāṇā vai samantāducchrito mahāṃ / + + + + + + + + + + sumeroradhiko bhavet
Sanskrit only: no published translation is held for this verse.
महाप्रमाणः क्रूरो ऽसौ अतिदर्पातिदर्पितः । प्रभविष्णुर्ग्रहो मुख्यो यदा भेजे सुरालयम्
mahāpramāṇaḥ krūro 'sau atidarpātidarpitaḥ / prabhaviṣṇurgraho mukhyo yadā bheje surālayam
Sanskrit only: no published translation is held for this verse.
ततः पाणिना परामृश्य सुमेरुं देवसम्मितिम् । अप्सरां प्रेक्षते दैत्यः यदा काले नभस्तलम् । तदा चन्द्रमसपूर्णः करे वामे स दैत्यराट्
tataḥ pāṇinā parāmṛśya sumeruṃ devasammitim / apsarāṃ prekṣate daityaḥ yadā kāle nabhastalam / tadā candramasapūrṇaḥ kare vāme sa daityarāṭ
Sanskrit only: no published translation is held for this verse.
नानामणयस्तस्य करे कङ्कनतां गता । तदा भुवि लोके ऽस्मिं ग्रहभूतेति कथ्यते
nānāmaṇayastasya kare kaṅkanatāṃ gatā / tadā bhuvi loke 'smiṃ grahabhūteti kathyate
Sanskrit only: no published translation is held for this verse.
यदा पद्मरागे ऽस्मिं अर्चिर्भवति रक्तका । तदा तार्किका मानवा आहुः आग्रेयं मण्डलं विभोः
yadā padmarāge 'smiṃ arcirbhavati raktakā / tadā tārkikā mānavā āhuḥ āgreyaṃ maṇḍalaṃ vibhoḥ
Sanskrit only: no published translation is held for this verse.
यदा तु नीलरक्ते ऽस्मिं प्रभा नीलतां व्रजेत् । तदा नीलमिति ज्ञेयं शशिने भास्करे ऽपि वा
yadā tu nīlarakte 'smiṃ prabhā nīlatāṃ vrajet / tadā nīlamiti jñeyaṃ śaśine bhāskare 'pi vā
Sanskrit only: no published translation is held for this verse.
माहेन्द्रमिति कथ्यते तार्किका भुवि मानवा । वायव्यमण्डलमित्याहुस्तार्किका एव ते तदा
māhendramiti kathyate tārkikā bhuvi mānavā / vāyavyamaṇḍalamityāhustārkikā eva te tadā
Sanskrit only: no published translation is held for this verse.
विविधा रत्नमालेभ्यो विविधा रत्नसम्भवा । विविधं तार्किके शास्त्रे विविधा गतियोनिजाः
vividhā ratnamālebhyo vividhā ratnasambhavā / vividhaṃ tārkike śāstre vividhā gatiyonijāḥ
Sanskrit only: no published translation is held for this verse.
विविधैव क्रिया तेषां विविधा फलसम्पदा । सम्यग् ज्ञानविहीनानां बालिशानामियं क्रिया । तस्मात् तथागतं ज्ञानं सम्यक् तेन नियोजयेत्
vividhaiva kriyā teṣāṃ vividhā phalasampadā / samyag jñānavihīnānāṃ bāliśānāmiyaṃ kriyā / tasmāt tathāgataṃ jñānaṃ samyak tena niyojayet
Sanskrit only: no published translation is held for this verse.
असुरस्य तदा दृष्टिः अज्ञानेष्वेव दिवौकसाम् । रथं सम्पूर्णयामास शशिनस्य महात्मने । यदा काले भुवि मर्त्यानां राहोरागमनं भुवि
asurasya tadā dṛṣṭiḥ ajñāneṣveva divaukasām / rathaṃ sampūrṇayāmāsa śaśinasya mahātmane / yadā kāle bhuvi martyānāṃ rāhorāgamanaṃ bhuvi
Sanskrit only: no published translation is held for this verse.
शशिमण्डलमाक्रम्य यदा तिष्ठति स ग्रहः । तदा महद् भयं विद्यानक्षत्रेष्वेव निबोधताम्
śaśimaṇḍalamākramya yadā tiṣṭhati sa grahaḥ / tadā mahad bhayaṃ vidyānakṣatreṣveva nibodhatām
Sanskrit only: no published translation is held for this verse.
अश्विन्येव यदा युक्तः शशिने भास्करमण्डलौ । उभौ तौ युग्मतः ग्रासं दिवा रात्रौ च कथ्यते । अश्विन्यागमनं नित्यं दुर्भिक्षं तं विदुर्बुधाः
aśvinyeva yadā yuktaḥ śaśine bhāskaramaṇḍalau / ubhau tau yugmataḥ grāsaṃ divā rātrau ca kathyate / aśvinyāgamanaṃ nityaṃ durbhikṣaṃ taṃ vidurbudhāḥ
Sanskrit only: no published translation is held for this verse.
भरण्यां तु यदा चन्द्रं रवेर्वा मण्डलाश्रयेत् । विविधा सस्यनिःष्पत्तिः सुभिक्षं चापि निर्दिशेत्
bharaṇyāṃ tu yadā candraṃ ravervā maṇḍalāśrayet / vividhā sasyaniḥṣpattiḥ subhikṣaṃ cāpi nirdiśet
Sanskrit only: no published translation is held for this verse.
कृत्तिकासु यदा चन्द्रः राहुना ग्रस्यते ध्रुवम् । रात्रौ वा यदि प्रभाते वा यामान्ते निन्दितं हितम्
kṛttikāsu yadā candraḥ rāhunā grasyate dhruvam / rātrau vā yadi prabhāte vā yāmānte ninditaṃ hitam
Sanskrit only: no published translation is held for this verse.
तदा विन्द्या महद् दुःखं व्याधिसम्भवमेव वा । मध्यदेशेषु नान्यत्र भवेन्नक्षत्रमादिभिः । जनपदेष्वेव वक्तव्यो नृपैर्बोधिविधोद्भवैः
tadā vindyā mahad duḥkhaṃ vyādhisambhavameva vā / madhyadeśeṣu nānyatra bhavennakṣatramādibhiḥ / janapadeṣveva vaktavyo nṛpairbodhividhodbhavaiḥ
Sanskrit only: no published translation is held for this verse.
मृगशिरासु यदा चन्द्रः भास्करो वा नभस्तले । राहुणा ग्रस्तपूर्वौ तौ अस्तं यातौ महर्द्धिकौ
mṛgaśirāsu yadā candraḥ bhāskaro vā nabhastale / rāhuṇā grastapūrvau tau astaṃ yātau maharddhikau
Sanskrit only: no published translation is held for this verse.
पूर्वदेशे नरा यातु व्याधिभिर्हन्यते तदा । नृपाध्यक्षा गतायुष्या तत्र देशे विनिर्दिशेत्
pūrvadeśe narā yātu vyādhibhirhanyate tadā / nṛpādhyakṣā gatāyuṣyā tatra deśe vinirdiśet
Sanskrit only: no published translation is held for this verse.
आर्द्रायां पुनर्वसुश्चैव ग्रस्तौ च शशिभास्करौ । रुधिराक्ता महीं सर्वां म्लेच्छदेशेषु कीर्तयेत्
ārdrāyāṃ punarvasuścaiva grastau ca śaśibhāskarau / rudhirāktā mahīṃ sarvāṃ mlecchadeśeṣu kīrtayet
Sanskrit only: no published translation is held for this verse.
अन्योन्यहतविध्वस्ता हतप्राणा गतायुषा । निर्दिष्टा तत्र देशे ऽस्मिन् पूर्वमुत्तरयोस्तदा । निकृष्टा पापकर्माणः म्लेच्छतस्करतां गताः
anyonyahatavidhvastā hataprāṇā gatāyuṣā / nirdiṣṭā tatra deśe 'smin pūrvamuttarayostadā / nikṛṣṭā pāpakarmāṇaḥ mlecchataskaratāṃ gatāḥ
Sanskrit only: no published translation is held for this verse.
पुण्याश्लेषौ यदा चन्द्रे भास्करे वा नभस्तले । राहुणा ग्रस्तबिम्बा तौ मध्याह्ने वार्द्धरात्रतः । तदा विद्यान्महादोष पश्चादन्यां नृपेश्वराम्
puṇyāśleṣau yadā candre bhāskare vā nabhastale / rāhuṇā grastabimbā tau madhyāhne vārddharātrataḥ / tadā vidyānmahādoṣa paścādanyāṃ nṛpeśvarām
Sanskrit only: no published translation is held for this verse.
मघासु यदि ग्रस्येतौ शशिभास्करमण्डलौ । राहुणा सह मुद्यन्तो अस्तं यातौ ग्रहोत्तमौ । तदा प्रहाय तं विद्याज्जम्बूद्वीपेषु सर्वतः
maghāsu yadi grasyetau śaśibhāskaramaṇḍalau / rāhuṇā saha mudyanto astaṃ yātau grahottamau / tadā prahāya taṃ vidyājjambūdvīpeṣu sarvataḥ
Sanskrit only: no published translation is held for this verse.
दुर्भिक्षराष्ट्रभङ्गं च महामारिं च निर्दिशेत् । उभौ फल्गुनिसंयुक्तौ राहुरागमनं भवेत्
durbhikṣarāṣṭrabhaṅgaṃ ca mahāmāriṃ ca nirdiśet / ubhau phalgunisaṃyuktau rāhurāgamanaṃ bhavet
Sanskrit only: no published translation is held for this verse.
मध्याह्ने ऽथवा रात्रे च मुच्यते च पुनः क्षणात् । सुभिक्षं ततो विद्याज्जम्बूद्वीपेषु दृश्यते
madhyāhne 'thavā rātre ca mucyate ca punaḥ kṣaṇāt / subhikṣaṃ tato vidyājjambūdvīpeṣu dṛśyate
Sanskrit only: no published translation is held for this verse.
हस्तचित्रे यदा राहुः ग्रसते चन्द्रभास्करौ । ग्रस्तौ सह मुच्येते अस्तं यातौ च दुःखदा
hastacitre yadā rāhuḥ grasate candrabhāskarau / grastau saha mucyete astaṃ yātau ca duḥkhadā
Sanskrit only: no published translation is held for this verse.
महामारिभयं तत्र तस्कराणां समन्ततः । नृपाश्च नृपवरा श्रेष्ठा हन्यन्ते व्याधिभिस्तदा । दिशः सर्वे समन्ताद्वै दुर्भिक्षं चापि निर्दिशेत्
mahāmāribhayaṃ tatra taskarāṇāṃ samantataḥ / nṛpāśca nṛpavarā śreṣṭhā hanyante vyādhibhistadā / diśaḥ sarve samantādvai durbhikṣaṃ cāpi nirdiśet
Sanskrit only: no published translation is held for this verse.
विशाखस्वातिनौ युक्तौ नक्षत्रवरपूजितौ । राहोरागमनं विद्यात् पशूनां पीडसम्भवाम् । विविधा कुलमुख्यास्तु हन्यन्ते शस्त्रिभिस्तदा
viśākhasvātinau yuktau nakṣatravarapūjitau / rāhorāgamanaṃ vidyāt paśūnāṃ pīḍasambhavām / vividhā kulamukhyāstu hanyante śastribhistadā
Sanskrit only: no published translation is held for this verse.
ज्येष्ठानुराधसंयुक्तौ नक्षत्रौ वरवर्णितौ । राहोरागमनं तत्र सुभिक्षं वा विनिर्दिशेत्
jyeṣṭhānurādhasaṃyuktau nakṣatrau varavarṇitau / rāhorāgamanaṃ tatra subhikṣaṃ vā vinirdiśet
Sanskrit only: no published translation is held for this verse.
मूलेन यदि चन्द्रस्थः राहुर्दृश्यति भूतले । उदयन्तं तदा ग्रस्तं उदितं वापि सर्वतः
mūlena yadi candrasthaḥ rāhurdṛśyati bhūtale / udayantaṃ tadā grastaṃ uditaṃ vāpi sarvataḥ
Sanskrit only: no published translation is held for this verse.
अस्तं यातेन तेनैव शशिनो राहुणा सदा । प्राच्याध्यक्षो विनश्येयुः पूर्वदेशजनालयाः
astaṃ yātena tenaiva śaśino rāhuṇā sadā / prācyādhyakṣo vinaśyeyuḥ pūrvadeśajanālayāḥ
Sanskrit only: no published translation is held for this verse.
महान्तं शस्त्रसम्पातं दुर्भिक्षं चापि निर्दिशेत् । परचक्रभयाद् भिन्ना त्रस्ता गौडजना जना । राजा वै नश्यते तत्र व्याधिना सह मूर्छितः
mahāntaṃ śastrasampātaṃ durbhikṣaṃ cāpi nirdiśet / paracakrabhayād bhinnā trastā gauḍajanā janā / rājā vai naśyate tatra vyādhinā saha mūrchitaḥ
Sanskrit only: no published translation is held for this verse.
उभौ अषादौ तदाकाले राहुर्दृश्यति मेदिनीम् । तत्र दुःखं महाव्याधि तत्र दृश्यति भूतले । नृपमुख्यास्तदा सर्वे दुष्टचित्ता परस्परम्
ubhau aṣādau tadākāle rāhurdṛśyati medinīm / tatra duḥkhaṃ mahāvyādhi tatra dṛśyati bhūtale / nṛpamukhyāstadā sarve duṣṭacittā parasparam
Sanskrit only: no published translation is held for this verse.
धनिष्ठे श्रवणे चैव निर्दिष्टं लोकनिन्दितम् । नाना गणमुख्या वै विश्लिष्टान्योन्यतद्भुवा
dhaniṣṭhe śravaṇe caiva nirdiṣṭaṃ lokaninditam / nānā gaṇamukhyā vai viśliṣṭānyonyatadbhuvā
Sanskrit only: no published translation is held for this verse.
पूर्वभद्रपदे चैव नक्षत्रे शतभिषे तथा । राहुरागमनं दृश्येत सुभिक्षं चैवं निर्दिशेत्
pūrvabhadrapade caiva nakṣatre śatabhiṣe tathā / rāhurāgamanaṃ dṛśyeta subhikṣaṃ caivaṃ nirdiśet
Sanskrit only: no published translation is held for this verse.
उत्तरायां यदा युक्तः नक्षत्रे भद्रपदे तथा । राहुरागमनं श्रेष्ठं दिवा रात्रौ तु निन्दितम्
uttarāyāṃ yadā yuktaḥ nakṣatre bhadrapade tathā / rāhurāgamanaṃ śreṣṭhaṃ divā rātrau tu ninditam
Sanskrit only: no published translation is held for this verse.
रेवत्यां तु यदा चन्द्रः राहुणा ग्रस्त सर्वतः । उदयन्तं तथा भानोर्निशिर्वा चन्द्रमण्डले
revatyāṃ tu yadā candraḥ rāhuṇā grasta sarvataḥ / udayantaṃ tathā bhānorniśirvā candramaṇḍale
Sanskrit only: no published translation is held for this verse.
अस्तं यातो यदा राहुर्ग्रहमुख्यैः सहोत्तमैः । मध्यदेशाच्च पीड्यन्ते मागधो नृपतेर्वधः
astaṃ yāto yadā rāhurgrahamukhyaiḥ sahottamaiḥ / madhyadeśācca pīḍyante māgadho nṛpatervadhaḥ
Sanskrit only: no published translation is held for this verse.
एतद् गणितं ज्ञानं मानुषाणां महीतले । नक्षत्राणामेतत् प्रमाणं चैव कीर्तितम् । अशक्यं मानुषैरन्यैः प्रमाणं ग्रहयोनितम्
etad gaṇitaṃ jñānaṃ mānuṣāṇāṃ mahītale / nakṣatrāṇāmetat pramāṇaṃ caiva kīrtitam / aśakyaṃ mānuṣairanyaiḥ pramāṇaṃ grahayonitam
Sanskrit only: no published translation is held for this verse.
नक्षत्रमाला विचित्रा वै भ्रमते वै नभस्तले । एतन्मानुषां सङ्ख्यात्ततो ऽन्यद् देवयोनिजाम्
nakṣatramālā vicitrā vai bhramate vai nabhastale / etanmānuṣāṃ saṅkhyāttato 'nyad devayonijām
Sanskrit only: no published translation is held for this verse.
यो यस्य ग्रहमुख्यो वा क्षेत्रराशिसमोदिता । नक्षत्रं कथितं पूर्वं तस्य तं कुरुते ऽन्यथा
yo yasya grahamukhyo vā kṣetrarāśisamoditā / nakṣatraṃ kathitaṃ pūrvaṃ tasya taṃ kurute 'nyathā
Sanskrit only: no published translation is held for this verse.
ईषत् प्रमाणं न दोषो ऽस्ति बहुवाचास्ति निन्दितम् । एतत् प्रमाणकाले वै ग्रहमुख्यो ऽर्थकृत् स्मृतः
īṣat pramāṇaṃ na doṣo 'sti bahuvācāsti ninditam / etat pramāṇakāle vai grahamukhyo 'rthakṛt smṛtaḥ
Sanskrit only: no published translation is held for this verse.
कालं कथितं ज्ञेयं नियमं चैव कीर्त्यते । नक्षत्रराशिसंयुक्तः कम्पो निर्घात् उल्किनः
kālaṃ kathitaṃ jñeyaṃ niyamaṃ caiva kīrtyate / nakṣatrarāśisaṃyuktaḥ kampo nirghāt ulkinaḥ
Sanskrit only: no published translation is held for this verse.
सग्रहौ यदि तत्रस्थौ रविचन्द्रौ तु दृश्यते । उभयान्तं तदा तस्य नक्षत्रां जातिभूषिताम्
sagrahau yadi tatrasthau ravicandrau tu dṛśyate / ubhayāntaṃ tadā tasya nakṣatrāṃ jātibhūṣitām
Sanskrit only: no published translation is held for this verse.
अन्यथा निष्फलं विद्यात् प्रभावं वापि निन्दिते । तस्माज्जपे तदा काले मन्त्रसिद्धिसमोदिता
anyathā niṣphalaṃ vidyāt prabhāvaṃ vāpi nindite / tasmājjape tadā kāle mantrasiddhisamoditā
Sanskrit only: no published translation is held for this verse.
धूम्रवर्णं यदाकाशं दृश्यते सर्वतः सदा । तदा महद् भयं विद्यात् परचक्रभयेत् तदा
dhūmravarṇaṃ yadākāśaṃ dṛśyate sarvataḥ sadā / tadā mahad bhayaṃ vidyāt paracakrabhayet tadā
Sanskrit only: no published translation is held for this verse.
शशिने भास्करे चापि धूम्रवर्णो यदा भवेत् । पर्येषा द्वित्रयो वा वा तत्र विद्यान्महद् भयम्
śaśine bhāskare cāpi dhūmravarṇo yadā bhavet / paryeṣā dvitrayo vā vā tatra vidyānmahad bhayam
Sanskrit only: no published translation is held for this verse.
धूमिकायां भवेद् वृष्टिः सर्वकाले भयानके । कुत्सितं सर्वतो विद्यात्तत्र व्याधिसमागमम्
dhūmikāyāṃ bhaved vṛṣṭiḥ sarvakāle bhayānake / kutsitaṃ sarvato vidyāttatra vyādhisamāgamam
Sanskrit only: no published translation is held for this verse.
ग्रीष्मे शरदे चैव धूमिका यदि जायते । समन्तात् सप्तरात्रं तु तत्र विद्यान्महद् भयम्
grīṣme śarade caiva dhūmikā yadi jāyate / samantāt saptarātraṃ tu tatra vidyānmahad bhayam
Sanskrit only: no published translation is held for this verse.
दिवा वा यदि वा रात्रौ धूमिका यदि जायते । नक्षत्रैर्ग्रहचिह्नैस्तु तिथिवारान्तरेण वा
divā vā yadi vā rātrau dhūmikā yadi jāyate / nakṣatrairgrahacihnaistu tithivārāntareṇa vā
Sanskrit only: no published translation is held for this verse.
पूर्ववत् कथितं सर्वं यथा निर्घात् उल्किनाम् । तैरेव दिवसैः पूर्वं धूमिकाया नियोजयेत्
pūrvavat kathitaṃ sarvaṃ yathā nirghāt ulkinām / taireva divasaiḥ pūrvaṃ dhūmikāyā niyojayet
Sanskrit only: no published translation is held for this verse.
अर्धरात्रे ऽथ मध्याह्ने धूमिका जायते सदा । तत्र विद्यान्महोद्वेगं नृपतीना पुरोत्तमाम्
ardharātre 'tha madhyāhne dhūmikā jāyate sadā / tatra vidyānmahodvegaṃ nṛpatīnā purottamām
Sanskrit only: no published translation is held for this verse.
शरदे यदि हेमन्ते ग्रीष्मे प्रावृषे ऽपि वा । धूमिका सर्वतो ज्ञेया नक्षत्रैश्चैव कीर्त्तितः
śarade yadi hemante grīṣme prāvṛṣe 'pi vā / dhūmikā sarvato jñeyā nakṣatraiścaiva kīrttitaḥ
Sanskrit only: no published translation is held for this verse.
शुभाशुभं तथा ज्ञेयं दिवा वा यदि वानिशा । निःफलं चापि विद्या वै सफलां चापि कीर्त्तिताम्
śubhāśubhaṃ tathā jñeyaṃ divā vā yadi vāniśā / niḥphalaṃ cāpi vidyā vai saphalāṃ cāpi kīrttitām
Sanskrit only: no published translation is held for this verse.
सर्वतः भूमिकम्पे वापि तथोल्कचैकतो राहुसमागमम् । तत्र धूमो भवेद् यद्यत् समन्ताश्चैव नभस्तले । अचिरात् तत्र तद् राज्यं घात्यते शस्त्रिभिः सदा
sarvataḥ bhūmikampe vāpi tatholkacaikato rāhusamāgamam / tatra dhūmo bhaved yadyat samantāścaiva nabhastale / acirāt tatra tad rājyaṃ ghātyate śastribhiḥ sadā
Sanskrit only: no published translation is held for this verse.
प्रभवः सर्वतो देशे मृत्युश्चैव प्रकिर्त्यते । सप्ताहाद्विजयमुख्या भुवि वाता सत्त्वयोनयः
prabhavaḥ sarvato deśe mṛtyuścaiva prakirtyate / saptāhādvijayamukhyā bhuvi vātā sattvayonayaḥ
Sanskrit only: no published translation is held for this verse.
घात्यन्ते सर्वतो नित्यं शस्त्रिभिर्मृत्युवशानुगा । अन्योन्यापरतो राज्यं कृपावर्जितचेतसः । विभिन्ना शस्त्रिभिः क्षिप्रं वणिजा नृपयोनयः
ghātyante sarvato nityaṃ śastribhirmṛtyuvaśānugā / anyonyāparato rājyaṃ kṛpāvarjitacetasaḥ / vibhinnā śastribhiḥ kṣipraṃ vaṇijā nṛpayonayaḥ
Sanskrit only: no published translation is held for this verse.
ग्रीष्मे सितवर्णस्तु नभो यत्र प्रदृश्यते । महाव्याधिभयं तत्र नीले चैव शिवोदयम्
grīṣme sitavarṇastu nabho yatra pradṛśyate / mahāvyādhibhayaṃ tatra nīle caiva śivodayam
Sanskrit only: no published translation is held for this verse.
पीतनिर्भासमुद्यन्तं सविता दृश्यते यदा । ग्रीष्मे च कथिता मृत्युः शरत्काले च निन्दितम्
pītanirbhāsamudyantaṃ savitā dṛśyate yadā / grīṣme ca kathitā mṛtyuḥ śaratkāle ca ninditam
Sanskrit only: no published translation is held for this verse.
हेमन्ते च वसन्ते च ताम्रवर्णः प्रदृश्यते । अन्यथा पीतनिर्भासौ निन्दितो लोकवर्जितः
hemante ca vasante ca tāmravarṇaḥ pradṛśyate / anyathā pītanirbhāsau nindito lokavarjitaḥ
Sanskrit only: no published translation is held for this verse.
शरदे ग्रीष्मतो ज्ञेयः मितिवर्णः प्रशस्यते । प्रावृड्काले तथा शुभ्रे पीतो वा न च + + + +
śarade grīṣmato jñeyaḥ mitivarṇaḥ praśasyate / prāvṛḍkāle tathā śubhre pīto vā na ca + + + +
Sanskrit only: no published translation is held for this verse.
महाप्रभावसङ्काशं महानीलसमप्रभः । नमो ज्ञेयं सदाकालं सर्वसौख्यफलप्रदम्
mahāprabhāvasaṅkāśaṃ mahānīlasamaprabhaḥ / namo jñeyaṃ sadākālaṃ sarvasaukhyaphalapradam
Sanskrit only: no published translation is held for this verse.
विपरीतं ततो विद्या देशमावासपीडनम् । सस्योपघातमारिं च दुर्भिक्षं चापि मुच्यते
viparītaṃ tato vidyā deśamāvāsapīḍanam / sasyopaghātamāriṃ ca durbhikṣaṃ cāpi mucyate
Sanskrit only: no published translation is held for this verse.
अतिकष्टं सुरा ह्येतं भयं वा रसदूषितम् । महाप्रणादं घोरं च शुक्रे वै च नभस्तले
atikaṣṭaṃ surā hyetaṃ bhayaṃ vā rasadūṣitam / mahāpraṇādaṃ ghoraṃ ca śukre vai ca nabhastale
Sanskrit only: no published translation is held for this verse.
तत्क्षणादेव सर्वेषां नृपतीनां प्राणोपरोधिनम् । ततो ऽन्यच्छुभसंयुक्तं श्रेयसा चैव कल्पयेत्
tatkṣaṇādeva sarveṣāṃ nṛpatīnāṃ prāṇoparodhinam / tato 'nyacchubhasaṃyuktaṃ śreyasā caiva kalpayet
Sanskrit only: no published translation is held for this verse.
सग्रहे भास्करे चन्द्रे यदा राहो महद्भये । नश्यन्ते जनपदास्तत्र विविधा कर्मयोनिजा । ततो ऽन्यच्छुभसंयुक्तं शब्दं लोकपूजितम्
sagrahe bhāskare candre yadā rāho mahadbhaye / naśyante janapadāstatra vividhā karmayonijā / tato 'nyacchubhasaṃyuktaṃ śabdaṃ lokapūjitam
Sanskrit only: no published translation is held for this verse.
श्रेयसार्थे नियोक्तासौ सुरश्रेष्ठा ग्रहोत्तमा । विविधा मन्त्र सिद्ध्यन्ते विविधा मूलफलप्रदा
śreyasārthe niyoktāsau suraśreṣṭhā grahottamā / vividhā mantra siddhyante vividhā mūlaphalapradā
Sanskrit only: no published translation is held for this verse.
विविधा वा न वा सर्वे विविधा प्राणसम्भवाः । अनेकाकारसम्पन्ना स्वरूपा विकृतास्तदा
vividhā vā na vā sarve vividhā prāṇasambhavāḥ / anekākārasampannā svarūpā vikṛtāstadā
Sanskrit only: no published translation is held for this verse.
नानाप्रहरणाश्चैव नानाशस्त्रसमुद्भवा । सर्वमतयो ह्यग्रा मूलमन्त्रसुभूषणा । सर्वे ते साध्यमाने वै सिद्धिं गच्छेयु सग्रहा
nānāpraharaṇāścaiva nānāśastrasamudbhavā / sarvamatayo hyagrā mūlamantrasubhūṣaṇā / sarve te sādhyamāne vai siddhiṃ gaccheyu sagrahā
Sanskrit only: no published translation is held for this verse.
ग्रहे चन्द्रे यदा भानो राहुणार्थो ऽपि सग्रहे । तस्मिं काले तदा जापी मन्त्रमावर्तयेत् सदा
grahe candre yadā bhāno rāhuṇārtho 'pi sagrahe / tasmiṃ kāle tadā jāpī mantramāvartayet sadā
Sanskrit only: no published translation is held for this verse.
सर्वे ते वरदाश्चैव + + + + भवन्ति ते । सत्त्वोपकारं फलं ह्येतत् प्रतिष्ठा तत्र दृश्यते । सिध्यन्ते मन्त्रराट् क्षिप्रं ग्रहे जप्ता सराहुके
sarve te varadāścaiva + + + + bhavanti te / sattvopakāraṃ phalaṃ hyetat pratiṣṭhā tatra dṛśyate / sidhyante mantrarāṭ kṣipraṃ grahe japtā sarāhuke
Sanskrit only: no published translation is held for this verse.
सप्तभिर्दिवसैर्मासैः पक्षैश्चापि सुपूजिताः । मन्त्राणां सिद्धिनिर्दिष्टा सग्रहे चन्द्रभास्करौ । यामान्ते अर्धरात्रे वै सिद्धिरुक्ता तथागतैः
saptabhirdivasairmāsaiḥ pakṣaiścāpi supūjitāḥ / mantrāṇāṃ siddhinirdiṣṭā sagrahe candrabhāskarau / yāmānte ardharātre vai siddhiruktā tathāgataiḥ
Sanskrit only: no published translation is held for this verse.
विधियुक्तास्तु वै मन्त्रा विहीनां नेष्यते ध्रुवम् । ब्रह्मस्यापि महात्मानं किं पुनर्भुवि मानुषाम्
vidhiyuktāstu vai mantrā vihīnāṃ neṣyate dhruvam / brahmasyāpi mahātmānaṃ kiṃ punarbhuvi mānuṣām
Sanskrit only: no published translation is held for this verse.
शक्रस्यापि च देवस्य रुद्रस्यापि त्रिशूलिने । विष्णोश्चक्रगदाहस्ते तार्क्षस्यापि महात्मने । नेष्यते सिद्धिरेतेषां विधिहीनेन कर्मणाम्
śakrasyāpi ca devasya rudrasyāpi triśūline / viṣṇoścakragadāhaste tārkṣasyāpi mahātmane / neṣyate siddhireteṣāṃ vidhihīnena karmaṇām
Sanskrit only: no published translation is held for this verse.
मन्त्रे सुजप्ते युक्ते च तन्त्रयुक्तेन हेतुना । सिध्यन्ते इतरस्यापि + + + + + + + + + + +
mantre sujapte yukte ca tantrayuktena hetunā / sidhyante itarasyāpi + + + + + + + + + + +
Sanskrit only: no published translation is held for this verse.
विधिना मानुषैर्मुक्ता विद्यातत्त्वसुभूषिता । सिध्यन्ते सग्रहा क्षिप्ता जप्ता कालेषु योजिता
vidhinā mānuṣairmuktā vidyātattvasubhūṣitā / sidhyante sagrahā kṣiptā japtā kāleṣu yojitā
Sanskrit only: no published translation is held for this verse.
ददाति फलसंयुक्तं विद्या सर्वत्र योजिता । हेतुकर्मफला विद्या + + + हेतुदूषणी
dadāti phalasaṃyuktaṃ vidyā sarvatra yojitā / hetukarmaphalā vidyā + + + hetudūṣaṇī
Sanskrit only: no published translation is held for this verse.
कर्म सहेतुकं विद्या विद्याद्धेतुफलोदया । विद्या कर्मफलं चैव हेतु चान्य नियोजयेत्
karma sahetukaṃ vidyā vidyāddhetuphalodayā / vidyā karmaphalaṃ caiva hetu cānya niyojayet
Sanskrit only: no published translation is held for this verse.
चतुःप्रकारात्तथा विद्या चतुर्था कर्मसु योजिता । दद्यात् कर्मफलं क्षिप्रं सा विद्या हेतुयोजिता
catuḥprakārāttathā vidyā caturthā karmasu yojitā / dadyāt karmaphalaṃ kṣipraṃ sā vidyā hetuyojitā
Sanskrit only: no published translation is held for this verse.
सा विद्या फलतो ज्ञेया बुद्धैश्चापि सुपूजिता । विद्या सर्वार्थसंयुक्ता प्रवरा सर्वकर्मिका
sā vidyā phalato jñeyā buddhaiścāpi supūjitā / vidyā sarvārthasaṃyuktā pravarā sarvakarmikā
Sanskrit only: no published translation is held for this verse.
प्रदद्युः कर्मतो सिद्धिं सा विद्या कर्मसु योजिता । श्रेयसा चैव योजयेत् न मन्त्राणां गतिगोचरम्
pradadyuḥ karmato siddhiṃ sā vidyā karmasu yojitā / śreyasā caiva yojayet na mantrāṇāṃ gatigocaram
Sanskrit only: no published translation is held for this verse.
प्रभावं मन्त्रसिद्धिं च लोकतत्त्वं निबोधताम् । निःफलं कर्मतो वा वा फलं कर्मं च तत्र च
prabhāvaṃ mantrasiddhiṃ ca lokatattvaṃ nibodhatām / niḥphalaṃ karmato vā vā phalaṃ karmaṃ ca tatra ca
Sanskrit only: no published translation is held for this verse.
+ + + + + + + लोकतत्त्वनियोजिताम् । दृश्यते फलहेतुर्वा मन्त्रा बुद्धैश्च वर्णिता
+ + + + + + + lokatattvaniyojitām / dṛśyate phalaheturvā mantrā buddhaiśca varṇitā
Sanskrit only: no published translation is held for this verse.
न फलं कर्म क्रमं हन्ति नाफलं कर्म क्रिया परा । फलं कर्मसमारम्भात् सिद्धि मन्त्रेषु जायते
na phalaṃ karma kramaṃ hanti nāphalaṃ karma kriyā parā / phalaṃ karmasamārambhāt siddhi mantreṣu jāyate
Sanskrit only: no published translation is held for this verse.
गुणं द्रव्यक्रमायोगा क्रमं द्रव्याक्रियाक्रमा । मन्त्रराट् सिद्ध्यते तत्र फला कर्मेषु योजिता
guṇaṃ dravyakramāyogā kramaṃ dravyākriyākramā / mantrarāṭ siddhyate tatra phalā karmeṣu yojitā
Sanskrit only: no published translation is held for this verse.
विधिद्रव्यसमायुक्तः वृत्तस्थो कर्मयोजितः । न योनिः कर्मतो ज्ञेयं यो नियुक्तः सदा फले
vidhidravyasamāyuktaḥ vṛttastho karmayojitaḥ / na yoniḥ karmato jñeyaṃ yo niyuktaḥ sadā phale
Sanskrit only: no published translation is held for this verse.
न बृहत्कर्मतां यान्ति सिद्धिमन्त्रक्षरं सदा । तदा मन्त्री जपेन्मन्त्रं विधियोनिसमाश्रया
na bṛhatkarmatāṃ yānti siddhimantrakṣaraṃ sadā / tadā mantrī japenmantraṃ vidhiyonisamāśrayā
Sanskrit only: no published translation is held for this verse.
कालक्रमा गुणाश्चैव विधियोनिगतिसौगतः । सिद्ध्यन्ते मन्त्रराट् सर्वे विधिकालार्थसाधिका
kālakramā guṇāścaiva vidhiyonigatisaugataḥ / siddhyante mantrarāṭ sarve vidhikālārthasādhikā
Sanskrit only: no published translation is held for this verse.
न गुणं द्रव्यतो ज्ञेयं नाद्रव्यं गुणमुच्यते । गुणद्रव्यसमायोगात् संयोगान्मन्त्रमर्चयेत्
na guṇaṃ dravyato jñeyaṃ nādravyaṃ guṇamucyate / guṇadravyasamāyogāt saṃyogānmantramarcayet
Sanskrit only: no published translation is held for this verse.
अर्चिता देवताः सर्वे आमुखेनैव योजयेत् । तत्प्रमाणं गुणं द्रव्यं क्षिप्रमन्त्रेषु साधयेत्
arcitā devatāḥ sarve āmukhenaiva yojayet / tatpramāṇaṃ guṇaṃ dravyaṃ kṣipramantreṣu sādhayet
Sanskrit only: no published translation is held for this verse.
क्रमः कालगुणोपेतः गुणकालक्रमक्रिया । चतुर्धा दृश्यते सिद्धिः मन्त्रेष्वेव सुयोजिता
kramaḥ kālaguṇopetaḥ guṇakālakramakriyā / caturdhā dṛśyate siddhiḥ mantreṣveva suyojitā
Sanskrit only: no published translation is held for this verse.
प्रभावं गुणविस्तारं सत्त्वनीतिसुखोदयम् । प्रदद्युः सर्वतो मन्त्रा गुणेष्वेव नियोजिताः
prabhāvaṃ guṇavistāraṃ sattvanītisukhodayam / pradadyuḥ sarvato mantrā guṇeṣveva niyojitāḥ
Sanskrit only: no published translation is held for this verse.
प्रभवं सर्वतः कर्म गुणद्रव्यं च सिद्ध्यते । नापि द्रव्या गुणामेता द्रव्यकर्माच्च वर्जिता
prabhavaṃ sarvataḥ karma guṇadravyaṃ ca siddhyate / nāpi dravyā guṇāmetā dravyakarmācca varjitā
Sanskrit only: no published translation is held for this verse.
न सिद्धिं दद्यु तत्क्षिप्रं यथेष्टमनसोद्भवात् । मानसा मन्त्रनिर्दिष्टा न वाचा मनसा विना
na siddhiṃ dadyu tatkṣipraṃ yatheṣṭamanasodbhavāt / mānasā mantranirdiṣṭā na vācā manasā vinā
Sanskrit only: no published translation is held for this verse.
वान्यतो मन्त्रविज्ञेया न वान्या मनसे विना । नान्यकर्मा मनश्चैव संयोगात् सिद्धिरिष्यते
vānyato mantravijñeyā na vānyā manase vinā / nānyakarmā manaścaiva saṃyogāt siddhiriṣyate
Sanskrit only: no published translation is held for this verse.
न दृष्टिकर्मतो हीना नेष्टं कर्मविवर्जितम् । सम्यग् दृष्टि तथा कर्मं वाक् चित्तं च योजितम्
na dṛṣṭikarmato hīnā neṣṭaṃ karmavivarjitam / samyag dṛṣṭi tathā karmaṃ vāk cittaṃ ca yojitam
Sanskrit only: no published translation is held for this verse.
सिद्ध्यन्ते देवताः क्षिप्रं मन्त्रतन्त्राक्षरोदितम् । सम्यग्दृष्टिसमायोगा सम्यक् कर्मान्तयोजयोः
siddhyante devatāḥ kṣipraṃ mantratantrākṣaroditam / samyagdṛṣṭisamāyogā samyak karmāntayojayoḥ
Sanskrit only: no published translation is held for this verse.
+ + + + + + मन्त्रा सिद्ध्यन्ति सर्वदा सम्यक् । कर्मान्तवाक्सुमोपेतं सम्यग्दृष्टिसुयोजितम्
+ + + + + + mantrā siddhyanti sarvadā samyak / karmāntavāksumopetaṃ samyagdṛṣṭisuyojitam
Sanskrit only: no published translation is held for this verse.
सिद्ध्यन्ते सर्वतो मन्त्राः सम्यक् कर्मान्तयोजिताः । न चित्तेन विना मन्त्रं न स्मृत्या सह चित्तयोः
siddhyante sarvato mantrāḥ samyak karmāntayojitāḥ / na cittena vinā mantraṃ na smṛtyā saha cittayoḥ
Sanskrit only: no published translation is held for this verse.
सम्यक् स्मृत्या च चित्ते च दृश्यते मन्त्रसिद्धये । न स्मृत्या च विनिर्मुक्ता मन्त्र उक्तस्तथागतैः
samyak smṛtyā ca citte ca dṛśyate mantrasiddhaye / na smṛtyā ca vinirmuktā mantra uktastathāgataiḥ
Sanskrit only: no published translation is held for this verse.
स्मृत्या समाधिभावेन सम्यक् तेन नियोजिताः । दृश्यन्ते ऊर्जितं मन्त्रैः सिध्यन्ते च समाधिना
smṛtyā samādhibhāvena samyak tena niyojitāḥ / dṛśyante ūrjitaṃ mantraiḥ sidhyante ca samādhinā
Sanskrit only: no published translation is held for this verse.
सम्यक्समाधिनो भावो मन्त्रा लोकसुपूजिताम् । तत्प्रयोगा इमा मन्त्राः समाध्या परिभाविता
samyaksamādhino bhāvo mantrā lokasupūjitām / tatprayogā imā mantrāḥ samādhyā paribhāvitā
Sanskrit only: no published translation is held for this verse.
सिध्यन्ते मन्त्रराट् तत्र योगं चापि सुपुष्कलम् । सम्यक् समाधिभिर्ध्येयं मन्त्रं ध्यानादिकं परम्
sidhyante mantrarāṭ tatra yogaṃ cāpi supuṣkalam / samyak samādhibhirdhyeyaṃ mantraṃ dhyānādikaṃ param
Sanskrit only: no published translation is held for this verse.
सिध्यन्ते योगिनो मन्त्रा नायोगात् सिद्धिमुच्यते । यो मया कथितं पूर्वं सम्यगुक्तसुयोजितम्
sidhyante yogino mantrā nāyogāt siddhimucyate / yo mayā kathitaṃ pūrvaṃ samyaguktasuyojitam
Sanskrit only: no published translation is held for this verse.
नान्यथा सिद्धिमित्याहुर्मुनयः सत्त्ववत्सलाः । नासङ्कल्पाद् भवेन्मन्त्रः सम्यक् तत्त्वार्थयोजिताः
nānyathā siddhimityāhurmunayaḥ sattvavatsalāḥ / nāsaṅkalpād bhavenmantraḥ samyak tattvārthayojitāḥ
Sanskrit only: no published translation is held for this verse.
सङ्कल्पा मन्त्र सिध्यन्ते सम्यक् ते विधियोजिताः । न पूज्य मन्त्रराट् सर्वे सम्यक् सङ्कल्पवर्जिताः
saṅkalpā mantra sidhyante samyak te vidhiyojitāḥ / na pūjya mantrarāṭ sarve samyak saṅkalpavarjitāḥ
Sanskrit only: no published translation is held for this verse.
सिध्यन्ते सर्वतो मन्त्राः सम्यगाजीवयोजिता । सम्यक् सङ्कल्पतो ज्ञेयं मन्त्रेष्वेव सुखोदयम्
sidhyante sarvato mantrāḥ samyagājīvayojitā / samyak saṅkalpato jñeyaṃ mantreṣveva sukhodayam
Sanskrit only: no published translation is held for this verse.
आजीवे शुद्धितां याति मन्त्रा सम्यक् प्रयोजिता । सिध्यन्ते भुवि निर्दिष्टा मन्त्रमुख्या सुयोजिता
ājīve śuddhitāṃ yāti mantrā samyak prayojitā / sidhyante bhuvi nirdiṣṭā mantramukhyā suyojitā
Sanskrit only: no published translation is held for this verse.
आजीवं हि फलं युक्तो सम्यगेव सुयोजयेत् । सम्यक् सञ्जीवरतो मन्त्री शुद्धचित्तः सदा शुचौ
ājīvaṃ hi phalaṃ yukto samyageva suyojayet / samyak sañjīvarato mantrī śuddhacittaḥ sadā śucau
Sanskrit only: no published translation is held for this verse.
शुचिनः शुचिकर्मस्य शुचिकर्मान्तचारिणः । सिध्यन्ते शुचिनो मन्त्रा कश्मलाकश्मले सदा
śucinaḥ śucikarmasya śucikarmāntacāriṇaḥ / sidhyante śucino mantrā kaśmalākaśmale sadā
Sanskrit only: no published translation is held for this verse.
क्रव्यादा येतरा मन्त्रा ये चान्ये परिकीर्तिता । सिध्यन्ते मन्त्रिणां मन्त्राः क्रव्यादेष्वेव भाषिताः
kravyādā yetarā mantrā ye cānye parikīrtitā / sidhyante mantriṇāṃ mantrāḥ kravyādeṣveva bhāṣitāḥ
Sanskrit only: no published translation is held for this verse.
रुद्रविष्णुर्ग्रहा चोरै गरुडैश्चापि महर्द्धिकैः । यक्षराक्षसगीतास्तु सिध्यन्ते मन्त्रकश्मलाः
rudraviṣṇurgrahā corai garuḍaiścāpi maharddhikaiḥ / yakṣarākṣasagītāstu sidhyante mantrakaśmalāḥ
Sanskrit only: no published translation is held for this verse.
विविधैर्भूतगणैश्चापि पिशाचैर्मन्त्रभाषिताः । स्वयं न सिध्यते विधिना हीना अशौचाचाररतेष्वपि
vividhairbhūtagaṇaiścāpi piśācairmantrabhāṣitāḥ / svayaṃ na sidhyate vidhinā hīnā aśaucācārarateṣvapi
Sanskrit only: no published translation is held for this verse.
विधिना योजिता क्षिप्रं अशौचेष्वेव सिद्धिदा । तस्मान्मन्त्रं न कुर्वीत विधिहीनं तु कर्मयोः
vidhinā yojitā kṣipraṃ aśauceṣveva siddhidā / tasmānmantraṃ na kurvīta vidhihīnaṃ tu karmayoḥ
Sanskrit only: no published translation is held for this verse.
सिध्यन्ते साश्रवा मन्त्रा विधिकर्मसुयोजिताः । साध्यास्तु तथा मन्त्रा आर्या बुद्धैस्तु भाषिता
sidhyante sāśravā mantrā vidhikarmasuyojitāḥ / sādhyāstu tathā mantrā āryā buddhaistu bhāṣitā
Sanskrit only: no published translation is held for this verse.
तेषां सिद्धि विनिर्दिष्टा मार्गेष्वेव सुयोजिता । आर्याष्टाङ्गिकं मार्ग चतुःसत्यसुयोजितम्
teṣāṃ siddhi vinirdiṣṭā mārgeṣveva suyojitā / āryāṣṭāṅgikaṃ mārga catuḥsatyasuyojitam
Sanskrit only: no published translation is held for this verse.
चतुर्ध्यान सदाचेयं चत्वारश्चरणाश्रिताः । भिद्यन्ते मन्त्रमुख्यास्तु प्रवरा बुद्धोपदेशिता
caturdhyāna sadāceyaṃ catvāraścaraṇāśritāḥ / bhidyante mantramukhyāstu pravarā buddhopadeśitā
Sanskrit only: no published translation is held for this verse.
अनाख्येयस्वभावं वै गगनाभावस्वभावताम् । मन्त्राणां विधिनिर्दिष्टां आर्याणां च महौजसाम्
anākhyeyasvabhāvaṃ vai gaganābhāvasvabhāvatām / mantrāṇāṃ vidhinirdiṣṭāṃ āryāṇāṃ ca mahaujasām
Sanskrit only: no published translation is held for this verse.
भूम्यानां विधिनिर्दिष्टा सिद्धिमार्गविवर्जितम् । विद्यानां कथयिष्ये ऽहं तन्निबोध्य दिवौकसाः
bhūmyānāṃ vidhinirdiṣṭā siddhimārgavivarjitam / vidyānāṃ kathayiṣye 'haṃ tannibodhya divaukasāḥ
Sanskrit only: no published translation is held for this verse.
दशकर्मपथे मार्गे कुशले चैव सुभाषिते । सिध्यन्ते दिव्यमन्त्रास्तु विधिदृष्टेन कर्मणा
daśakarmapathe mārge kuśale caiva subhāṣite / sidhyante divyamantrāstu vidhidṛṣṭena karmaṇā
Sanskrit only: no published translation is held for this verse.