अथखलु भगवां शाक्यमुनिः पुनरपि शुद्धावासभवनमवलोक्य तं च महापर्षन्मण्डलं अनन्तव्यूहालङ्कारसर्वज्योतिप्रभास्वरविकुर्वाणानन्तगुह्यतमं सर्वगुह्यतमं सर्वमन्त्रानुचरितं नाम समाधिं समापद्यते । समनन्तरसमापन्नस्य भगवतः ऊर्णाकोशाद् रश्मयो निश्चरन्ति स्म । सर्वतश्च समन्ता दशसु दिक्षु रित्यूर्ध्वमधस्तिर्यक् महतावभासेनावभास्य सर्वमन्त्रां सञ्चोद्य पुनरपि भगवतः ऊर्णाकोशान्तर्हिता । समनन्तरान्तर्हिते रश्मिभिः चतुर्दिक्षु च आधश्चोर्ध्वं चत्वारः कुमार्यो भ्रातृसहिता तस्मिन्नेव महापर्षन्मण्डले अधः सुमेरुपर्वतराजसमीपे बुद्धाधिष्ठानेनाधिष्ठितो ऽभूत् । सन्निपतिता सन्निषण्णा महाबोधिसत्त्वकुमारभूतं रिद्ध्या विक्रीडनसन्दशर्नार्थं महामन्त्रचर्यानिर्हारार्थं सर्वलोकोत्तरलौकिकमन्त्रचर्याक्रीडासमनुप्रवेशवशमाकर्षसमाश्वासनचर्यासमनुप्रवेशनार्थम् ॥ अथ खलु भगवां शाक्यमुनिर्वज्रपाणिं बोधिसत्त्वं महासत्त्वं तस्मिन्नेव पर्षदि सन्निपतितम् ईषिन्निरीक्ष्य सर्वं च बोधिसत्त्वगणम् ॥ अथ सा सर्वावती पर्षदिह महापृथिवी च देवतागणपरिवृता महाभूतैकमन्त्रालयं ओषध्यो महाज्योतींषि नगां सञ्चाल्य प्रचलिता रणिता प्ररणिता क्षुभिता सम्प्रक्षुभिता दक्षिणा दिगुन्नमति, उत्तरा दिगवन्नमति, पश्चिमदिगुन्नमति पूर्वा दिगवनमति, अन्तादवनमति, मध्यादुन्नमती, अन्तादुन्नमति, महतस्य चावभासस्य लोके प्रादुर्भावो ऽभूत् । अन्यानि चाप्रमेयानि असङ्ख्येयानिश्चर्याद्भुतानि प्रातिहार्याणि सन्दृश्यन्ते स्म । ताश्च देवसङ्घा निःप्रपञ्चमहतालम्बनज्ञानशान्तिपदं नाम समाधिं समापद्यते स्म । यन्न शक्यं सर्वप्रत्येकबुद्धार्हत्त्वमहाबोधिसत्त्वैरपि ज्ञातुम् । कः पुनर्वादः समापद्येतुं अन्येषां सर्वलौकिकलोकोत्तराणां तीर्थायतनानां अभिभवनार्थं सर्वमन्त्रतन्त्रानुप्रवेशनार्थं सर्वविमोक्षधर्मपरिपूरणार्थं सर्वसत्त्वानां च शान्तिपदमनुप्रापणार्थं सर्वभूतमनुकम्पाभूतकोटितथताचिन्त्यबोधिमण्डवज्रासनमाक्रमणतिष्ठपदमनुप्रापणार्थं च भगवां शाक्यमुनिः ध्यायन्तः स्थितो ऽभूत् ॥ अथ खलु मञ्जुश्रीः कुमारभूतो बोधिसत्त्वो वज्रपाणिं बोधिसत्त्वं महायक्षसेनापति आमन्त्रयते स्म - भाष भाष त्वं भो जिनपुत्र सर्वमन्त्रचर्यानुप्रवेशं सर्वलौकिकमन्त्राणां सारभूतं तमं परमरहस्यं सर्वभूतसत्त्वानां समयानुप्रवेशं यथाशयमनोरथसर्वपारिपूरकं अनुज्ञातस्त्वं भो जिनपुत्र सर्वबुद्धैर्भगवद्भिः अतीतानागतप्रत्युत्पन्नैस्तथागतमन्त्रकोशसर्वज्ञतापरिपूरणार्थं इह कल्पराजपटलविसरे सर्वविक्रीडालीलाचिन्त्याश्चर्याद्भुतविकुर्वणसन्दर्शनार्थं सर्वज्ञज्ञानमुद्भावनार्थम् ॥ अथ खलु वज्रपाणिः बोधिसत्त्वो महासत्त्वः मञ्जुश्रियं कुमारभूतमामन्त्रयते स्म । शृण्वन्तु भो धर्मधर सर्वतथागतानां समतानुरक्षणदक्षकथायास्यहं चतुःकुमारीणां भ्रातृसहितानां सरहस्यं पटविधानहोमजापकालक्रियानियमः प्रतिमाविधानमण्डलसमय आह्वाननविसर्जनापूजनार्घदीपगन्धधूपमाल्यविलेपनचूर्णवस्त्रनिवेदनध्वजपताकघण्टामालप्रदीपस्रग्विधिसाधनसाध्योपायनियमक्रमः (वैद्य ४०३) शान्तिकपौष्टिकाभिचारुक अन्तर्द्धानाकाशगमनपादप्रचारिकवशीकरणावेशनविद्वेषणोत्सादनशोषणमोहनस्तम्भनमारण विविधसत्त्वाकारकरणपीडनतर्जनभर्त्सनबहुपदापदकरणक्रियो मार्गसन्दर्शनयथेष्टकर्मफलः बन्धनरोहणावन्ध्यकरणसर्वकर्ममन्त्रतन्त्रसाधनोपयिकेषु स्थानेषु नियोजनः सिद्धिपरिपूरणा । तछ्रूयतां भो जिनपुत्र ॥ अथ वज्रपाणिः श्रीमां प्रणिपत्य सुगतं विभुम् । उवाच मधुरां वाणिं शब्दार्थभूषिताम्
athakhalu bhagavāṃ śākyamuniḥ punarapi śuddhāvāsabhavanamavalokya taṃ ca mahāparṣanmaṇḍalaṃ anantavyūhālaṅkārasarvajyotiprabhāsvaravikurvāṇānantaguhyatamaṃ sarvaguhyatamaṃ sarvamantrānucaritaṃ nāma samādhiṃ samāpadyate / samanantarasamāpannasya bhagavataḥ ūrṇākośād raśmayo niścaranti sma / sarvataśca samantā daśasu dikṣu rityūrdhvamadhastiryak mahatāvabhāsenāvabhāsya sarvamantrāṃ sañcodya punarapi bhagavataḥ ūrṇākośāntarhitā / samanantarāntarhite raśmibhiḥ caturdikṣu ca ādhaścordhvaṃ catvāraḥ kumāryo bhrātṛsahitā tasminneva mahāparṣanmaṇḍale adhaḥ sumeruparvatarājasamīpe buddhādhiṣṭhānenādhiṣṭhito 'bhūt / sannipatitā sanniṣaṇṇā mahābodhisattvakumārabhūtaṃ riddhyā vikrīḍanasandaśarnārthaṃ mahāmantracaryānirhārārthaṃ sarvalokottaralaukikamantracaryākrīḍāsamanupraveśavaśamākarṣasamāśvāsanacaryāsamanupraveśanārtham // atha khalu bhagavāṃ śākyamunirvajrapāṇiṃ bodhisattvaṃ mahāsattvaṃ tasminneva parṣadi sannipatitam īṣinnirīkṣya sarvaṃ ca bodhisattvagaṇam // atha sā sarvāvatī parṣadiha mahāpṛthivī ca devatāgaṇaparivṛtā mahābhūtaikamantrālayaṃ oṣadhyo mahājyotīṃṣi nagāṃ sañcālya pracalitā raṇitā praraṇitā kṣubhitā samprakṣubhitā dakṣiṇā digunnamati, uttarā digavannamati, paścimadigunnamati pūrvā digavanamati, antādavanamati, madhyādunnamatī, antādunnamati, mahatasya cāvabhāsasya loke prādurbhāvo 'bhūt / anyāni cāprameyāni asaṅkhyeyāniścaryādbhutāni prātihāryāṇi sandṛśyante sma / tāśca devasaṅghā niḥprapañcamahatālambanajñānaśāntipadaṃ nāma samādhiṃ samāpadyate sma / yanna śakyaṃ sarvapratyekabuddhārhattvamahābodhisattvairapi jñātum / kaḥ punarvādaḥ samāpadyetuṃ anyeṣāṃ sarvalaukikalokottarāṇāṃ tīrthāyatanānāṃ abhibhavanārthaṃ sarvamantratantrānupraveśanārthaṃ sarvavimokṣadharmaparipūraṇārthaṃ sarvasattvānāṃ ca śāntipadamanuprāpaṇārthaṃ sarvabhūtamanukampābhūtakoṭitathatācintyabodhimaṇḍavajrāsanamākramaṇatiṣṭhapadamanuprāpaṇārthaṃ ca bhagavāṃ śākyamuniḥ dhyāyantaḥ sthito 'bhūt // atha khalu mañjuśrīḥ kumārabhūto bodhisattvo vajrapāṇiṃ bodhisattvaṃ mahāyakṣasenāpati āmantrayate sma - bhāṣa bhāṣa tvaṃ bho jinaputra sarvamantracaryānupraveśaṃ sarvalaukikamantrāṇāṃ sārabhūtaṃ tamaṃ paramarahasyaṃ sarvabhūtasattvānāṃ samayānupraveśaṃ yathāśayamanorathasarvapāripūrakaṃ anujñātastvaṃ bho jinaputra sarvabuddhairbhagavadbhiḥ atītānāgatapratyutpannaistathāgatamantrakośasarvajñatāparipūraṇārthaṃ iha kalparājapaṭalavisare sarvavikrīḍālīlācintyāścaryādbhutavikurvaṇasandarśanārthaṃ sarvajñajñānamudbhāvanārtham // atha khalu vajrapāṇiḥ bodhisattvo mahāsattvaḥ mañjuśriyaṃ kumārabhūtamāmantrayate sma / śṛṇvantu bho dharmadhara sarvatathāgatānāṃ samatānurakṣaṇadakṣakathāyāsyahaṃ catuḥkumārīṇāṃ bhrātṛsahitānāṃ sarahasyaṃ paṭavidhānahomajāpakālakriyāniyamaḥ pratimāvidhānamaṇḍalasamaya āhvānanavisarjanāpūjanārghadīpagandhadhūpamālyavilepanacūrṇavastranivedanadhvajapatākaghaṇṭāmālapradīpasragvidhisādhanasādhyopāyaniyamakramaḥ (Vaidya 403) śāntikapauṣṭikābhicāruka antarddhānākāśagamanapādapracārikavaśīkaraṇāveśanavidveṣaṇotsādanaśoṣaṇamohanastambhanamāraṇa vividhasattvākārakaraṇapīḍanatarjanabhartsanabahupadāpadakaraṇakriyo mārgasandarśanayatheṣṭakarmaphalaḥ bandhanarohaṇāvandhyakaraṇasarvakarmamantratantrasādhanopayikeṣu sthāneṣu niyojanaḥ siddhiparipūraṇā / tachrūyatāṃ bho jinaputra // atha vajrapāṇiḥ śrīmāṃ praṇipatya sugataṃ vibhum / uvāca madhurāṃ vāṇiṃ śabdārthabhūṣitām
Sanskrit only: no published translation is held for this verse.
अनर्थां कर्णसुखां चैव मधुरार्थसुकूजिताम् । बह्वार्थकरीमिष्टां सर्वमन्त्रास्पदकरी ब्रह्मस्वरनिनादिनीम्
anarthāṃ karṇasukhāṃ caiva madhurārthasukūjitām / bahvārthakarīmiṣṭāṃ sarvamantrāspadakarī brahmasvaraninādinīm
Sanskrit only: no published translation is held for this verse.
कलविङ्करुताघोषा स्पष्टगम्भीरसंयमी । + + + + सूक्ष्मार्थतत्त्वावचोदनीम्
kalaviṅkarutāghoṣā spaṣṭagambhīrasaṃyamī / + + + + sūkṣmārthatattvāvacodanīm
Sanskrit only: no published translation is held for this verse.
सर्वमन्त्रेश्वरीं श्चैव वाचं भाषे ऽथ वज्रधृक् । शृणोथ भूतगणाः सर्वे देवसङ्घा महर्द्धिका
sarvamantreśvarīṃ ścaiva vācaṃ bhāṣe 'tha vajradhṛk / śṛṇotha bhūtagaṇāḥ sarve devasaṅghā maharddhikā
Sanskrit only: no published translation is held for this verse.
वक्ष्यमाणां तथा कल्पं सविस्तरं सर्वकर्मिकम् । चतुर्मूर्तिर्महौजस्क चतुर्दिक्षु समागमम् । चतुर्वर्णसमायुक्तं चतुरक्षरभूषितम्
vakṣyamāṇāṃ tathā kalpaṃ savistaraṃ sarvakarmikam / caturmūrtirmahaujaska caturdikṣu samāgamam / caturvarṇasamāyuktaṃ caturakṣarabhūṣitam
Sanskrit only: no published translation is held for this verse.
चतुर्मन्त्रसमोपेतं स पुमां पञ्चमाशृताम् । चतुर्थगतिमाहात्म्यं चतुर्भूतसमागमम्
caturmantrasamopetaṃ sa pumāṃ pañcamāśṛtām / caturthagatimāhātmyaṃ caturbhūtasamāgamam
Sanskrit only: no published translation is held for this verse.
सभ्रातृपञ्चमं ज्येष्ठं महाभूताकाशमुद्भवम् । सर्वत्राप्रतिहतं श्रेष्ठं सर्वमन्त्रार्थसाधनम्
sabhrātṛpañcamaṃ jyeṣṭhaṃ mahābhūtākāśamudbhavam / sarvatrāpratihataṃ śreṣṭhaṃ sarvamantrārthasādhanam
Sanskrit only: no published translation is held for this verse.
सर्वकर्मकरं पूज्यं ज्येष्ठं मङ्गल्यमघनाशनम् । प्रवृत्तं सर्वभूतानां मन्त्ररूपेण श्रेयसाम्
sarvakarmakaraṃ pūjyaṃ jyeṣṭhaṃ maṅgalyamaghanāśanam / pravṛttaṃ sarvabhūtānāṃ mantrarūpeṇa śreyasām
Sanskrit only: no published translation is held for this verse.
चतुःकुमार्येति विख्याता कुमारा पञ्चमात्मका । वाय्वम्बुज्योतिषिं पृथिवीं खपञ्चमात्मकाम्
catuḥkumāryeti vikhyātā kumārā pañcamātmakā / vāyvambujyotiṣiṃ pṛthivīṃ khapañcamātmakām
Sanskrit only: no published translation is held for this verse.
तेषां मन्त्ररूपिण्यां विपाको भवति देहिनाम् । पञ्चमो श्रेयसो मुख्यो भ्रातृरूपेण मन्त्रराट् । तेषां मन्त्रां प्रवक्ष्यामि अपराख्य शृणोथ मे
teṣāṃ mantrarūpiṇyāṃ vipāko bhavati dehinām / pañcamo śreyaso mukhyo bhrātṛrūpeṇa mantrarāṭ / teṣāṃ mantrāṃ pravakṣyāmi aparākhya śṛṇotha me
Sanskrit only: no published translation is held for this verse.
अथ ते सर्वभूता वै प्रहृष्टमनसा अभूत् । निषण्णा धर्मतां ज्ञात्वा सौम्यचित्ता समाहिता । श्रोतुकामा हि वै सर्वो निश्चलायतलोचना
atha te sarvabhūtā vai prahṛṣṭamanasā abhūt / niṣaṇṇā dharmatāṃ jñātvā saumyacittā samāhitā / śrotukāmā hi vai sarvo niścalāyatalocanā
Sanskrit only: no published translation is held for this verse.
अथ मञ्जुवरः श्रीमां ऊर्ध्वक्ष्य सुगतात्मजम् । वज्रपाणिं महायक्षं सर्वमन्त्रेश्वरालयम्
atha mañjuvaraḥ śrīmāṃ ūrdhvakṣya sugatātmajam / vajrapāṇiṃ mahāyakṣaṃ sarvamantreśvarālayam
Sanskrit only: no published translation is held for this verse.
कृपावकृष्टहृदयो अपरो ऽभूत् तदन्तरे । ॥॥ सर्वबुद्धा वै प्रत्येकार्हश्रावका
kṛpāvakṛṣṭahṛdayo aparo 'bhūt tadantare / .... sarvabuddhā vai pratyekārhaśrāvakā
Sanskrit only: no published translation is held for this verse.
बोधिसत्त्वा महासत्त्वा दशभूमिसमाशृता । सर्वसत्त्वा तथा लोके मुख्या अग्रतमाश्च ये
bodhisattvā mahāsattvā daśabhūmisamāśṛtā / sarvasattvā tathā loke mukhyā agratamāśca ye
Sanskrit only: no published translation is held for this verse.
निषण्णा सर्वतः सर्व गतिपञ्चसुयोजिताः । जन्मिनो वरमुख्याश्च पराः परपूजिता
niṣaṇṇā sarvataḥ sarva gatipañcasuyojitāḥ / janmino varamukhyāśca parāḥ parapūjitā
Sanskrit only: no published translation is held for this verse.
भवाग्रा ह्यावीचिपर्यन्तां अनन्तां धातुमाशृताम् । त्रिजन्माध्यक्षपर्यन्ता दशभूमाधिपा परा । श्रोतुकामा हि वै सर्वे निपेतुस्तं समागमम्
bhavāgrā hyāvīciparyantāṃ anantāṃ dhātumāśṛtām / trijanmādhyakṣaparyantā daśabhūmādhipā parā / śrotukāmā hi vai sarve nipetustaṃ samāgamam
Sanskrit only: no published translation is held for this verse.
अथ वज्रधराध्यक्षो विदित्वा सर्वमागताम् । सत्त्वां बोधिसत्त्वांश्च सर्वमन्त्रेश्वरालयाम् । सुरज्येष्ठां तथा देवां दशभूम्येश्वराम्
atha vajradharādhyakṣo viditvā sarvamāgatām / sattvāṃ bodhisattvāṃśca sarvamantreśvarālayām / surajyeṣṭhāṃ tathā devāṃ daśabhūmyeśvarām
Sanskrit only: no published translation is held for this verse.
सर्वसत्त्वां विदित्त्वैनां प्रसन्नां बुद्धशासने । मन्त्रं प्रत्याहरेद्धीमां मन्त्रनाथेश्वरस्तदा
sarvasattvāṃ vidittvaināṃ prasannāṃ buddhaśāsane / mantraṃ pratyāhareddhīmāṃ mantranātheśvarastadā
Sanskrit only: no published translation is held for this verse.
नमः सर्वबुद्धानामप्रतिहतशासनानाम् अचिन्त्याद्भुतरूपिणाम् । ओम् तुरु तुरु हुलु हुलु मा विलम्ब समयमनुस्मर मम कार्यं साधय हूं हूं फट् फट् स्वाहा ॥ सर्वकर्मिको ऽयं मन्त्रः । हृदयो ऽयं सर्वबुद्धबोधिसत्त्वानां सर्वलौकिकलोकोत्तराणां सर्वव्याधिराजाधिपतीनां च मूलमन्त्रो ऽयम् अनेन सर्वकर्माणि कारयेत् ॥ सर्वद्रव्याणि साधयेत् सर्वकर्मकरो विभुः । अनेन तु सदा कर्म कुर्यात् क्षिप्रार्थसाधने । तत्र मन्त्रं प्रवक्ष्यामि देवसङ्घा शृणोथ मे
namaḥ sarvabuddhānāmapratihataśāsanānām acintyādbhutarūpiṇām / om turu turu hulu hulu mā vilamba samayamanusmara mama kāryaṃ sādhaya hūṃ hūṃ phaṭ phaṭ svāhā // sarvakarmiko 'yaṃ mantraḥ / hṛdayo 'yaṃ sarvabuddhabodhisattvānāṃ sarvalaukikalokottarāṇāṃ sarvavyādhirājādhipatīnāṃ ca mūlamantro 'yam anena sarvakarmāṇi kārayet // sarvadravyāṇi sādhayet sarvakarmakaro vibhuḥ / anena tu sadā karma kuryāt kṣiprārthasādhane / tatra mantraṃ pravakṣyāmi devasaṅghā śṛṇotha me
Sanskrit only: no published translation is held for this verse.
ओम् देव स्वाहा । सार्त्थवाहायस्तुम्बुरेर्मन्त्रः । ओम् जये स्वाहा । ओम् अजिते स्वाहा । ओम् पराजिते स्वाहा । एते मूलमन्त्रा सभ्रातृसहितानां चतुर्भगिनीनां लोकपूजितानां हृदयानि भवन्ति । तासाम् ओम् रूपिणी ओम् विरूपिणी विश्वात्मने । एते हृदयोद्भवा मन्त्रास्तुम्बुरेर्हृदये मन्त्रा भवन्ति । ओम् देवेशाय स्वाहा । उपहृदयानि भवन्ति । ओम् वामनि पिशाचि ओम् महाराक्षसि स्वाहा । ओम् विकृतरूपिणि स्वाहा । ओम् प्रकीर्णकेशी कृतान्तरूपिणि स्वाहा । ओम् वज्ररूपिणि कृतान्तरात्रि भयानकि स्वाहा । तुम्बुरेः सार्थवाहस्योपहृदयं भवति । ओम् चतुर्वक्त्रविभूषितमूर्ति त्रिनेत्रा लम्बोदर बहुरूपि स्वाहा । ओम् धु धु ज्वलय सर्वदिशां स्वाहा । सर्वेषां भगिनीनां भ्रातृसहितानां दिव्यस्तु मन्त्रो ऽयम् । ओम् हूं सर्वेषां शिखा । ओम् ह्रीः जः सर्वेषां शिरः । ओम् ध्यायिनि स्वाहा । सर्वेषां मन्त्रः । ओम् दृक् सर्वेषां नेत्रः । ओम् भगिनीनां भ्रातृसहितानां चन्दनकुङ्कुमानुलिप्तानां समया च रक्षितानां हिमवन्तससागरचारिणां दृढव्रतानां बुद्धधर्मसङ्घानुज्ञातानां श्रीः । ह्रीः । रीम् । व्रीः । भुजः । एष सर्वभगिनीनां (वैद्य ४०५) सर्वभ्रातृसहितानां गात्रे महामन्त्रः । सर्वकर्मिकः प्रसिद्धः सर्वकर्मसु । परमगुह्यतमः । ओम् आयाहि महादेव विश्वरूपिणे स्वाहा । ओम् तुम्बुरे सार्थवाहस्याह्वाननमन्त्रा । ओम् गच्छगच्छ महादेव विश्वात्मने स्वाहा । तम्बुरेः सार्थवाहस्य विसर्जनमन्त्रा । ओम् आयाहि देवि कुमारिके किं चिरायसिसमयमनुस्मर । मम कार्यं सम्पादय स्वाहा । जयायाह्वाननमन्त्रा । ओम् आयाहि महाभोगिनि कार्यं मे साधय समयमनुस्मर स्वाहा । ओम् महायोगान्धरि विस्तीर्णधनप्रिये स्वाहा । अजिताया आह्वाननमन्त्रा । ओम् श्मशानवासिनि रूपपरिवर्तिनि देहानुचरे स्वाहा । अपराजिताया आह्वाननमन्त्रा पुनरेव सर्वमण्डलां लौकिकलोकोत्तरामालिखेत् । सर्वकर्मेषु च योजयेत् । परकल्पविधानेनापि ईप्सितमर्थं साधयेत् । अस्मिन्नेव कल्पविसरे मूलकल्पराजपटलसमतासम्मतश्चतुःकुमारिणां कुमारसहितानामादिमाख्यायते मन्त्रो ऽयं बुद्धात्मजो यमिच्छति । सर्वकर्मिकमित्याहुः बुद्धपूत्रा महर्द्धिका । कुलाग्रा मन्त्रमुख्याश्च सर्वमन्त्रेश्वरो विभुः
om deva svāhā / sārtthavāhāyastumburermantraḥ / om jaye svāhā / om ajite svāhā / om parājite svāhā / ete mūlamantrā sabhrātṛsahitānāṃ caturbhaginīnāṃ lokapūjitānāṃ hṛdayāni bhavanti / tāsām om rūpiṇī om virūpiṇī viśvātmane / ete hṛdayodbhavā mantrāstumburerhṛdaye mantrā bhavanti / om deveśāya svāhā / upahṛdayāni bhavanti / om vāmani piśāci om mahārākṣasi svāhā / om vikṛtarūpiṇi svāhā / om prakīrṇakeśī kṛtāntarūpiṇi svāhā / om vajrarūpiṇi kṛtāntarātri bhayānaki svāhā / tumbureḥ sārthavāhasyopahṛdayaṃ bhavati / om caturvaktravibhūṣitamūrti trinetrā lambodara bahurūpi svāhā / om dhu dhu jvalaya sarvadiśāṃ svāhā / sarveṣāṃ bhaginīnāṃ bhrātṛsahitānāṃ divyastu mantro 'yam / om hūṃ sarveṣāṃ śikhā / om hrīḥ jaḥ sarveṣāṃ śiraḥ / om dhyāyini svāhā / sarveṣāṃ mantraḥ / om dṛk sarveṣāṃ netraḥ / om bhaginīnāṃ bhrātṛsahitānāṃ candanakuṅkumānuliptānāṃ samayā ca rakṣitānāṃ himavantasasāgaracāriṇāṃ dṛḍhavratānāṃ buddhadharmasaṅghānujñātānāṃ śrīḥ / hrīḥ / rīm / vrīḥ / bhujaḥ / eṣa sarvabhaginīnāṃ (Vaidya 405) sarvabhrātṛsahitānāṃ gātre mahāmantraḥ / sarvakarmikaḥ prasiddhaḥ sarvakarmasu / paramaguhyatamaḥ / om āyāhi mahādeva viśvarūpiṇe svāhā / om tumbure sārthavāhasyāhvānanamantrā / om gacchagaccha mahādeva viśvātmane svāhā / tambureḥ sārthavāhasya visarjanamantrā / om āyāhi devi kumārike kiṃ cirāyasisamayamanusmara / mama kāryaṃ sampādaya svāhā / jayāyāhvānanamantrā / om āyāhi mahābhogini kāryaṃ me sādhaya samayamanusmara svāhā / om mahāyogāndhari vistīrṇadhanapriye svāhā / ajitāyā āhvānanamantrā / om śmaśānavāsini rūpaparivartini dehānucare svāhā / aparājitāyā āhvānanamantrā punareva sarvamaṇḍalāṃ laukikalokottarāmālikhet / sarvakarmeṣu ca yojayet / parakalpavidhānenāpi īpsitamarthaṃ sādhayet / asminneva kalpavisare mūlakalparājapaṭalasamatāsammataścatuḥkumāriṇāṃ kumārasahitānāmādimākhyāyate mantro 'yaṃ buddhātmajo yamicchati / sarvakarmikamityāhuḥ buddhapūtrā maharddhikā / kulāgrā mantramukhyāśca sarvamantreśvaro vibhuḥ
Sanskrit only: no published translation is held for this verse.
करोति विविधां कर्मां विचित्रां साधुवर्णिताम् । प्रसह्यं चापि भूतानां चित्तं हरति तृजन्मिनाम्
karoti vividhāṃ karmāṃ vicitrāṃ sādhuvarṇitām / prasahyaṃ cāpi bhūtānāṃ cittaṃ harati tṛjanminām
Sanskrit only: no published translation is held for this verse.
गत्यर्थवश्यताहेतुनापत्यार्थसमुद्भवम् । प्रसह्यं कुरुते कर्म गतियोनिविनिर्गतः
gatyarthavaśyatāhetunāpatyārthasamudbhavam / prasahyaṃ kurute karma gatiyonivinirgataḥ
Sanskrit only: no published translation is held for this verse.
चतुर्भगिन्येति विख्याता ॥॥॥॥॥॥ । सभ्रातृसहिता नित्यं महोदधिनिवासिनः
caturbhaginyeti vikhyātā ............ / sabhrātṛsahitā nityaṃ mahodadhinivāsinaḥ
Sanskrit only: no published translation is held for this verse.
नौयानसमारूढा सभ्रातृसहपञ्चमा । कर्णधारो ऽथ चित्तासां तुम्बुरुर्नाम संज्ञितः
nauyānasamārūḍhā sabhrātṛsahapañcamā / karṇadhāro 'tha cittāsāṃ tumbururnāma saṃjñitaḥ
Sanskrit only: no published translation is held for this verse.
विचरन्ति महीं कृत्स्नां सत्त्वानुग्रहतत्पराम् । विचित्ररूपधारिण्यो विचित्राभरणभूषिताः
vicaranti mahīṃ kṛtsnāṃ sattvānugrahatatparām / vicitrarūpadhāriṇyo vicitrābharaṇabhūṣitāḥ
Sanskrit only: no published translation is held for this verse.
विचित्रैव फलं तासां विचित्रोपकरणपूजिताम् । पर्यटन्ति महीं सर्वां सशैलसहसागराम्
vicitraiva phalaṃ tāsāṃ vicitropakaraṇapūjitām / paryaṭanti mahīṃ sarvāṃ saśailasahasāgarām
Sanskrit only: no published translation is held for this verse.
तासां मन्त्रो महाज्येष्ठः तुम्बुरुर्नाम इष्यते । सार्थवाहस्य मन्त्रो वै त्र्यम्बकस्य जनाधिपे । चतुरक्षरसंयोगा ओङ्कारसपञ्जकः
tāsāṃ mantro mahājyeṣṭhaḥ tumbururnāma iṣyate / sārthavāhasya mantro vai tryambakasya janādhipe / caturakṣarasaṃyogā oṅkārasapañjakaḥ
Sanskrit only: no published translation is held for this verse.
प्रथमः सर्वमन्त्राणां चार्चनं कुर्यात् गन्धधूपदीपमाल्योपहारविशेषैः बलिविधानं दत्वा जपं कुर्यात् । अनाकुलपदाक्षरैः । गुह्यप्रदेशे एषामन्यतमं श्रेष्ठं मन्त्रं गृहीत्वा त्रिःकालमष्टसहस्रं जपेत् । आगताया अर्घं दत्वा सर्वकर्माणि कारयेत् । अर्घमन्त्रं चात्र भवति । ओम् प्रविगृह्णतु भगिन्यः सभ्रातृसहिता चार्घमयमधितिष्ठन्तु स्वाहा । अर्घमन्त्रा सर्वेषां भ्रातृसहितानां सर्वोपचारमन्त्राणि भवन्ति । ओम् ज्वल ज्वल महाहुताशार्चि महाद्युतीनां (वैद्य ४०६) स्वाहा । सर्वेषां प्रदीपमन्त्रा । ओम् धूं धूं । अरितवासिनि धूपशिखे सुरभिगन्धमनोहरे प्रतिगृह्णतु देव्यः भ्रातुसहिताः ध्यायन्तां स्वाहा । धूपमन्त्रः सर्वेषाम् । ओम् कुसुमवासिनि कुसुमाढ्ये सुरभिमाले सुगन्धिमनोहरे वने कुसुमा जाताः सुकुमाराः सुगन्धिनः । तां निवेदितो भक्त्या प्रतिगृह्णध्वं मनोजवा स्वाहा । पुष्पमन्त्रा । अनेन पूजां कुर्वीत । ओम् गन्धगन्धाधिवासे स्वाहा । गन्धमन्त्रा । ओम् बलिते बलिनि स्वाहा । बलिमन्त्रा । ओम् लालावति स्वाहा । निवेद्यमन्त्रा । ओम् सू । वस्त्रमन्त्रा । ओम् फट् । घण्टामन्त्रा । ओम् स्वरव्यञ्जनमन्त्रा । ओम् छादय छत्रमन्त्रा । ओम् दोधूयते धूयते स्वाहा । चमरमन्त्रा । ओम् केलिमहोकलिहृदयङ्गमे स्वाहा । सर्वद्रव्योपकरणाञ्जनरोचनादर्शप्रसाधनमन्त्रा । ओम् समस्तव्यापिनि स्वाहा । सर्वदिग्बन्धवज्रप्राकारमन्त्रा । ओम् मण्डलिने स्वाहा । इत्यूर्ध्वमधः बन्धमन्त्रा । सर्वतश्च समन्ताशेषबन्धं भवति । ओम् नमः सर्वबुद्धानामप्रतिहतशासनानाम् । ओम् हूं हः । सर्वकर्मिको ऽयं महाविद्याराजा शासनो नाम । वशिता सर्वभूतानां चतुःकुमारीणां सभ्रातृसहितानां पीडनो शोषणो रोधनो बन्धनः वशयिता निग्रहानुग्रहे रतः सर्वभूतग्रहमातर सर्वकर्मेषु अप्रतिहतशासनः गुह्ये प्रदेशे अववरके वा जप्यमानश्चतुर्भगिनीनां सभ्रातृसहितानां यं रोचते तं कारयति । याच्यमानस्तु यं बरं रोचते तं वरं याचयितव्या शीघ्रं वरमनुप्रयच्छति । एवं बन्धनताडनतर्जनतर्जनमारणादीनि कर्माणि कुर्वन्ति । अनेनैव विद्याराजेनोपतप्यमाना सह जप्यमाना सर्वकर्माणि कुर्वन्ति । आसां मन्त्राणि भवन्ति । विसर्जनाध्येषणादीनि कार्याणि कुर्वन्ति ॥ ओम् रूपिणी गच्छ गच्छ समयमनुस्मर स्वाहा । जयाया विसर्जनमन्त्रा । ओम् वामने पिशाचि प्रकीर्णकेशि विश्वरूपिणि गच्छ गच्छ मम कार्यं साधय स्वाहा । विजयाया विसर्जनमन्त्रः । ओम् लहु लहु रूपिणि गच्छ गच्छ समयमनुस्मर मम कार्यं समादाय स्वाहा । अजिताया विसर्जनमन्त्रा । ओम् विश्वरूपिणि विकृते विकृतानने सर्वदुष्टनिवारणि गच्छ गच्छ ममार्थं साधय स्वाहा । अपराजिताया । विसर्जनमन्त्रा एते विसर्जनाध्येषणमन्त्रा । यन्मनीषितं कार्यं । विचित्रकुसुमैरञ्जलिं पूरयित्वा याचयित्वा प्रसाद्य च देवीनामग्रतः सभ्रातृसहितानां क्षेप्तव्याः । ततस्ता मुक्ता भवन्ति । सभ्रातृसहिता सान्निध्यं च कल्पयन्ते । यथेष्टं च वरमनुप्रयच्छन्ति विचरन्ति यथासुखमिति । वाचा वक्तव्या प्रतिदिनं च कर्तव्यमेवमुपरुध्यमाना मोक्षणाच्च सान्निध्यं न परित्यजन्ति । सततक्रिया अन्यथा उपरुध्यमाना नावतिष्ठन्ते कर्तव्यम् ॥ अथ ते भगिन्यः सभ्रातृसहिताः थरथरायमानाः पीड्यमानाश्च वेपथुरुपजातशङ्का बोधिसत्त्वानुभावेन चतुर्दिक्षु रागत्य एवं वाचमुदीरयन्ते - परित्रायस्व भगवं वज्रपाणि परित्रायस्व । पीडिताः स्म भगवं सुपीडिताः स्म । गतिरन्या न विद्यते । त्वमेव भगवं शरणम् । त्वमेव त्राणमिति ॥ अत्रान्तरे विद्याराजेन शासने सुशासिता सर्वदेवनागयक्षगन्धर्वासुरगरुडकिन्नरमहोरगमनुष्यामनुष्या सर्वसत्त्वाश्च सर्वगतिसङ्गृहीताश्च सुविनीताश्च सुशासिता महाविद्याराजेन (वैद्य ४०७) वज्राधिपतिनानुभावेन ताः भगिन्यः भ्रातृसहिताः भीताः सुविनीता आर्तस्वरं क्रन्दमानाः अवतिष्ठन्ते । अथ खलु मञ्जुश्रीः बोधिसत्त्वो महासत्त्वः तां देवतां भ्रातृसहितानामन्त्रयते स्म । मा भैष्टत भगिन्यः मा भैष्टथ । बुद्धं शरणं गच्छध्वम् । द्विपदानामग्रं धर्मं शरणं गच्छध्वम् । विरागाणामग्रं सङ्घं शरणं गच्छध्वम् । गणानामग्र्यम् ॥ अथ ता भगिन्यः सभ्रातृपञ्चमाः बुद्धं शरणं गच्छन्ति । एवं शरणं गच्छन्ति । सङ्घं शरणं गच्छन्ति स्म । ततस्ताः सुखसौमनस्याः परमेण सुखसौमनस्येन समन्वागता अभूवन् । मुक्तगाढबन्धनात्मानं सञ्जानते स्म । प्रीतीसुखसमर्पिताः लब्धप्रसादपरमसञ्जातहृष्टरोमकूपाः इदमुदानमुदानयन्ति स्म - अहो आश्चर्यमिदं प्राप्तो रत्नत्रयोद्भवे । सुखिताः स्म क्षणाल्लब्धात् सर्वदुर्गतिघहिताः । सुगतौ स्वर्गमोक्षो च सदा बुद्धिनिवेशिता
prathamaḥ sarvamantrāṇāṃ cārcanaṃ kuryāt gandhadhūpadīpamālyopahāraviśeṣaiḥ balividhānaṃ datvā japaṃ kuryāt / anākulapadākṣaraiḥ / guhyapradeśe eṣāmanyatamaṃ śreṣṭhaṃ mantraṃ gṛhītvā triḥkālamaṣṭasahasraṃ japet / āgatāyā arghaṃ datvā sarvakarmāṇi kārayet / arghamantraṃ cātra bhavati / om pravigṛhṇatu bhaginyaḥ sabhrātṛsahitā cārghamayamadhitiṣṭhantu svāhā / arghamantrā sarveṣāṃ bhrātṛsahitānāṃ sarvopacāramantrāṇi bhavanti / om jvala jvala mahāhutāśārci mahādyutīnāṃ (Vaidya 406) svāhā / sarveṣāṃ pradīpamantrā / om dhūṃ dhūṃ / aritavāsini dhūpaśikhe surabhigandhamanohare pratigṛhṇatu devyaḥ bhrātusahitāḥ dhyāyantāṃ svāhā / dhūpamantraḥ sarveṣām / om kusumavāsini kusumāḍhye surabhimāle sugandhimanohare vane kusumā jātāḥ sukumārāḥ sugandhinaḥ / tāṃ nivedito bhaktyā pratigṛhṇadhvaṃ manojavā svāhā / puṣpamantrā / anena pūjāṃ kurvīta / om gandhagandhādhivāse svāhā / gandhamantrā / om balite balini svāhā / balimantrā / om lālāvati svāhā / nivedyamantrā / om sū / vastramantrā / om phaṭ / ghaṇṭāmantrā / om svaravyañjanamantrā / om chādaya chatramantrā / om dodhūyate dhūyate svāhā / camaramantrā / om kelimahokalihṛdayaṅgame svāhā / sarvadravyopakaraṇāñjanarocanādarśaprasādhanamantrā / om samastavyāpini svāhā / sarvadigbandhavajraprākāramantrā / om maṇḍaline svāhā / ityūrdhvamadhaḥ bandhamantrā / sarvataśca samantāśeṣabandhaṃ bhavati / om namaḥ sarvabuddhānāmapratihataśāsanānām / om hūṃ haḥ / sarvakarmiko 'yaṃ mahāvidyārājā śāsano nāma / vaśitā sarvabhūtānāṃ catuḥkumārīṇāṃ sabhrātṛsahitānāṃ pīḍano śoṣaṇo rodhano bandhanaḥ vaśayitā nigrahānugrahe rataḥ sarvabhūtagrahamātara sarvakarmeṣu apratihataśāsanaḥ guhye pradeśe avavarake vā japyamānaścaturbhaginīnāṃ sabhrātṛsahitānāṃ yaṃ rocate taṃ kārayati / yācyamānastu yaṃ baraṃ rocate taṃ varaṃ yācayitavyā śīghraṃ varamanuprayacchati / evaṃ bandhanatāḍanatarjanatarjanamāraṇādīni karmāṇi kurvanti / anenaiva vidyārājenopatapyamānā saha japyamānā sarvakarmāṇi kurvanti / āsāṃ mantrāṇi bhavanti / visarjanādhyeṣaṇādīni kāryāṇi kurvanti // om rūpiṇī gaccha gaccha samayamanusmara svāhā / jayāyā visarjanamantrā / om vāmane piśāci prakīrṇakeśi viśvarūpiṇi gaccha gaccha mama kāryaṃ sādhaya svāhā / vijayāyā visarjanamantraḥ / om lahu lahu rūpiṇi gaccha gaccha samayamanusmara mama kāryaṃ samādāya svāhā / ajitāyā visarjanamantrā / om viśvarūpiṇi vikṛte vikṛtānane sarvaduṣṭanivāraṇi gaccha gaccha mamārthaṃ sādhaya svāhā / aparājitāyā / visarjanamantrā ete visarjanādhyeṣaṇamantrā / yanmanīṣitaṃ kāryaṃ / vicitrakusumairañjaliṃ pūrayitvā yācayitvā prasādya ca devīnāmagrataḥ sabhrātṛsahitānāṃ kṣeptavyāḥ / tatastā muktā bhavanti / sabhrātṛsahitā sānnidhyaṃ ca kalpayante / yatheṣṭaṃ ca varamanuprayacchanti vicaranti yathāsukhamiti / vācā vaktavyā pratidinaṃ ca kartavyamevamuparudhyamānā mokṣaṇācca sānnidhyaṃ na parityajanti / satatakriyā anyathā uparudhyamānā nāvatiṣṭhante kartavyam // atha te bhaginyaḥ sabhrātṛsahitāḥ tharatharāyamānāḥ pīḍyamānāśca vepathurupajātaśaṅkā bodhisattvānubhāvena caturdikṣu rāgatya evaṃ vācamudīrayante - paritrāyasva bhagavaṃ vajrapāṇi paritrāyasva / pīḍitāḥ sma bhagavaṃ supīḍitāḥ sma / gatiranyā na vidyate / tvameva bhagavaṃ śaraṇam / tvameva trāṇamiti // atrāntare vidyārājena śāsane suśāsitā sarvadevanāgayakṣagandharvāsuragaruḍakinnaramahoragamanuṣyāmanuṣyā sarvasattvāśca sarvagatisaṅgṛhītāśca suvinītāśca suśāsitā mahāvidyārājena (Vaidya 407) vajrādhipatinānubhāvena tāḥ bhaginyaḥ bhrātṛsahitāḥ bhītāḥ suvinītā ārtasvaraṃ krandamānāḥ avatiṣṭhante / atha khalu mañjuśrīḥ bodhisattvo mahāsattvaḥ tāṃ devatāṃ bhrātṛsahitānāmantrayate sma / mā bhaiṣṭata bhaginyaḥ mā bhaiṣṭatha / buddhaṃ śaraṇaṃ gacchadhvam / dvipadānāmagraṃ dharmaṃ śaraṇaṃ gacchadhvam / virāgāṇāmagraṃ saṅghaṃ śaraṇaṃ gacchadhvam / gaṇānāmagryam // atha tā bhaginyaḥ sabhrātṛpañcamāḥ buddhaṃ śaraṇaṃ gacchanti / evaṃ śaraṇaṃ gacchanti / saṅghaṃ śaraṇaṃ gacchanti sma / tatastāḥ sukhasaumanasyāḥ parameṇa sukhasaumanasyena samanvāgatā abhūvan / muktagāḍhabandhanātmānaṃ sañjānate sma / prītīsukhasamarpitāḥ labdhaprasādaparamasañjātahṛṣṭaromakūpāḥ idamudānamudānayanti sma - aho āścaryamidaṃ prāpto ratnatrayodbhave / sukhitāḥ sma kṣaṇāllabdhāt sarvadurgatighahitāḥ / sugatau svargamokṣo ca sadā buddhiniveśitā
Sanskrit only: no published translation is held for this verse.
ततस्तां तुष्टमनसो मञ्जुघोषं निरीक्ष च । प्रणिपत्य चरणौ मूर्ध्ना इदं वाचमुदीरयम् । त्रातस्त्वं सर्वदुःखेभ्यः गतिस्त्वं भो महाद्युतेः
tatastāṃ tuṣṭamanaso mañjughoṣaṃ nirīkṣa ca / praṇipatya caraṇau mūrdhnā idaṃ vācamudīrayam / trātastvaṃ sarvaduḥkhebhyaḥ gatistvaṃ bho mahādyuteḥ
Sanskrit only: no published translation is held for this verse.
यस्त्वं सर्वधर्माणां गभीरपदमक्षरा । त्वं देशयसे नाथ बन्धुभूत नमो ऽस्तु ते
yastvaṃ sarvadharmāṇāṃ gabhīrapadamakṣarā / tvaṃ deśayase nātha bandhubhūta namo 'stu te
Sanskrit only: no published translation is held for this verse.
आज्ञापय महावीर मन्त्रनाथं जिनात्मजम् । किमानीताः स्म देवेन आज्ञां किं करवानि ह
ājñāpaya mahāvīra mantranāthaṃ jinātmajam / kimānītāḥ sma devena ājñāṃ kiṃ karavāni ha
Sanskrit only: no published translation is held for this verse.
एवमुक्तास्तु वीरो वै सर्वबुद्धात्मजो विभुः । उवाच मधुरां वाणीं देवताभिः स चोदितः
evamuktāstu vīro vai sarvabuddhātmajo vibhuḥ / uvāca madhurāṃ vāṇīṃ devatābhiḥ sa coditaḥ
Sanskrit only: no published translation is held for this verse.
गच्छ त्वं शरणं भूयः वज्रपाणिजिनात्मजे । अवैवर्तिकसङ्घो वै बोधिसत्त्वाग्रजोद्भवेत्
gaccha tvaṃ śaraṇaṃ bhūyaḥ vajrapāṇijinātmaje / avaivartikasaṅgho vai bodhisattvāgrajodbhavet
Sanskrit only: no published translation is held for this verse.
तृरत्नमादौ कृत्वा वै वंशजं जिनवरात्मजम् । चित्तं च बोधो ईरध्वं मैत्रचित्ता भवोत्सुका । ततो वा सर्वतः कृत्वा जघ्नुः स्वस्थतास्पदम्
tṛratnamādau kṛtvā vai vaṃśajaṃ jinavarātmajam / cittaṃ ca bodho īradhvaṃ maitracittā bhavotsukā / tato vā sarvataḥ kṛtvā jaghnuḥ svasthatāspadam
Sanskrit only: no published translation is held for this verse.
ततस्ता देवताः सर्वे प्रणिपत्य जिनात्मजम् । आज्ञां सम्पाद्य सर्वं वै येन वज्री तदोन्मुखा
tatastā devatāḥ sarve praṇipatya jinātmajam / ājñāṃ sampādya sarvaṃ vai yena vajrī tadonmukhā
Sanskrit only: no published translation is held for this verse.
नमस्कृत्वा तु तां क्षिप्रं वज्रपाणिं महाद्युतिम् । अभिष्टुत्य ततः सर्वे स्थिताः तन्मुखोद्भवाः
namaskṛtvā tu tāṃ kṣipraṃ vajrapāṇiṃ mahādyutim / abhiṣṭutya tataḥ sarve sthitāḥ tanmukhodbhavāḥ
Sanskrit only: no published translation is held for this verse.
प्रसमीक्ष्य तदा कन्या सभ्रातृसहपञ्चमा । वज्रपाणिं च यक्षेशं निरीक्षमाणाः स्थिताः । अभूवं नित्यार्थमास्पदा देव्यः अनित्यार्थार्थभूषिताः
prasamīkṣya tadā kanyā sabhrātṛsahapañcamā / vajrapāṇiṃ ca yakṣeśaṃ nirīkṣamāṇāḥ sthitāḥ / abhūvaṃ nityārthamāspadā devyaḥ anityārthārthabhūṣitāḥ
Sanskrit only: no published translation is held for this verse.
प्रणेममधुरां वाचामात्ममन्त्रार्त्थशोभनाम् । नमस्ते सर्वबुद्धानां बोधिसत्त्वां महर्द्धिकाम्
praṇemamadhurāṃ vācāmātmamantrārtthaśobhanām / namaste sarvabuddhānāṃ bodhisattvāṃ maharddhikām
Sanskrit only: no published translation is held for this verse.
प्रत्येकार्हसङ्घं च असतांश्चैव योगिनाम् । आत्ममन्त्रार्थविस्तारं कथयामो महाद्युते
pratyekārhasaṅghaṃ ca asatāṃścaiva yoginām / ātmamantrārthavistāraṃ kathayāmo mahādyute
Sanskrit only: no published translation is held for this verse.
यथातत्त्वावबोधार्त्थं जनानां तु महीतले । सरहस्यं गुह्यमन्त्राणां त्वद्वक्षान्निसृतात्मनाम् । अनुरक्षार्थमन्त्राणां आस्पदार्थार्त्थभूषणाम्
yathātattvāvabodhārtthaṃ janānāṃ tu mahītale / sarahasyaṃ guhyamantrāṇāṃ tvadvakṣānnisṛtātmanām / anurakṣārthamantrāṇāṃ āspadārthārtthabhūṣaṇām
Sanskrit only: no published translation is held for this verse.
एवमुक्ते तु मन्त्रेशः वज्रपाणिर्महाद्युतिः । ईषिस्मितमुखो भूत्वा विलोक्य विकसन्मुखः
evamukte tu mantreśaḥ vajrapāṇirmahādyutiḥ / īṣismitamukho bhūtvā vilokya vikasanmukhaḥ
Sanskrit only: no published translation is held for this verse.
पूजायामास तां कन्यां सभ्रातृसखीजनाम् । अनुज्ञातं मया यूयं निर्विशङ्क भविष्यथ
pūjāyāmāsa tāṃ kanyāṃ sabhrātṛsakhījanām / anujñātaṃ mayā yūyaṃ nirviśaṅka bhaviṣyatha
Sanskrit only: no published translation is held for this verse.
संश्राव्य कल्पविस्तारं सरहस्यं समण्डलम् । जन्तुभिः पूजिताः नित्यं वरं वो दास्यथ सर्वदा
saṃśrāvya kalpavistāraṃ sarahasyaṃ samaṇḍalam / jantubhiḥ pūjitāḥ nityaṃ varaṃ vo dāsyatha sarvadā
Sanskrit only: no published translation is held for this verse.
ऋषिभिः पूजिता यूयं यक्षराक्षसकिन्नरैः । गरुडैर्देवगन्धर्वैः असुरैश्चापि महर्द्धिकैः
ṛṣibhiḥ pūjitā yūyaṃ yakṣarākṣasakinnaraiḥ / garuḍairdevagandharvaiḥ asuraiścāpi maharddhikaiḥ
Sanskrit only: no published translation is held for this verse.
कूष्माण्डैः मातरैश्चापि समग्रैः सोमभास्करैः । लोकपालैः धनाध्यक्षैः पतद्भिः वसवैस्तथा
kūṣmāṇḍaiḥ mātaraiścāpi samagraiḥ somabhāskaraiḥ / lokapālaiḥ dhanādhyakṣaiḥ patadbhiḥ vasavaistathā
Sanskrit only: no published translation is held for this verse.
तैरिवेयं सुराध्यक्षैः पिशाचोरगमानुषैः । भूताध्यक्षैः निशाध्यक्षैः पिशिताशनव्यन्तरैः । राक्षसाधिपमुख्यैश्च रौद्रचित्तैर्विहेठकैः
tairiveyaṃ surādhyakṣaiḥ piśācoragamānuṣaiḥ / bhūtādhyakṣaiḥ niśādhyakṣaiḥ piśitāśanavyantaraiḥ / rākṣasādhipamukhyaiśca raudracittairviheṭhakaiḥ
Sanskrit only: no published translation is held for this verse.
दैत्यदानवसङ्घैश्च यमैः प्रेतमहर्द्धिकैः । मानुषामानुषैश्चापि ब्रह्मविष्णूमहेश्वरैः
daityadānavasaṅghaiśca yamaiḥ pretamaharddhikaiḥ / mānuṣāmānuṣaiścāpi brahmaviṣṇūmaheśvaraiḥ
Sanskrit only: no published translation is held for this verse.
सुरमुख्यैर्महाज्येष्ठैः सिद्धचारणपूतनैः । योगिभिर्जिनपुत्रैश्च पूजिता वो भविष्यथ
suramukhyairmahājyeṣṭhaiḥ siddhacāraṇapūtanaiḥ / yogibhirjinaputraiśca pūjitā vo bhaviṣyatha
Sanskrit only: no published translation is held for this verse.
+ + + + न सन्देहो प्रभावा वरक्रमा । जयाया मन्त्रमित्याहुः कल्पविस्तारविस्तरा
+ + + + na sandeho prabhāvā varakramā / jayāyā mantramityāhuḥ kalpavistāravistarā
Sanskrit only: no published translation is held for this verse.
नव कोट्यस्तु मन्त्राणां तन्त्रकल्पसविस्तरा । विजया चैव मन्त्राणां षष्टिर्लब्धा प्रकीर्तिता
nava koṭyastu mantrāṇāṃ tantrakalpasavistarā / vijayā caiva mantrāṇāṃ ṣaṣṭirlabdhā prakīrtitā
Sanskrit only: no published translation is held for this verse.
अजिताया तु भवेन्मात्र लक्षषोडशकोद्भवा । अपराजिताया तु कन्याया चतुःकोट्यः उदाहृताः
ajitāyā tu bhavenmātra lakṣaṣoḍaśakodbhavā / aparājitāyā tu kanyāyā catuḥkoṭyaḥ udāhṛtāḥ
Sanskrit only: no published translation is held for this verse.
तुम्बुरेः सार्थवाहस्य नवकोट्यो ऽथ गायतः । तत्प्रमाणा भवेत् कल्पा नृसुरासुरपूजिताः
tumbureḥ sārthavāhasya navakoṭyo 'tha gāyataḥ / tatpramāṇā bhavet kalpā nṛsurāsurapūjitāḥ
Sanskrit only: no published translation is held for this verse.
सर्वं शैवमिति ख्यातं सर्वैर्भूतलवासिभिः । मयैव निगदितं पूर्वं कल्पे मस्मिं सविस्तरे
sarvaṃ śaivamiti khyātaṃ sarvairbhūtalavāsibhiḥ / mayaiva nigaditaṃ pūrvaṃ kalpe masmiṃ savistare
Sanskrit only: no published translation is held for this verse.
पश्चादन्यो जनः प्राहुः कल्पमन्त्रां पृथक् पृथक् । तुम्बुरुः सार्थवाहस्य त्र्यम्बकस्य तु धीमतेः
paścādanyo janaḥ prāhuḥ kalpamantrāṃ pṛthak pṛthak / tumburuḥ sārthavāhasya tryambakasya tu dhīmateḥ
Sanskrit only: no published translation is held for this verse.
अनन्ता कल्पविस्तारा शर्वस्यास्य कपर्दिने । यत्प्रभावार्त्थं मन्त्राणां सिद्धिं यास्यन्ति भूतले
anantā kalpavistārā śarvasyāsya kapardine / yatprabhāvārtthaṃ mantrāṇāṃ siddhiṃ yāsyanti bhūtale
Sanskrit only: no published translation is held for this verse.
अनुज्ञाताथ वै यूयं कलराजे ऽथ वै सदा । भाषध्वं मन्त्रतन्त्राणां सरहस्यं सविस्तरम् । सगुह्यं गुह्यतमं चापि सर्वसत्त्वसुखोदयम्
anujñātātha vai yūyaṃ kalarāje 'tha vai sadā / bhāṣadhvaṃ mantratantrāṇāṃ sarahasyaṃ savistaram / saguhyaṃ guhyatamaṃ cāpi sarvasattvasukhodayam
Sanskrit only: no published translation is held for this verse.
इत्युक्त्वा वज्रधृक् श्रीमां वज्रमाशृत्य लीलया । तूष्णीम्भूत तदा तस्थौ रत्नपङ्कजमुच्छृते
ityuktvā vajradhṛk śrīmāṃ vajramāśṛtya līlayā / tūṣṇīmbhūta tadā tasthau ratnapaṅkajamucchṛte
Sanskrit only: no published translation is held for this verse.
अथ ताः कन्यकाः क्षिप्रं सभ्रातृमथपञ्चमाः । प्रणिपत्य मन्त्रनाथं वै यक्षेशं जिनवरात्मजम्
atha tāḥ kanyakāḥ kṣipraṃ sabhrātṛmathapañcamāḥ / praṇipatya mantranāthaṃ vai yakṣeśaṃ jinavarātmajam
Sanskrit only: no published translation is held for this verse.
वज्रपाणिं महावीरं मन्त्रनाथेश्वरं विभुम् । उवाच मधुरां वाचां एकैकामनुपूर्वतः
vajrapāṇiṃ mahāvīraṃ mantranātheśvaraṃ vibhum / uvāca madhurāṃ vācāṃ ekaikāmanupūrvataḥ
Sanskrit only: no published translation is held for this verse.
मण्डलं तु समासेन वक्ष्ये ऽहं भुजयोदयम् । ज्येष्ठमण्डलमित्याहुः जया ज्येष्ठमगायत
maṇḍalaṃ tu samāsena vakṣye 'haṃ bhujayodayam / jyeṣṭhamaṇḍalamityāhuḥ jayā jyeṣṭhamagāyata
Sanskrit only: no published translation is held for this verse.
विजने रहसि सम्पाते विगते चैव महाजने । प्रच्छन्ने ऽग्रप्रसम्बाधे सरित्तीरे शिलोच्चये
vijane rahasi sampāte vigate caiva mahājane / pracchanne 'graprasambādhe sarittīre śiloccaye
Sanskrit only: no published translation is held for this verse.
विविक्ते कानने रम्ये बुद्धाध्युषितमन्दिरे । शून्ये देवकुले चापि शून्ये वेश्ममु शोधिते
vivikte kānane ramye buddhādhyuṣitamandire / śūnye devakule cāpi śūnye veśmamu śodhite
Sanskrit only: no published translation is held for this verse.
एकवृक्षे शुभे रम्ये महोदधिसमाश्रये । एकलिङ्गे श्मशाने च विगते धूमपांसुभिः । वज्रासनमहापुण्ये धर्मचक्रे सुशोभने
ekavṛkṣe śubhe ramye mahodadhisamāśraye / ekaliṅge śmaśāne ca vigate dhūmapāṃsubhiḥ / vajrāsanamahāpuṇye dharmacakre suśobhane
Sanskrit only: no published translation is held for this verse.
यत्र शान्तिं गतो बुद्धः यत्र जातो महामुनिः । एते स्थाना भवेन्मुख्या मण्डलालिखने शुभा । गङ्गातीरे ऽथ सर्वत्र सद्वीपपुलिनाश्रये
yatra śāntiṃ gato buddhaḥ yatra jāto mahāmuniḥ / ete sthānā bhavenmukhyā maṇḍalālikhane śubhā / gaṅgātīre 'tha sarvatra sadvīpapulināśraye
Sanskrit only: no published translation is held for this verse.
सरिद्वराश्च मुख्या ये कीर्त्तिता लोकविश्रुता । तेषु तीरेषु सर्वत्र नित्यं मण्डलमालिखेत्
saridvarāśca mukhyā ye kīrttitā lokaviśrutā / teṣu tīreṣu sarvatra nityaṃ maṇḍalamālikhet
Sanskrit only: no published translation is held for this verse.
समन्तात् सर्वतोयान्ता महोदधिसमप्लवा । हिमवन्तविन्ध्या तोयान्ता प्रस्थिता निम्नगाम्बुधेः । सरिद्वरिष्ठेषु तीरेषु युक्तो मण्डलमालिखेत्
samantāt sarvatoyāntā mahodadhisamaplavā / himavantavindhyā toyāntā prasthitā nimnagāmbudheḥ / saridvariṣṭheṣu tīreṣu yukto maṇḍalamālikhet
Sanskrit only: no published translation is held for this verse.
अन्ये वा रहसि भूभागे उडये वा सुशोभिते । देवायतनरम्येषु स्तूपे चापि महोच्छ्रिते । धातुगर्भे तथा चैत्ये वापीकूपासु वीथिकैः
anye vā rahasi bhūbhāge uḍaye vā suśobhite / devāyatanaramyeṣu stūpe cāpi mahocchrite / dhātugarbhe tathā caitye vāpīkūpāsu vīthikaiḥ
Sanskrit only: no published translation is held for this verse.
तेषु तीरेषु सर्वत्र मध्ये चापि सुशोभितै । गोष्ठे पद्मसरत्सर्वां क्वचित् तोयाश्रयोद्भवैः । अन्यैर्वा स्थानाग्रैर्नित्यं विहारारामभूपितैः
teṣu tīreṣu sarvatra madhye cāpi suśobhitai / goṣṭhe padmasaratsarvāṃ kvacit toyāśrayodbhavaiḥ / anyairvā sthānāgrairnityaṃ vihārārāmabhūpitaiḥ
Sanskrit only: no published translation is held for this verse.
यथिष्टमनसो तुष्टिः मुनिजुष्टे महीतले । पर्वताग्रैर्ग्रहैश्चापि कन्दरैः सानुचिह्नितः
yathiṣṭamanaso tuṣṭiḥ munijuṣṭe mahītale / parvatāgrairgrahaiścāpi kandaraiḥ sānucihnitaḥ
Sanskrit only: no published translation is held for this verse.
शान्तैरावसथैर्दिव्यैः ग्रहैश्चापि विजन्तुभिः । ध्यानानुकूलैः प्रशस्तैश्च ऋषिमुख्यैर्निषेवितैः
śāntairāvasathairdivyaiḥ grahaiścāpi vijantubhiḥ / dhyānānukūlaiḥ praśastaiśca ṛṣimukhyairniṣevitaiḥ
Sanskrit only: no published translation is held for this verse.
यत्र वा मनसो तुष्टिः तत्र मण्डलमालिखेत् । एषु स्थानेषु वै नित्यं यथोदिष्टैः सुपूजितैः
yatra vā manaso tuṣṭiḥ tatra maṇḍalamālikhet / eṣu sthāneṣu vai nityaṃ yathodiṣṭaiḥ supūjitaiḥ
Sanskrit only: no published translation is held for this verse.
निपेतुर्देवताः क्षिप्रं सान्निध्यं चापि कल्पयेत् । तत्र स्थाने तदा नित्यं जपहोमक्रमो विधिः
nipeturdevatāḥ kṣipraṃ sānnidhyaṃ cāpi kalpayet / tatra sthāne tadā nityaṃ japahomakramo vidhiḥ
Sanskrit only: no published translation is held for this verse.
ये साध्या मन्त्रमुख्याश्च उत्तमाधममध्यमाः । सिद्ध्यन्ति मन्त्राः सर्वे वै सिद्धक्षेत्रेष्विहोदिते
ye sādhyā mantramukhyāśca uttamādhamamadhyamāḥ / siddhyanti mantrāḥ sarve vai siddhakṣetreṣvihodite
Sanskrit only: no published translation is held for this verse.
सिद्ध्यन्ति सर्वमन्त्रा सर्वे वै ज्येष्ठमध्यमकन्यसा । विविधा हि भवे सिद्धिः त्रिविधैव क्रियाविधिः
siddhyanti sarvamantrā sarve vai jyeṣṭhamadhyamakanyasā / vividhā hi bhave siddhiḥ trividhaiva kriyāvidhiḥ
Sanskrit only: no published translation is held for this verse.
त्रिप्रकारस्तु मन्त्राणां त्रिधा कालप्रभेदतः । त्रिसन्ध्यं सर्वमन्त्राणां त्रिधा कर्मफलोन्मुखाः
triprakārastu mantrāṇāṃ tridhā kālaprabhedataḥ / trisandhyaṃ sarvamantrāṇāṃ tridhā karmaphalonmukhāḥ
Sanskrit only: no published translation is held for this verse.
शान्तिकं कर्म निर्दिष्टं जयाख्ये मण्डले शुभे । विजयाख्ये तु पौष्ट्यर्थं अजिताख्ये चाभिचारुकम्
śāntikaṃ karma nirdiṣṭaṃ jayākhye maṇḍale śubhe / vijayākhye tu pauṣṭyarthaṃ ajitākhye cābhicārukam
Sanskrit only: no published translation is held for this verse.
अपराजिताख्ये तथा नित्यं निर्दिष्टं क्षुद्रकर्मसु । सर्वकर्मसु मन्त्रज्ञः तुम्बुराख्यं समालिखेत्
aparājitākhye tathā nityaṃ nirdiṣṭaṃ kṣudrakarmasu / sarvakarmasu mantrajñaḥ tumburākhyaṃ samālikhet
Sanskrit only: no published translation is held for this verse.
पञ्चैव मण्डला ज्ञेया अम्भोधे तु निवासिनाम् । समन्ताच्चतुरस्रं वै उक्तिमात्रं खनेद् भुवि
pañcaiva maṇḍalā jñeyā ambhodhe tu nivāsinām / samantāccaturasraṃ vai uktimātraṃ khaned bhuvi
Sanskrit only: no published translation is held for this verse.
चतुर्हस्ताष्टहस्तं वा संशोध्य पाणिना पुनः । कठण्णः शर्कराङ्गारः तुषकेशमवस्कराम्
caturhastāṣṭahastaṃ vā saṃśodhya pāṇinā punaḥ / kaṭhaṇṇaḥ śarkarāṅgāraḥ tuṣakeśamavaskarām
Sanskrit only: no published translation is held for this verse.
कपालास्थिशकृदुष्टां संशोध्य पाणिना ततः । स्वयं चापि परैस्तत्र सर्वावस्करतां जपेत्
kapālāsthiśakṛduṣṭāṃ saṃśodhya pāṇinā tataḥ / svayaṃ cāpi paraistatra sarvāvaskaratāṃ japet
Sanskrit only: no published translation is held for this verse.
कृमिजन्तुसमाकीर्णाः संशोध्यः यत्नतो व्रती । आपूर्यारन्यमृत्तिकैः शुचिभिश्च सुगन्धिभिः
kṛmijantusamākīrṇāḥ saṃśodhyaḥ yatnato vratī / āpūryāranyamṛttikaiḥ śucibhiśca sugandhibhiḥ
Sanskrit only: no published translation is held for this verse.
नदीकूलोद्भवैर्मेध्यैस्तथा वल्मीकाग्रसम्भवैः । गोष्ठभूतलयोर्मध्ये तदन्यैर्वा पार्थिवोद्भवैः
nadīkūlodbhavairmedhyaistathā valmīkāgrasambhavaiḥ / goṣṭhabhūtalayormadhye tadanyairvā pārthivodbhavaiḥ
Sanskrit only: no published translation is held for this verse.
सिकताभिः समन्ताद् वै सञ्छाद्य प्रसन्नधीः । अथवा गोमयमिश्रैर्वा मृत्तिकाभिः समन्ततः
sikatābhiḥ samantād vai sañchādya prasannadhīḥ / athavā gomayamiśrairvā mṛttikābhiḥ samantataḥ
Sanskrit only: no published translation is held for this verse.
समन्तमालेपयेत् क्षिप्रं पञ्चगव्यसमासृतैः । कुङ्कुमाक्तैस्तथा स्निग्धैः विविधैः गन्धमिश्रितैः
samantamālepayet kṣipraṃ pañcagavyasamāsṛtaiḥ / kuṅkumāktaistathā snigdhaiḥ vividhaiḥ gandhamiśritaiḥ
Sanskrit only: no published translation is held for this verse.
मृत्तिकाभिः समन्ताद् वै मण्डलं तु समन्ततः । आलेप्य भुवि यत्ना वै मन्त्रविन्मन्त्रतन्त्रवित्
mṛttikābhiḥ samantād vai maṇḍalaṃ tu samantataḥ / ālepya bhuvi yatnā vai mantravinmantratantravit
Sanskrit only: no published translation is held for this verse.
पञ्चाङ्गिकचूर्णैस्तु विविधैः धूपवासितैः । आलिखेन्मण्डलं दिव्यं समन्ता चतुर्हस्तकम्
pañcāṅgikacūrṇaistu vividhaiḥ dhūpavāsitaiḥ / ālikhenmaṇḍalaṃ divyaṃ samantā caturhastakam
Sanskrit only: no published translation is held for this verse.
अष्टहस्तप्रमाणं वा ज्येष्ठं मण्डलमुच्यते । चतुर्हस्तो ऽथ कनिष्ठं मध्यमं परिकीर्त्यते
aṣṭahastapramāṇaṃ vā jyeṣṭhaṃ maṇḍalamucyate / caturhasto 'tha kaniṣṭhaṃ madhyamaṃ parikīrtyate
Sanskrit only: no published translation is held for this verse.
पञ्चहस्तो ऽथ विख्यातः षट् हस्तो ऽथ मुक्तवाम् । सर्वेषां तु देवीनां सभ्रातृसहितात्मनाम् । मण्डलप्रमाणमित्युक्तः समन्ता च्चतुरश्रितम्
pañcahasto 'tha vikhyātaḥ ṣaṭ hasto 'tha muktavām / sarveṣāṃ tu devīnāṃ sabhrātṛsahitātmanām / maṇḍalapramāṇamityuktaḥ samantā ccaturaśritam
Sanskrit only: no published translation is held for this verse.
चतुर्द्वारं चतुःकोणं चतुस्तोरणभूषितम् । आलिखेन्मण्डलं दिव्यं प्रशस्तं चारुरूपिणम्
caturdvāraṃ catuḥkoṇaṃ catustoraṇabhūṣitam / ālikhenmaṇḍalaṃ divyaṃ praśastaṃ cārurūpiṇam
Sanskrit only: no published translation is held for this verse.
मध्ये कुमारमालिख्य बालरूपसुभूषणम् । कुङ्कुमाकारवर्णाभं वाममध्ये ऽथ संस्थितम् । नीलोत्पलं समन्ताद्यकरलग्नोपशोभितम्
madhye kumāramālikhya bālarūpasubhūṣaṇam / kuṅkumākāravarṇābhaṃ vāmamadhye 'tha saṃsthitam / nīlotpalaṃ samantādyakaralagnopaśobhitam
Sanskrit only: no published translation is held for this verse.
दक्षिणे करविन्यस्तं श्रीमालं फलमायतम् । किञ्चिद्वरदं देवं मञ्जुघोषं महाप्रभुम्
dakṣiṇe karavinyastaṃ śrīmālaṃ phalamāyatam / kiñcidvaradaṃ devaṃ mañjughoṣaṃ mahāprabhum
Sanskrit only: no published translation is held for this verse.
किंचिदुन्मीलिताक्षं तु ईषित्प्रेक्षणदेवताम् । दक्षिणेन समन्ताद् वै महोदधि समालिखेत्
kiṃcidunmīlitākṣaṃ tu īṣitprekṣaṇadevatām / dakṣiṇena samantād vai mahodadhi samālikhet
Sanskrit only: no published translation is held for this verse.
तत्रस्था नावारूढं देव्यां भ्रातृपञ्चमाम् । आलिखेन्मन्त्रविद्यानां सुवेषां चारुरूपिणाम्
tatrasthā nāvārūḍhaṃ devyāṃ bhrātṛpañcamām / ālikhenmantravidyānāṃ suveṣāṃ cārurūpiṇām
Sanskrit only: no published translation is held for this verse.
विचित्राभरणविन्यस्तां विचित्रप्रहरणोद्यताम् । कुमार्याकारचेष्टानां सभ्रातृकुमारविक्रमाम्
vicitrābharaṇavinyastāṃ vicitrapraharaṇodyatām / kumāryākāraceṣṭānāṃ sabhrātṛkumāravikramām
Sanskrit only: no published translation is held for this verse.
नौयानसमारूढां सभ्रातृसहपञ्चमाम् । कर्णधारसमोपेतां तुम्बुरुः सार्थवाहिकाम्
nauyānasamārūḍhāṃ sabhrātṛsahapañcamām / karṇadhārasamopetāṃ tumburuḥ sārthavāhikām
Sanskrit only: no published translation is held for this verse.
महोदधि समन्ताद् वै मण्डलाभ्यन्तरं स्थितम् । ऋषाद्यै प्राणिभिर्युक्तं स्फोटकं वारिपूजितम्
mahodadhi samantād vai maṇḍalābhyantaraṃ sthitam / ṛṣādyai prāṇibhiryuktaṃ sphoṭakaṃ vāripūjitam
Sanskrit only: no published translation is held for this verse.
आलिखेन्मण्डलं धीमां गुप्ते रहसि सर्वतः । यथा हि विधिनिर्दिष्टं तत्त्वं चापि कीर्त्तितम्
ālikhenmaṇḍalaṃ dhīmāṃ gupte rahasi sarvataḥ / yathā hi vidhinirdiṣṭaṃ tattvaṃ cāpi kīrttitam
Sanskrit only: no published translation is held for this verse.
तत् सर्वं कारयेत् क्षिप्रं लौकिकेष्वेव योजयेत् । यावन्ति शैवतन्त्रे ऽस्मिं ये तन्त्रे चापि गारुडे
tat sarvaṃ kārayet kṣipraṃ laukikeṣveva yojayet / yāvanti śaivatantre 'smiṃ ye tantre cāpi gāruḍe
Sanskrit only: no published translation is held for this verse.
ब्रह्माद्यैरृषिमुख्यैश्च भृग्वाङ्गिरसकाश्यपैः । मार्कण्डमुनिवरैश्चापि पुलस्त्यागस्तिसम्भवैः
brahmādyairṛṣimukhyaiśca bhṛgvāṅgirasakāśyapaiḥ / mārkaṇḍamunivaraiścāpi pulastyāgastisambhavaiḥ
Sanskrit only: no published translation is held for this verse.
वासवैः शक्रदेवैश्च रुद्रेन्द्रसभास्करैः । विविधैः सत्त्वमुख्यैश्च यमाद्यैः प्रेतमहर्द्धिकैः
vāsavaiḥ śakradevaiśca rudrendrasabhāskaraiḥ / vividhaiḥ sattvamukhyaiśca yamādyaiḥ pretamaharddhikaiḥ
Sanskrit only: no published translation is held for this verse.
ग्रहमातरकूष्माण्डैः यक्षराक्षसपूजितैः । मानुषामानुषे लोके चित्तनाथैर्महर्द्धिकैः
grahamātarakūṣmāṇḍaiḥ yakṣarākṣasapūjitaiḥ / mānuṣāmānuṣe loke cittanāthairmaharddhikaiḥ
Sanskrit only: no published translation is held for this verse.
पूजिता कल्पविस्तारा विष्णुरुद्रसवासवैः । कथिता कल्पमहात्म्यं निखिलाश्चैव भूतले
pūjitā kalpavistārā viṣṇurudrasavāsavaiḥ / kathitā kalpamahātmyaṃ nikhilāścaiva bhūtale
Sanskrit only: no published translation is held for this verse.
तस्मिं मण्डले योज्या सिद्ध्यन्तीह न संशयः । विविधा योनिमुख्यैस्तु विविधाकारचेष्टितैः
tasmiṃ maṇḍale yojyā siddhyantīha na saṃśayaḥ / vividhā yonimukhyaistu vividhākāraceṣṭitaiḥ
Sanskrit only: no published translation is held for this verse.
कथिता कथयिष्यन्ति देवीनां कल्पविस्तराम् । तस्मिं समये नियोक्तव्या जयाख्ये मण्डले भुविरिति
kathitā kathayiṣyanti devīnāṃ kalpavistarām / tasmiṃ samaye niyoktavyā jayākhye maṇḍale bhuviriti
Sanskrit only: no published translation is held for this verse.